#Қутлов

Бир ариқнинг сувини ичиб, бир тупроқда ўсганимиз характеримиздаги босиқлик, кенгликда кўринади.
Бу унинг, бизнинг орзуимиз эди. Кумуш синглим орзуларинг қанотинг бўлсин. Тумандошларинг, юртдошларинг табриги деб қабул қил. 🇺🇿💐

Дўстимга

Қандай кун кўрардим ҳурлик бўлмаса?
Озодлик бўлмаса, қандай яшардим?
Энг кўримли жойга илганим билан
Меҳримни юракка яширдим.

Сендаги оқ йўлка менинг йўлимдир.
Ёруғ манзилларга бошлаб кетади.
Сенинг вужудингдан оқаётган ранг
Менинг ҳаётимда давом етади.

Мабодо адашиб қолсам хорижда,
Кимлигим ёзилган табаррук хатсан.
Билиб олишади ўзбеклигимни
Сенинг мағрур турган расминг кўрсатсам.

Сени деб юксалдим, сени деб ўсдим.
Юксакдан томоша қилдим ҳар ёқни.
Она, дуо қилинг, тиланг оппоқ йўл,
Қутлагани кетдим дўстим байроқни.

Кумуш Абдусаломова
https://www.tg-me.com/Nargiza_Asad

Мени одам этган,
Онамга раҳмат...
🤍🤍🤍

🎼 Насиба Абдуллаева ижроси
https://www.tg-me.com/Nargiza_Asad

#Ҳадемай…

Бугун август, бизга азизим,
Эрта чиндан бошланади Куз!..

🍁@Nargiza_Asad 🍁

#табрик

Мукофотланганлар ичида виждонан энг муносибини тан олишинг ҳузур, қувончига чин дилдан шерик бўлишинг сурурдир.
Опа сизни юракдан табриклайман!

Гулжамол опага
Дўстинг бўлса, тоғдайин елка тутса,
Кўнгил мулки – ғамларингга чикора.
Рақиб бўлса, келса дадил қаршингда,
Юрагингни мўлжал олса ошкора!

