Бугун яқин дўстимиз, катта шоир, тенгқурларимиз орасида энг закийси Мансур Жумаев чин дунёга сафар қилди.

Ундан икки фарзанд ҳамда бир дунё ёзилган ва ҳали ёзилмаган шеърлар қолди(((

* * *
Олдинда бир йўл бор кўп йироқ,
тарҳини, топмадим ким бичган:
қиличим дамидан ўткирроқ,
сочларинг торидан ингичка.

Олдинда кўприк бор — ости жар,
билмадим ўзим не бўламан,
азизим, сен ўтгил бехатар,
азизим, сен фақат қулама!

Олдинда чаман бор,
сафо бор,
хотиржам-хотиржам ҳаво бор...
азизим,
унгача озгина
ситам бор,
зулм бор,
жафо бор...

Ишқ дедим кезиб тўрт ёғингда,
ишқ дедим,
чорладим билмайин;
азизим, сен борар боғингда
мен кутиб оларман жилмайиб!

Унгача йўл бордир кўп йироқ,
тарҳини, топмадим, ким бичган:
қиличим дамидан ўткирроқ,
сочларинг торидан ингичка.

© Мансур ЖУМАЕВ

Bugun o‘zbek she’riyati og‘ir judolikka uchradi. Iste’dodli va taniqli shoir Mansur Jumayev olamdan o‘tdi. Bu haqda uning yaqinlari facebook sahifasida ma’lum qildi.

Mansur Jumayev 1991-yili Qashqadaryo viloyati, Mirishkor tumanida tug‘ilgan. O‘zbekiston davlat jahon tillari universitetining Xalqaro jurnalistika fakultetini tamomlagan. O‘zbekiston Yozuvchilar uyushmasi a’zosi. Shoirning “Oq orzularim”, “Hayrat qo‘shiqlari”, “Hazrati ishq” nomli she’riy to‘plamlari nashr etilgan. Yaqinda chop etilgan “Izlam” turkumida “Biz kutgan fasl” nomli she’riy to‘plami chiqqan. Bu shoirning oxirgi kitobi bo‘lib qoldi.

Мансур Жумаев. Шеърлар. Шоирнинг ўзи ўқиган. / Mansur Jumayev. She’rlar. Shoirning o‘zi o‘qigan. https://www.youtube.com/watch?v=aGhQ3WGuKRs

Marsiya

Mansur Jumayevga

Toshkentdan Qarshi qadar yomg‘ir yog‘ib borodur,
O‘n bir dilpora do‘sting esdan og‘ib borodur,
Kuygan ko‘kay kuydirgi ko‘zni sog‘ib borodur,
Yo‘l ham bizga qo‘shilib,  zorlanib borar,  do‘stim.

Qatordan kamni sanab,  kuzak hayron boqodur,
Yulduzini uchirgan osmon vayron boqodur,
Sen kutgan fasl* kelib,  vale giryon boqodur,
Qilmishidan qismating orlanib borar,  do‘stim.

Oldinda bir ulov bor,  ichida ikki murg‘ak,
So‘lg‘in bitta gul bordir - sen sevgan o‘shal yurak,
Kim bosh bo‘lar ularga,  kim bo‘lar endi tirgak?..
Orzular xazon yanglig‘ xorlanib borar,  do‘stim.

Buncha uzun bu yo‘llar,  buncha bag‘ri yag‘irdir,
O‘n bir yo‘ldosh boradur,  bari yag‘ir bag‘irdir,
She'rlar qoldi shoirsiz,  nahot she'r ham sag‘irdir?..
Lek shoiri Tangriga yorlanib borar,  do‘stim.

Derazadan termulsam,  otilib chiqib oting,
Xayolimda siniqqan surating turar qotib,
Tark etdi deb ingrasam, battar o‘rtabon yoding
Borgan sari dunyoda borlanib borar,  do‘stim.

