Ҳамма уйланиши ва турмушга чиқиши керак деб эътиқод қиладиган охирги авлод биз бўлсак керак — ёши 30 билан 40 ўртасида бўлганлар.

Уйланишни қилиниши зарур бўлган ишлар рўйхатига қўшмайдиганлар анча кўпайиб қолди. Қачондир бўлса бўлар бўлмаса йўқ дейди, ҳеч қандай зарурат сезмайди, босим ҳам йўқ. Бир пайтлар 25 ёшда уйланса қари куёв дейиларди ҳозир эрта уйланибди дейишмоқда.

Мусулмон халқлар ўзи билган ёки билмаган ҳолда либерал оилавий қадриятларга эргашмоқда, масалан Саудияда шуни кўриш мумкин. Аммо афсуски, аросатда қоляпмиз. Чунки Ғарбда уйланмаслик ҳеч қандай маъно англатмайди чунки беникоҳ яшаб бола кўриш ва оила қуриш мумкин. Аммо мусулмонлар ҳозирча шуни айланиб ўтолмай турибди. Секин-аста тренд ўша томонга қараб кетмоқда, секин-аста фаҳш ижтимоий мақбуллаштирилмоқда. Бундан 20-30 йил олдинга қараганда анча мақбуллашди. Бунга мисоллар кўп.

Жамият сифатида муҳокама қилишимиз керак. Аслида биз учун қадриятлар нима? Минг йиллик қадриятларга содиқ қоламизми ёки алмаштирамизми. Бўлмаса аросатда қийналиб юраверамиз.

© Faiziddin Mu'min

=======
Муаллифнинг фикрларини қўллаб-қувватлаган ҳолда камина шундай қўшимча қиламан:
Минг йиллик қадриятларга содиқ қолишимиз шарт. Бу тўғрида иккиланиш асло тўғри эмас. Аросат ҳам ёмон, алмаштириш ҳам ёмон. Бунда танлов бўлмаслиги лозим! Чунки бу илоҳий қадрият. Унга қарши бўлиш Аллоҳнинг ҳукмларига қарши бўлиш, алмаштириш ё аросат - бузуқлик ва мунофиқликдир.

Faiziddin ака масалани ўта юмшоқ қўймоқдалар. Бу тўғрида кескинлик ва шиддат тарафдориман.

@Mubashshirahmad

У жуда яхши турколог эди ва Ислом олимлари билан фиқҳ бўйича баҳслаша оладиган даражада билимдон эди. 

Унинг бу қобилиятлари унга Усмонли саройининг эшикларини очди. 

У Абдулҳамид II билан дардлашадиган даражада яқин дўстга айланди.

©️Azon Global

Аъробий тили сўконғич ва сўзи уятсиз бир одамни кўриб, деди: "Аллоҳ одамларнинг авратини оёқлари орасида қилган бўлса, сеникини жағларинг орасида қилибди. Энди уни сукут билан яшир!".

@MubashshirAhmad

Фаластинлик академик ва ёзувчи Фойиз Абу Шамола дунё уламоларига мурожаат қилиб, очликда Пайғамбар алайҳиссалом тошни қоринларга қандай ва қанча муддатга боғлаганлари ҳақида савол қўйди.

Ғазода очарчилик ва қатлиом давом этмоқда.

@MubashshirAhmad

Таҳлил: Ҳиндистон Покистонга ҳужум қилди. Ядровий уруш бошланадими?

Кеча, 6 май куни Ҳиндистон Покистон томонидан бошқариладиган Кашмирдаги бир нечта нуқталарга ракета зарбаларини берди. Таҳлилчиларга кўра, бу воқеа ядро қуролига эга икки давлат ўртасидаги муносабатларнинг сезиларли даражада ёмонлашганини ва уларнинг тўғридан-тўғри ҳарбий ҳаракатларга киришганини кўрсатади. Ҳиндистон ва Покистоннинг асосан мусулмонлар истиқомат қилувчи Жамму ва Кашмирдан ташқари ҳам бошқа конфликт нуқталари бор: чунки асрлар давомида ҳиндлар ва покистонликлар ўртасидаги қоришганлик даражаси юқори эмас. Бу эса ўзаро зиддиятни янада оловлантирмоқда. Ўтган асрда ядровий тўқнашув АҚШ ва СССР ўртасида моделлаштирилган бўлса, ҳозирда бундай тўқнашув бўлиши мумкин бўлган давлатлар деб Ҳиндистон ва Покистон кўрилади.

