Bolalikdan buyuklikka yo’l.

Inson miyyasi ajib ishlaydi. O’zi bilmagan holatda javoblar izlaydi va qiyin topshiriqlarga yechim topa oladi. Miyyaning ushbu funksiyani ishlatib yuborish uchun farzandingizga “bolam, sendan umidim katta. Sen buyuk ishlar qilishing kerak. Insonlar uchun manfaatli bo’lishing kerak. Yaxshilik yo’lida xizmatchi bo’lishing kerak … “ shu kabi topshiriqlar, bir kun kelib o’z mevasini beradi, in shaa Alloh!

Blog: @OdilbekMirzayev

Assalomu alaykum, azizlar!

Barchangizga Ramazon Hayit bayrami muborak bo'lsin. Tutgan ro’zalaringiz, qilgan ibodatlaringiz, qilgan solih amallaringizni Alloh qabul qilsin. Sizlarga tinchlik-omonlik, oilaviy xotirjamlik tilayman.

Hurmat bilan,
Odilbek Mirzayev

🎓 So'ngi 3 yilda amaliy MBA o'tadim...

📚 Biznes boshqaruv sohasida ustozim Azizjon aka Gapparov bilan 2021-yil aprel oyidan beri birgalikda ishlash davomida nafaqat bilim va ko'nikmalar, balki beqiyos manfaatlar ham olganman. Bir so'z bilan aytganda, amaliy MBA (Master of Business Administration) o'tadim.

🎯 Hamkorligimiz davomidagi natijalarning eng qadrlisi men bilan suhbatlar va bahslar orqali shakllantirilgan vision map — yo’l xaritasi hisoblanadi. Shu bilan birga eng muhim va samara beradigan ishlar bilan shug'ullanish, ya'ni fokus qilishning ahamiyati haqida ko'p ta'kidlaganlar.

✨ Tadbirkorlik, boshqaruv, marketing bo'yicha bilim olmoqchi bo'lsangiz, Sizlarga muhim tavsiya bermoqchiman. Azizjon aka Gapparov o'z bilim va tajribalarini bo'lishish maqsadida o'z bloglarini yuritishni boshladilar. Bloglaridagi har bir ma'lumotlar Sizlarga ham manfaatli bo'ladi deb hisoblab telegram manzilini qoldirayapman.

👉Tavsiya: @AzizjonGapparov

🎥 Tucker Carlsonning Telegram asoschisi Pavel Durov bilan bo'lgan videointervyusini ko'rishni boshladim.

🚀 Pavel Durovning innovatsion yondashuvlari va Telegramning dunyo bo'ylab qanday ta'sir ko'rsatayotgani biz uchun ham ilhom manbai bo'lishi aniq.

📅 To'liq tahlil va fikr-mulohazalarimni siz bilan kechroq baham ko'rishni rejalashtirganman.

📺 Videoni tomosha qilish: https://youtu.be/1Ut6RouSs0w

📣 Blogim: @OdilbekMirzayev

🔓 Insight 1: G'oya insoni uchun fikriy erkinlik juda muhim.

Pavel Durovning VKontakte'dan ketishiga sabab bo'lgan voqealar — davlat tomonidan berilgan bosimlar va foydalanuvchilarning shaxsiy ma'lumotlariga nisbatan davlatning aralashuvi—bizga shuni ko'rsatadiki, fikriy erkin bo'lmagan jamiyatlardan aql egalari qochishadi.

Durovning Rossiyani tark etishi va Telegram kabi yangi, xavfsizroq platformani yaratishga qaror qilishi, fikriy erkinlikning ahamiyatini yanada ta'kidlaydi. Uning bu qarori, fikriy erkinlikdan mahrum bo'lgan aql egalarining o'z yurtlarini tark etishga majbur bo'lishining yorqin misolidir.

Bizning jamiyatimizda fikriy erkinlikni qadrlashimiz kerak, chunki bu erkinlik bizga yangi g'oyalarni erkin ravishda ifoda etish va ularni amalga oshirish imkonini beradi. Agar biz yangilik yaratish va dunyoni o'zgartirish istagida bo'lsak, har bir fikrni qadrlashimiz va uni rivojlantirish uchun zarur sharoitlarni yaratishimiz shart.

📣 Blogim: @OdilbekMirzayev

🔓 Insight 2: Matematikaning ahamiyati.

Pavel Durov va uning akasi Nikolay Durovning matematika va kriptografiya sohasidagi chuqur bilimlari, ularning Telegram messenjerini ishlab chiqishda asosiy omil bo'lgan. Nikolayning matematik va dasturiy ta'minot bo'yicha keng bilimlari, Telegramning xavfsizlik tizimlarini yaratishda muhim rol o'ynadi. Bu ikkala aka-uka, o'zlarining ilmiy yondashuvlari orqali global miqyosda ishonchli va xavfsiz aloqa platformasini yaratishga muvaffaq bo'lishgan.