*''Biz kutgan fasl'' kitobi

МАНЗИЛ

Мансур Жумаевга

Йўқ, бу – дунё эмас, бу асли рўё,
Заррача дардингдан қилмайди халос.
Карвонлар адашган, йўллар зим-зиё
Кўнгилда ўлимтик илинж бор, холос.

Йўқ, бу – қуёш эмас, бу ўтли кўзёш,
Бир томчи нур тилаб энтикади жон.
Адолат сўрайсан – эримайди тош,
Томирингда қайнаб қотиб қолган қон.

Йўқ, бу – ёмғир эмас, бу аччиқ тақдир,
Бир ожиз кўнгилни ўртаган алам.
Очилмоқдан қўрқиб ўлаётган сир,
Бир томчи кўз ёшга кўмилган олам.

Йўқ, бу – севги эмас, шунчаки сезги,
Мудом тортаверар бир ёввойи ҳирс.
Юрагингда бўшлиқ, юзингда кулги,
Руҳсиз вужудингни тарк этар бир ҳис.

Йўқ, бу – ўлим эмас, бу менинг йўлим,
Сочиб юборилган минг битта имкон.
Биргина манзилга етмаган умрим,
Томоғимда титраб сўнаётган жон...

©️Дадахон

@dadaxonmuhammadiy

#IZLAM

1. Shahriyor Shavkat “Ham” — 31 000 so‘m

2. Nozima Habibullayeva “Nafas” — 27 000 so‘m

3. Mansur Jumayev “Biz kutgan fasl” — 27 000 so‘m

4. Najmiddin Ermatov “Turon sog'inchi” — 31 000 so‘m

5. Furqat Alimardon “Qorakuya” — 27 000 so‘m

6. Suhrob Ziyo “Daryo” — 31 000 so‘m

7. Muhammadxon Yusupov “Deraza ortida” — 31 000 so‘m

8. Bayram Ali “Bosiriq” — 35 000 so‘m

9. MohiRa “Qirq birinchi kun” — 35 000 so‘m

10. Gulrang “Gulqaychi” — 27 000 so‘m

11. Jaloliddin Sayyid “Huqqaboz” — 31 000 so‘m

12. Jumanazar Yo'ldosh “Sir” — 31 000 so‘m

13. Rahmat Bobojon “Ro‘baro‘” — 35 000 so‘m

14. Gulhayo Anorova “Avron” — 27 000 so‘m

15. Sevara Alijonova “Mahkum sayohati” — 31 000 so‘m

Umumiy narx: 457 000 so‘m
Chegirmali narx: 370 000 so'm

Chegirma butun to‘plamni sotib olganlar uchun amal qiladi.

Xarid: www.tg-me.com/akademsavdo

📚 @akademnashr

Youtube | Instagram | Facebook  | Twitter

* * *

Uning qaytar vaqti boʻldi, yoronlar.
E.SHUKUR

Namxush noyabrning nihoyasida
Koʻlmaklar izingni sanashga tushdi.
Motamda sochini yulgan kampirday
Majnuntol boshidan roʻmoli uchdi.
Qaytar vaqting boʻldi, yorijon.

Hilolning yuzini toʻsdi bulutlar,
Mayogʻin yoʻqotgan xayolim daydir
Kimsasiz bogʻlarning qoʻynida shamol
Izgʻiydi qadimiy bir sirni aytib.
Qaytar vaqting boʻldi, yorijon.

Tun yarmi, bemahal qichqirdi xoʻroz,
Xudoyim, chirogʻim qolmasin oʻchib
Ming yillik musallas topgan mayxoʻrday
Darchadan tamshanib boqmoqda kecha.
Qaytar vaqting boʻldi, yorijon.

Gʻamboda tunlarda seni kutyapman,
Ey gʻamnok vatanning gʻamguzor qizi.
Qoʻrqib moʻralayman, tuman tushibdi,
Topa olarmisan qaytishga izni?..
Qaytar vaqting boʻldi, yorijon.

