على حب فاطمة ع

على حب فاطمة ع

☜ بـسمـه تعـالى ☞

الـقصـيدة : عزيزة هاشم
اداء : مرتضى حرب
كلـمات : السيد محمود الموسوي

♧♧♧♧♧♧♧♧♧♧♧♧

يا فاطمة أسمج نزل بالأيه ..
يا راية الله وما تطيح الرايه ..
أهل المجالس احنه الج وفايه ..

♧♧♧♧♧♧♧♧♧♧♧♧

جبيرة ادخيلج .. علي و محمد حيلج .. يا فاطمة مولاتي
عزيزة هاشم .. اريد اسولف هايم .. والجد الج ببياتي
صعب تعريفج .. مطر يطيح بكيفج .. اسمج ترف راياتي

يا هيبة علي ويا زود الحسين
ما يرضى الله اذا مو انتِ ترضين
انتي أمنه الجبيرة والتربين
ربيتي للحومة زلم خياله انتي الثكيله وشارتج جتاله

يم حسن هنياله الخدم هنياله
يا فاطمة أسمج نزل بالأيه

♧♧♧♧♧♧♧♧♧♧♧♧

عظيمة وعالية .. يالزهرة وأنتِ الغالية .. ولكل صفاتج حيرة
أميرة بزودج .. حد الله حد حدودج .. ربيتي وادم غيره
فرض يقرولج .. ع السبعه ويصلولج .. يم شمس فوگ الغيرة
انتِ العالمة .. وأنتِ أم الأحساس .. الكوثر انتي والتوحيد والناس
يا احلى اسم ينحط على الراس

أنتِ الشجاعة وبيج الله اتباها
والسمة ربنا لخاطرج سواها
انطاها ابوج و انتِ ام انطاها
يا فاطمة أسمج نزل بالأيه

♧♧♧♧♧♧♧♧♧♧♧♧

أمر توحيدچ .. كون الله داير بيدچ .. يا هوى ربنا و ماية
يبخت السادة .. هيبة علي و عنادة .. برضج نزل بالأية
يكوثر الطيبة .. وثارج المهدي يجيبة .. لو طلعت المشاية

باجر يم حسن كل شدة تنزال
كبرج يرتفع احلى من الجبال
عندج ثار راعي الثار خيال
باجر تصير الگبرج احلى زيارة
والحرگ دارج الا نحرگ داره
ثار الله انتِ و الله ياخذ ثاره
يا فاطمة أسمج نزل بالأيه

♧♧♧♧♧♧♧♧♧♧♧♧

عظيم أحسانچ .. فوگج نزل قرانچ .. يا فاطمة الأنسية
أبد ما صايرة .. منج صفات ودايره .. يا هيبة يا علوية
وجودج بينه .. بالمجلس مخلينه .. نقرالج اللطمية

الله سلمج هاي الكرامات
بيدج خادمج تحيينه لو مات
يالبسمچ فطر ربنا السموات
هاي لمجالس كل سنة نحييها
چي انتِ بيها احنه نوگف بيها
الدنيا على مودچ ربج مسويها
يا فاطمة أسمج نزل بالأيه

♧♧♧♧♧♧♧♧♧♧♧♧

دخيل أحساسج .. ما يعلى شي يم راسچ .. والخادم تعلينه
مناقب جودج .. زود الله كله بزودج .. والمجلس تحظرينه
نذر لحسينچ .. ننطي العمر والعينچ .. يا فاطمة تأمرينه

أنتي الزود كله العند ابو تراب
لأجلج علي راح وشلع الباب
لو ما أنتي چا ما ضال محراب
أنتي الخدمتج الثابته ومو عادة
انتي الجبيرة و ام السادة
والزارج من بعيد يلگه مراده
يا فاطمة أسمج نزل بالأيه

♧♧♧♧♧♧♧♧♧♧♧♧

يالتخلصينها كل حاجه الي .. وتكضينها خلصيها .. هاي الليلة
الفرج للقائم .. لو طلع غيرة هاشم محد يگدره دخيله
يجيب الراية .. من الگاع المسنايه .. وعباس تارس حيله

مگضيه بجاه الزهره يا ناس
باجر تنحط الريشات ع الراس
المهدي لو طلع وياه عباس
ثار الزجية مربع يجيبونه
والمهدي تطلع نار من عيونه
لعيونج الكون وعلي يگلبونه
يا فاطمة أسمج نزل بالأيه

♧♧♧♧♧♧♧♧♧♧♧♧

@MurtazaHarb313

كُل عام ونحن وإياكم الى الحُسين "ع" أقرب و أقرب أللهم أجعلنا من المخلصين لهُ والثابتين على نهجة ..

القصيدة :باختصار
الرادود : مرتضى حرب
الشاعر :مرتضى حرب

،،،،،،،،،،،،،،،،،،،،،،،،،،،،،،،،،،،،،،
عزيزتكم التحلفون بيهه
انولت وليه ياهلها
زينبكم الضيم التم عليها
وچف ماكو الحملها
الاديها غاليه حبال باديها
وچف ماكو الحملها
الوليها حسين هسه اصبح
وليها الگبل ماشايف ضلها

زينب ياهاليها دار الوكت بيها
والله من اسولف عل زغار
بس يااهلنا باختصار
باختصار انه انسبيت



ماينحچن كلهن ولابيه اسولفهن
ماريد اكلكم كلشي صار
بس يااهلنا باختصار انه انسبيت
،،،،،،،،،،،،،،،،،،،،،،،،،،،،،،،،،،،،،،،،،
هلي البيه ولايخطر على البال ولا اگدر اذكره
حمل مامثله حيره شلون ينشال
وطاح الدگلي صدرة
ابسط شي ادي مشدودة بحبال
بعد وضحت الفكره
هلي وگلبي بقى ينز من الخيال
ودرب الشام عثره

