Uzum Market — 3 yoshda! 🥳

Tug‘ilgan kunni WOW-foyda bilan nishonlaymiz: chegirmalar va foydali xaridlar uchun qimmatbaho sovrinli o‘yinlar.

Fursatni boy bermang — hoziroq xaridlarni boshlang.

➡️ Xaridlarni boshlash ⬅️

🚗 Neo Classic’da hayotingiz uchun yaratilgan qulayliklar!

Uy egalari avtomobillarini yer-osti avtoturargohida xavfsiz joylashtirib, maxsus yopiq tunnel orqali to‘g‘ridan-to‘g‘ri podyezdga kirishlari mumkin. 🌟

Shundan so‘ng esa lift yordamida o‘z xonadonlariga bemalol chiqib ketadilar.

🌧❄️ Yomg‘irli va qorli havoda tashqariga chiqib qiynalish shart emas — hammasi quruq, yopiq va qulay!

✨ Neo Classic’da har bir detal sizning farovonligingiz uchun o‘ylangan.

🟢 Lionstone va’dasini amalda ko‘rsatadi!

📍Manzil: Namangan sh, Amir Temur ko’chasi, 7-uy
Mo’ljal: «Shodiyona» tantanalar uyi yonida
📞Murojaat uchun:
+998 88 123 00 50
+998 88 124 00 50

Telegram Instagram Facebook

Туркий ҳамжиҳатлик йўлида 3 муҳим ташаббус
Бугун дунёда сиёсий манзара тез ўзгаряпти. Кучлар мувозанати беқарор, иқтисодий муносабатлар кескин рақобат майдонига айланган.

Бундай вазиятда ҳар бир давлат ўз йўлини топиш, барқарорликни таъминлаш учун ишончли ҳамкорларга суянишга интиляпти.
Айнан шундай шароитда Президент Шавкат Мирзиёевнинг Габаладаги саммитда билдирган таклифлари туркий дунё ҳамкорлигини амалий мазмун билан бойитиб, уни янги босқичга кўтаришга хизмат қиладиган муҳим дастурий йўналиш бўлди. Қуйида айни шундай уч таклиф ҳақида – улар нима учун муҳим ва бугунги воқелик билан қай даражада уйғун экани тўғрисида сўз юритамиз.
Давлатимиз раҳбари Туркий давлатлар ташкилотининг 2030 йилгача ривожланиш стратегиясини ишлаб чиқишни таклиф этар экан, бу ғоя замирида Ташкилот фаолиятини узоқ муддатли ва режавий йўналишга солиш зарурлиги мақсади ётади. Чунки туркий мамлакатлар иқтисодий, маданий ва географик жиҳатдан турли даражада ривожланган. Уларни ягона мақсад атрофида бирлаштириш учун умумий режа бўлиши шарт. Агар бу ҳужжат тузилса, иқтисодиёт, транспорт, илм-фан ва хавфсизлик соҳаларидаги ишлар бир йўналишда боради, ҳар бир ташаббус бир-бирини тўлдиради.
Бугунги кунда Ташкилот доирасида 35 дан зиёд соҳада ҳамкорлик йўлга қўйилган, ўзаро савдо ҳажми эса сўнгги беш йилда тахминан 40 фоизга ўсган. Мисол учун, Туркиянинг туркий давлатлар билан савдоси 62,6 миллиард долларни ташкил этди. Бу рақамлар ҳали мавжуд салоҳиятнинг ярмига ҳам етмаганини англатади, шу боис Президент таклиф этган стратегия ҳамкорликни тизимли натижаларга йўналтиришга қаратилгани билан ҳам аҳамиятлидир.
Унга мувофиқ, ҳар бир йўналиш бўйича аниқ мақсад, мезон ва муддат белгиланади. Масалан, 2030 йилгача ўзаро савдо ҳажмини икки баробар ошириш ёки янги транспорт йўлакларини ишга тушириш каби вазифалар режавий тарзда амалга оширилади.
Дунё тажрибаси ҳам бундай ёндашув самарасини тасдиқлайди. Хусусан, Европа Иттифоқи “Europe 2020” стратегияси доирасида инновация, ижтимоий инклюзия ва экологик устуворликка алоҳида эътибор қаратган.Стратегия 2010 йилда қабул қилинган бўлиб, унинг мақсадлари (интеллектуал, барқарор ва инклюзив ўсишни таъминлаш) Европа Иттифоқи сиёсий ва иқтисодий сиёсатини бирлаштиришга хизмат қилди.
Туркий дунё учун ҳам шундай ҳужжат бугунги глобал рақобатда ўз йўлини аниқ белгилаб беради. Стратегия иқтисодиёт, транспорт, илм-фан, экология ва хавфсизлик соҳаларидаги ташаббусларни уйғунлаштиради, ҳар бир давлатнинг имкониятини умумий манфаат билан боғлайди. Бундай йўл харитаси ташкилотни реал натижага қаратилган интеграция майдонига айлантиради.
Президент илгари сурган навбатдаги таклиф – “Яшил трансформация” консорциумини ташкил этиш. Ушбу ташаббус бугунги дунёда тобора кучайиб бораётган икки асосий муаммо –иқлим ўзгариши ва энергия хавфсизлигига жавоб берадиган амалий йўналишдир.
Ҳозир жаҳон энергетикасида “яшил” манбаларга ўтиш нафақат экологик, балки геосиёсий устуворлик масаласига айланиб улгурди. Мисол учун, Европа Иттифоқи ўзининг Green Deal дастури орқали 2030 йилгача углерод чиқиндиларини камида 55 фоизга қисқартиришни мўлжалламоқда ва бу йўналиш учун 1 триллион евродан ортиқ инвестицияни йўналтиришни режақилган.
Туркий мамлакатлар учун ҳам бу масала жуда долзарб. Минтақада қуёш радиацияси йилига ўртача 2800 соатни ташкил этади, бу – Европанинг кўп қисмига нисбатан икки баробар юқори кўрсаткич. Шунингдек, Қозоғистон ва Ўзбекистон шамол энергетикаси бўйича катта салоҳиятга эга, Озарбайжон ва Қирғизистон эса гидроэнергетикада етакчи ҳисобланади.
Шу имкониятларни бирлаштириш орқали “яшил водород” ва “яшил аммиак” ишлаб чиқариш соҳасида қўшма лойиҳалар амалга ошириш мумкин. Бу иқтисодий самара бериш билан бирга,Туркий дунёга глобал иқлим сиёсатининг фаол иштирокчиси сифатида янги нуфуз олиб келади.
Бундан ташқари, дунё бозорида “яшил водород” улуши тез суръатлар билан ўсмоқда. Халқаро энергия агентлиги (IEA) маълумотларига кўра, 2050 йилга бориб бу йўналиш умумжаҳон энергия эҳтиёжининг 12 фоизини қоплаши кутилмоқда.