عقاب الغيبة ⁉️ الشيخ علي المياحي

قدحةٌ صغيرة من نور المحبوب اشعلت النار العظيمة في بستان قلب المحب ...

احترق كل شيء من قبس من نور حبه !

وحين يشتعل بيدر القلب بالحب الإلهي ، تخمد نار 🔥 معبد النفس الشريرة !

فسبحان من قبس نوره يحرق ويخمد !

ان شعاع قبس نوره يطفئ نار الجهل ، ولظى الغرور ، وجهنم الأنا !

وبالمقابل يسعر الشوق ، ويزيد العزيمة ، ويرفع الهمة ...

هنيئا لمن نال جذوة من النور وقبسا من النار ( وَ هَلْ أَتاكَ حَدِيثُ مُوسى‏ ، إِذْ رَأى‏ ناراً فَقالَ لِأَهْلِهِ امْكُثُوا إِنِّي آنَسْتُ ناراً لَعَلِّي آتِيكُمْ مِنْها بِقَبَسٍ أَوْ أَجِدُ عَلَى النَّارِ هُدىً ) .

هنيئا لأولئك المتلوعين بهذا الشوق ، لقد بقينا نحن سجناء الالفاظ والكلمات بينما طار رفقاء الدرب في عالم المعنى وعبروا اسوار العبارات وحلقوا بعيدا في عوالم الجمال ... اطفئ السراج !

الشيخ علي المياحي
https://www.tg-me.com/ali11041

#سوالف_فِلح !

اللغات هواي بس المعنى واحد ، والمعاني هواي والحقيقة واحدة ، والتجليات كثيرة والمُتجلى بها واحد ، الشجرة واحدة - كنبت ! - بس التعامل وياها مختلف :

آدم : ممنوع ياكل منها !
نوح : صنع منها سفينة !
موسى : سمع الصوت منها !
مريم : گعدت جواها وهزتها !
نبينا : جاءته تسعى !
ولذا قال : ( آدم ومن دونه تحت لوائي ) !

فاذا شفت المعنى والحقيقة وعرفت روح الشجرة راح تبتعد عن هوسة الالفاظ وتعدد المشارب وتدرك سر ( شجرة طوبى ) الي تطلع من بيت علي وفاطمة ونهايتها بالجنة وهذا البيت ( متى تأتيه ترد فهو بحر متلاطم ) !

ما علينه بأسرار الشجرة العُليا گلي :

شجرة روحك شلونها ؟!

چانوا يگولون : اذا تريد شجرتك تثمر كون تحرث گاعك ، وتگلبها ، وتجيب الماي مناااااااك من بعيد ، تجر النهر من گذلته وتجيبه لنخلتك ، وبعد ما تسگيها تنتظر هواااااي ومن تنترس العثوگ تمر ودي على ( مريم گلبك ) حتى تجيب عيسى الحقيقة جواها !

اكو ناس - مثل حالي - شجرة اصطناعية حلوة بس ما بيها ثمر ، مثل الوردة الصناعية حلوة بس ما نشتمها !

شلونكم وي شهر رمضان ؟!!!
ادري احنه بشوال ادري
بس شلونكم وي شهر رمضان ؟!!!

د.الشيخ علي المياحي
https://www.tg-me.com/ali11041

اعلى درجة يوصلها الانسان ⁉️الشيخ علي المياحي

#العاصفة_الترابية

تجي رياح قوية 🌪 تحرِّك التراب ، وتنقله من مكان استقراره الى اماكن اخرى مثل المدن والولايات ويمكن تأثر على بعض الناس فيختنگون ...

الصوچ بالرياح اجت ؟! لو بالتراب خفيف ؟! لو بالمدن ما بيها مصدات ؟! لو بالناس ما تگعد ببيوتها ؟!

🔷 وهنا چم سالفة :

1️⃣ عايلة گاعدة ومستقرة وكلشي ما بيها ، تجي ريح صفراء على شكل قيل وقال حركت بيهم الخلافات والمشاكل والطلايب فهم بدلا ما يلبسون كمامات ويگعدون ببيوتهم يطلعون للشارع ويتطشرون !