ماعندي روح احچي
خلوني بس ابچي
ركضونه ابعز النهار
بس يااهلنا باختصار انه انسبيت

دمع السكته يحچي والجرح
لو طاح و يبين عذابه
هم الماله ناس شلون ينزاح
وضيمه فتح بابه
السمه ماتنعقل بالسوط تلاح
هلي يااهل النجابه
انه ابنصكم رحت وبنص الرماح
ارجعت والشام غابه

من اطلعنه مهيوبه وردينه منكوبه
بالهيمه مالمتنه دار بس يااهلنا باختصار
انه انسبيت



ماينحچن كلهن ولابيه اسولفهن
ماريد اگلهم كلشي صار
بس يااهلنا باختصار انه انسبيت
،،،،،،،،،،،،،،،،،،،،،،،،،،،،،،،،،،،،،،،،،

من گلب الحسين الچان الي دار
بهيمه النومه صارت
ومن في راية العباس للنار
هيچ الدنيا دارت
هلي وياريت كون الصار ماصار
وحلم كربله چانت

وافز والگه الدلال ابوجه الزغار
ورقيه توهه نامت
بس الجره اعلينه تحچي معانينه
صوفر بعد ذاك الخضار
بس يااهلنا باختصار




ماينحچن كلهن ولابيه اسولفهن
ماريد اگلهم كلشي صار
بس يااهلنا باختصار انه انسبيت
،،،،،،،،،،،،،،،،،،،،،،،،،،،،،،،،،،،،،،،،،

هلي ابكل ضلمه گلبي يصيح
احا ياليل المدينه
واذكر اخوي العشت بحماه
الحطني ابطن عينه
فرگاه شعمل بعينوي فرگاه
ابو روح الحنينه
يالحنان الهوه ليليه انخاه
يگلكم علينه

بس الهوه الضاهر ماگلكم شصاير
ماكلكم شافت مرار
بس يااهلنا باختصار انه انسبيت
هلي خلو سوالفنه بالعيون
واقرو بعيني تعبي

ماريد احچي لان ادري تموتون
من اسولف ضيم گلبي
وره ماهوت راية حادي الضعون
وضاع بعيني دربي
اهنا گلتلي روحي هسه ياام عون
روحي تغربي
بعد الكفل ضعني ياهلي انسمع وني

بس يااهلنا باختصار انه انسبيت

،،،،،،،،،،،،،،،،،،،،،،،،،،،،،،،،،،،،،،،،،
@MurtazaHarb313

ــــــــــــــــــــــــــــــــــــــــــــــــــــــ
📜 القصيدة: مَرّد الرؤوس
🎤 أداء: مرتضى حرب
🖋 كلمات: مرتضى حرب
ــــــــــــــــــــــــــــــــــــــــــــــــــــــ
حسين خوية يا أبو حچاية الدافية
جايبة راسك بحضني وجاية
حسين خوية حسين خوية
ــــــــــــــــــــــــــــــــــــــــــــــــــــــ
خوية مَرد الروس شالع گلبي
تعبانة مابياش أسولف تعبـي
مسبية انا شلونه حال المسبي؟
وين الينوخ النوگ كلها لرچبي
جاية العصابة فوگ عيوني
والشماتة بالحچي يهضموني..
ــــــــــــــــــــــــــــــــــــــــــــــــــــــ
وي راسك أحچي الدرب كله گضيته
راسك من ضيم العليّ حاچيته
بچاني راسك يالولي وبچيته
بعمامة وليدك علي لفيته
عيونها اختك يبعد اختك رايحه
على الناگة وناصبتلك فاتـحة..
ــــــــــــــــــــــــــــــــــــــــــــــــــــــ
الراسك أحن كل ساع أشمه بنحره
مشلوع گلبي وداعة أمي الزهرة
وليدك على من يبچي گلبي يكسرة
گلب اليكسرونه هَله شيجَبره؟
حگها اختك ما تنام بليلها
چفوف ضيمك كل وكت توميلها
ــــــــــــــــــــــــــــــــــــــــــــــــــــــ
أختك يبعد أختك بعد مـابيها
طول الدرب چتالك يبچيها
يبن أمي رحلة ضيمنا شيگضيها
و من توصل أختك محد يلاگيها
يالولي لكربلا براسك رادة
حسين غير الملگة أبد ما رايدة
ــــــــــــــــــــــــــــــــــــــــــــــــــــــ
بيدي شلت راسك يبعد عيوني
و بأيد ابنك راس حادي ضعوني
جارح عتابي حسين بس عذروني
اتعبون ابنكم ليش و تتعبوني
ع الهضيمة اختك بعد مابيها
بكل صبح چتالك يبچيها
ــــــــــــــــــــــــــــــــــــــــــــــــــــــ
يحسين گلب اختك أبد ما هود
الطم اجيت وعليَّ راسك يشهد
حزنك چوة گلبي وبعد ما يبرد
لاجرحي يبن امي ولا جفني انسد
فوگ گبرك كون اغمض عيوني
حسين خوية و يمك يدفنوني
ــــــــــــــــــــــــــــــــــــــــــــــــــــــ
لو طب ضعنه وصحت وين اخواني
يحسين گل لعباس يتلگاني
العنده أمانة والدي خلاني
خيشوف چم دمعة هضم برداني !!
حايرة وتوجعها اختكم روحها
شلون ترضون الهضيمة تلوحها
ــــــــــــــــــــــــــــــــــــــــــــــــــــــ
@MurtazaHarb313

