Ҳукуматга таклиф ёзилган пост ёки давлат ишлари ҳақида чиққан мақолалар остидаги комментларга эътибор беринг. 99% негатив. Ҳеч ким ҳокимиятга ё яхши келажакка ишонмайди. Қарийб ҳамма аламзада.

Биз давлатимиз ва ҳукуматимизга дўстмиз, душман эмасмиз. Бу даражада салбий фикрларнинг кўпайиши яхшилик аломати эмас. Бу ҳодиса ё жараёнга бефарқ бўлмасликни масъуллардан сўрар эдим. Вазиятни куч билан ушлаб туриш зулм ёки унга бепарво бўлиш хатар ва охири аянчли.

Фикр, виждон ва иймон аҳлининг чақириқ ва огоҳлантиришига қулоқ тутинг. Уларнинг овозини бўғиш ўрнига, маслаҳатини олинг ва жонкуярлигини қадрланг! Сизга дўст айнан улардир! Виждонсиз, ахлоқсиз, динсиз ва фикрсиз каслар эмас.

@MubashshirAhmad

Ғазо фожеаси даврида яшаганим учун ўзимдан нафратланиб кетаман. Ўзимни ҳеч нарса билан оқлай олмайман.

Еган овқатим, олган нафасим ва кўрган роҳатим мен учун ҳаромга айланёзади.

Қутқарувчи қўлидаги боши мажақланган ва танаси жонсизликдан осилиб қолган мурғак қизчанинг жасадини кўрганда, сиз ҳам шундай ҳолга тушяпсиз, биламан диндошим. Лекин чора қаерда? Бунга нима деб жавоб берамиз?

Постга расм қўймадим. Фейсбук блоклаб қўяди мени. Ҳатто бунда ҳам чорасизман.

@MubashshirAhmad

"Давлатимга, ватанимга, халқимга қора чапланмасин!"

@MubashshirAhmad

АЗОН ЛОЙИҲАЛАРИ БИЛАН БОҒЛИҚ ҲОЛАТ ЮЗАСИДАН БАЁНОТ

Ассалому алайкум, ҳурматли юртдошлар, азиз дўстлар! Бугун биз – “Азон Глобал” жамоаси муҳим бир баёнот билан сизга мурожаат қилмоқдамиз. Хабарингиз бор, “Азон” лойиҳалари асосчиси, таниқли уламо Устоз Мубашшир Аҳмад ҳозирда суд ҳукми билан ҳибсда сақланмоқдалар. Бу ишни бошидан бери кузатиб турганингиз учун тафсилотларга тўхталмоқчи эмасмиз.

Батафсил: https://azon.global/4676

©️Azon Global