#Muhim_kun

21 oktabr – O‘zbek tiliga davlat tili maqomi berilgan kun

Nurafshon shahri Tibbiyot birlashmasi faollar zalida ushbu muhim sana – 21 oktabr, O‘zbek tiliga davlat tili maqomi berilgan kun va o‘zbek tili bayramining 36 yilligi munosabati bilan ma’naviy-ma’rifiy tadbir tashkil etildi.

Tadbirda ishtirok etgan soha vakillari va mehmonlar mazkur sana bilan barchani tabriklab, o‘zbek tilining davlat tili sifatida tutgan o‘rni, uning tarixiy ahamiyati hamda kelgusida uni yanada rivojlantirish zarurligi haqida fikr-mulohazalar bildirishdi.

Shuningdek, tadbirda ish yuritishdagi xat-hujjatlarda imlo va uslub xatolarga yo‘l qo‘ymaslik, rasmiy tilda savodxonlikni oshirish, til madaniyatini yuksaltirish masalalariga ham alohida e’tibor qaratildi.

O‘z ona tilimizga hurmat, uni tozaligi va boyligini asrash – har bir fuqaroning muqaddas burchidir, deyildi tadbirda.

Ushbu qutlug‘ kun bilan barchani samimiy muborakbod etamiz!

https://www.tg-me.com/Nurafshonpressa

#IjtimoiyIsloh

📍 Nurafshonda sessiya – faqat hisobot emas, mas’uliyat sinovi ham!

🔹 Nurafshon – yosh, shiddat bilan rivojlanayotgan, ulkan imkoniyatlarga ega shahar. Keyingi yillarda shahrimizda ijtimoiy va iqtisodiy sohalarda sezilarli o‘zgarishlar bo‘ldi. Bunyodkorlik ishlari avjida, yangi inshootlar, yangi ish o‘rinlari, zamonaviy infratuzilma... Ammo bu jarayonda hammasi ham ko‘ngildagidek emas.

🟢 Bugun xalq deputatlari Nurafshon shahri Kengashining navbatdagi sessiyasi bo‘lib o‘tdi. Unda shaharning 2023–2025-yillardagi rivojlanish yo‘li, erishilgan yutuqlar va yo‘l qo‘yilgan kamchiliklar muhokama qilindi.

📣 Shahar hokimi Ilxom Klichxanov sessiyada nutq so‘zlab, ijro hokimiyati oldida turgan dolzarb vazifalar, hal etilishi lozim bo‘lgan muammolar, fuqarolar kutayotgan yechimlar haqida ochiq-oydin gapirdi. Shu bilan birga, o‘z vazifasini oqlamagan rahbarlar keskin tanqid qilindi.

📌 Sessiyada qayd etilgan asosiy tashkiliy choralar:

🔻 Ishdan olish taklifi:
• 2 nafar hokim yordamchisi;
• 4 ta mahalla fuqarolar yig‘ini raisi.
🔻 Ishdan ozod etilganlar:
• 1 ta tashkilot rahbari;
• 2 nafar ijtimoiy xodim.
🔻 Intizomiy choralar:
• 1 nafar ijtimoiy xodimga;
• 5 ta bank filiali rahbarlariga;
• 2 ta tashkilot rahbarlariga hayfsan;
• 2 ta tashkilot rahbarlariga — qat’iy ogohlantirish;
• 4 nafar shahar hokimining o‘rinbosariga — ogohlantirish.
🟡 Qo‘shimcha takliflar:
• 1 ta maktab direktori va 1 ta tashkilot rahbarining lavozimga loyig‘i ko‘rib chiqiladi

💬 Sessiyada deputatlar Djo‘ra Axmedqulov va O‘tkir Rashidov ham so'zga chiqib, shahar taraqqiyoti borasidagi fikrlarini bildirdi.

🧭 Muhim tomoni – sessiyada faqat tanqid emas, balki hal etishga qaratilgan aniq taklif va qarorlar ham qabul qilindi. Bu esa sessiyalar qog‘ozda emas, hayotda samara berishi kerakligidan dalolat.

📢 Xulosa: Nurafshon faqat go‘zal loyihalar emas, ularning oqilona ijrosi bilan rivojlanadi. Sessiya – bu hisobot uchun minbar emas, balki el oldida yuz berish maydoni. Mas’uliyat talab qilindi – endi natija kutiladi.

https://www.tg-me.com/Nurafshonpressa