Ertangi taqdimotimiz Milliy Gvardiya Ma’naviyat va ma’rifat markazi binosida boʻlib oʻtadi.

Kirish rasmdagi binoning orqa tomonidan.

Lokatsiya

Сўров

Ҳайронман,  ким кимга отаяпти ўқ,
На ўқни тўхтатдим,  на бўлдим қалқон.
Кеча ўрасидан чиқмаган аскар,
Бугун тирикман деб бўлса қаҳрамон...

Ҳайронман,  не учун Ҳақ демас тилим,
Ёки ўчирдимми дилдаги чўғни?
Нега кўнаяпман ҳақсизликка жим,
Менга бир қаранглар,  ўлганим йўқми?

Нажмиддин ЭРМАТОВ

BIR YOQDA
Najmiddin ERMATOV she’ri

Musiqa muallifi: Odina Abdulhayeva

Telegram kanallarimiz:
@erkinbozorovv

@Najmiddin_Ermatov

Facebook / Instagram / Youtube

#БАЙРАМ_МУБОРАК

ҚЎРБОШИЛАР ҚЎШИҒИ

Шимолдан ёғий келар
Талаб қилиб Туронни,
Минг аср эш бўлсак ҳам
Бизга қўшилмас қони,
Ўрнингдан қўзғал энди,
Туркий элнинг ўғлони,
Тулпорингга қамчи ур
Селдай қалқи, бовурим,
Бизлардан шон сўрмоққа
Ватан ҳақли, бовурим.

Туроннинг эр-у қизи
То азалдан мард келар,
Турклар дунё сўрар деб
Қадимдан бир шарт келар,
Душманга қул бўлганнинг
Авлоди номард келар,
То абад тинмасин-а
Мерос чархи, бовурим,
Бизлардан ор сўрмоққа
Ватан ҳақли, бовурим.

Тўтига ошно булбул
Чаманга арзимайди,
Душмандан қочиб ўлган
Кафанга арзимайди,
Мустабидга қул элат
Ватанга арзимайди,
Балки кўрар умрнинг
Келди гашти, бовурим,
Бизлардан ҳол сўрмоққа
Ватан ҳақли, бовурим.

Туркий элат бошида
Бегона тахт кўрмасин,
Бош эгар омонликни
Ўзига бахт кўрмасин,
Кун келиб фарзандини
Ёвга улфат кўрмасин,
Ўзлигинг кўрсатмоқнинг
Келди вақти, бовурим,
Бизлардан кор сўрмоққа
Ватан ҳақли, бовурим.

Бобомдан мерос ватан
Боламга мерос ўтсин,
Шуурига мангулик
Уйғотар овоз ўтсин,
Ёвга қаҳри қаттиқлик
Туркийларга хос ўтсин,
Кўзлардан олов ўтсин,
Ўтсин шахти, бовурим,
Бизлардан юрт сўрмоққа,
Авлод ҳақли, бовурим.

Юрт деб йўлга отладик
Буюкроқ сафар қайда,
Шу йўлда шаҳид кетсак
Бошқа бир зафар қайда,
Қул бўлган тирикликдан
Ортиқроқ хатар қайда,
Отланган ҳар йигитнинг
Шудир ахди, бовурим,
Бизлардан қон сўрмоққа
Ватан ҳақли, бовурим.

Агар ётга қўшилиб
Қондошлар сотса бизни,
Номимизга тупуриб
Хоиндек отса бизни,
Ўтмишидан юз буриб
Бир кун унутса бизни,
Яшамоқдан мани не,
Бу жон надир, бовурим?..
Бизлардан жон сўрмоққа
Ватан ҳақли, бовурим.

https://www.tg-me.com/Najmiddin_Ermatov

Бугун узангижўлдош жўрам Исломжон Қўчқоровнинг тувилди куни. Унга доимо Ҳақ, хақиқат ва халқ тарафида бўлишни тилаб қоламан.


УКРАИНЛАР ҚЎШИҒИ

1. Зулмнинг кўзи оч, нафси яланғоч,
Озод кўнгилларга солар ғулғула.
Она тупроғимни топтамагин, қоч!
Мана бу юрагим, қани, бурғила!