@Nargiza_Asad

#Ўзбекча ғурур 🇺🇿

Мактабда ўқиб юрган кезларимда бир гал расм дарсида бўлган воқеа эсимда қолган.
Мустақилликка эришган кунларимизнинг дастлабки йиллари. Айни қийинчилик йилларида давлатда иқтисодий камчиликлар кўзга кўрина бошлаган, одамлар нонга навбатда туриб, дўконларда озиқ-овқат танқисланган, биз болалар новвот, асал тугил, шакарни кўрсак байрам қиладиган дамлар эди. Шундай фурсатда иқтисодий-ижтимоий тикланиш йилларида миллий рамзларимиз қабул қилиниб, ҳаётимизга мадҳия, герб, байроқларимиз кириб кела бошлаган, Ватан ҳақидаги қўшиқлар радиоларда жаранг сочган пайтлар эди.
Расм дарсида ўқитувчимиз миллий байроғимизни чизишни топширди. Биз ўқувчилар бир-биримиздан қалам олиб расм солишга киришдик. Устозимиз чизган суратларимизни кўздан кечира туриб, охириги партада ўтирган синфдош боланинг расмига узоқ тикилиб қолди.
– Бу нима? – дея сўради ўқитувчимиз.
– Буми нон, – деди у ҳам оддийгина қилиб. Ҳаммамиз расмга қарадик. Бола байроқнинг ой ва юлдузлар турадиган жойига катта қилиб нон ва кулчаларни чизиб қўйганди. Биз қиқирлаб кулиб юбордик. Ўқитувчимиз эса жиддий ҳолда:
–Нимага айнан нон? – деб сўради. Синфдошимиз суратга қараб турдида,
– Ой ва юлдузлар менга фақат нон бўлиб кўринаяптида муаллим, – деди. Биз ҳам устозимиз ҳам жим бўлиб қолдик. Чунки ўша паллада ҳар биримиз уйдан нонушта қилмай келганимиз, аниқроғи жўхори ундан пишган сариқ, қаттиқ нондан безор бўлиб, деярли чой ичмай келганимиз аниқ эди. Шунда муаллим дераза ёнига бориб бир зум ўйга толди. Сўнг ҳар биримизга бир-бир қараб чиқдида:
– Бу кунлар ҳозирча шундай, вақти келиб нонга ҳам қорин тўяр, ортиб ҳам қоладиган даврлар келади. Лекин сиз кўнглингизни, юрагингизни тўлдиришга ҳаракат қилинг. Агар ҳозир ўрганмасангиз, ўқимасангиз, байроқ ҳамиша нон бўлиб кўринаверади. Бир кун улғаясиз, байроқдаги ранглар каби ёрқин, тўкин замонларда яшайсиз. Шунда уни баланд кўтарадиган пайтларда сиз туришингиз керак. Чунки байроқнинг ўрни жуда баландда бўлиши керак, у узоқлардан кўриниб туриши, хизматингиз, меҳнатингиз билан уни юракдан ҳам баландга қўйишингиз зарур.
Ўша лаҳзаларда бу гапларга ким тушунди, ким тушунмади. Адабиётни севадиган, овозини сира кўтариб гапирмайдиган устозимизнинг сўзлари шу куни юрагимга мухрланди.
Орадан қанча йиллар ўтди. Юрт фаровон, халқ тўқ яшайдиган замонлар келди. Тўйлар, тантаналарда ўша расмда кўриб тамшанганимиз буғдой нонлар ортиб, кези келганда исроф ҳам бўлди. Аммо биз устозимиз айтмиш байроғимизни юракдан баландга ҳамма вақт ҳам қўёлмадик. Буни кўксини тўлдириб, ўзга юрт байроғи туширилган футболка кийиб, ажнабий тилда ярим-ёрти гапириб юрган, ўзбеклигидан ор қилиб, бошқа миллат яшаш тарзини одат қилган тенгдошларни кўрганда янаям чуқур ҳис қилдим. Бу кунлар ҳам ўтди.
Туркияга борганимда илк қадам босган еримдан қирмизи байроққа кўзим тушди. Ҳар бир жойида, буюмларида, ноз-неъматларида Туркияда эканлигингни эслатиб турадиган жиҳатларга бот-бот дуч келавердим. Ҳар қандай турк у дўкондор бўлсин ёки сартарош байроғини пештоқига илиб қўйганлигини кўрдим. Ва энг муҳими буни ўзи истаб, ҳеч қандай миннатсиз, буйруқсиз қилишига ишондим.
Бу ортда ўтган кунлардан қолган бир ҳовуч хотира асли. Бироқ бугун ўзбек дўпписини кийиб, машинасига байроқ ва гербимизни қўйиб ифтихор билан юрган ёшлар ўзимизники. Она тили учун қайғураётган, ўзбек деган ном учун тортишаётган, миллий бренд остида юртга хизмат қилаётганлар ҳам ўзимизникилар. Демак, миллат яна юксалиш руҳида. Кўксида миллатпарвар, маърифатсевар Қодирий, Чўлпон, Усмон Носир қони оққан миллатнинг ғурури уйғонаёгани буюк тасаллимиздир.

Ғурур байрами муборак бўлсин юртдошлар!

https://www.tg-me.com/Nargiza_Asad

#Adabiy birlik

🇺🇿Turk dunyosi shoiralar birligida Oʻzbekiston boʻyicha kordinator etib tayinlanganim ham faxr ham ma’suliyatdir.
Endi qoʻlni qoʻlga berish fursati yetdi. Oldinda ulkan loyihalar, yorugʻ rejalar bor. Biz bilan birga boʻling…

————————————————
🇦🇿Türk Dünyası Şair Qadınlar Birliyi fəaliyyətini davam etdirir və sürətlə genişlənir. XURAMAN MURADOVANIN BAŞQAN təyin olunduğu bu birlikdə, artıq birliyimizə qoşulan ölkələrdən seçilmiş şair xanımlar başqan yardımçısı olaraq elan olunurlar.