Sen ketgandan beri shundaydir hayot,
Sen yoʻq kunlarimda shunga qasd qildim.
Ne boʻlsa boʻlar deb, chiroq oʻchirib,
Qancha kechalarni ming bor mast qildim.
Qaytar vaqting boʻldi, yorijon.

Namxush noyabrday tugab boryapman,
Qahraton kelsa gar, nihoya tayin.
Sening ketganingni koʻrganman, yetar,
Sening kelmasliging koʻrib qolmayin.
Qaytar vaqting boʻldi, yorijon.

📘 Najmiddin Ermatov, “Turon sog'inchi”

@akademnashr

A𝘡𝘐𝘡 𝘒𝘐𝘛𝘖𝘉𝘚𝘌𝘝𝘈𝘙𝘓𝘈𝘙, 𝘛𝘌𝘗𝘗𝘈-𝘛𝘌𝘒𝘐𝘕 𝘒𝘐𝘛𝘖𝘉
𝘖𝘓𝘐𝘚𝘏𝘕𝘐 𝘟𝘖𝘏𝘓𝘈𝘠𝘚𝘐𝘡𝘔𝘐 ?

UNDA "Izlam" 𝘛𝘈𝘕𝘓𝘖𝘝𝘐𝘔𝘐𝘡𝘋𝘈 𝘍𝘈𝘖𝘓 𝘉𝘖'𝘓𝘐𝘕𝘎 !!!

“Аkademnashr” nashriyoti tomonidan chop etilgan “Izlam” turkumidagi
kitoblarning birinchi sohiblaridan biriga aylaning.

✅ 1 o’rin “Izlam” turkumida chop etilgan istagan besh kitobi;
(Imkon qadar kitob muallifining g’olib ismiga yozilgan tilaklari va dastxati bilan)

✅ 2 o'rin “Izlam” turkumida chop etilgan uch kitob;

✅ 3 o'rin “Izlam” turkumida chop etilgan ikki kitob;

Eng faol o’n ishtirokchi “Izlam” turkumida chop etilgan bir dona kitob bilan taqdirlanadi.

Tanlov sharti juda oddiy bot va homiy kanalga a'zo bo'ling hamda sizga taqdim etiladigan linkni kitobxon do'stlaringizga ulashing. Eng ko'p do'stlarini safimizga chorlaganlar g'olib bo'ladi.

ɢ‘ᴏʟɪʙʟᴀʀ ᴛᴀʟᴀʙᴀʟᴀʀ ᴋᴜɴɪ ᴛᴜɴɢɪ 11:00 ᴅᴀ ᴇ'ʟᴏɴ ǫɪʟɪɴᴀᴅɪ.

👇👇👇👇👇👇👇👇👇👇

@KJtanlov_bot

ДОНОЛАРДАН ТЎРТ ҲИКМАТ

«Қайси мамлакат одамлари илмдан, ахлоқдан, адабиётдан, фалсафадан кўра кўпроқ сиёсат ҳақида гапирсалар, билингки, у мамлакатда ҳеч бир соҳа тартибга солинмагандир».

Фридрих ШИЛЛЕР,
немис шоири ва драматурги

«Уйқудаги одамни уйғотиш мумкин. Аммо ўзини ухлаётганга солиб ётган одамни уйғотиб бўлмайди».

Махатма ГАНДИ,
ҳинд мутафаккири

«Ҳақсизликка индамай бўйин эгадиганлар – ҳақсизлик қилганлар билан тенгма-тенг айбдордирлар. Чунки, ҳақсизликнинг ёйилишига ва куч олишига унга бўйин эгадиганлар сабабчи бўладилар».

Рабиндранат ТҲАКУР,
ҳинд ёзувчиси, шоир ва жамоат арбоби

«Халқнинг оғзидаги нонини тортиб оладиганлар оммага қаноатдан ваъз айтадилар...
Бўккунича овқат ейдиганлар очларга келажакдаги гўзал кунларни ваъда этадилар...»