Қараб ол, қаршингда турибман мана,
Фақат эрк қошида чўкажакман тиз.
Ватаннинг номини айтар ва ана,
Шаҳидлик либосин кияр ўғил-қиз.

Тегрангда собитлик ҳақу ҳуқуқим,
Тонгдек отаману, кундек ботаман.
Майдон ўртасида соб бўлса ўқим,
Боламни ўқдонга жойлаб отаман!

2. Зулм мавҳ этолмас руҳи покларни,
У қуруқ танани бурда-бурдалар.
Ҳурлик қўшиғини жўр бўлиб айтар
Кўчага сочилган озод мурдалар.

Тўкилар миллатмас, одамзот қони,
Шу зайл яшасанг, заволинг тайин.
Эй тутқун дунёнинг озод инсони,
Мен ҳам украинман, сен ҳам украин.

© Исломжон ҚЎЧҚОРОВ

@islomjon_ijodi

Islom Qo‘chqorovga

"Shoir bo‘lsang qismating
Nahot ravondir, jo‘ra..."

@Najmiddin_Ermatov

#таклиф

* * *

Экинзор ёқаси
Бир жуфт сигир ўтлайди секин
Таёққа суянган хаёлчан бола
Қўлида китоб
Кўзларида оловланар шан!
Китоб бир олам
Борлиқ бир олам
Сигирлар ҳам мўъжиза унга.

Булут сузар
Осмонга санчилган тоғларни оша
Қуёш мизғимоқнинг тараддудида
Шафаққа кўмилган мағриб
Бола қалби очилган эшик
Саҳифалар шўнғийди аста
Бир жуфт сигир ўтлайди беғам.

Китобларнинг кетидан китоб...
Умр шиддат...
Фасллар лаҳза...
Ширин ҳорғинликни туйганча бола
Шафқатсиз ВАҚТнинг устидан кулар
Бир жуфт сигир ўтлайди ҳамон...

Акмал ТОШ

https://www.tg-me.com/Najmiddin_Ermatov

...Унгача, куюклим, суюклинг
Аёзда кўз ёши музласа,
Чидайвер, чидайсан бу юкнинг
Ипини баҳорлар узмаса....

Тўлиғи бу ёқда 👇👇👇

https://youtu.be/6vskY83-djg?si=wmjPyLsIV-MdUTQ9

Узоқ йўлда толиб бораётган йўловчи бир зум тин олмоғи каби, замонамиз ахборот оқимидан дийдаси қотаётган, босимлардан асаблари зўриқаётган киши ҳам енгил кулгуга эҳтиёж сезади. Йўлларда, кўчаларда, жамоат жойларида бироз бўлсада жилмайган одам қидиради, афсуски, аксари тунд ва чарчоқ босган қиёфалар...
Телеграмдаги турли ўзанларнинг ҳолатини ҳам шунга менгзаса бўлар. “Ўзининг-да устидан кула олган одам ҳақиқатни кўпроқ айта олади”, деган гап бор. Сизларга ана шундай бир енгил кулгу, енгил юмор қабилида билса ҳазил, билмаса чин, дея фаолият юритаётган канални тавсия қилмоқчиман...

Каналга уланиш 👇👇👇

https://www.tg-me.com/uzbekchilik17

Олтой туркумидан

– Олтойнинг ой қизи, куйлагин қўшиқ,
– Тошлардан сўрагин, тили бор.

– Ҳаттоки, қайинзор шовуллар жўшиб,
– Уларнинг миллионлаб эли бор.

– Не учун кўнглингни очмассан менга?
– Қўлимда кишан бор, кўрмассан.

– Йўл кўрсат, то абад эргашай сенга,
– Тўнғизнинг изи бор, юрмассан.

– Тоғларда борми ҳур кийиклар, кўрсат?
– Уларни ҳуркитдик, қайтмаслар.

– Бобонгдан қолгандир битиклар, ўргат?
– Мозори қаерда, айтмаслар.

– Қўшиқ бор тилингда Тангрига етгай,
– Оҳида ёғийнинг тиғи бор.

