#Муҳаммад Юсуф 70 ёшда

Шундай шоирлар бор, уларга ўлим чикора эмас. Улар вафот этганларидан сўнг ҳам халқнинг қалбида мангу яшайверади. Зотан улар Ватан, миллат каби юксак мавзуларда жуда инжа, ростмана сўз айта олганки, ўқиган саринг шу бепаён юрт сарҳадларини, содда, жайдари одамларини кўраверасан, суяверасан.
Муҳаммад Юсуф шундай соддаликдан самимийликни, халқчилликдан доноликни шеърга сола олган донишманд шоир эди.
Шоиримизнинг руҳи шод бўлсин.

***

О, ота маконим, онажон ўлкам,
Ўзбекистон, жоним тўшай соянгга.
Сендай меҳрибон йўқ,
Сенингдек кўркам.
Римни алишмасман бедапоянгта.

Бир гўша сув бўлса, бир гўша қирлар,
Қанча юртни кўрдим, қанча тақдирлар.
Қайга борсам суяб, бошни тик тут деб,
Тоғларинг ортимдан эргашиб юрар.

Кўрдим сулувларнинг энг фарангларин,
Ё худбинман мен ё бир содда касман мен –
Парижнинг энг гўзал ресторанларин,
Битта тандирингга алишмасман мен.

На гапга кўнайин, на тил билайин,
Кўздан уйқу қочди, дилдан ҳаловат -
Уч кунда соғинсам нима қилайин,
Чала қолар бўлди ҳамма саёҳат.

Билдимки, баридан улуғим ўзинг,
Билдимки, яқини шу тупроқ менга.
Баҳорда Бахмалда туғилган қўзинг,
Араб оҳусидан азизроқ менга.

Сен билан ўтган ҳар кун байрам - базм,
Сенсиз бир он қолсам ваҳмим келади.
Сени билганларга қиламан таъзим,
Сени билмасларга раҳмим келади.

Муҳаммад Юсуф
https://www.tg-me.com/Nargiza_Asad

#Тотли “кутубхона”

Яқинларингизга кутубхона олиб беролмассиз, лекин уларга шоколдли китоб жавони ҳадя қилишингиз мумкин.

Доимий ва шахсий фойдалана оладиган бу мўжаз кутубхонада жаҳон классикларининг машҳур 30 донали китобларидан бохабар бўласиз. Ушбу митти кутубхоналар жанр турларига кўра фарқли албатта. Китобларда шу асардан бир иқтибос келтириларкан, фикрни ўқийсиз, эвазига сизга китоб ичида сутли шоколад тақдим этилади. Шоколадлар чиндан ҳам жуда ширин ва чиройли кўринишга эга. Сўнгра китобни ёпиб, яна кутубхонага элтиб қўясиз.

Бу шаклдаги совғалар билан дўстларингизни баҳтиёр этишингиз ёки уни жавонингиздаги бошқа китобларингиз ёнига қўйишингиз ҳам мумкин.

Болажонларни китобга қизиқтиришнинг яхши усули экан-а, нима дедингиз?

https://www.tg-me.com/Nargiza_Asad

#Hilol_Edu

Odatda bayramona tadbirlardan, eshikning ichkarisidagi goʻzal hayotimdan suratlar joylamayman. Sababi ular shaxsiy, kimnidir injitib qoʻymay deyman.
Ammo bu suratdagilar haqida hozir gapirgim keldi.

Dunyoda savobli amallar koʻp. Kimnidir uzogʻini yaqin qilish, yukini yengil etish, koʻnglini koʻtarish v.h. Ulardan eng avvali va ulugʻi kimsaga ilm berishdir, qalbini ochib, yorugʻlikka eltishdir.

Suratda oʻtirgan insonlar shunday savobli ishni uddalayotgan Ustozlar/Hocalar/dir. Ular oʻzlari yosh oʻlaroq, millatning bolalariga vijdonan va sobitlik bilan ta’lim berishyapti, til oʻrgatishyapti. Bugun ba’zilar nazdida bir oz pasaygan ustozlik maqomini ular mehnati bilan yuqoriga qoʻyayapti.

Horijda oʻqib kelib (qolib ketmasdan!) oʻz yurtiga qayishayotgan, ilmini ulashayotgan, ortidan kelayotgan avlodga toʻgʻri yoʻl koʻrsatayotgan shunday uka-singillar bor boʻlishsin. Zamonimizda ulardek ham diniy ham dunyoviy ilm sohiblari koʻpaysin.

Bayramga taklif uchun rahmat azizlar!

https://www.tg-me.com/Nargiza_Asad

#Tous les chemins du monde mènent à Paris…

Дунёнинг қай бурчида бўлсангиз ҳам сизни заминдошларингиз билан бир ришта ва ё восита бирлаштириб турса. Масалан, китоб…

Франциялик мана бу дугонамнинг ишларини кузатиб бораман. У турли нарсаларни моҳир қўллари билан лойдан ясайди, бўяйди.
Аҳамият берсам, унинг кўп ишлари китоблар билан боғлиқ. Аксарият ясаганлари сизни сезиб-сездирмай китобга олиб боради.
Ҳудди, “Дунёдаги ҳамма йўллар Парижга олиб боради” деганларидек…

https://www.tg-me.com/Nargiza_Asad

Тонгги вокзал...