Бертольд БРЕХТ,
немис драматурги

https://www.tg-me.com/Najmiddin_Ermatov

Тақво йўлларинда мажнунтол эгик,
Тераклар кеккайган азалий кофир.
Аслан қўноқлиги яширин дунда
Ёмғирлар муҳожир, мен-да муҳожир.

Токларнинг шохида тўнглаган ёши,
Беҳиштда данагин қолдирган анжир.
Бизни тарошлаган норасо дунё,
Ёмғирлар хабарчи, мен-да хабарчи.

Оҳулар кўзидан андуҳий бода
Ҳўплаган шамоллар эсида жудо.
Эс бу қолганларга ўхшамак бўлса,
Ёмғирлар девона, мен-да девона.

Қўрғошин тусдаги ёшни симирган,
Туманлар заминнинг чўнтакрўмоли.
Унинг бир камига даво қидирган,
Ёмғирлар сазойи, мен-да сазойи.

Ҳаққуш уясига тухумин қўйиб,
Каккулар минг йилки жўжа очирган.
Бул мудҳиш сирларнинг гувоҳи бўлиб,
Ёмғирлар осилган, мен-да осилган.

Кун-бакун тусланиб бораётган бул—
Замон оловбардор, замин ўтхона.
Кимки ёндош бўлса, эта бошлар кул,
Ёмғирлар бегона, мен-да бегона...

https://www.tg-me.com/Najmiddin_Ermatov

Сенинг бор насибангни бекларинг тотиб бўлди,
Бугунданку айрилдинг, эртангни сотиб бўлди...


https://www.tg-me.com/Najmiddin_Ermatov

*  *  *
Аслан ёмғир эдим.
Йўлин синдириб,
нурни ташна этдим ёмғир бўлмоққа.
Сандулоч кўзидан висол ўмариб,
ёғмоққа шай бўлдик,  фақат ёғмоққа.

Зарафшон жисмимиз каҳкашон ичра,
сочилган сомондан бир ошён ясар,
ёғармиз,
Исрофил суридан кейин,
ёғмоққа арзирли дунё топилса.

https://www.tg-me.com/Najmiddin_Ermatov

#nazm

Ko‘k bo‘ri kezgan sarhad itlarga talosh endi,
Ko‘tarilgan bosh emas, birgina quyosh endi,
Uchqun sochgan ko‘zlarning topingani yosh endi,
Turkiy elning shiddati so‘nganga o‘xshayotir.

Sarbadorlar qonini sellar yuvib ketganday,
Millat uchun jon berar alpni devlar yutganday,
Ultontozlar kun sanab, e voh, shuni kutganday,
Elning kuni nomardga qolganga o‘xshayotir.

Yuz ellik yil otangni otganni og‘a sanab,
Dili buzuq kelganning qadamiga gul qadab,
Yo, HAQ, deya yonganning mozoriga tosh qalab,
Saroyingga qarg‘alar qo‘nganga o‘xshayotir.

Eldan chiqib elidan irganganlar ko‘ringay,
O‘z tarixin o‘zgadan o‘rganganlar ko‘ringay,
G‘ujuri-yu zaboni o‘zgarganlar ko‘ringay,
O‘z farzanding o‘zingni sotganga o‘xshayotir.

Kechang zavolga do‘ndi, haykalday qotib bo‘ldi,
Sening bor nasibangni beklaring totib bo‘ldi,
Bugundan-ku ayrilding, ertangni sotib bo‘ldi,
Yo‘l ko‘rsatar mayog‘ing o‘chganga o‘xshayotir.

Burgut uchgan zovlarda quzg‘un bazm etmoqda,
Ildizingni kavshabon to‘ng‘iz hazm etmoqda,
Ertangni belgilashga yotlar jazm etmoqda,
Qoshiq butun, qiliching singanga o‘xshayotir.

