وداع زينب عليها السلام لأبيها امير المؤمنين عليه السلام

اتألّم وتيتّم. وجهك لو غاب
ياحيدر. ما اكدر. اصبر ونصاب
فكدك اذاني. جرحك خلاني اصبر ونصاب
٠٠٠٠٠٠٠٠
اجمل ابو وأعظم بشر. وظلمه الحياة بدونك
يابالحسن چنك نبي بوصافك ومضمونك
قلّه اليوافونك تره. والاكثر يبغضونك
صابوك چي ساجد جنت. ما كدروا يلاگونك

بمصابك. يم بابك. تبچي الأيتام
تشكيلك. تبچيلك. دمعه وآلام
ما عدهم ثاني. جرحك خلاني. اصبر ونصاب
٠٠٠٠٠٠٠٠٠٠٠٠٠
دخيلك يبويه يا علي. لا تمشي وتعذّبنه
جا ليش جرحك ماشفه. من هالجرح شيّبنه
يفجعنه بيك بلا ذنب. بيش الزمن يطلبنه
تنشال يابويه بنعش. وجروحك تراقبنه

شالوني. ودفنوني. ياريت وياك
مهضومه. ومالومه. زينب بجفاك
هاجت احزاني. جرحك خلاني. اصبر ونصاب
٠٠٠٠٠٠٠٠٠٠٠٠٠٠٠٠
آنه العقيله ام الخدر. زينب يبويه الغالي
عايفني للهم والحزن. وحال التيتّم حالي
ما ريد عيد بلا علي وثوب الحزن يحلالي
يابويه بعدك چم جرح. طول العمر يبرالي

مفجوعه. بچم لوعه. تجرح بالروح
للفاگد. ضي والد. شيفيد النوح
راح اليرعاني. جرحك خلاني. اصبر ونصاب
٠٠٠٠٠٠٠٠٠٠٠٠٠٠٠٠
للمكبره رايح علي. رايح بعد ما يرجع
هالمرّه يدخل للگبر. حيدر علي ومايطلع
ياروحي موتي بغيبته. لطم الوجه ما ينفع
تحت الترب دفنَو علي. يسمعني لوما يسمع

اتحسّر. وتذكّر. كعداته وياي
من بعده. شلون اهده. وجروحي هواي
فرحت عدواني. جرحك خلاني. اصبر ونصاب

سيد زيد الفحام

مقدمة مجلس في استشهاد امير المؤمنين عليه السلام

وينه اليواسي دموعي
ونار الحزن بظلوعي

ليلة مصاب الليله ليلة آلام
سيف ابن ملجم صاب راس الضرغام
صابوا ابوالفقره وانيس الأيتام
هالليله خل نبچي ونون يا خدام
صايح سمعنه ابابه
ما يشفه جرح صوابه
بدم راسه حيدر شيبته مخضبيها
٠٠٠٠
بسابع سمه جبريل صك وجنحه وصاح
طاحت اركان الدين حيدر من طاح
تخضّب بدمه وعالارض سال وساح
مو اي بشر يا ناس وجه الله الراح
ما يكفي دمعي ونوحي
راح اليداوي اجروحي
طبرة علي يا مرهم ايداويها
٠٠٠٠٠٠
متوسّع صوابه وصعب جرحه يطيب
لو راح ابونه منين ابو ثاني انجيب
والدنه گبل العيد ما ردنه ايغيب
حتى اليتيم بلا علي راسه يشيب
بان الأجل بعيونه
ويلي وتغيّر لونه
تبچي اليتامه وبعده من يحميها
٠٠٠٠٠٠
راح اليوزع خير چان عله الناس
تاليهه يتجازه بجرح يدمي الراس
ما هابو الچان ابمحمّد ينقاس
مو چفه هذا تراب رجليه ينباس
يا وسفه ميقدرونه
حاميهم يقتلونه
هالليله زينب واجب انواسيهه

سيد زيد الفحام

وَمَآ أَدۡرَىٰكَ مَا لَيۡلَةُ ٱلۡقَدۡرِ 
في تصوري أنه ميلاد الإنسان الحقيقي هو هذه الليلة وليس تاريخ ميلاده!!
لانه في هذه الليلة الله يكتب له اقدار حياته والأحداث والاقدار كلها .