ــــــــــــــــــــــــــــــــــــــــــــــــــــــــــ
📜 القَصيدة: شَمرة عصا
🎤 أداء:مُرتضىٰ حرب
🖋 كلمات: مُرتضىٰ حرب
ــــــــــــــــــــــــــــــــــــــــــــــــــــــــــ
درب اليحبّك يگصر
مِن البَحر للمنحر.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
سَيّدي جاي جاي صَاح يَبن الزَهرة كل شيعي ضَميره
شِما شرب مَاي ماي فوگ خَدّه دموعه تكتب والله حيرة
انتَ كِلشي يحس إله.. حَگّه يِمشي لكربله
ما يِتعذّر
يا دَلالي سَيّدي.. بكل شي غَالي تِنفدي
يابو الاكبر
حِزام اليحبّك حِزنه
دربك يِحس بي عَنّة.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
كِل گلب رَاح رَاح لكربلائك قَبل موعد اربعينك
اليِمشي إلك صاح صاح عَايش بغُربة ولگيت الوَطن عينك
فِدوة لإسمك كِل إسم.. برُوحه رَسمك كِل شَهم
رَاضع غيرة
يا هُو غيرك يستحق؟ .. انتَ احلىٰ مِن الرِزق
عِشنا بخيره
مِن كِل بَلد يِمشولك
بهذا المَشي يگلولك.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
لخِدمتك ناس ناس الله خَالقهم يبو رُوح الحِنينة
الغيرة تنقاس تنقاس مِن يصير الزلمة حَمرة اعليك عينه
الرَاية حِلوة مِن ترف.. كِلها خِوّة مُو عِرف
اليمشولك
يابو الاكبر هَـ الاجو.. احلىٰ منظر لو مشوا
يتعنّولك
زِلمك يَغالي الزهرة
صاحوا طَريقك شمرة.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
بينا إلك نار نار يَابو عبد الله مِن نار المُخيّم
جِينا زوّار زوّار للبكيفه الجَنّة وبكيفه جَهنّم
سَيّدي إنتَ احلىٰ حُب.. اي مِلكته هَـ الگلب
بحنّيتك
الخطوة حُجّة تِنحسب.. إلها ضَجّة وتنكتب
حُجّة ببيتك
كِل سَنة نحجّ بدارك
تگول الدَرب زوّارك.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
للگلب عين عين الخَلّه گلبه بس إلك بيها يشوفك
بُوية يحسين حسين الجِست رُوحه بعد ما يگدر يعوفك
العينه شَافت گُبّتك.. رُوحه عاشت برَحمتك
يابو الرَحمة
هُمَ قُربك كل گلب.. محلىٰ تَعبك والدرب
فُوگ النِعمة
الإنتَ اهم جروحه
عَن كربله يحس رُوحه.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
مَوعدك حان حان يا جِدم إطوي المَسافات الطويلة
ومِن الآن الآن بيّنت هالسنة المشّاية ثگيلة
كلها صَاحت يا علي.. تِمشي راحت يالولي
كل احبابك
يابو فاضل المَدد.. انتَ كافل للعدد
اليم اعَتابك
جيشك طلع يالقائد
واحد يگل للواحد.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
@MurtazaHarb313

ــــــــــــــــــــــــــــــــــــــــــــــــــــــ
📜 القصيدة: گولوا عَلي
🎤 أداء: الملا مرتضى حرب
🖋 كلمات: الشاعر سيد محمد الموسوي
ــــــــــــــــــــــــــــــــــــــــــــــــــــــ
من حيدر حچاية سمعوها سمعوها
ما تسوى هالدنيا طلگوها طلگوها
هالوصية حيدرية ..
ــــــــــــــــــــــــــــــــــــــــــــــــــــــ
تدرون مفتاح الرزق وين؟!
گولوا علي..
وجه الصبح وي فتشة العين
گولوا علي..
تردون يرضى عليكم حسين؟!
گولوا علي..
والينشد على المرجلة منين؟!
گولوا علي..
علي قرآن علي انسان عظيم المنزلة
علي مكتوب قبل لا تصير البسملة
علي بس گول علي شوف تهون المعظلة
مخلف حسين وأبو الجود وابو المية هله
أم الحسن تقبل تردوها تردوها
زوروا علي ويمه إنخوها إنخوها
وترضة هيه .. حيدرية
ــــــــــــــــــــــــــــــــــــــــــــــــــــــ
بس حيدر يسمونه قتال
غيره منو؟!!
شبع الطير الفوگ الجبال
غيره منو؟!!
بس علي يسوه يشغل البال
غيره منو؟!!
وكت الشدد بس اسمه ينكال
غيره منو؟!!
أنا وزغير گبل سامع هلي
مو حلو البيت إذا ما نحط صورة ولي
وبيها مكتوب شرط ''لا فتى إلا علي''
ويبقى للموت أبو حسين عشگنا الأولي
أمي الصبح تركض للصورة للصورة
وتصابح بحيدر و تزوره و تزوره
توصي بيه ..حيدرية
ــــــــــــــــــــــــــــــــــــــــــــــــــــــ
محتار بيك الأنس والجان
كيف بشر؟
گبل الوحي خاتم القرآن
كيف بشر ؟
اسمك يحيدر ملح الأذان
كيف بشر ؟
سيفك مخورس شكو ميدان
كيف بشر ؟
علي لولاك ترى تضيج ولا طلگت أمة
انت جبريل تدلي چنت طرق السمه
الباري ياصوت نطق بي ومحمد كلمه
الله من راد يجازيك هدالك فاطمة
ورب العلي العالي المتعالي المتعالي
ما ينطي للغالي بس غالي بس غالي
والهدية ..حيدرية
ــــــــــــــــــــــــــــــــــــــــــــــــــــــ
عدنا بطل ما وصفته الناس
اسمه علي
والفخر هذا ورفعة الراس
اسمه علي
عدنا اسد خلف العباس
اسمه علي
عدنا أمير ترابه ينباس
اسمه علي
عدنا أبو تراب أسد غاب دخيل الجابته
بالحرب چان يهابون فقاره وضربته
للنجف روح علي تشوف أمان بحضرته
وللشدد دوم أبو حسين نشدها رايته
نفدي علي بالدم ونطيعه ونطيعه
وبس حيدر القائد عالشيعة عالشيعة
رافضية .. حيدرية
ــــــــــــــــــــــــــــــــــــــــــــــــــــــ
مظهر عجائب حامي كل جار
مولى علي
شمس الله ردها وبيده فقار
مولى علي
سموا قسيم الجنة والنار
مولى علي
اشجع مقاتل علي الكرار
مولى علي
منتصر دوم ابو حسين ولاخاسر حرب
وكت الزماط أبو لثام أسد ما ينغلب
تحيرت بيه شأسمي وصف حيدر صعب
ياهوى وماي يمولاي يدگات الگلب
عالفطرة حبيتك مو غاية مو غاية
يا خيمة الشيعة و يا راية يا راية
والهوية .. حيدرية
ــــــــــــــــــــــــــــــــــــــــــــــــــــــ
@MurtazaHarb313