Kechagi yovqir nigoh bugun yerga qadalgan,
Vatan kutgan jasorat non topishga atalgan,
Bo‘yin egik, qo‘l qadoq, tizzalaring qavargan,
Umid ko‘zyosh sho‘ridan so‘lganga o‘xshayotir.

Uyg‘otay deb kelgan ul bahorlar bekor ketar,
Har tongda quyosh turtib, har shomda bezor ketar,
Bo‘g‘zin yirtib shoirlar ming hayqirib, xor ketar,
Alloh, bu xalq shu holga ko‘nganga o‘xshayotir.
Turkiy elning shiddati so‘nganga o‘xshayotir.

©Najmiddin Ermatov

P.s: uxlolmay chiqardim videoni qilmaganimda)

#tanlov
#tuhfa

💥"Til va adabiyot ta’limi" jurnali telegram kanalida o‘tkazilgan navbatdagi tanlovda ishtirokchilar ko‘p bo‘lgani inobatga olinib, uch kishi g‘olib deb topildi. Ularni shoir Najmiddin Ermatovning o‘zi tanladi.

🔜 Hasan Sanayev, Sardorbek Yo‘ldoshev, Parvinani g‘alaba bilan qutlab, sovrinlar tez orada yetkazib berilishini ma’lum qilamiz.

🌈"Til va adabiyot ta’limi" jurnali telegram kanalida har hafta juma kuni tanlov e’lon qilinadi. Faol bo’ling! Nabvatdagi kitob Sizga nasib etishi mumkin!

Sayt | Telegram | Murojaat | Muhokama

Чўлпонона руҳият

“Излам” туркуми остида нашр этилган китоблар орасида энг яхшиларидан бири бу, шубҳасиз, “Турон соғинчи”дир.

Najmiddinbek Ermatov ҳам бугун ҳақида ёзади, шоирона нигоҳи билан биз яшаб турган жамиятни кузатади, идрок этади ва поетик тафаккури маҳсулини қоғозга тўкади. Аммо унинг бу тўкимлари турли рамз ва ишораларга тўла, маънолар кўлами кенг, ўтмиш ва келажакни ҳам ўзида бирлаштиради. Китоб номи бежиз “Турон соғинчи” деб номланмаган ва ундаги шеърлар ҳам уч “қур”га бўлиниб, “Жон”, “Қон” ва “Шон” каби туркумларга ажратилмаган. Ундаги ишораларни англаш учун тўпламни тўлиқ ўқиб чиқиш талаб этилади. Китоб муқоваси орқасида берилган ёмғир ҳақидаги шеър эса шоирнинг бадиий маҳорати маҳсули, холос. Унинг “Қўрбошилар қўшиғи”, “Бийлар ғолиб ҳар доимгидай”, “Қон ва сиёҳ”, “Кўк бўри кезган сарҳад...” каби асарларидаги руҳ, кайфият, ғоя ва кескин фикрлар китобнинг том маънодаги юкини белгилаб беради.

Нажмиддин ишқий лирикадан кўра кўпроқ Ватан учун ёниш, миллат тақдири учун қайғуриш, эркни, озодликни мустаҳкамлаш учун интилиш каби мавзулар ҳақида кўпроқ қалам юрғизади. Шоирнинг “Майна тухум очди булбул инида” деб бошланувчи шеърида айни шу оғриқли жиҳатлар акс этади.

Майна тухум очди булбул инида,
Чечаклар ундирди ажнабий тобут.
Не учун эрк ҳақда ўйлайман бунда,
Мустақил бўлган-ку аллақачон юрт.

Шоир Мустақилликни фақат урра-уррачилик, шиорбозлик, баландпарвоз гапларда эмас, амалда, барча учун бирдек шароит яратиб берилган демократик жамиятда кўради. Мустақил юртда яшаб, эркни ҳис эта олмаслик, ҳали ҳам эски тузумни қўмсайдиганлар борлигидан, жоҳилларнинг оддий халққа зуғумидан, айрим одамларнинг ҳам иқтисодий, ҳам маънавий эркин бўла олмаётганидан дарак беради, гўё.