Matematika, murakkab muammolarni hal qilish va logik xulosa yuritish qobiliyatini rivojlantirishda muhim ahamiyatga ega. Matematikani nafaqat fan sifatida, balki muhim fikrlash vositasi sifatida qadrlashimiz kerakligini ko'rsatadi. Shunday ekan, har birimiz uchun matematikaning ahamiyatini qadrlash va uni chuqurroq o'rganishimiz zarur.

📣 Blogim: @OdilbekMirzayev

🔓 Insight 3: Zo'r mahsulot - reklamaga muhtoj emas.

Telegram messenjerini boshqa platformalarda promote qilish uchun pul sarflanmagan (Zero dollar). Bu platforma o'zining xavfsizlik va foydalanuvchiga qulayligi(user friendly) tufayli tez tarqaldi. Telegramning 900 million foydalanuvchiga ega bo'lishi, asosan organik o'sish orqali (Pure organic) amalga oshirilgan. Bu, agar mahsulot o'z-o'zidan sifatli va foydalanuvchilarga aniq qiymat taklif qila olsa, u keng jamoatchilik tomonidan qabul qilinishi va tarqalishi mumkinligini isbotlaydi.

Telegramning bu yondashuvi, marketing strategiyasida katta o'zgarishlarni talab qiluvchi bugungi biznes olamida juda muhimdir. Bu, boshqa kompaniyalar va yangi startaplar uchun ham ibrat bo'lishi mumkin. Zo'r mahsulot o'zi uchun gapiradi va ulkan marketing byudjetlarisiz ham muvaffaqiyat qozonishi mumkin.

📣 Blogim: @OdilbekMirzayev

🔓 Insight 4: Barcha ma'lumotlar nazorat ostida.

Telegram, foydalanuvchi ma'lumotlarini himoya qilishdagi qat'iyatini ko'rsatib, hech qachon foydalanuvchi ma'lumotlarini hukumatlar yoki boshqa tashkilotlar bilan bo'lishmagan. Jumladan AQSH Kongresi tomonidan ham so'rovlariga ham rad javobini bergan. Bu borada global miqyosda ishonchli xizmat ko'rsatishni davom ettirmoqda.

Xullas, bizning shaxsiy ma'lumotlar hukumatdagilarda mavjud, ular xohlasa bizni kuzatisha olishadi. Telegram ma'lumotlarimizni himoya qilishda qat'iy va ishonchli deb umid qilamiz🙂

📣 Blogim: @OdilbekMirzayev

🔓 Insight 5: Missiya uchun investitsiyalardan voz kechish

Pavel Durov, Telegramni asosan o'z mablag'lari orqali moliyalashtirgan, bu esa unga messenjer ustidan to'liq nazoratni saqlab qolish imkonini beradi. Durov tashqi investitsiyalarni qabul qilmaganligi, asosan, Telegramning suverenitetini va mustaqilligini saqlashga qaratilgan. Bu yondashuv, foydalanuvchilarga yuqori darajadagi xavfsizlik va maxfiylikni ta'minlaydi, platformani tashqi ta'sirlardan himoya qilishga yordam beradi.

Xulosa: Durovning investitsiyalardan voz kechish qarori uning platformasini tashqi ta'sirlardan himoya qilish va uning missiyalariga sodiq qolish imkonini beradi. Bu qaror, g'oya egalari va innovatorlar tomonidan chuqur tushuniladi va qadrlanadi, chunki u Telegramni boshqa tech-gigantlardan ajratib turadigan asosiy xususiyatlardan biridir.

📣 Blogim: @OdilbekMirzayev

🔓 Insight 6: Telegramda HR Department mavjud emas.

Telegram, an'anaviy HR (Human Resources) departamentisiz o'z faoliyatini yuritadi. Ayniqsa, Telegram o'z injinerlar jamoasini noyob tarzda shakllantiradi: injinerlarni asosan maxsus contestlar orqali jalb qiladi. Bu tanlovlar orqali, faqat eng yaxshi dasturchilarni tanlab, ularning sifatiga katta e'tibor beriladi.

Platformada faqatgina yuqori samarador 30 nafar injiner faoliyat yuritadi. Bu soni juda kam bo'lishiga qaramay, ular juda yuqori darajada samarali ishlaydilar.

📣 Blogim: @OdilbekMirzayev

🧠 Yodlashmi yoki Fikrlash: Ta’limdagi muvozanat.