ــــــــــــــــــــــــــــــــــــــــــــــــــــــــــ
📜 القصيدة:رَاح الوَلد
🎤 أداء:مُرتضىٰ حَرب
🖋 كلمات:عَبّاس كريم
ــــــــــــــــــــــــــــــــــــــــــــــــــــــــــ
رَاح الولد يَا ليلة.. اتدنيلي خَل نبچيله
تمدّدت فُوگه وگتله انا حَسين.. بُوية
بُوية شيردني للصُواوين
وصِحت لعمامه تشِيله
ــــــــــــــــــــــــــــــــــــــــــــــــــــــــــ
يا ليلة ما چنّه علي.. مُو عادته ميگوم الي
فُوگه اوگفت واندهته بَ هداي.. بُوية
فز گتله تچيلي اردّ ارد.. درب الخِيم صار شبعد
حٓيلي جِليل وجَرحك هَواي.. بُوية
يال عَالتراب تمدّدت.. يل منّك لرأيك چنت
هسّه اني مِنّك رايد الرأي.. بُوية
يا عَلي يمدَلّل هلك.. ي ابني جبت عِيني الك
يَ الگتلي توّك رايد المَاي.. بُوية
مِن يطلع تنگّبينه.. ما اريدچ تشُوفينه
وليدچ عَلي مگسوم نِصين.. بُوية شيردني للصُواوين
وصِحت لعَمامه تشِيله
ــــــــــــــــــــــــــــــــــــــــــــــــــــــــــ
مِن اوصلت يمّه اگعدت.. يا ليلة ما ادري شَگلت
هُوَ التفرّهد ابنه شَيصيح؟.. بُوية
يم رَاسه خلّصت الحچي.. وما خلّصت عِيني البَچي
حگّه الدَمع ع المِثلك يطيح.. بُوية
كَلشي بشبابك ما شِفت.. يا ولِيدي يالتوّك كبرت
يالحتّىٰ حچيك چان تَسبيح.. بُوية
يمّه اصفگت چف النَدم.. وگتله اليضدّك ما فهم
وحوبة شَبابك تعّثر الرِيح.. بُوية
والگابلك ما شافك.. ما ركّز ب اوصافك؟
شَبي ما سأل عَن نُورك منين.. بُوية شيردني للصُواوين
وصِحت لعَمامه تشِيله
ــــــــــــــــــــــــــــــــــــــــــــــــــــــــــ
ما ادري چَم مرّة عثر.. لا صَدر عِنده ولا ظَهر
عَ الگاع مَدري شلون مطروح.. بُوية
مِن گتله حُضن اُمك برد.. يا ليلة فك عِينه الوَلد
حسّيته گلّي امشينا خنروح.. بُوية
چا جبته بس مَا بي يرد.. لا ينهض ولا ينسند
ولا ينَحضن جسمه مِن الجروح.. بُوية
يا ليلة مِن سد الجِفن.. ما جرّبت هـٰذا الحِزن
فگد العِزيز يعذّب الرُوح.. بُوية
يا ليلة يهضم حَاله.. شمسوّي بيه چتّاله!!
لا حِيل عندي ولا بَقت عِين.. بُوية شيردني للصُواوين
وصِحت لعَمامه تشِيله
ــــــــــــــــــــــــــــــــــــــــــــــــــــــــــ
ش احچيلج وكَلشي انهدم.. مِن حِيلي طاح اوّل علم
وبگلبي ضلّت تسعر النَار.. بُوية
يا ليلة بَ الحِيرة صرت.. بالگوّة مِن عِنده ارجعت
امشي واردّ صُوب ابني واندار.. بُوية
شِما ابتعد ارجع اله.. ويگلّي بُوية اتخيّله
فگد الوَلد خلّاني مَحتار.. بُوية
ب الوسفه خلّصت الدَرب.. فراگ الوَلد كَلش صعب
واوّل جرح بجروحي الاكبَار.. بُوية
بُعد الدَرب هدّ حيلي.. ولا واحد يتچّيلي
وين الگه مِثلك للتعب وين.. بُوية شيردني للصُواوين
وصِحت لعَمامه تشِيله
ــــــــــــــــــــــــــــــــــــــــــــــــــــــــــ
ب چفوفهُم جابوا واجو.. واعليه عَمامه شگد بچوا
صاحبهُم وحگ لأجله يبچون.. بُوية
مِن كل كتر بي ينلچم.. لا ينحضن لا ينلزم
خَاطِر يشيلونه اعله المتون.. بُوية
يا لِيلة جابوا مُختلف.. ما ينعرف مِن النَزف
ذاكَ ابنچ الي چان مزيون.. بُوية
يم الخِيم خلّوا هله.. يا لِيلة خلي نرُوح اله
ونبچيله حد ما تعمىٰ العِيُون.. بُوية
اگعدي نعدّ جروحه.. رد ابنچ بِلا رُوحه
ويَم راسه نذكر تَعب السنين.. بُوية شيردني للصُواوين
وصِحت لعَمامه تشِيله
ــــــــــــــــــــــــــــــــــــــــــــــــــــــــــ
@MurtazaHarb313