Ёғийга тегишли забон кетса ҳам,
Бу туркий элат деб таниса ҳам дун.
Ҳалиям бошимда дордек турибди,
Шарифим боғлаган гажаксимон дум.

Тўла эркин бўлиш учун эски тузумнинг барча кераксиз ва ялтироқ унсурларини тугатиш лозим, деб ҳисоблайди шоир. Тилимизнинг обрўси ошгани, давлат тили сифатида мустаҳкамлангани яхши, аммо босқинчи давлат тилининг ҳали ҳам таъсири сезилиб тургани шоир кўнглини ғаш қилади.

Шеърнинг кейинги бандларида эрксизликни билдирувчи жиҳатлар, халқ сиёсий жиҳатдан мустақил бўлгани билан чин маънодаги эркка, қалбан уйғоқликка эриша олмаётгани тилга олинади. Совет даврининг энг баттол сиёсатларидан бири бўлган баландпарвозлик, хушомадгўйлик, ёлғон мақтовлар, қўшиб ёзиш, йўқ нарсани бор деб кўрсатиш каби иллатлар мавжуд экан, биз тўла эркин бўлолмаймиз, демоқчи бўлади шоир. Шеърдаги бадиий бўёқлар воситасида берилган сатрлардан англанадиган энг аччиқ ҳақиқат шуки, халқнинг қалб кўзи очилиб, миллат ва юрт тақдирини ўйламас экан, Ватандаги ҳар бир шахс ўзини эркин ҳис этиб, ўз сўзини баралла айтолмас экан, барча маънавий иллатлар Истиқлолнинг истиқболига соя солиши мумкин.

Кимдир кўз тикса ҳам, аниқки, миллат,
Душманнинг йўлини тўсишга қодир.
Аммо бекларининг ройига боқсам,
Негадир кўзимдан ёш сизаётир.

Ҳа, бу миллатнинг кучу қудрати чексиз. Ҳар қандай душманга бас кела олади. Аммо шоирнинг ҳадиги улар орасидан сараланиб чиқаётган кимсаларнинг илму амалида...

Нажмиддин Эрматов ижодининг асосий йўналишини шу каби шеърлар ташкил этади. Хусусан, “Бир ёқда...” деб бошланадиган шеърида ҳам ҳаётнинг аччиқ ҳақиқатлари бадиий услубда ифода этилади. Унда ҳам шоир жамиятнинг ўткир муаммолари: давлатни талаётган амалдорлар, йўқчиликдан хорижга иш излаб кетаётган ёш йигит-қизлар, бепарволик, лоқайдлик касалининг урчиб кетгани, ёлғончилик, каззобликнинг кўпайиб бораётганини қаламга олади. Бу бир қарашда Чўлпоннинг “Бузилган ўлкага” шеърини ёдга солади. Аммо ундан фарқли равишда бу юрт мустақил, аллақайси ёвлар томонидан топталмаган. Ривожланиш, юксалиш учун имконият етарли. Аммо халқнинг, одамларнинг бепарволиги, фақат ўз манфаатини ўйлаши юртни таназзулга тортмоқда.

Бир ёқда ҳаммаси ўткинчи гўё,
Бир ёқда ҳар бири жон беришга тенг.
Бир ёқда измидан қўймайди дунё,
Бир ёқда бир ёққа кетгинг келар сен.

Шоир агар шу шеърларини ўтган асрнинг 30-йилларида ёзганда борми, нақ НКВДнинг ертўласида ўтирган бўларди. Ҳеч ким унинг “мен давлатга эмас, айрим корчалонларниг баъзи қинғирликларига қаршиман, мана, халқимизнинг, давлатимизнинг куч-қудратига ишониб турибман-ку”, деганига қараб ўтирмасди. Тушуниб-тушунмай, шундоқ сиёсатга қарши қўярдию, кейин... Яхшиям, мустақил Ватанда эркин сўз айтиш бахти бор.

