مثل ما تشوفون تَصريح وزارة التربيّة وراح تشوفون بوقتهَا إن شَاء الله كُلها عبارَة عن أسئلة منهَجية و وزاريَة مُكررة مثل كُل سَنة ، الِي مَطلوب من عندَك خِلال هَاي الفترة تراجع منهجَك وتركز على الوزاريَات وتترك المُرشحَات ، بالتوفيق .

#عــــــاجــــــل |

وزارة التربية: نتائج الثالث المتوسط قد تعلن بعد عشرة أيام أو أكثر.

#شبكة_نيوتن_التعليمية
https://www.tg-me.com/Newton1998

#دليلك_في_ترتيب_الاجابات | 2025

كل ما يتعلق بـــــ "الدفتر الامتحاني"

• ترتيبة الإجابات بشكل نموذجي.
• توجيهات وتعليمات مدعمة بالصور.

#شبكة_نيوتن_التعليمية
https://www.tg-me.com/Newton1998

ارجع اقراه زين 🌺🌺

#عاجـــــــل |

المتحدث الرسمي باسم وزارة التربية كريم السيد لـ"الصباح" بشأن امتحانات السادس الإعدادي :-

▪️ندعو طلبة السادس الإعدادي إلى اعتماد الجدول المحدث للامتحانات بعد إجراء تعديل طفيف عليه لتزامنه مع عطلة عيد الغدير الأغر يوم الأحد المقبل.

▪️جدول الامتحانات تم تعميمه بين المديريات العامة للتربية في بغداد والمحافظات.

▪️اكمال جميع الاستعدادات الفنية واللوجستية لتنظيم العملية الامتحانية بالتنسيق مع الجهات المعنية.

▪️مجموع الطلبة الذين سيشاركون في الامتحانات يتجاوز المليون في بغداد والمحافظات موزعين بين تسعة آلاف و600 مركز امتحاني.

▪️نحث الطلبة على الاعتماد على المناهج الدراسية المقررة والابتعاد عن المرشحات التي تروجها المواقع الإلكترونية لكونها تشتت أفكارهم وتؤثر سلبا في دراستهم والنتائج النهائية.
 
▪️تم إكمال تهيئة المراكز الامتحانية في المدارس والجامعات.

▪️تم تشكيل لجان ساندة في المديريات وتوفير جميع المستلزمات كالدفاتر الامتحانية وتوزيع المراقبين ومدراء المراكز الامتحانية.

▪️التنسيق مع الوزارات ذات العلاقة لتوفير خدمة الكهرباء والجانب الأمني.

▫️قطع خدمة الإنترنت خلال فترة الامتحانات لمدة ساعتين بداية من السادسة إلى الثامنة صباحاً.

▪️فريق فني لمتابعة ورصد المواقع الإلكترونية والمراكز الامتحانية عبر منصات حديثة وكاميرات مراقبة أعدت لهذا الغرض.

#شبكة_نيوتن_التعليمية
https://www.tg-me.com/Newton1998

#تصرف_صح

• مرحلة ماقبل الامتحان |

أمور لازم تطبقها قبل كل امتحان وزاري :

1⃣ تثبت على مصادرك إللي ملتزم بيهم طول ألسنة وديري بالك تغير المصدر بفترة الإمتحانات لان هذا إنتحار بنفسك وهالشي يعرضك للوص والتجفص بالامتحان.

2⃣ دير بالك تنخدع بالمرشحات قبل الامتحان لأنه هذا تفريط حرفيًا بمستقبلك وكذلك شيل من بالك فكرة تسريب الأسئلة للأبد.

3⃣ شعورك أنك ناسيها للمادة عادي وطبيعي الكل هيج دتحس مثلك فلة تخاف وتتوتر وأقرأ والأمور طيبة ، متفقين ؟

4⃣ حاول أنك تكون ماخذ قسط جيد من النوم حتى يسهل عليك عملية التركيز وتكون مصحصح مو دايخ وتعبان.

5⃣ حافظ على نظام اكلك لا تهمل هذا الجانب لأنه متعلق بصحتك ، ياما طلاب هملوا صحتهم بالاخير خسروها وخسروا الإمتحانات.

6⃣ ابتعد عن النت فترة الامتحانات وابتعد هن القنوات إللي تشوشك وتنشر إشاعات وتابع مصادر أهمها مصلحتك ، لأنه الإشاعات تشتتك وتضيع وقتك بدون ماتحس.

7⃣ أطلع من وقت للقاعة الامتحانية حتى تضمن وصولك قبل الوقت المحدد لأنه أكو طلاب يتأخرون وتصير ازدحامات ويروح عليهم إلامتحان.

8⃣ من تصل قاعة إلامتحان لا تختلط بأحد وإذا تراجع راجع وحدك لأنه المراجعة مع أحد ممكن تخربط عليك معلوماتك وتشتت أفكارك.

