Ашраф Алий Таҳонавий раҳимаҳуллоҳ айтдилар: “Дунё одамлари олим ва талабаларни залил (хор, пасткаш) деб санашларидан кўра уларни мутакаббир деб ҳисоблаганлари яхшироқдир. Яъни, уламолар бошқалар олдида тамаъгирлик қилиб, “патҳалим ва хушомадгўй” деган бадномликни олганларидан кўра, одамлар олдида эгилмай, уларга ялинмай “такаббур” деган бадномликни олишлари афзалдир. Аллоҳга қасамки, йиртиқ пойафзал ва ямоқли кийим кийиш хорлик эмас. Бировнинг олдида қўл чўзиб, ўз эҳтиёжини изҳор қилиш ҳақиқий хорликдир”.

(“Мажолиси Ҳакиймул умма” , 191-бет)
(с) Ёрқинжон қори Обиджон ўғли

@MubashshirAhmad

Ислом бир бутундир, бўлакланмас!

Яъни, рўза тутиб, намоз тарк қилинмайди. Закот бериб, рибохўр бўлинмайди. Намоз ўқиб, очиқ-сочиқ юрилмайди. Хайрия қилиб, ўғри бўлинмайди. Ҳажга бориб, пора берилмайди.

Қисқаси, исломга тўлалигича кирилади. Зеро у бир бутун, бўлакланмас!

@MubashshirAhmad

Аллоҳ кўзни номаҳрамдан тийишга буюрди. Бу амрни мўмин ва мўминаларга баробар йўллади.

Кейинчалик қарашни батамом тақиқлаганлар келишди.
Энди аёл кўриши ё кўриниши жоиз эмас. Буни амалга ошириш учун уни уйга абадий ҳибс қилишди.

Мана шу ғулувдан аёлнинг инсонийлиги ўлдирилди. Унинг диний ва дунёвий ҳуқуқлари топталди.

Сўнг бу хатони Оврупа ва Америка одатларини бизга кўчириш билан муолажа қилмоқчи бўлишди. Яъни, дардни худди шундай дард билан алиштиришди.

Бир пайтлар Абу Абдуллоҳ Бухорийдек қадри баланд муҳаддис саҳиҳ Суннатларга боқди, мулоҳаза қилди. Сўнг ҳеч қандай истиҳола ва қўрқувсиз бугун айрим одамлар инкор қиладиган аҳкомларни ишлаб чиқди.

Масалан "Касаллар китоби"да муҳаддислар имоми "Аёлларнинг хаста эркаклар ҳолидан хабар олиш боби. Умму Дардо ансорлардан масжид аҳли бўлган бир эркак ҳолидан хабар олди" дея бобни номлади.

Агар диндорлик бузилиб кетган баъзи жойларда аёллар шундай нарсаларни талаб қилиб чиқишса, уриб ўлдирилган бўларди. Чунки улар Бухорийни табаррук учун ўқишади, фиқҳ учун эмас.

Биз бу зикр қилганларимиз билан бирга, аёлнинг фаолияти оиласи ҳисобига бўлиши жоиз эмаслигини таъкидлаймиз.

Албатта эр ва фарзанд ҳаққи бошқа ҳуқуқлардан олдин туради. Француз ва бошқа ўринда инглиз вазираларининг аёлнинг уйдаги вазифаси илк рисоласи эканини, айтганларини ўқигандим.

Бу яхши фикр. Чунки "уй бекаси" мансаби жуда улкан мансаб. У менинг назаримда жуда баланд лаёқатни талаб қилади.

Ҳаётни ислом таълимотлари асосига қуриш илм ва тажрибадан жуда катта насибадорликни талаб қилади.

Шундай экан, турли вазият ва мақсадлар ўртасида ҳамжиҳатликни юзага келтиришчи?!
Бу энди гўзал тафаккур ва нозик тартиботни талаб этади.

Шайх Муҳаммад Ғаззолий, "Ислом ҳақида юз савол" китобидан

@MubashshirAhmad

Абдулқодир Ҳусанов футбол майдонига тушмаса ҳам пул ишлаб ётибди. Сиз баҳс майдонига тушиб, уни муҳокама қилсангиз, биров сизга бир тийин бермайди.

Агар Охиратингизга фойдали иш билан машғул бўлгингиз кнлмаса, лоақал дунёнгиз учун манфаатли иш қилинг!

@MubashshirAhmad

Умр қиссаси

У ҳамма каби эди.
Ўғил, сўнг эр, кейин ота, бобо ва охирида ҳеч нарса..

@MubashshirAhmad

Булар блок тузишибди. Мақсади "Президент олиб бораётган ислоҳотларни қўллаб-қувватлаш" экан. Блокка кирмаганлар шунда бу мақсадга қарши бўладими?

Биз болалигимизда "хола-хола" ўйнар эдик. Фотога қараб негадир шу эсимга тушиб кетди.

@MubashshirAhmad

#Латифа

Хотинига айтяпти:
- "Тез тиббий ёрдам" чақир, мазам бўлмаяпти, ўлиб қоламан.
- Телефонингизнинг паролини беринг, очолмаяпман.
- Бўлди, керакмас. "Ҳар бир жон ўлим (шароби)ни тотгувчидир"..