🔰 صوچ الطباخ ناره هادئة ❗️

2️⃣ نفس مستقرة وهادئة وتريد تعيش مطمئنة تجي نظرة محرمة لو مراسلة جريئة هاج تراب الشهوة وهبت العاصفة الانفسية ...

🔰 صوچ الشبابيك مفتوحة ❗️

3️⃣ مجتمع مستقر ، ومحافظ على نسيجه الاجتماعي ، وولاية حلوة ومزيونة تعاركوا بيت فلان علمود فسيفس وي بيت فلان ، تحزمت العرب وتحركت بهم نعرة الجاهلية وتعال يا ابو دريد شيل من المنطقة لأن اللي تعارك ويانه ابن خالة عمة زوج امك اللي اخذها ورى ما مات ابوك ❗️

🔰 صوچ ابو دريد لأن يلبس قاط حني ❗️

🖋 الشيخ علي المياحي
https://www.tg-me.com/ali11041

شلون لازم تسولف وي الله

سفرة الى الله....

ارجع لله شمتاني⁉️الشيخ_علي_المياحي

شنو حالك بالقبر⁉️الشيخ علي المياحي

نصيحة للطلاب⁉️الشيخ علي المياحي

علاج الضوجة \الشيخ الشيخ المياحي

كفارة الغيبة\الشيخ علي المياحي

مجمتع صلواتي\الشيخ علي المياحي

📕 كل الي يبتعد عن الله راح يلگه ساعي الى هلاكه ولا يستطيع رده !!

لا يوجد زرع بلا آفه
حتى جحر الفأر اكو قطَّة تريد تخربه !!

📒 لا تخلي خيالك يسمن !!
سُمنة الخيال تفسد الذهن ، وتهدم بيت الصفاء !

الكيمياء الحقيقية هي تحويل نحاس الخيال السيء الى ذهب الخواطر الربانية !
وهنيئا لمن عرف هذا الترياق !!

📔 توگف انت وصديقك عالنهر واكو صياد يصيد سمكة ... انت صارت عينك على السمكة وصديقك ركز على الشص !!

الامر راجع لباطنكما ... النهر والصياد والسمكة والشص مجرد كواشف للحقيقة !!!

📓 يعقوب شاف يوسف ولي الله - انتظره - ، اخوانه شافوه ماخذ مكانهم - حسدوه - ، زليخا شافته بشهوة - راودته عن نفسه - ، ملك مصر شافه حكيم - اتخذه وزيرا - وهكذا

كل واحد يشوف بعين قلبه فتأمل !!!

🖊️الشيخ علي المياحي
https://www.tg-me.com/ali11041

📜 ابو علقمة ـ مولى بني هاشم ـ يگول :

يوم من الايام صلى بينا النبي (صلى الله عليه وآله) صلاة الصبح والتفت علينا وكال :

💠 البارحة بالمنام شفت عمي حمزة بن عبد المطلب واخي جعفر بن ابي طالب وكان بيدهم طبق من نبگ ياكلون منه ، ورى شويه نفس النبگ تحول عنب 🍇 !

يكول النبي : تدنيت شويه ، وسألتهم : بابي أنتما شنو أفضل الاعمال الي لكيتوها تنفع بالبرزخ ؟!

قالا : فديناك بالآباء والأمهات ، افضل ثلاثة اعمال لكيناهن بالبرزخ :

1️⃣ الصلاة عليك ( الصلاة على محمد وآل محمد ) .
2️⃣ وسقي الماء
3️⃣ وحب علي بن ابي طالب (عليه السلام) .

المصدر : دار السلام ، ميرزا حسين النوري الطبرسي ج1 ص54

على بركة الله تعالى نشرع بدرس ( شرح مصباح الشريعة للإمام جعفر الصادق - عليه السلام - ) وهو أفضل كتاب في السير والسلوك والعرفان بعد القرآن الكريم ونهج البلاغة والصحيفة السجادية ...

البث المباشر بعد صلاة المغرب على القناة الرسمية على التلكرام

https://www.tg-me.com/ali11041

نسأل الله تعالى التوفيق والسداد

جمال اللقاء\الشيخ علي المياحي