– Дарёдай куйласанг оғриғинг кетгай,
– Бўғзимда музлаган йиғи бор.

– Жон берай, ёноғинг оллансин бир бор,
– Кун туғса, тонгдайин отгайман!

– Мен сенинг қошингга қайтгайман такрор,
– Олтойда ой чиқса кутгайман!

https://www.tg-me.com/Najmiddin_Ermatov

Бугун кучли тўртликнинг тўкис вакили, Самарқанд минорларидай улуғвор ва зардоли гулидай нафис шеърлар муаллифи, халқнинг шоири Хуршид Даврон туғилган кун. Хуршид Давронсиз замонавий ўзбек шеъриятини тасаввур қилиш имконсиз. Устоз бир маёқ кабики, қанча ёш қаламкашлар унга қараб йўлини белгилаб олган, олмоқда, олади!

***

ҲАҚИҚАТ
Милтиқ ўқдонида писиб ётган ўқ
Барибир бировни ўлдирмай қўймас.
Ўқ буни билади – шундан кўнгли тўқ,
Шундан у кутишдан ҳеч қачон тўймас.

***
Сен келасан…
Сел келганда
Тошган дарё бўламан.
Беда ортган аравадай
Хушбўйдирман сен билан.
Сен кетасан…
Мен ортингдан
Боқарман чўл йўлида
Аравадан тушиб қолган
Хушбўй беда гулидай…

***

Бу дунёда орзу қилиш соатлари бор,
Айниқса, тунда, юлдузлар остида,
Яшилгина сайҳонликда, ўтлар устида
Ҳайратни қучоқлаб ётганда.
Бу дунёда азобланиш соатлари бор,
Айниқса, тунда, юлдузлар остида,
Яшилгина сайҳонликда, ўтлар устида
Ҳасратни қучоқлаб ётганда.
Бу дунёда севиш, севилиш соатлари бор,
Айниқса, тунда, юлдузлар остида,
Яшилгина сайҳонликда, ўтлар устида
Хаёлни қучоқлаб ётганда,
Ҳаётни қучоқлаб ётганда,
Аёлни қучоқлаб ётганда.

* * *
Бир ухлаб турсам, баҳор кирибди,
Кейин ёз, кейин куз,
Кейин қаҳратон.
Қанча ухлаб турма, курагинг
Узилмайди ердан ҳеч қачон.
Кириб келмас фақатгина эрк…
Унинг учун уйғонмоқ керак…

* * *
Неча йилдир, бу юртда фақат
Гапирарлар ўтмиш ҳақида
Унитилган бугун ва эрта.
Неча йилдир, бу мамлакатда
Ундовнинг куни туққан,
Савол — нафақада…

https://www.tg-me.com/Najmiddin_Ermatov

Бугун шоир, ука-жўрам (бу сўзни Хуршид Даврондан ўзлаштирганмиз) Шаҳриёр Шавкатнинг туғилган куни. Тан оламан, уни дастлаб таниган пайтларим унча хушламасдим, маҳмадоналиги кўпдай туйиларди. Кейинчалик бир ижарахонада ҳужрадош бўлдик, яқиндан билишдик. Самимий, кўнгли очиқ йигит. Энг муҳими, шеърларидаги ёр-у эл, Ватан дарди ясама эмас, ҳис қилганини, кўнглини ўртаганини оққа туширади. Чин ёзади, чин шоир.

* * *
Солланар шотутнинг барглари,
Шаҳарнинг уйқуси буғланар.
Кишварим,
Савсарим,
Қайсарим,
Елкамни келтирдим –
Йиғлама!..

Банорас булутлар бир сипо,
Томчилар ҳавода тиғланар.
Шундоғам фусусим беҳисоб,
Елкамни келтирдим –
Йиғлама!..

Хаёлнинг сочлари
сарсари
шамолнинг шавқида доғланар.
Эй манинг кўзёши кавсарим,
Елкамни келтирдим –
Йиғлама!..

Адирда апрелнинг найсони
Тақмоқда сабуҳий сирғалар…
Шабнамим,
Ғизолим,
Шаъбоним,
Елкамни келтирдим –
Йиғлама!..

https://www.tg-me.com/shahriyor_shavkat

@Najmiddin_Ermatov

#tavallud

24-yanvar – shoir Najmiddin Ermatov tavallud topgan kun!