أسـعد الله أيامكم بذكرى مولد الإمام الحجة ابن الحسن الولي الصالح والخلف المنتظر صاحب الامر والزمان المهدي عجل الله تعالى فرجه الشريف .."

قصيدة :طب البدو
الرادود :مرتضى حرب
الشاعر : مصطفى حرب
ــــــــــــــــــــــــــــــــــــــــــــــــ
روح لخوالك شوفهم شيطيب صواب الراس
طب البدو البچفوفهم جيبه لعلي ياعباس
يمه ماضل شي بدينه
چنه رايح من ادينه
شيطيب صواب الراس

شد الحزام وروح لحزام
واگصد خوالك واسبگ الريح
گلهم مصوب راس الاسلام
وطايح المامتعود يطيح
اشري الدوه البريح ينسام

الينعت ويطيب المجاريح
يمه اليتامه اتريد ابو الثام
بويه علي بمناشغ تصيح
عودك امچيد امصابه

ماضنه من هاي يطيب
سيفه وهله ومحرابه
يتيتمن من يغيب
چنه رايح من ادينه
الخوف ضل يدنه لينه

روح لخوالك شوفهم شيطيب صواب الراس
طب البدو البچفوفهم جيبه لعلي ياعباس
يمه ماضل شي بدينه
چنه رايح من ادينه
شيطيب صواب الراس
//////////////////////////////////
شد اعله المطهم يمهيوب
واگصد هلي اليچون الجروح
گلهم ابوي براسه مصيوب
التوگف الدنيا بسده مطروح

گلهم تره وجه امي متعوب
وخليتهه متربعه وتنوح
صار الصبح ببيوتنه غروب
وصوت البلابل صار مبحوح

لاتبطي يم ديارهم
تصد لعلي عيون الگاع
لوالك شعلو نارهم
تعذرهم ورد بساع

روح لخوالك شوفهم شيطيب صواب الراس
طب البدو البچفوفهم جيبه لعلي ياعباس
يمه ماضل شي بدينه
چنه رايح من ادينه
شيطيب صواب الراس
///////////////////////////////////
ضم الدوه بطبگات الضلوع
يل تسوه تعب اليل ويرباي
راح ابقى اتاني بگلب مشلوع
وتدري المتانه يتعب هواي

يايمه زينب ضاله تلوع
فاي اگطع الگطاعة الفاي
صيح بنزلهم گبل الطلوع
گلهم تعور راس الفياي

اليگصد هلي يرد جايب
شنهي الذي يتمناه
والجرح ابوه ماطايب
كون الدوه يجيبه وياه
وحنه طولك ناطرينه

روح لخوالك شوفهم شيطيب صواب الراس
طب البدو البچفوفهم جيبه لعلي ياعباس
يمه ماضل شي بدينه
چنه رايح من ادينه
شيطيب صواب الراس
////////////////////////////
شو ساكت وبعيونك الخوف
يالمايخوفك بس الفراگ
راح انطر لحد روحة الشوف
خاف الضوه من البيت ينباگ
طب البدو العد اهلي معروف
هوه اليطيب جروح الغماگ
ملهوف روحي وردلي ملهوف
مر الفراگ وخاف ينضاگ
خوفتني حيرة عينك

يل مامعود تحتار
حگك تطگ چفينك
يحير صواب الكرار
ياچبير تحيرينه

روح لخوالك شوفهم شيطيب صواب الراس
طب البدو البچفوفهم جيبه لعلي ياعباس
يمه ماضل شي بدينه
چنه رايح من ادينه
شيطيب صواب الراس
////////////////////////////
يمه انه افزعك لاجن الروح
احساسهه يگلي علي يموت
عباس يمه الشوف مشبوح
وكلساع يتراولي تابوت

ضليت انعي بصوت مبحوح
فراگ الحنين يطيح البيوت
وتدري النعاوي تزيد الجروح
وتگطع اتگطع بالبتوت

ماگدر ارفع راسي
تهضمني دمعات حسين
الحگلي ياعباسي
وشوف الفرج دربه منين
يمه عودك رايدينه

روح لخوالك شوفهم شيطيب صواب الراس
طب البدو البچفوفهم جيبه لعلي ياعباس
يمه ماضل شي بدينه
چنه رايح من ادينه
شيطيب صواب الراس
////////////////////////////
ضهر الحسن يايمه مكسور
وبجرح ابوك حسين محتار
واحد يگل لثاني ماجور
مبين ابونه مفارگ الدار