Ижрога баҳо беринг:
Ижрода: @nodirabegim_09
муаллиф: Наргиза Асадова

OYBEKSHAMSUDDINOVV 🖥

✅Tanlovda adashmang! Bizga murojaat qiling, biz bu yerdamiz
👇👇👇👇👇👇👇👇👇👇👇

☎️Murojaat uchun: @nodirabegim_09

https://www.tg-me.com/dil_izhorlarim_nodirabegim


✨ 𝐓𝐞𝐥𝐞𝐠𝐫𝐚𝐦 | ᴏʏʙᴇᴋsʜᴀᴍsᴜᴅᴅɪɴᴏᴠᴠ 🎧 🤍

***
Тонгги вокзал...
Вақт ўтар секин
Кўзларимга қарамас биров.
Мен кетяпман,
кетяпман ахир
Юрагимдан силжийди улов.

Кимдир кулар,
гул тутар кимдир,
Туйғулардек оқар одамлар.
Кузатмоқ бу – энг гўзал удум,
Кетмоқ асли...
ўчмас қадамлар.

Гувиллайди,
қайтмайди поезд,
Қўл силкийди ким сўнгги дафъа.
Ёшларимга кетар қоришиб,
Кўзларимда
кечиккан шарпа.

Тонгги вокзал...

© Наргиза Асадова
https://www.tg-me.com/Nargiza_Asad

"Gul zori" 🌼

✍🏻 Nargiza Asadova she’ri
🎤 Osiyo Hoshimova oʻqidi

@Nargiza_Asad

Шоира сингилларимиздан яна бир гўзал туҳфа. 🌸

Осиё синглимиз ўзи ҳам дилбар шеърлар ёзади ва уни юракка довур етказиб ўқийди ҳам.
Анча йиллар олдин ёзган “Гул зори” шеъримни ўқиган экан, хурсанд бўлдим, Оллоҳ рози бўлсин!

ГУЛ ЗОРИ

Кўчангизга гуллар экилган,
Гултожи-ю гулисафсарлар.
Улар яшар гулдек умрида,
Учраганни ишқ деб атарлар.

Атиргуллар бўса тутади,
Ўтган-кетган йўловчи елга.
Мойчечаклар кулиб боққанда,
Шаҳд бойлайди болари белга.

Кўчангизгизни яхши танийди,
Райҳон исин суйган шалола.
Шу ерликдек тутар ўзини,
Тоғдан тушган қирмизи лола.

Фақат, бир гул осуда, маъюс,
Қуёшгада бермас ўзини.
Гул бўлсада суради хаёл,
Уйингиздан олмай кўзини.

Кўклам чоғи ошиқиб келди,
Соғинчданми бағри сап-сариқ.
Билсангиз гар Сизни шу гулқалб,
Бекангиздан суяди ортиқ.

Гумон қилманг гулбеорлардан,
Эргашмайман изларингизга.
Фақат, баҳор тугаб боряпти,
Боқиб қолинг, Наргисингизга.

Кўчангизга бир Гул экилган…

© Наргиза Асадова
https://www.tg-me.com/Nargiza_Asad

#Хотира

МАКТАБ КЎЧАСИ КИМСАСИЗ, БЎМ-БЎШ ЭДИ

Баъзан ўтган йиллардан бирон кунни эслашга қийналасан. Хотирингда “лип” этган ёруғлик тополмайсан. Гоҳида шундай бир кун бўладики, йиллар бўйи ёдингдан чиқмайди. Умринг давомида ҳаётингга кириб-чиқиб турадиган инсонлар ичида баъзи одамлар ўзидан муаззам из қолдириб кета олади. Уларни ўлим ҳам ўлдиролмагандек, хотирангда яшайверади.

Луқмон акани илк марта “Ёшлик” журнали тахририятида кўргандим. Қўлида қалами бор ёш борки, бу улуғ тахририят остонасини хатламаган бўлса. У пайтлар “Жазирамадаги одамлар” биз талабаларнинг қўлдан қўймай, суюб ўқийдиган асаримиз, ёзувчи билан учрашиш эса ҳар биримиз учун орзу эди. Сочларига оқ оралаган, хўмрайгангина ёзувчи билан ўшандаги қисқа-лўнда суҳбатимиз каминанинг журналда чоп этилган “Остона” номли достони ҳақида бўлган, ёзувчимиз ўшандаёқ менга, “бу ташбеҳрларни, рамзларни насрда қўлласангиз янаям соз бўларди” дея руҳлантирганди. Кейинчалик адабиёт йўлида кўп суҳбатлар қурдик, бир ерда ишладик. Ва ҳар сафар гурунгимиз оқими “оғир карвон” насрга оғиб кетар, Луқмон акага ҳикоялари ҳақида савол берсам, қаҳрамонлари ҳаётини, асарнинг кулминациясини инжалаб тушунтирар, гап орасида “Сут сотувчи бола” ҳикояси ҳақида гапирсам, “Сиз фақат шуни ўқиганмисиз дейман?” деб ёлғон араз қилар, кейин бошқаларини сўрасам, яйраб, “Ёмон ёзолмасам нима қилай ахир” деб ҳазил қилишни унутмасди. Ёзувчининг тийнатида асарларидаги қаҳрамонларининг характери, кечмиши яшарди гўё. Бир гал ўзларига шу ҳақида айтганимда, “Шунинг учун дард билан яшайманда, ичимдаги одамларимдек...” деганди хўрсиниб. Чиндан ҳам бирон тадбирда бўладими, мажлисми ёки рулдами Луқмон ака қандайдир янги асар ҳақида ўйлаб кетаётган бўлар, баъзида ўзи бу ҳақида “Ёзувчи ҳар бир жойда, шароитда ҳикоя ёза олиши, асар билан яшаши керак” дерди. Аммо афсус, биз ёзувчимиздан кўп нарсаларни ўрганолмай, эшитолмай ғафлатда қолдик.