✍ : سالم ال منصور

#شبكة_نيوتن_التعليمية
https://www.tg-me.com/Newton1998

#تصرف_صح

• مرحلة داخل القاعة الإمتحانية |

1⃣ حيكون أكو كم دقيقة بينك وبين استلام الاسئلة ،خلال هاي الدقائق راح تستلم الدفتر الامتحاني ، واللي علمتك سابقًا كيف تتعامل معاه على الرابط :-
https://www.tg-me.com/Newton1998/31508


2⃣ بعد بكم دقيقة قليلة راح تستلم الاسئلة الوزارية ان شاء الله ، وهنا بعد استلام الاسئلة لازم تكون حكيم وذكي وهم تتعامل معاها بشكل صح ، كالآتي :

• لا تتحمس وتكعد تقرا الأسئلة كلها ، دير بالك خطوة مو صحيحة ، اول ما تستلمها سمي ( بسم الله الرحمن الرحيم) وحط دفترك فوك الأسئلة ، وبقي فقط منهم سؤال الأول الفرع الأول تقراه على راحتك ، وتفتهم شنو رايد منك على كيف كيفك.

• بعد ما تكمل قراءة وفهم السؤال ، تبدي مباشرةً بالحل ، على راحتك ومهلك وبعد ما تكمل الحل ترجع تتأكد من حلك وهم تقرا السؤال مرة ثانية حتى لا يفوتك أي شيء خوش ؟

#ملاحظة : في حالة قريت الأسئلة كلها وصادفك فرع او نقطة او سؤال تحس ماتعرفو او ناسي ، بهاي الحالة راح تتخربط ويتشتت فكرك ويبقى لازك بهذا السؤال وتتخربط عليك الأمور ، لذلك مثل ماحجيت طبق !

3⃣ لا سامح الله إذا صادفك فرع او نقطة ناسيها او تحس متعرف حلها ، لا تكعد تلح وياه ، اعبر للي بعدو وبالتسلسل جاوب كل الامور والأشياء اللي تعرفهم ثم بعدين ارجع عليهم حتى لا يضيع وقتك ، كذلك حتى لا تفقد تركيزك بيهم ، من تخلص ارجعلهم وعلى راحتك فكر بيهم وحاول وياهم وحلهم.

4⃣ في حال شفت فرع أو نقطة تحس نفسك مو دارس هيج نمط او هيج سؤال ، لا مباشرة تأيس من السؤال وتستلم وتحكم عليه أنه اثرائي ومينحل ، دير بالك ، ترى ماكو شي مينحل بالأمتحان وكل الاشياء اللي راح تجيك لو نصا لو تغيير أرقام لو تحوير بفكرة بسيطة ومنهجية ، أنت خلي ببالك هذا كلو أفكار منهج اذا تنحل ف تكعد تحاول وياه وتفكر ، صدكني إذا فاهم الموضوع بالمنهج حتعرف تحل عادي.

5⃣ سد عيونك وآذانك عن كلشي يصير داخل القاعة ، لأنه أكو أمور تصير داخل القاعة إذا ماعرفت تتعامل معاها بشكل صح ، حتخسر تعبك ودراستك ، واللي هي :

• حتصادف طالب/طالبة ، يكول شنو هاي الأسئلة والأسئلة صعبة!! وهذا السؤال من وين جاي وشنو هاي وانتقام ... الخ ، فأنت بهاي الحالة اعتبر نفسك ماسمعت ولا شفت شي ، لأنه كل واحد يجاوب ويشوف الأسئلة على حسب دراستو وضبطو للمادة ، فدير بالك أنت دارس وتعبان بسبب هيج حالة يدخل الشك لنفسك وتبدي تتأثر من هيج حالات وتبدي تستصعب الأسئلة أنت هم !! يجوز هو إللي يكول هيج مو قاري لا مجهز زين بس أنت لا !! فتروح تمسح دفترك وتكون ضيعت كل تعبك بسبب هيج تصرف سخيف.

• حتشوف داخل القاعة أنه أكو هواية طلاب تمسح دفاترهم ويطلعون من إلامتحان ! أنت هنا هم سد عيونك وآذانك عنهم ، لأنه أنت اذا مجهز صح للامتحان حيكون سلس ومفهوم وسهل عليك عكسهم. بس إذا أنت كعدت تتأثر بيهم فراح تحس أنه أنت هم متعرف تحل وهم راح تروح تمسح دفترك وتتساوى مع إللي مو دارس زين !!! يا حرام عليك.

• ممكن تسمع داخل القاعة أنه أكو خطأ بسؤال معين أو تشك بسؤال معين ، أنت بهاي الحالة عوفو للسؤال وكمل غيرو لأنه في حالة أكو خطأ بسؤال معين ، فراح يجيكم تبليغ من الوزارة بهذا الموضوع مباشرةً.

6⃣ بخصوص الأسئلة أو الفروع الترك : تعرف انت أغلب المواد يجي ٦ اسئلة ويكون عندك ترك سؤال فبهاي الحالة لازم تقرر أنك تترك سؤال وحساعدك بالموضوع :-

• أنت اول شي جاوب الأسئلة كلها ، ثم بعدين قدر درجة كل سؤال ، والسؤال اللي تشوف نفسك مو مجاوب عليه تمام امسحو واكتب عليه ترك.