وبگلب زينب نار وتفور
وعيونهه يتجارن انهار
تلزم بجرحه وتبچي ودور
مثل اليحط چفوفه بالنار

زينبكم المهيوبه تطگ چفهه
وتصيح شلون.
من الجرح مرعوبه وخوف الفگد
اذه ام عون
يمه عودك ساد عينه

روح لخوالك شوفهم شيطيب صواب الراس
طب البدو البچفوفهم جيبه لعلي ياعباس
يمه ماضل شي بدينه
چنه رايح من ادينه
شيطيب صواب الراس
////////////////////////////
@MurtazaHarb313

ــــــــــــــــــــــــــــــــــــــــــــــــــــــــــ
📜 القَصيدة: شَمرة عصا
🎤 أداء:مُرتضىٰ حرب
🖋 كلمات: مُرتضىٰ حرب
ــــــــــــــــــــــــــــــــــــــــــــــــــــــــــ
درب اليحبّك يگصر
مِن البَحر للمنحر.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
سَيّدي جاي جاي صَاح يَبن الزَهرة كل شيعي ضَميره
شِما شرب مَاي ماي فوگ خَدّه دموعه تكتب والله حيرة
انتَ كِلشي يحس إله.. حَگّه يِمشي لكربله
ما يِتعذّر
يا دَلالي سَيّدي.. بكل شي غَالي تِنفدي
يابو الاكبر
حِزام اليحبّك حِزنه
دربك يِحس بي عَنّة.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
كِل گلب رَاح رَاح لكربلائك قَبل موعد اربعينك
اليِمشي إلك صاح صاح عَايش بغُربة ولگيت الوَطن عينك
فِدوة لإسمك كِل إسم.. برُوحه رَسمك كِل شَهم
رَاضع غيرة
يا هُو غيرك يستحق؟ .. انتَ احلىٰ مِن الرِزق
عِشنا بخيره
مِن كِل بَلد يِمشولك
بهذا المَشي يگلولك.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
لخِدمتك ناس ناس الله خَالقهم يبو رُوح الحِنينة
الغيرة تنقاس تنقاس مِن يصير الزلمة حَمرة اعليك عينه
الرَاية حِلوة مِن ترف.. كِلها خِوّة مُو عِرف
اليمشولك
يابو الاكبر هَـ الاجو.. احلىٰ منظر لو مشوا
يتعنّولك
زِلمك يَغالي الزهرة
صاحوا طَريقك شمرة.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
بينا إلك نار نار يَابو عبد الله مِن نار المُخيّم
جِينا زوّار زوّار للبكيفه الجَنّة وبكيفه جَهنّم
سَيّدي إنتَ احلىٰ حُب.. اي مِلكته هَـ الگلب
بحنّيتك
الخطوة حُجّة تِنحسب.. إلها ضَجّة وتنكتب
حُجّة ببيتك
كِل سَنة نحجّ بدارك
تگول الدَرب زوّارك.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
للگلب عين عين الخَلّه گلبه بس إلك بيها يشوفك
بُوية يحسين حسين الجِست رُوحه بعد ما يگدر يعوفك
العينه شَافت گُبّتك.. رُوحه عاشت برَحمتك
يابو الرَحمة
هُمَ قُربك كل گلب.. محلىٰ تَعبك والدرب
فُوگ النِعمة
الإنتَ اهم جروحه
عَن كربله يحس رُوحه.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
مَوعدك حان حان يا جِدم إطوي المَسافات الطويلة
ومِن الآن الآن بيّنت هالسنة المشّاية ثگيلة
كلها صَاحت يا علي.. تِمشي راحت يالولي
كل احبابك
يابو فاضل المَدد.. انتَ كافل للعدد
اليم اعَتابك
جيشك طلع يالقائد
واحد يگل للواحد.. شَمرة عصا
اليسبگ اجدامه بگلبه
ما يتعب يِحس دَربه.. شَمرة عصا
ــــــــــــــــــــــــــــــــــــــــــــــــــــــــــ
@MurtazaHarb313

بسم الله ....

على حب علي

قصيدة : يالماشي لبعيد
الرادود :مرتضى حرب
الشاعر :مسلم المطوري

ــــــــــــــــــــــــــــــــــ
عفت بالدار عين مغوركه دموع متعوده عله عينك
كل ماجاسهه بحرورته الشوك تصرخ بويه وينك
تطلبك دين ابوة بين الاجواد تعال وفي دينك
يبوجف الطويل يوصل الارحام لاتكصر يمينك
يا بلسم الروح تعال وداوي الجروح
العايفهه بالدار تريد وياكم تروح

يالماشي لبعيد عليلتكم بالديار
عفتوها جن بيت شعر بي كضت النار

ــــــــــــــــــــــــــــــــــــــــ
تتعب من تجي ساعات الغروب يبني الفركه مره
عليله وحكها اذا تعتب بمهيوب فراك الغالي كسره
صوت وجسم من الهجر متعوب البعد محد يكدره
فوك جفونها دمعاتها تروب وتنام بعين حمره
بعد الاهل موت ثجيل يحز بالاركاب
يابو المداليل العليله فراشهه تراب

يالماشي لبعيد عليلتكم بالديار
عفتوها جن بيت شعر بي كضت النار

ــــــــــــــــــــــــــــــــــــــــــ
يمضيج ديار العز يمسؤول رد وخذ الامانه
خيول الهجر يم ديارنه تجول تعبنه من الامتانه
لا حاضين بيك ولحنه ميتيات سبي غيابك سبانه
يبو علوم الجبيره الترفع الراس فراكك شبيانه
خاف اعتب عليك وزعلك وانت متعوب
حال العليله بغيابك يكسر كلوب