Ёзувчилар уюшмасида Луқмон акадек дарёдил устозлар борлиги биз учун яхши эди. Камтар ва катта қалбли ёзувчи Собир Ўнар билан уюшма ҳовлисида бўладими, Нашр бўлимидами икки қадрдон дўст доим бирга юришар, гаплари ҳазил-мутойибага, кинояларга тўла бўлар, аммо бу сўзлар дилга ботмас даражада самимий, табиий, рост эди. Қаламига Худо юқтирган бандасини танирди, тан оларди, хушомадгўйликдан, иккиюзламачиликдан йироқ, бизниям шунга ўргатарди.

Ижодкорни ўйлабми ёки мактаблардаги қаламкаш болалар учун қайғурибми, ҳукумат томонидан бир йили Тарғиботчилик деган бир иш очилди. Айтиш жоиз бўлса, бу юмушда адибларимиз, уюшма аъзолигини эндигина қабул қилган ёшларгача ситқидилдан ишлашди, ҳаққини ҳалол олди. Таълим даргоҳларидаги ижодий муҳит ўнглангандек, адабиёт фақат фан эмас, ҳаётимизнинг ажралмас бўлаги эканлигини ёшлар англагандек бўлди. Шундай сайъи-ҳаракат ичида биз бир гуруҳ ижодкорлар; Луқмон Бўрихон, Зулфия Мўминова, Нурилла Чори, Манзура Бекчанова ва мен Тошкент вилоятининг Қуйи Чирчиқ туманига ҳар ҳафта бир мошин бўлиб қатнадик. Табиийки йўл бўйи гурунгларимиз адабиёт ҳақида бўлар, шундай ёзувчиларнинг қишлоқ ўқувчиларига келиб машғулот ўтаётганидан туман маорифию, маънавиятчилари хурсанд бўлса, ҳафта сўнгида шаҳар шовқинидан қишлоқнинг соф ҳавосини олиб, кенг далалар, ям-яшил боғлар қўйнидаги мактабларга бориб келаётганимиздан биз-да мамнун эдик. Луқмон ака тумандаги 42-сонли мактабда тарғиботчи бўлиб ишлар, жамоа улуғ адибнинг ҳар келишини интиқлик билан кутар, “Наргиза қаранг, уларнинг ҳаяжонларидан одам ҳаяжонланиб қоладией. Машҳур бўлсанг ҳам қийинда” дерди камтар ёзувчимиз ярим ҳазил ярим чин аралаш.
Мактабга икки томони тутзор, равон йўллар билан борилар, жуда файзли, мўъжаз қишлоқ эди. Бир гал ёзувчимиз биз тарғиботчиларни мактабига таклиф қилди. Гангур-гунгур қилиб йўлда кетаяпмиз, Луқмон ака эса ўйланганча машина ойнасидан ташқарига қараб борар, сўнг ўзига гапиргандек, “бир фурсат бўлса, ёмғир майдалаб ёғиб турса, шу йўлдан қишлоққача пою-пиёда ёлғиз ўзинг кетсанг, кетаверсанг. Кимса бўлмаса, ташвишни ўйламасанг, ёмғир билан гаплашиб бораверсанг...” деганди.

Яқинда мактаб кўчасидан ўтдим, ёмғир шивалаб ёғар, кўча кимсасиз бўм-бўш эди...

https://www.tg-me.com/Nargiza_Asad

#Mutolaa

Китоб ўқишнинг бугун ҳар хил тури бор. Истасангиз китобни аудиода эшитинг, истасанг уни электрон ҳолатда ўқинг.

Mutolaa лойиҳаси бугун мана шундай қулайликларни яратяпти ва китобхонлар аудиториясига турли жанрдаги асарларни тақдим этяпти. Лойиҳа юклаб олинса, китоб ўқиш борасида турли қулайликларга гувоҳ бўласиз.

Электрон китоблар сафига шеърларим қўйилибди, ташкилотчиларга раҳмат дейман.

https://play.google.com/store/apps/details?id=uz.mutolaa.commercial.mutolaa