Жосим Мутаввиъ

@MubashshirAhmad

ХХI асрдаги инсоният фожиаси – уйғур қатлиоми

Томоша қилинг https://youtu.be/lDz1dvC51Qg

©️Azon Global

Дардингизни одамларга дастурхон қилманг. Уларнинг ярмига бунинг қизиғи бўлмаса, қолган ярмини дардманлигингиз мамнун этади.

Айман Ёғий

@MubashshirAhmad

Фақиҳ, имом Ибн Асокир таълим беришларини сўрашгани учун Хуросонга боришга қасд қилдилар. Аммо оз ўтмай сафар ҳақидаги фикрларидан қайтдилар ва Хуросон аҳлига шундай ёздилар:
- Онам сафарга рухсат бермадилар.

@MubashshirAhmad

Фиқҳий жузъийётларга умматимиздек кўп вақт кетказган миллатни билмайман. Масалан таҳоратни олайлик.

Уни ўрганишга икка дақиқа вақт етади. Ваҳоланки у тўғрида юзларча саҳифалар, китоблар, балки-да жилдлар қораланган ва мазҳаблар ихтилофи баён қилинган.

Бу жуда ажиб ҳолат. Ҳатто мен бу илмни "Таҳоратни (жарроҳлик йўли билан) ёриб кўриш илми" деб атайман.

Шубҳа йўқки, кичик жузъий масалаларнинг бунчалик катта майдонни эгаллаши асл ва катта масалалар ҳисобига бўлади.

Шайх Муҳаммад Ғаззолий, "Қуръон билан қандай муомала қиламиз?" китобидан

@MubashshirAhmad

Ҳамма уйланиши ва турмушга чиқиши керак деб эътиқод қиладиган охирги авлод биз бўлсак керак — ёши 30 билан 40 ўртасида бўлганлар.

Уйланишни қилиниши зарур бўлган ишлар рўйхатига қўшмайдиганлар анча кўпайиб қолди. Қачондир бўлса бўлар бўлмаса йўқ дейди, ҳеч қандай зарурат сезмайди, босим ҳам йўқ. Бир пайтлар 25 ёшда уйланса қари куёв дейиларди ҳозир эрта уйланибди дейишмоқда.

Мусулмон халқлар ўзи билган ёки билмаган ҳолда либерал оилавий қадриятларга эргашмоқда, масалан Саудияда шуни кўриш мумкин. Аммо афсуски, аросатда қоляпмиз. Чунки Ғарбда уйланмаслик ҳеч қандай маъно англатмайди чунки беникоҳ яшаб бола кўриш ва оила қуриш мумкин. Аммо мусулмонлар ҳозирча шуни айланиб ўтолмай турибди. Секин-аста тренд ўша томонга қараб кетмоқда, секин-аста фаҳш ижтимоий мақбуллаштирилмоқда. Бундан 20-30 йил олдинга қараганда анча мақбуллашди. Бунга мисоллар кўп.

Жамият сифатида муҳокама қилишимиз керак. Аслида биз учун қадриятлар нима? Минг йиллик қадриятларга содиқ қоламизми ёки алмаштирамизми. Бўлмаса аросатда қийналиб юраверамиз.

© Faiziddin Mu'min

=======
Муаллифнинг фикрларини қўллаб-қувватлаган ҳолда камина шундай қўшимча қиламан:
Минг йиллик қадриятларга содиқ қолишимиз шарт. Бу тўғрида иккиланиш асло тўғри эмас. Аросат ҳам ёмон, алмаштириш ҳам ёмон. Бунда танлов бўлмаслиги лозим! Чунки бу илоҳий қадрият. Унга қарши бўлиш Аллоҳнинг ҳукмларига қарши бўлиш, алмаштириш ё аросат - бузуқлик ва мунофиқликдир.

Faiziddin ака масалани ўта юмшоқ қўймоқдалар. Бу тўғрида кескинлик ва шиддат тарафдориман.

@Mubashshirahmad

У жуда яхши турколог эди ва Ислом олимлари билан фиқҳ бўйича баҳслаша оладиган даражада билимдон эди. 

Унинг бу қобилиятлари унга Усмонли саройининг эшикларини очди. 

У Абдулҳамид II билан дардлашадиган даражада яқин дўстга айланди.

©️Azon Global

Аъробий тили сўконғич ва сўзи уятсиз бир одамни кўриб, деди: "Аллоҳ одамларнинг авратини оёқлари орасида қилган бўлса, сеникини жағларинг орасида қилибди. Энди уни сукут билан яшир!".

@MubashshirAhmad

Фаластинлик академик ва ёзувчи Фойиз Абу Шамола дунё уламоларига мурожаат қилиб, очликда Пайғамбар алайҳиссалом тошни қоринларга қандай ва қанча муддатга боғлаганлари ҳақида савол қўйди.

Ғазода очарчилик ва қатлиом давом этмоқда.

@MubashshirAhmad