Батафсил: https://azon.global/3943

©️Azon Global

Агар Аллоҳ сени мол-дунёдан қисганини, устингда бало ва мусибатларни кўпайтирганини кўрсанг, билгилки, сен Унинг ҳузурида азизсан. Унинг ҳузурида даражанг бор, сени авлиё ва асфиёлари йўлида юрғизиб қўйгандир. У сени кўриб турган.

Аллоҳ таолонинг: "Раббингнинг ҳукмига сабр қил, албатта сен кўз ўнгимиздасан. Ва қойим бўлган пайтингда Раббингни ҳамди билан поклагин", деганини эшитмаганмисан?

Имом Абу Ҳомид Ғаззолий

@MubashshirAhmad

Бировни бир нав гуноҳ билан айблаётган пайтимизда, ўзимиз бошқа бир тур гуноҳни қилаётган бўламиз. Фақат гуноҳларимизнинг жинси бошқа бўлгани учун бировники кўзимизга кўринаверади.

@MubashshirAhmad

Ёшлигимизда катталар айрим ишларни "ёмон бўлади", деб қайтаришарди. Кейин билсак, улар динимизда ҳаром ва макруҳ бўлган амаллардан қайтаришган экан. Ўзларининг амал қилишларига ўша "ёмон бўлади" етарли бўлган экан. Бугун ана шундай "ёмон бўлади"ган ишлардан бирининг ҳукмини кўриб қолдим. Қизиғи бундай оддий масалага ақли ва фикри ўткир фуқаҳоларимиз Қуръони каримдан ҳам далил олишган экан.
Мана ўша масала:

Савол: Эрни исмини айтиб мурожаат қилишнинг ҳукми нима?

Жавоб: "Дуррул мухтор"да шундай дейилади: "Аёл эрини исми билан чақирса макруҳ бўлади". Буни шарҳлаб Ибн Обидийн раҳимаҳуллоҳ ўз "Ҳошия"ларида шундай ёзадилар: "Эрга мурожаат қилишда ҳурматлашни ифодалайдиган "хўжайин" ёки шунга ўхшаш лафз ишлатиш лозим. Усмон ибн Ато ўз отасидан ривоят қилади: Саид ибн Мусаййибнинг хотинлари: "Бизлар эрларимизга, сизлар амирларингизга сўзлаганингиздек сўзлар эдик, Аллоҳ ислоҳ қилгур, офият бергурлар", дегандилар.
Умму Дардо Жаҳмийя эрлари Абу Дардо розияллоҳу анҳудан ҳадис ривоят қилсалар: "Менга саййидим (хўжам) ҳадис айтдилар", деб бошлар эдилар.
Имом Нававий "Саҳиҳи Муслим"нинг шарҳида: "Менга Умму Дардо ҳадис айтди: "Менга хўжам ҳадис айтди", деган жойини шундай изоҳлайдилар: "Яъни, "хўжам"дан мурод эрлари Абу Дардодир. Бундан аёл эрини хўжам, (ё хўжайиним) дейиши жоиз экани билинади". Бунга ўхшаш нарса Қуръонда ҳам бор. "Эшик олдида у(хотин)нинг хўжайинига дуч келишди" ("Юсуф" сураси, 25-оят). "Хўжайини" - эри дегани".

Аллоҳ олдинги аёлларни раҳмат қилсин! Умматга улардан яхши ўринбосарлар қолдирсин!

@MubashshirAhmad

Бу халқ сиёсатдан узоқ тутилгани ва доимо кун ўтказиш қорин тўйғазиш ғами билан банд этиб қўйилгани учун юртига бостириб келганларни ҳам индамай қабул қилаверадиган, ҳаттоки уларга «нажоткор» сифатида қарайдиган даражага етиб келган экан.

1873- йил Хива ишғолида рус чор аскарлари сафида қатнашган америкалик ҳарбий мухбир Январий Алеизий Маггахен шундай ёзади:
«Амударё кечувидан ўтиб хориб чарчаган эдик.

Агар қатиқ қаршилик бўлса бу аҳволда нима қиламиз экан деган ташвиш ҳам бор эди. Аммо биз Хозараспдан Хивагача бирор қаршиликсиз, ҳаттоки маҳаллий аҳолидан озиқ-овқат олиб қийналмай етиб бордик.

