Кўп жойда Роналдунинг “ЧЛ ютган ўйинчи Олтин Тўпни олиши керак” деган гаплари айланиб юрипти. Рибери эсланди, тўғрироғи ўзини эслатди.

Бир ғалати тезис бор “robbed Ballon d’Or”, яъни “ўғирланган Олтин Тўп”. Рибери ва айримларнинг фикрича, Роналду унинг совринини ўғирлаган. Ваҳолангки, Рибери сўровномада 2-ўринда ҳам эмас, Мессидан кейинги 3-ўринда. Роналду бўлмаганда Мессига топшириларди, балки.

12/13-йилги мавсумда Рибери ЧЛда 1та гол ва 2та ассист амалга оширган, “SofaScore”да умумий ўртача балли 6.68. Финалда ҳам ёрқин кўринмаган. Тўғри футбол фақат голлардан иборат эмас, унинг импакти кўпдир, бироқ бу ўша даврда 80+ гол-ассист қайд этадиган 2та гигант олдида ҳеч нима бўлиб қолади. Рибери даражасида ажойиб мавсум, лекин уларнинг фонида Олтин Тўпга етмайди.

Тугаган мавсум учун эса Дембеле кўрсаткичлари юқори, уни тақиб қиладиган Роналду ва Месси ҳам йўқ. Клуб футболида 49та ўйинда 33+13 гол-ассист, ўртача балл 7.77.

Ямал қанчалик кучли футболчи бўлмасин, юқорида Олтин Тўп ютган (Олтин Тўпли мавсумларда) вингерлар Лигада 9та гол уришса футболдан четлатиб юборишарди (мухлислар). Ламин ҳали ёш, кейинги мавсумларда бу кўрсаткичлар аниқ ошади ва бу совринни ютишга улгуради.

Роналду айтгани бўйича Дембеле олиши керак, 10-йиллар футболи талаби бўйича эса Рафиня, Салах ёки Мбаппе олиши керак, ўтган мавсум ҳолатига қаралса Витиня лойиқ. Мухлислар эсида қоладиган мавсум охири хайлайтларида Ямал фаворит.

@mavlonbek_djumaev_official ✅