نبجي ما ندري عليّمن ونضحك وماندري ليش
مادرينه أنبعنه يمتى ومادرينه انبعنه بيش ؟

مسودنين
صاحت الوادم مايستحون
وصاحت إعلينه الشوارع لا تجون

لا حجينه بألف شفه
ولا لبسنه وجوه ترفه
ولا گدرنه نعيش يوم ملونين
وباعنه الما يشترينه
وصاحت الوادم علينه مسودنين ..


_ محمد الغريب

أجي بلهفه
واشوفك أترف امن الروح
ابوسك وافحط وأعرك
جن مخلوق من زيبك
عليك البوس يتمزلك

عبدالكريم القصاب

شكد تستهظم امن تشوف
اذا عندك عزيز وخرب من تالي.

رسول المنصوري

شعندك يا شكر
يا ماي
يمحلي الطعم بالروح
يا انته
شعندك يا حلم نبته
يلردته ابوريد الروح
خنجر بلچي أحسن بيك
بلجي ألكاك مره اتمزلك ابروحي و اكول أنته
اشعندك يا شمس ميته
اشعندك سيرت يمي
تسيورة حلم ادريهه جذابه
و شمس ميته
هذا انه يبعد انه
يبعد الأجه والراح
شمعه بلا عرس معلوكه ..



_ ذياب گزار

مراحب
وليلة سعيدة

آسف للانقطاع طول الفترة السابقة

راجعين للقناة وللشعر والادب

اهلا بيكم
لأبداء الرأي والملاحظة : @M_O_R_95

‏صير مثل الطير من ينغث يطير
ومـا يچلّب بالعزيز الغاثـّه

محمد باقر المظفر

اول لحضه يم كلشي الثـگل مريود

شجاع الحليحل

ياما صحت
و إستنكرت
و إتظاهرت
يابرلمان الله جعت
يا مرجعيتنا متت
يا قائد الثورة إعتزل
ياثوره ماتهوه الخبز
جاع الشعب وأنت بصلاتك طولت

باسم الخاقاني

انت وين
عتكت الضحكه إعلى شفتي
وماكو انته

مظفر النواب

أنه من شفتك
شبابيچ العمر وجن ضوى وقداح

علي الشباني

باوعلي احس عيوني ترهملك

زيد الهاجري

وحـگ الـيوجـعني
بــكل هــلا مــتــانيـك

نـاصر البـدري

يضلوعي
كافي حرك بيناتچن گلبي

علي مهدي

يا حريمة يا حريمة

يا حريمة انباگت الچلمات من فوگ الشفايف
يا حريمة سنينك العشرين ما مرها العشگ و العشگ خايف
يا حريمة لا علي بختك ما اني سالوفة صرت بين الطوايف
يا حريمة ياحريمة

يا زلف يتغاوا ويّا الليل باطراف الگصيبة
هاك روحي الما غفت و الطيف ما مرّه حبيبه
وهاك جرحي الما تعطّب و انت عطّابه و لهيبه
هاك عمري الضاگ حنظل و انت برحي

يا حريمة الشوگ مرّ بوحشة تايه

يا حريمة يا حريمة

يا عضد ياللي شتلك عايش بفيّ النخل
يا ثلج و فراگ طبعك يا طبعك كلّك زعل
و آنه و وعودك صفيت ابلاية وعدك
و آنه دمعات الحزن شاتلها ظلّيت علي خدّك
و آنه سچّة درب سوّاني زماني
يا حريمة يا حريمة

كلام : ناظم السماوي
الحان : محمد جواد اموري
أداء : حسين نعمة

وشكد اجوني توسطو رادوني ارجع حبك
جا هوه اعز منك منو؟
ولخاطره اغفر ذنبك

عصام كريم

‏عندما تشرق الشمس نحن خائفون
قد تغرب مُجددًا
عندما تغرب الشّمس نحن خائفون
قد لا تشرق في الصباح

عندما تكون بطوننا مُمتلئة نحن خائفون
قد نُصاب بعُسر الهضم
عندما تكون بطوننا فارغة نحن خائفون
قد لا نأكل مرّةً أخرى

عندما نقع في الغرام نحن خائفون
قد يتلاشى الحُبّ .



- أودري لورد | ترجمة : شريف بقنه

جرعة حزن احببت مشاركتها معكم

اعتذر لذلك 💔