Аскарларимиз аҳолидан янги узулган олма, ўрик, шафтоли нон чой сотиб олишар эди. «Жазирама иссиқда отларимизни нима билан озуқлантирамиз» деб хавотирда эдик. Боғот ва Хозараспликлар бизга отларимиз учун жўхори ва беда ҳам сотишди»

Юртига бостириб кирган босқинчилар билан бемолол савдо қилувчи бу халқ америкалик ҳарбий мухбирни аввалига тажжублантирди. Хива ишғолидан сўнг қочиб кетган хон, Чор Россияси вассали бўлишга рози бўлиб, яна саройга қайтгач, мухбир у билан кўришди ва суҳбат қурди.

Ва шу суҳбат жараёнида тушундики бу халқ сиёсатдан узоқ тутилгани ва доимо кун ўтказиш қорин тўйғазиш ғами билан банд этиб қўйилгани учун юртига бостириб келганларни ҳам индамай қабул қилаверадиган, хаттоки уларга «нажоткор» сифатида қарайдиган даражага етиб келган экан.

Ўз Халқига паст назар билан қаровчи ҳукумдорларни, аҳолисини аксарият қисмини ишсиз ва камбағал ҳолатида ўзлари кайфу сафо билан банд амалдорларни мабодо четдан душман бостириб кирса, шу халқдан ёрдам кутишга қанчалик ҳаққи бор экан?

3 та хонлик ишғол этилгач, уни бошқарган бирорта хон ёки сарой амалдорлари мардларча юртда қолиб уни ҳимояси учун туриб бермаган. Ҳаммаси четга қочган ўз жонини ўйлаб. Шу тарихий воқеалар бизга ўрнак бўлиши лозим.

Қўқоннинг сўнгги хони Худоёрхон -- 1882-йил Афғонистонда йўлда вафот этади.

Хиванинг сўнги хони Саид Абдуллахон -- Украинда 1930-йили, 63 ёшида отбақарлик қилиб, очарчиликдан вафот этади ва кончилар қабристонига дафн этилган. Қабри ҳозиргача топилмаган.

Бухоронинг сўнги амири Саид Муҳаммад Олимхон — Мамлакатдан қочиб кетганидан кейин қоракўл тери сотиб тирикчилик қилган. Умрини сўнгги кунлари кўзи бутунлай кўрмай қолган.
1944-йилда, 64 ёшида вафот этган. У Афғонистонга дафн этилган.
Қабр тошига шу мисралар ёзилган экан:
"Беватан амир хору фақирдир,
Гадо гар ўз Ватанида бўлса Амирдир..

© Mirjalol Saidov

@MubashshirAhmad

Туркистон легиони, Гитлер ва Сталин уруши. 2-жаҳон уруши ҳақиқатлари

«Аср шоҳиди» кўрсатуви, 63-қисм

Томоша қилинг 👉 https://youtu.be/2oxJZS-_5yc

©️Azon Global

Ғалаба куни дипломатияси: Марказий Осиёнинг мувозанат сиёсати ва Путиннинг нураган шуҳрати

Томоша қилинг 👉 https://youtu.be/cGgcNKzuA7o

©️Azon Global

Агар одамлар келажаклари ва ҳаётлари ҳақида тафаккур қилганларида эди, ҳаммалари иймон келтиришган бўларди.
Агар дунёлари ва унинг фоний хурсандчиликлари, чекланган лаззатлари, ўлим, хасталиклар, ҳалокат ва оғриқларини ўйлаганларида эди, унга ғарқ бўлмасдилар, матоҳлари олдида таслим бўлмасдилар.

Агар ўлим ҳақида мулоҳаза қилганларида эди, ҳаётлари учун бунчалик ташланишмасди.
Агар охиратни ёдга олишганда эди, жаноби Роббилари томон қочишган бўларди.

Лекин.. бирор киши тўхтаб, булар ҳақида тафаккур қилмайди. Балки бирор нарсалик бўлиб қолиш учун, ҳаёт ғилдираги ортидан чопади. Аммо билмайдики, бу ортидан чопаётгани сароб ва ҳеч нарса эканлигини. Дақиқа, соат ва кунлар ўтяпти, умр ўтяпти. Охир борар жой эса тупроқ..

Тупроқ остига кетганлардан бирортаси, ҳикоя айтгани бизга қайтмайди. Қабр дарчалари кўрлик томон очилган. Бирор киши бирор нарса кўрмайди, бирор нарса билмайди. Кўрлик пардаси ҳамманинг юзига ташланган. Фақат ўша жойга ўзи борган лаҳзадагина кўради.
Ҳар биримизнинг фурсатимиз ҳаётимиз.. бундан ўзга фурсат йўқ!

Доктор Мустафо Маҳмуд
"Ўлим ортида не гаплар?" китобидан

@MubashshirAhmad