• دائمًا تأكد من الافرع والنقاط إللي بيهم ترك ، واكتب ترك لأنه إذا متركت راح يتركولك آخر فرع أو نقطة من السؤال إجباري حتلو مجاوب عليهم صح.

7⃣ بخصوص قرار مسح الدفتر: قرار مسح الدفتر هو قرار مو سهل وقرار مصيري أنتبه لهاي الشغلة.

• خلي ببالك سقف طموح للدرجة بكل مادة.
• بعد ماتجاوب قدر درجتك بالمادة ثم قارنها مع درجة طموحك بالمادة.

ثم قرر مسح الدفتر او تسليم الدفتر.

✍ : سالم ال منصور

#شبكة_نيوتن_التعليمية
https://www.tg-me.com/Newton1998

#تصرف_صح

• مرحلة بعد إلامتحان الوزاري |

1⃣ من تطلع من الامتحان لا تراجع اجوبتك ابددددددددددددددددد ولا تنناقش بيها ، خوش ؟ خلاص من تطلع من الامتحان سد موضوعو افتهمت ؟ لأنه اذا راجعت حتلو مجاوب فول حتحس نفسك ممجاوب ويخرب گيولك وواهسك وأسأل اللي قبلك ! وممكن هلشي يأثر ع المادة اللي بعدها ، لذلك لا تراجع اجوبتك ابد ابددددددددددد ، وأي قناة تنشر الأجوبة بعد الامتحان أطلع منها او تتأذى ترى ف أنتبه.

2⃣ من ترجع للبيت ويسالونك اهلك أو حتى أي أحد شلون مجاوب ، كول الحمد لله جاوبت وسويت العلي اللي وعوفهم ، حتلو ماسح دفترك هم كول جاوبت المهم تسايسهم وتغلس ، حتى لا ينشغل بالك بكلامهم أو لومهم لان شي صار وراح.

3⃣ تشيل منهج وملازم المادة اللي امتحنتها ومتخليهم كدام عينك ابد ، خلص نطوت صفحة المادة وراحت صارت ماضي ، تشيل كلشي يخصها ، وتطلع حبشكلات المادة اللي بعدها وتركز بيها.

4⃣ تنام حتى تسترجع حيلك وتبدي للمادة اللي بعدها واضح !؟

5⃣ أبتعد عن النت إلا للحاجة ، ابتعد عن مصادر التشويش ، قلل كلشي إلا درسك زيدو ، لأنه فترة حصد ثمار.

6⃣ أحبك ودعواتي ألك.

✍ :- سالم ال منصور

#شبكة_نيوتن_التعليمية
https://www.tg-me.com/Newton1998

• رجاءا اسمعوا وطبقوا ...

#شبكة_نيوتن_التعليمية
https://www.tg-me.com/Newton1998

لمصلحتك

#الاسلامية
#كيفية_الأجابة

- أمور لا تنساها بالأمتحان |

• أول شي دادا حبيبي الأسئلة حتكون سهلة وواضحة والله بس لا تخاف والله إذا دارس ٨٥٪ من المنهج هم حتجاوب بس لا تخاف.

• جاوب حسب تسلسل الاسئلة من السؤال الأول ثم تدريجي مثل ما علمتك ، تحط الدفتر الامتحاني فوك الاسئلة وبدون متقراهم كلهم وهكذا .. ( تكدر تبدي بسؤال آيات الحفظ مو مشكلة ثم ترجع بالتسلسل).

• اكتب الآيات القرآنية بالرسم القرآني افضل + خلي الحركات الأساسية للآية مطلوبة كذلك لا تنسى دوائر الفواصل بين الآيات هم تتحاسب عليها.

• لا تستعجل بالحلول أبد فكر وجاوب بدقة وكل ما تخلص سؤال راجع الأجوبة + انتبه للترك هم كلش زين.

• إذا صادفك فرع او نقطة تحس ناسيها لا تلزك بيها وتضيع تركيزك ووقتك ، خلص الأمور اللي تعرفهم كلهم ثم بالنهاية أرجع للأشياء إللي عفتها ، وجاوب ولا تعوف شي فارغ حتلو متعرف هم غرد بكيفك.

• قبل لا تسلم دفترك راجع اجوبتك هم وتأكد من الترك هم خاف مو تاركك او تارك وهو اصلا ماكو ترك دير بالك لا تستعجل ابد هذا مصيرك.

#اساسيات |

* ترتب الاجابات كل شي بمكانه حسب ترتيب الدفتر الامتحاني.
* من تطلع من الامتحان لا تشوف الأجوبة النموذجية ابدًا.
* تتريك وتروح للامتحان ، جديات إذا متتريك ازعل وما ابريك الذمة.
* دعائي لك ( اللهم ارزقه الإلهام من عندك في كل جواب وهون عليه كل سؤال وارزقه الثبات من عندك)

✍ : سالم ال منصور

#شبكة_نيوتن_التعليمية
https://www.tg-me.com/Newton1998