🌍 Ölkələr üzrə başqan yardımçıları:

Türkiyə 🇹🇷 İnci xanım Okumuş
Azərbaycan🇦🇿Aysel xanımXanlarqızı
Özbəkistan 🇺🇿 Nargiz xanım Asadova
Qırğızıstan 🇰🇬Nurkız xanım Riskul qızı
Kıbrıs 🤍❤️🤍Feyzan xanım Korur
Makedoniya 🇲🇰 Leyla xanım Şerif Emin
Kərkük 🌍 Gülzar xanım Bayatlı

Birliyin ümumi başqanı – Xuraman Muradova, Azərbaycan Yazıçılar Birliyinin üzvü, Türkiyə Yazarlar Birliyinin üzvü, Özbəkistan Yazıçılar Birliyinin fəxri üzvü.

Bu birlik Türk dünyasının qadın şairlərini bir çatı altında birləşdirərək ədəbiyyat, mədəniyyət və dostluq körpüləri qurmağa davam edəcək.
Davamlı və möhtəşəm işlər inşallah qarşıdadır! 🌺
Xuraman MuradovaXuraman Muradova@sıkı hayranlar

@sahibkar_xuramanmuradova #azerbaijan #azerbaycan #ozbek #kırgız #kırgızistan #kirgizistan #özbekistan #ozbekiston🇺🇿 #ozbekiston #turkey #türkey #kerkuk #kıprıs #makedoniya

Кўзойнагимни йўқотиб қўйдим.

Икки кундирки, сочилиб кетгандекман. Ҳеч ўзимни йиғолмайман. Ҳали у нарсамни тополмайман ҳали бошқа нарса жойида йўқ. Ишимда уним йўқ, руҳимда ҳаловат. Шаҳар кўчалари бўйлаб кезаман, автоуловларнинг шовиллаши қалбимни ҳувиллатади. Қандайдир бўшлиқда сезаман ўзимни.

Онам касалхонага тушгандан буён ўйлайман. Мен ҳали ҳеч нарсага улгуролмадим-ку. Зиёратлар, тортиқлар у ёқда турсин, ақалли онагинамнинг укпар кўнглига бирон юмшоқ сўз айтмадим-ку... Худойим онамни ўзинг асра…

Касалхона деразасидан ташқарига қарайман. Одамлар ўз ташвиши билан ҳар томонга ошиқишади. Машиналар қизил чироққа-да сабр қилгиси келмайди, Одамзот бунча бесабр зот экан а?.
Агар Тангри истаса мана шундай дақиқаларга итоат эттириб қўяркану... Дақиқалар нима экан, соатнинг милларига қараб Оллоҳга ёлвортириб қўяркану. Ой эмас, кун эмас, сония санаб Яратганни эслаб қоларкан-ку бандаи ожиз.

Операция муваффақиятли ўтди. Елкамни босиб турган юкдан, дилимни эзиб турган тошдан қутилгандек енгил нафас олдим. Мижжаларим ёшга тўлди. Ҳамшира Алисани қувончдан қандай қучиб олганимни билмай қолдим. "Не волнуйтесь, все будет хорошо" деди у қадрдон синглимдек қучиб. Енгил тортдим. Яхшиямки, оламда яхшилар бор.

Бугун кўзойнагимни топиб олдим.
Тунов кунги қўрқув, ҳаяжон, йиғи-сиғида палатадиги шкафчанинг устида қолдирганману унутганман. Ўша кундан бери кўзларим хиралашгандек, рулда юришга қийналаётгандим. Бугун эса бирдан кўзимга, қалбимга нур инди. Дунё қароқларимга қайтадан чиройли кўрина бошлади.
Онам туфайли...

@Nargiza_Asad

Yozuvchi, shoir, tarjimon, ijodkorlarning shaxsiy kanali. Marhamat, a’zo bo‘ling:

https://www.tg-me.com/addlist/JETsMcDbXOFkMGQy

#Кўзларингда куз 🍁

"Садарайҳон соясидек
сўнди туйғу, сўнди сезги,
Чор атрофга боқмоқдаман,
хазонрезги, хазонрезги..."


🎤 Акбарали Очилов
🍂🍂🍂🍂🍂🍂🍂🍂🍂🍂
https://www.tg-me.com/Nargiza_Asad