يالماشي لبعيد عليلتكم بالديار
عفتوها جن بيت شعر بي كضت النار

ـــــــــــــــــــــــــــــــــــــــ
عله دارك من يحط الطير احاجي وكله شلون اهلنه
بلكت مار بيكم واسمع اخبار عن ذيج المحنه
عساها ابخت طف الشوم يحسين رحتله وطش شملنه
لا مراسل منك جاي ورتاح ولانته الرجع النه
ما راح احاجيك وجرحك خاف اأذيك
تدري العليله بغيابك بس تهم بيك


يالماشي لبعيد عليلتكم بالديار
عفتوها جن بيت شعر بي كضت النار
ـــــــــــــــــــــــــــــــــــــــــــــــــ
اذا ماناوي ترجع ودي عباس يجي وحملك يشيله
انه ابقه بديارك مااجي وياه بس اخذو العليله
خاف تموت عندي من بجي الليل عتبكم مالي حيله
شكلكم قصرت وياها لو كول امتاناكم ثجيله
يالماخذ الحيل هجركم سوطه جلاد
بعد الاهل نار توجر حدر الافاد
يمزود مرضها برحتك هاي تعال الفركه تكتل
غاليتك ييمه تكوم واطيح كل ماشاهدة
لا مقتنعه ماترجع يسردال ولا مقتنعه تقبل
حرت مابين هاي وهاي يحسين ودمعهت عليك يهمل
بعد الابو يريد كلب مامره مفجوع
عفت العليله كلبها عليك مشلوع

يالماشي لبعيد عليلتكم بالديار
عفتوها جن بيت شعر بي كضت النار
ــــــــــــــــــــــــــــــــــــــــــــــــــ
نسئلكم الدعاء🤍

ــــــــــــــــــــــــــــــــــــــــــــــــــــــ
📜 القصيدة: يالمَاشي لبعيد
🎤 أداء:مُرتضىٰ حَرب
🖋 كلمات: مُسلم المطوري
ــــــــــــــــــــــــــــــــــــــــــــــــــــــ
يالماشي لبعيد عِليلة إلكم بالديار
عفتوها چَن بيت شَعر بي كضّت النَار
ــــــــــــــــــــــــــــــــــــــــــــــــــــــ
يا رَاچبن فوگ سَبّاگة الرِيح
خُذ لعَمامي وابويه حسين مرسال
گلّه العليلة تراها تگوم وتطيح
بفراگكم يَحسين مشدوهة البال
ــــــــــــــــــــــــــــــــــــــــــــــــــــــ
عِفت بالدَار عيني مغورجة دِموع
متعوّدة إعله عينك
كلما جاسها بحرورته الشُوگ
تصرخ بوية وينك
تطلبك دين ابوّة يَبن الأكرام
تعال ووفّي دينك
يَبو چف الطويل ب وَصل الارحام
لا تگصر يِمينك

يابلسم الرُوح تعال و دَاوي الجروح
العايفها بالدَار تريد وِياكم تروح
ــــــــــــــــــــــــــــــــــــــــــــــــــــــ
تتعب مِن تجي ساعات الغروب
يَبني الفرگه مُرّة
عليلة وحگها إذا تعتب يَمهيوب
فراگ الغالي كسرة
صوت وجسم مِن الهَجر متعوب
البُعد محدّ يگدره
وفوگ جفونها دَمعاتها تروب
وتنام بعين حَمره

بُعد الاهل موت ثجيل يِحز بالرگاب
يابو المداليل العليلة فراشها تراب
ــــــــــــــــــــــــــــــــــــــــــــــــــــــ
يمضيّج دِيار العِز يمسؤول
رِد و اخذ الامانة
خيول الهجر يم دِيارنه تِجول
تَعبنه مِن المتانه
لا حاظين بيك ولا إحنه ميتين
سَبي غيابك سِبانه
يَبو علوم الچبيرة الترفع الراس
فراگك شَيّبانه

خاف أعتب إعليك وأزعّلك وانتَ مَتعوب
حال العليلة بغيابك يِكسر گلوب
ــــــــــــــــــــــــــــــــــــــــــــــــــــــ
إعله دارك مِن يحط الطير احاچي
واگلّه شلون اهلنه
بلكت مار بيكم واسمع اخبار
عَن ذيچ المَحنّة
عساها ببخت طَف الشوؤم يحسين
رحتله وطَش شَملنه
لا مرسال مِنّك جاي وارتاح
ولا انتَ الراجع إلنه

ماراح احاچيك واجرحك خاف اأذيك
تدري العِليلة بغيابك بس تِهم بيك
ــــــــــــــــــــــــــــــــــــــــــــــــــــــ
إذا ماناوي ترجع وِدّي عَبّاس
يجي وحِملك يشيله
آنه ابقه بديارك ماجي وياه
بس إخذ العليلة
خاف تموت عِندي مِن بَچي الليل
عِتبكم مالي حيله
شگلكم قَصّرت وِياها لو اگول
مِتاناكم ثجيله

يالماخذ الحيل هَجركم سُوطه جَلّاد
بُعد الاهل نار توجّر حَدر الفاد
ــــــــــــــــــــــــــــــــــــــــــــــــــــــ
يمزوّد مَرضها بروحتك هاي
تعال الفَرگه تكتل
غاليتك ييُمّه تگوم وتطيح
كلما شاهدت إبل
لامقتنعه ما ترجع يَـسردال
ولا مقتعنه تِقبل
حرت مابين هاي وهاي يَحسين
ودَمعها عليك يِهمل