Hayronman kim-kimga otayapti oʻq,
Na oʻqni toʻxtatdim na boʻldim qalqon
Kecha oʻrasiga berkingan askar.
Bugun “tirikman” deb boʻlsa qahramon.

Hayronman ne uchun haq demas tilim,
Yoki oʻchirdimmi dildagi choʻgʻni,
Nega koʻnayapman haqsizlikka jim,
Menga bir qaranglar oʻlganim yoʻqmi.

Yoshlikjurnali.uz
@yoshlikjurnali

#tavallud

24-yanvar – shoir Najmiddin Ermatov tavallud topgan kun!

Tun.
Yomg‘ir.
Qorishiq ifor.
Uchqur xayol, qadamlar asta.
Borliqqa sochilib keladi ketging,
Yomg‘ir bo‘lsam kerak, aslida.

Sen yo‘qsan.
Hech kim yo‘q.
Nimalardir bor.
Nenidir tuyarsan yomg‘ir ostida.
Men axir osmonda yashaganmanku,
Ne qilib yuribman zamin ustida.

Shayton.
Ta’qiq.
Va o‘sha meva—
Afsus bor quvg‘indi odam naslida.
Negadir ularga aloqam yo‘qdek,
Yomg‘ir bo‘lsam kerak, aslida.

✍🏻 Najmiddin ERMATOV‌‌
🎙 Shahina Usmonova
🎬 Shamsiyevna

@us_ijodkor_qiz bilan birga!

#Maktub

Assalomu alaykum, hurmatli shoir Najmiddin Ermatov! Bir muxlisangiz oʻlaroq sizga bir enlik maktub yozishga jurʼat etdim. Sizni ilk bor institutimdagi tadbirda uchratgan edim. “Ana, Najmiddin”, “Najmiddin ham kelibdi” degan sadolar butun zalni qurshab olgan edi. Yolgʻon gapirmayman oʻshanda “Kim ekan, bu shoir” deb oʻylagan edim. Nihoyat tadbir yakunlanish arafasi, sahnada esa siz. “Koʻk boʻri kezgan sarhad”,-deya boshlanuvchi sheʼringizni oʻqiy boshladingiz. Sizning ovozingizdan uxlayotgan koʻzlar bilan vijdon ham, murdaning yuragi kabi qotib ketgan qalblar uygʻondi. Huv anavi Amerika orzusida yugurgan oyoqlar Vatan uchun tik turishni oʻrgandi. Soʻng “Kelma”ni oʻqiy ketdingiz. Yurak yaralgandan beri berilgan dardini esladi. Ruhim ruhdoshini tanigandek boʻldi. Zaldagi talabalar doʻstlarim bilan ruhzor oralab ketdik. Yoʻlboshchimiz siz edingiz. Oʻsha kuni ozgina boʻlsa ham VATAN uchun yashashni oʻrgandik. Eski, shu bilan birga hanuz mavjud darsimizni qoʻzgʻadingiz. Shu uchrashuvdan keyin ijtimoiy tarmoqlarda kuzatishni boshladim. “Yomgʻir boʻlsam kerak, aslida...” sheʼrini juda yoqtirib qoldim. Yomgʻirni juda sevaman, undagi dardni ham his etaman. Bu sheʼringizda ayni his etganlarim bir chizgida chizilgan edi. Sheʼriyatga oshno qalblar kabi mening qalbim ham shu satrlar ichida yashadi, nafas oladi... Keyin, Yerga oid emasligimni ham qayta his etdim.
Bu kabi gʻamboda sheʼrlar uchun tashakkur. Chunki bu sheʼrlar bilan minglab qalblar va vijdonlar uygʻonmoqda.

Hurmat bilan Saydullayeva Ziyoda. Andijon davlat pedagogika instituti talabasi.
10.11. 2024.

Бугун шоирим Нажмиддин ЭРМАТОВ таваллуд топган кун! Умрига, ризқига, ижодига барака тилаймиз! @Shodmonqul_SALOM