Келағай, ой тувған шомларнинг ёдин
Сочқилаб ўйнаймиз кузги боғларда.
Қарчиғай ташланган каптардай жонни
Бир фурсат асраймиз эзғин чоғлардан.

Келағай, бу ғайир йўллардан қўрқмай,
Узилган қадаминг гуллар ҳидласин.
Айириб берарман мен сенга ойни,
Ийириб берарсан унинг жилвасин.

Келағай, қошингдай қорайганда қош,
Юлдузлар кўзингдай ўчиб ёнганда.
Висол билан тўлган, сен билан тўлган,
Зорманда тунларга тағин зорманда.

Келағай, тўла май қадаҳим синмай,
Оғир бу оғриқдан оғринмай бағрим.
Сен кетган ўша жой—турибман жилмай,
Сен келсанг йўлларни айлармиз яғир.

Келағай ва буни ғайб ишига йўй,
Кўнглинг ишқ аршини қумсаган пайти.
Келағай, келмасанг менинг сен томон
Боришга ҳеч қачон сиғмайди ҳаддим.

Келағай, ой тувған овлоқ шомларда...

Н.Э.
Март, 2025

https://www.tg-me.com/Najmiddin_Ermatov

Бугун Абдулла Қодирий туғилган кун!

АҲВОЛИМИЗ

Кўр бизнинг аҳволимиз, ғафлатда қандай ётамиз,
Жойи келган чоғида виждонни пулға сотамиз.

Ўғлимизға на адаб, на фан, на яхши сўйламак,
На худони буйруғи булган улум ўрготамиз.

Коримиз шундан иборат бўлди ушбу вақтда,
Ўнтадин бедона боқиб ёзу қиш сайротамиз.

Ҳамда ҳар кун такяларда наша кўкнори чекиб,
Баччаға кокил солиб, оҳ-воҳ ила ўйнотамиз.

Қаримиз, боёнимиз, балки бу вақт оқвондамиз,
Ногаҳон кўрсак агар бир бесоқолни қотамиз.

Ўртадан чиқса агар миллатни яхши суйгучи,
Биз ани даҳрий санаб, тўфангча бирла отамиз.

Келингиз ёшлар, зиёлилар бу кун ғайрат қилинг,
Ухлаганларни агар қодир эсак уйғотамиз.

Улум-илмлар. 1915 йил

https://www.tg-me.com/Najmiddin_Ermatov

—Эшитдингми Ташановни судга беришибди?
—Ким у?
—Ҳуқуқбон.
—Ҳа, берса берар, менга нима. Қара, сенингча, Какош чиндан ҳам касалмикин, ё буям бир пиярмикин-а?
—Ким у?
—Иббии-и-ий, танимайсанми? Қандай дунё бехабар одамсан, ҳамма жойда шу гапку.
—Билмасам.
—Агар шу кунларда эҳсон қилиш ниятида юрган бўлсанг, анави мерганга берайлик.
—Қайси мерган?
—Эллик иккита радарни гумдон қилган ака-да.
—Унинг нимасига бераман?
—Жиннимисан. Қаҳрамонку у? Қанча одамнинг рўзғоридан қийган радарларни йўқ қилди. Суд жарима чиқарибди, шуни халқ бирлашиб тўлаб берсак яхшида.
—Шунча бирлашгинг, эҳсон қилгинг келаётган экан, ана Йўлдош Эшбекка бер.
—Ким у? Халқ учун нима қилган унинг?
—Тур йўқол-е...

(Икки-учта алоҳида бўлган гурунглар бирлаштирилди)

https://www.tg-me.com/Najmiddin_Ermatov

Наманган вилояти Учқўрғон тумани 37 сонли маткаб 7 синф ўқувчиларининг адабиёт дарсидан лавҳа! Ўқитувчи Нуриддин Ўктамов.

*   *   *
Тун.
Ёмғир.
Қоришиқ ифор.
Учқур хаёл, қадамлар аста.
Борлиққа сочилиб келади кетгинг,
Ёмғир бўлсам керак, аслида.

Сен йўқсан.
Ҳеч ким йўқ.
Нималардир бор.
Ненидир туярсан ёмғир остида.
Мен ахир осмонда яшаганманку,
Не қилиб юрибман замин устида.

Шайтон.
Тақиқ.
Ва ўша мева—
Афсус бор қувғинди одам наслида.
Негадир уларга алоқам йўқдек,
Ёмғир бўлсам керак, аслида.

https://www.tg-me.com/Najmiddin_Ermatov

Ассалому алайкум, дўстлар!

Нажмиддин Эрматовнинг "Турон соғинчи" ҳамда Нодирабегимнинг "Мен, дадам ва Алцгеймер" китобларини ютиб олишни истайсизми?

У ҳолда омадингизни синаб кўринг! Шунчаки @Najmiddin_Ermatov ва @mittihaqiqatlar каналларига аъзо бўласиз. Сўнг Қатнашаман тугмасини босасиз.

Ғолибни ботнинг ўзи тасодифий тарзда аниқлаб беради. Танлов якуни 1 май куни эълон қилинади. (Китоблар старекс почта орқали маълум филиалга бепул жўнатилади).

Барчага омад!

Kimdir ko‘z tiksa ham, aniqki, millat,
Dushmanning yo‘lini to‘sishga qodir.
Ammo beklarining royiga boqsam,
Negadir ko‘zimdan yosh sizayotir.

