تذكّر و لك بالذكر مالك من الأسفار
‏تذكّر و خلّ الذاكره بالزمان تعود

‏تذكّر يوم إن حدود وصلك ثلاث أمتار
‏تخطيتها ما كنّ ذيك الحدود حدود

‏وصلتك وقمت بواجبك قبل سابع جار
‏أخفي عليك سدود وأبني عليك سدود .

- مدغم أبو شيبه .

مشاعري مثل البحر يوم يجتاح
‏سواحلك من فوق جزرك ومدّك

‏سلمت لك قلبي كذا دون مفتاح
‏تدخل وتخرج يالغلا من يردّك ؟

‏أقول لك حاجه وتقنع وترتاح
‏انا على حبّك وشوفك وعهدك

‏لاتطري الفرقا وأنا معك مرتـاح
‏محدٍ ملا عيني من الناس بعدك .

على خير أشوفك كان حنّا من الحيين
‏مصير اللّيالي تجمع الحيّ مع حيّه

بقدرة وليّ الكون رب السماء والدين
إلهٍ سجدنا تحت عرشه وكرسيّه

يقلل سنين العمر ولاّ تزيد سنين
بيديها الأمر ماهوب فيديك ويديّه

وترى البعد بعد القلب ماهو ببعد العين
وأنا أبعدت عنك وأنت في قلبي وفيّه

وبوعدك وعد الحرّ والحرّ وعده دين
أبودعك ذلحين وأوعدك بالجيّه

لو إن البطا والبعد والمنتزه والبين
تقطّع حبال الوصل وتغيّر النيّه

عليّ نذر ولا أقول تدري عليّ نذرين
ماينساك قلبٍ وأنت ذكره وطاريّه .

- مبارك بين عينان .