تَنَزَّلُ ٱلۡمَلَٰٓئِكَةُ وَٱلرُّوحُ فِيهَا بِإِذۡنِ رَبِّهِم مِّن كُلِّ أَمۡرٖ 
في هذه الليلة تنزل الملائكة والروح إلى الأرض لتكتب لكل إنسان احداث سنته القادمة ،بأذن من الله .

خلي نرتب الاشياء الي لازم نسويها
اول شي ضروري احياء الليله جدا
ضروري ( الغسل ولبس افضل الملابس والتعطر والصلاة ودعاء رفع المصاحف والقرآن وبقية الادعيه الموجودة كلها كلش ضروري أكد على الضرورة لانه الليلة مصيرية لانه الله يكتب للانسان كلشي من أجل ورزق وزواج ونجاح وأمراض فأحسنوا الاعمال بنيه صادقه ، لا تنسون زيارة الحسين عليه السلام)
اذا كان عندكم دراسة أو مسلسل أو شي ثاني ممكن يلهيكم عنها حاولوا ترتبون أموركم ، الدراسة اقروها الفجر والمسلسلات تنعاد .
اول امر هو اكتبوا اقداركم
شنو تردون من الله سبحانه في السنه هذه السنه اكتبوا ، فائدة الكتابه هي تحويل الأحداث الي تردوها من الخيال إلى الواقع المادي خلال الورقه والقلم . ف الكتابه شي ضروري ، زين شلون ممكن تكتب ؟؟!
لا تكتبون اتمنى وياريت يصير وياي هيج . هاي الطريقه خطأ

اهم شي ( اليقين المطلق بدون ذرة شك أنه كلشي تكتبونه حيصير) :
الطريقه الصح هي:
انا أؤمن ب أن الله سيكتب لي ...
أنا أثق بالله ( واكتبوا الي تردونا )
انا اختار ... ( واكتبوا الي تختارونه يصير لانه الإنسان مخير وليس مسير )
انا اريد ... واكتبوا ..
واطلبوا بأسماء الله الحسنى
مثلا
بأسم الله الجامع أومن ب أن الله سيجمعني ب .. اكتبوا الأمور الي تردون تتجمعون بيها من أشخاص أو أمور أخرى

او
بأسم الله الرازق اريد .... اكتبوا الرزق الي تردونه

بأسم الله المعافي اثق بأن الله سيهبني العافيه
ووهيج كتبوا الحاجات الي عندكم


شنو نكتب ؟!
اول شي لا تطلبون شي بيه شر او ضرر الكم أو لغيركم
وخلوا الأولية لله سبحانه وتعالى
كتبوا في بدايه الورقه
اختار رضا الله سبحانه في كل اعمالي وحداث حياتي في هذه السنه .
"اللهم ارزقني من كل خير رزقت منه محمد وال محمد"

أكثروا من الاستغفار
لانه الله سبحانه يقول( استغفروا ربكم إنه كان غفارا يرسل السماء عليكم مدرارا )
يعني والاستغفار ينزل عليكم رزق عظيم وهاي الليلة أحق بكتابة الأرزاق .
الحوا بالدعاء للرزق
رزق الصحة والعافيه واهم رزق هو السيطرة على النفس وأنه تعيشون في ضمير مرتاح ولا تأذون شخص .
رزق رضا الله سبحانه وتعالى
رزق الخدمة للإسلام ولأهل البيت
رزق البصيرة والأمان من الفتن الي تبعدكم عن صاحب الزمان.
رزق الثراء المادي والمالي
رزق وجود الاهل والاصدقاء الصح .

اطلبوا من الله كلشي في بالكم الليلة حته لو مستحيل .

بعدها ضروري الحمد ، احمدوا الله لانه رح يحقق كلشي كتبتوه.
وبالاخير كتبوا كن فيكون ♥️
نسألكم الدعاء كثيرا.
كل الاسماء الي دزيتوها ح اكتبها وان شاء الله نتوفق للأحياء نيابه عنكم

أعمال ليالي القدر

ويستحب احياء الليالي العشر الاواخر من شهر رمضان المبارك

1. الغُسل

2. الصّلاة ركعتان يقرأ في كلّ ركعة بعد الحمد التّوحيد سبع مرّات ،
و يقول بعد الفراغ سبعين مرّة : اَسْتَغْفِرُ اللهَ واَتُوبُ اِلَيْهِ
“ من فعل ذلك لا يقوم من مقامه حتّى يغفر الله له و لأبويه “ .