Axir nima uchun ko‘nmaydi ko‘nglim,
Baxt deb yozay desam dard tomar oqqa—
Yoki bu millatning hurligi yolg‘on,
Yoki she’rlarimning bari safsata...

https://www.tg-me.com/Najmiddin_Ermatov

BUXOROI SHARIF SAFARI

PESHKO' tuman ixtisoslashtirilgan maktab va ABU HAFS xususiy maktabi o'quvchilari, ustozlari bilan ajoyib ijodiy uchrashuv bo'ldi.

Maktablarimizda ilmi va dunyoqarashi go'zal ustozlar qanoti ostida Vatan osmonining burgutlari ulg'aymoqda. Qanotlaringiz uchqur, parvozlaringiz yuksak bo'lsin burgutchalarim!

Taklif uchun, taassurotlar uchun barchangizga rahmat!

@Najmiddin_Ermatov
@erkinbozorovv

Ҳай, ёр-а!
Куюк кўнгил оҳидан
Буғланган Орол қайда,
Тунлар зулматни ўрган
Ул ҳамроҳ ҳилол қайда,
Айғирнинг бўйни мисол
Бўронни кесар десанг,
Қаддингга ўхшаб турса
Айтмоққа савол қайда?

Ҳай, ёр-а!
Қора тортсанг ёруғлик
Кўздан йироқ борадир,
Ҳаётидан норизо
Эл бесўроқ борадир,
Дарди қават-қавату
Қўл юпқароқ борадир,
Жасорат сўниб борган
Умрда малол қайда?

Ҳай, ёр-а!
Эл алқаб юрган беклар
Элнинг қасдига тушса,
Оқ қайиндай ой қизлар
Ҳижрон рақсига тушса,
Отамерос йўқсиллик
Тағин наслига тушса,
Жортибойи кўп юртда
Бут қайда, камол қайда?

Ҳай, ёр-а!
Қавмим дебон қароғинг
Ёшлиғ бўлса, кулсалар,
Йўлдошим деб юрганинг
Йўлин калта бурсалар,
Ҳақ номидан сўз очиб,
Халқ нонидан урсалар,
Шиори зеб замонда
Яшарга мажол қайда?

Ҳай, ёр-а!
Юз йилларки қийпиниб
Эгилган бош биздадир,
Суягини унутиб
Тентиган лош биздадир,
Битмас сабр ҳам бизда
Тағин кўзёш биздадир,
Зарур вақти мушт бўлар
Қўл қайда, қурол қайда?

Ҳай, ёр-а!
Сўзлай десанг сўзингни
Қафас қўрқитиб турса,
Ўлай десанг ютилган
Нафас қўрқитиб турса,
Яра дилни яратган
Бесас қўрқитиб турса,
Самода борми, билмам,
Бунда истиқлол қайда?..

Ҳай, ёр-а!


https://www.tg-me.com/Najmiddin_Ermatov

Унгача чидайвер, бовурим,
Симобдай ютилса ҳаволар.
Унгача яғриндан яғирин
Тулпорлар оларда даволаб.

Унгача, куюклим, суюклинг
Аёзда кўз ёши музласа,
Чидайвер, чидайсан бу юкнинг
Ипини баҳорлар узмаса.

Унгача қушларнинг ортидан
Дарахтлар учади олланиб.
Қақшаган дарёлар юртида
Оғочдай қоларсан зорланиб.

Отанг ҳам чидаган, сиқилма,
Эгатга эш билиб бошини.
Остонанг бошига тиғ илма,
Ўғрига едиргин ошингни.

Бахтидай ёрилиб товони
Орзуси кулук бу оналар
Унгача чидатиб дунёни
Туғади сендайин болалар.

Чидайвер ғурбатда меҳнатдан
Нон топган ҳеч кимса ўлмас-а?
Бу чидоқ қон сурар, албатта,
Боланг ҳам чидайди ўлмаса.

Чидовга ўргатгин барчани
Ғойибдан келгувчи кунгача.
Чидайвер, минг йиллик арчанинг
Умри ҳам тугайди унгача.

Қисматинг қуяди қулоққа:
“Ҳислат бу, эмасдур иллатинг!”
Чидаш-ла борурсан узоққа,
Унгача бормайди миллатинг...

Унгача чидайвер, бовурим.


https://www.tg-me.com/Najmiddin_Ermatov

Xotira kuni sabab aloqasiz joylarga uloqib ketgandim. Kecha tunda qaytdim. Qarasam, shu el, yurt ravnaqini o‘zinikidan baland tutib kelgan ikki Oydinning tuvildi kuni ekan. (Biriniki pichchi o‘tibdi, hechdan ko‘ra kech. Biriniki bugun). Qachon el tenglar ichra teng bo‘ladi?  Ana shunday oydinlari ko‘p bo‘lsa, ularni asrasa, qo‘llasa!

Qozoqboy Yo‘ldosh nechi o‘nyillarki, Haq, haqiqat, xalq tarafida turib kelayotgan, zamonning zayliga yurmagan, har so‘zining soyasida dovulga kuch bergan katta shaxs.

Bahrom Irzayev jadidarga yelka tutgan, elning bir, yurtning taraqqiy etishini ko‘rish orzusidagi jilovdor.

Yaratgan yara o‘ylarga yorug‘lik indirmaguncha so‘ndirmasin!

Najmiddin Ermatov