بُعد الأبو يريد گلب ما مَرّة مفجوع
عِفت العليلة گلبها إعليك مشلوع
ــــــــــــــــــــــــــــــــــــــــــــــــــــــ
@MurtazaHarb313

ماكو امل وهل كمل
الضعن وانه على الهوادج عيني
عاتبت شگد ردت .. واحد يركبني ويرضيني
من المرض تعبانه .. چاگولو امشي ويانه
تعوفوني محتارة ودمعاتي بعيوني
تمنعني احجي العبرة ..وكل محمل ابچي بكترة
مااگدر حته اوگف .. خلصانه شوفوني
ياهلي ماتعبكم ... تكفيني بس شوفتكم
ما اصعد بأي محمل انه امشي اخذوني
شيصبر ابنيتكم ... كلشي ولا فرگتكم
شلون اصبر لو طالت هل فركه حاچوني
دموعي تهون عليكم .. لاياهلي
كلكم محنه ادريكم .. لاياهلي
الموعد حان والزمن .. مالي مچان بالضعن لاياهلي


مو مالت اتعوفوني لاياهلي
اندارو علي شوفوني لاياهلي
هاي احنان گلبي حن مالي مچان بالضعن
لايـاهـلي
...........................................................

ياهلي ياهوالي .. وانه شيل الجدم مابي حيله
شنتضر احتضر .. گاعدة والفرگه چنهه اطويله
گلبي يريد احبابه .. هذا الفراگ اشجابه
وطشرنه وخلانه كلمن صار ابديره
صح مرضي ثگل جدمي .. بس چنتو كلكم يمي
شتحمل فرگاكم لو مرضي شهل حيرة
مابيه حيل الفرگه .. وگلبي الفراگ يحرگه
شوفولي حل يهلي محلفتكم بالغيرة
روحي تحب لمتكم .. صعبه انحرم من عدكم
لغز الفرگه يحير وين الگه تفسيره
مو هذا چان احسابي .. لاياهلي
اسئل واريد اجوابي .. لاياهلي
گبالي النوگ من حدن .. ومالي مچان بالضعن
لايـاهلـي


مو مالت اتعوفوني .. لاياهلي
اندارو علي شوفوني .. لاياهلي
هاي احنان گلبي حن .. مالي مچان بالضعن لايـاهـلي

...........................................................

معلعله ياهو اله ... گلبي المخلينه تلهب ناره
بدمعتي وحسرتي .. اگعد انشد عالضعن وخباره
تراب الدرب شميته .. ومن دمعتي ساجيته
بكل شهگه اتنفس يحبابي فرگتكم
ياهلي تعبتوني بهذا الجفه تموتوني
هل بينت برسومي يالرحتو عازتكم
اباب الدمع راح اگعد .. وانطر ضعنكم ونشد
عفتوهه من الوحشه ماتنطب ديرتكم
وين انتم بياديره .. حيرة جفاكم حيره
لا بيه متاناكم ولا بيه الأتبعكم
مو انتم التنسوني .. لاياهلي
يالتارسين عيوني .. لاياهلي
هموم الليل من اجن .. مالي مچان بالضعن
لايـاهـلي


مو مالت اتعوفوني .. لاياهلي
اندارو علي شوفوني .. لاياهلي
هاي احنان گلبي حن .. مالي مچان بالضعن لايـاهـلي
...........................................................

يادمع ينسمع .. وانه ضلت عندي بس ادموعي
هل حمل مو سهل .. وانه تعب المرض حاني اضلوعي
يهلي الهجر كاسرني .. عالفرگه شيصبرني
روحتكم خلتني مشتاگه وزعلانه
ها ياهلي شعطلكم .. ردو على بنيتكم
العفتوهه من الفرگه الماترحم تعبانه
الليل يبدي وتبدي .. تجرح ادموعي بخدي
لاتخلص دمعاتي ولا انه الخلصانه
بالي بقه من حيلي .. انطر نهاري وليلي
التارس گلبي وعيني ضل فارغ ديوانه
چنه تگرب موتي .. لاياهلي
ومايوصل الكم صوتي .. لاياهلي
واالحسراات ماگضن .. مالي مچان بالضعن لايـاهـلي


مو مالت اتعوفوني .. لاياهلي
اندارو علي شوفوني .. لاياهلي
هاي احنان گلبي حن .. مالي مچان بالضعن لايـاهلـي
...........................................................

ماغفن عيوني ذن .. ياهلي من اهد ماعفتوني
من النشد ينمرد .. گلبي لو عنكم خلك نشدوني
عليكم دليلي معود .. حگه اذا ماهود
رايدكم لجروحه المن عدكم ردوله
موو مالت افراگ انه .. ولا بيه حيل متانه
ماراح اتردولي يحبابي معقوله
يومي علي گوه يمر .. اگطع الضن لو اصبر
ودولي أي طارش وخل يسرع گلوله
لن بعد ما اتحمل .. گلبي الحنين اتعلعل
ماتگدر توصلكم بنيتكم معلولة
لو ما احسب بيكم .. لاياهلي
چا ما عتبت عليكم .. لاياهلي
العلوياات مو مشن .. مالي مچان بالضعن لايـاهلـي

مو مالت اتعوفوني .. لاياهلي
اندارو علي شوفوني .. لاياهلي
هاي احنان گلبي حن .. مالي مچان بالضعن لايـاهلـي
...........................................................

القصيـــدة : لا يـا هلـي
اداء : مـــرتضـئ حـرب
كلـمـات : مـــرتضـئ حـرب