Шеърда, бадиий нутқда асосан рамзлар сўзлайди, туйғулар тўғридан тўғри эмас, балки истиораларга, ташбеҳларга ўралиб, ўқувчига етказилади ва ундаги тагмаъноларни топган, ҳис қилган китобхон ҳам ана шундан маза туяди, роҳатланади. Нажмиддин Эрматовда эса очиқча, яланғоч сатрлар кўпроқ учрайди. Унинг лирик шеърларига ҳам ижтимоий муаммоларни тиқиштириши, ўқувчининг тушунмай қолишидан ҳайиқибми, айрим воқеликларни майдалаб изоҳлаши шоирнинг журналистика соҳасида ишлаётганининг таъсири бўлса ажаб эмас. Аслида, бугуннинг поетик тафаккури баланд ўқувчиси учун ҳам биргина ишоранинг ўзи етарли.

“Турон соғинчи” шоирнинг эндигина иккинчи китоби. Тўпламга тўқсонга яқин шеър киритилган. Ҳаваскорликдан ўтиб, катта шоирлик даъвосини қилаётган, халқни сўзига ишонтириб, ортидан эргаштиришга қодир ижодкор учун бу камдек кўринади. (Балки, эълон қилинмаган асарлари кўпдир...) Ижодий имконияти энг чўққига чиқиб, салоҳияти юксалиб турган бу даврда сермаҳсулликни оширса, катта-катта поемалар, шеърий достонларга қўл урса, ўзбек адабиёти учун ҳам катта хизмат қилган бўлар эди. Зеро, ўзи бир шеърида айтганидек:

Шукрки, ҳозирча умид бор,
Бир ховуч уйғоқ бор, бор ҳали имкон.
Бир ёруғ қон бордир оқарга,
Айтарга сўз бордир бегумон.
Бир ёвқур руҳ бордир шуурда,
Ватан бор – арзирли берса жон.

Бекзод Иброҳим

Бугун ака-жўрам Дадахон Муҳаммадий туғилган кун!

КЕЧИККАН ЙЎЛОВЧИ

Поезд кетиб бўлди. Энди қайтамиз.
Кечиккан йўловчи, не кечар ҳолинг?
Битта чиптачию бир қоровулдан
Бошқа ҳеч кимсага келмас малолинг.

Кечиккан йўловчи, кел, мен билан юр,
Иккиланяпсанми қайтишга, ахир?
Бир шунга қўл силтаб кетолмаяпсан,
Поезд – тақдир эмас, пешонанг – тақдир.

Йўловчи, кўнглингдан нималар кечди?
Ҳар мусофир – меҳмон, бизнинг ақида.
Қўшиқлар айтамиз, шеърлар айтамиз,
Кечикиш ҳақида, кечиш ҳақида...

Кўнглингдан ўтганин мен ҳам сезганман,
Зулматдан гўёки қочиб панага.
Мен ҳам кетмасликка баҳона излаб,
Бир ўзим қолганман чиптахонада.

Қаерга кетяпман – исмсиз манзил,
Чиптага ёзиб ҳам бўлмайдиган жой.
Кечикканинг, балки, фожеамасдир,
Сен ҳам бебахтмассан қолиб, ҳойнаҳой...

Поезд кетиб бўлди. Энди қайтамиз.
Кел, энди, дўстимми, инимми, оғам...
Ҳеч ким кузатгани келмади, тушун,
Атай поездига кечиккан одам!..

©Дадахон Муҳаммадиев

@dadaxonmuhammadiy

Qanoti siniqku, ucholmas bulbul,
Tillari kesilgan, tumshug‘ida zang.
Sendan kattalarning hadigi sabab,
Sening zamoningdan quvilgan ohang.

Dilginang hapqirar hayajon yutib,
Sezasan nimadir chekishin nola.
Tinmay entikasan mo‘jiza kutib,
Qafasning sayrashin kutyotgan bola.

https://www.tg-me.com/Najmiddin_Ermatov