Bolaligimda, men ham ko’plab boshqalar singari, yodlash jarayoniga katta e’tibor berilgan ta’lim muhitida o’sdim. O’qituvchilar va ota-onalar doimo sh’erlarni, g’azallarni, karra jadvalini yoki shahar nomlarini yod olishimizni talab qilishardi. Haqiqatan ham, yodlash xotirani mustahkamlashda muhim rol o’ynaydi va bu haqiqatni inkor etib bo’lmaydi. Lekin, zamonaviy dunyoda muhim bo’lgan narsa bu tahliliy fikrlash qobiliyati va muammolarni hal qilishdir.

Nega tahliliy fikrlash muhim?

Bugungi tez o’zgaruvchan jamiyatda, yechimlarni topish va yangilik yaratish uchun faqat faktlarni yodlash kifoya qilmaydi. Tahliliy fikrlash, muammolarni hal etish, va mantiqiy xulosalar chiqarish ko’nikmalari bolalarni kelajakda ularni kutilmagan vaziyatlarga tayyorlaydi. Shu sababli, biz o’qituvchilar va ota-onalar sifatida, bolalarimizga na faqat ma’lumotlarni yod olishni, balki ularni qanday qo’llashni ham o’rgatishimiz kerak.

Amaliy mashqlar orqali o’rganish.

Birgalikda multfilm yoki kino ko’rganingizdan keyin, farzandingizdan olingan kamida uchta xulosani aytib berishini so’rang. Bu kabi faoliyatlar nafaqat tahliliy fikrlashni, balki mustaqil fikrlash qobiliyatini ham rivojlantiradi. Shunday qilib, bolalar har bir vaziyatda to’g’ri xulosa chiqarishni o’rganishadi. Bu jarayonni kamida uch oy davom ettirib, bolalaringizning qanday o’zgarishlar ro’y berayotganini kuzatib boring. Natija sizni hayratda qoldiradi.

Xulosa.

Ta’limni faqat yodlash asosida qurish o’tmishda qolib ketgan yondashuvdir. Zamonaviy ta’lim tizimida bolalarni mustaqil fikrlash va tahlil qilishga undash orqali, ularning kelajakdagi muvaffaqiyatlari uchun mustahkam poydevor qo’yadi. Shunday qilib, biz ularni har qanday hayotiy vaziyatda yuqori samarali bo’lishga tayyorlaymiz.

Kanalim kuzatuvchilaridan ota-onalarga savolim haftasida necha soat farzandlaringiz bilan vaqt o'tkazasiz? Ular bilan qanday mashg'ulot o'taysiz?

📣 Blogim: @OdilbekMirzayev

🎉 Overall 7.5 band score!

🇬🇧 PDP School'ning 10-B sinf o'quvchisi Iskandarov Javohir IELTS imtihonidan yuqori natija koʻrsatdi. Uning ushbu muvaffaqiyatini samimiy qutlaymiz va kelajak ta'lim yo'lidagi yangi yutuqlarga erishishlariga tilakdoshmiz.

😊 Ishonamizki, boshqa o'quvchilarimiz ham tez orada shunday a'lo natijalarni qo'lga kiritishadi. PDP School jamoasi sifatida biz har bir o'quvchimizning eng yaxshi natijalarga erishishga bo'lgan harakatlarini qo'llab-quvvatlaymiz!

📞 | +998787777474

Telegram | Instagram | Facebook | YouTube

Assalomu alaykum, aziz do'stlar!

Yaqinda bizning hurmatli professorimiz Dariush Alimohammadining universitetimiz nomidan Doktorantura ta'limi va uning kelajagi to'g'risidagi kitobi Hindistonda ingliz tilida nashrdan chiqdi. Bu ilmiy hamjamiyatimiz uchun nihoyatda muhim bir yutuqdir.

PDP University'ning maqsadlaridan biri mamlakatimiz ilm-fan rivojiga hissa qo'shish va bu kitob bizning maqsadlarimiz sari harakatlarimizning yorqin misolidir.

Professor Dariush Alimohammadiga, kelajakdagi ilmiy izlanishlarida va yoshlarimizga ta'lim berishda hech qachon charchamasliklarini va har doim talabalarimizga ilhom manbai bo'lib yurishini tilaymiz, hamda PDP University jamoasi nomidan chuqur minnatdorchilik bildiramiz!

Bu yerda gap kichik odatlarning kuchi haqida ketayapti, lekin menga kitob o'qish misoli juda yoqdi. Tasavvur qiling, har kuni atigi 20 sahifa o'qisangiz (bu o'rtacha bir soat vaqtingizni oladi) va bir yil davomida jami 30 ta kitobni tugatasiz. Juda katta muvaffaqiyat.

Bu tafakkuringizni o'tkirlashtirib, bilimlaringizni chuqurlashtirib, 30 xil dunyoqarashni kashf etish imkoniyati degani. Menimcha bu oddiy bir harakat bilan erishiladigan ajoyib natija.