3. نشر المصحف الشريف و فتحه و حمله بيده أو جعله بين يديه و التوسل إلى الله به ،
و قول : “ اللّـهُمَّ اِنّي اَسْاَلُكَ بِكِتابِكَ ، وَما فيهِ وَفيهِ اسْمُكَ الاَكْبَرُ ، وَاَسْماؤُكَ الْحُسْنى ، وَما يُخافُ وَيُرْجى ، اَنْ تَجْعَلَني مِنْ عُتَقائِكَ مِنَ النّارِ “ .
ثم الدعاء بما شاء و طلب الحوائج.

4. جعل المصحف الشريف على الرأس و قول :
“ اَللّـهُمَّ بِحَقِّ هذَا الْقُرْآنِ ، وَبِحَقِّ مَنْ اَرْسَلْتَهُ بِهِ ، وَبِحَقِّ كُلِّ مُؤْمِن مَدَحْتَهُ فيهِ ، وَبِحَقِّكَ عَلَيْهِمْ ، فَلا اَحَدَ اَعْرَفُ بِحَقِّكَ مِنْكَ.

ثمَّ قُل عَشر مرّات : “ بِكَ يا اَللهُ “ .
و عَشر مرّات : “ بِمُحَمَّد “ .
و عَشر مرّات : “ بِعَليٍّ “ .
و عَشر مرّات : “ بِفاطِمَةَ “ .
و عَشر مرّات : “ بِالْحَسَنِ “ .
و عَشر مرّات : “ بِالْحُسَيْنِ “ .
و عَشر مرّات : “ بِعَلِي بْنِ الْحُسَيْنِ “ .
و عَشر مرّات : “ بُمَحَمَّدِ بْنِ عَلِيٍّ “ .
و عَشر مرّات : “ بِجَعْفَرِ بْنِ مُحَمَّد “ .
و عَشر مرّات : “ بِمُوسَى بْنِ جَعْفَر “ .
و عَشر مرّات : “ بِعَلِيِّ بْنِ مُوسى “ .
و عَشر مرّات : “ بِمُحَمَّدِ بْنِ عَلِيٍّ “ .
و عَشر مرّات : “ بِعَلِيِّ بْنِ مُحَمَّد “ .
و عَشر مرّات : “ بِالْحَسَنِ بْنِ عَلِيٍّ
و عَشر مرّات : “ بِالْحُجَّةِ “ .
ثم يسأل الداعي حوائجه.

5. زيارة الحسين (عليه السلام) “ اذا كان ليلة القدر نادى مناد من السّماء السّابعة من بطنان العرش انّ الله قد غفر لمن زار قبر الحسين (عليه السلام)

6. احياء هذه اللّيالي الثّلاثة بالعبادة و الذكر و تلاوة القران : “ مَنْ احيا ليلة القدر غفرت له ذنوبه و لو كانت ذنوبه عدد نجوم السّماء و مثاقيل الجبال و مكائيل البحار “ .

7. الصّلاة مائة ركعة فانّها ذات فضل كثير ، و الافضل أن يقرأ في كلّ ركعة بعد الحمد التّوحيد عشر مرّات.

8. قراءة دعاء المجير

9. قراءة دعاء الجوشن الكبير

10. قراءة سورة العنكبوت و سورة الروم وسورة الدخان
وقراءة سورة الحمد
وقراءة سورة الاخلاص ٣

11. قراءة سورة القدر ألف مرة .

"لا تنسونا مِن الدعاء"

‏قَسَماََ بِمَنحَرِ الطّفلِ الرضيع
قَسَماََ ثاراتُـنا لا لــَنْ تـَظِـيـعْ
قَسَماََ تُبنى وَلَوْ مِنْ بَعْدِ حِينْ
القِـبابُ وَمَــنـاراتُ الـبـَقـِيـع

‎#بناء_البقيع_حق

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0