‏ربنا هيجازيك على كل مرّه طمّنت فيها حد ، وإنت أكتر واحد محتاج حد يطمنك🖤

- ‏هل أخبرتك يوماً بأنك المكمل لي ؟
سعادة يومي، واكتمال مزاجي و روقاني، وانك جزء من داخلي، نصف قلبي، نصف روحي، ونصف حياتي♥️"

استغنو يا جماعه اتعودو تستغنو عن اي حاجه بتقل منكو أو بتكسر خاطركو مهما كانت ..

مخلص حياتي 💔

مش ببالغ والله بس انا فعلا مليش نصيب ف أي حاجة بحبها و لو حبيت حاجة بتروح مني و بكون عارف أنها فترة و هتخلص 🍃..

_فِ وقت مُعين كدَ فِ حياتك هتحصَلك حالة اكتفاء غَريبة وهتقفِل ع نَفسك ومِش هتسمح لأي حد جِديد يُدخل حياتَك وهتكتِفي بالكام شَخص الِـ صمدوا وكملوا معاك وهتستَغنى بيِهم عن الدُنيا كُلها، وهتلاقي نَفسك بَطلت تستنى أي حاجة مِن حد، وهتهدم سَقف توقعاتك فِ البَشر عموماً، ودِ هتكُون أهدى مراحِل حَياتك.

لا يستحق أي إنسـان في هذه الحياة أن
يشعر بأنه وحيد بين سبعة مليارات من البشر.

"جبران خليل جبران"

‏الزعل عُمره ما كان على أد الموقف، الزعل دايمًا بيكون من غلاوة الشخص وقيمته عندك. الدنيا بتزعلنا وبتلطش فينا بكل شكل ولون، بس ممكن حاجة بسيطة كده تحصل من شخص مقرب ليك وأنت مستثنيه عن الكل بتكون هي اللي بتزعل، اللي هو إزاي يعمل كده؟. إزاي يكون رد فعله كده؟،

‏أنا الغيرة إللي عندي ملهاش علاقة بغيرة الإرتباط والحب والكلام ده، أنا بغير عموماً، كونك فـ حياتي وأصبحت جزء من يومى فـ أنا هغير عليك بغض النظر عن العلاقة إللي مابينا، مش عاوزك تيجي تحكيلي عن شخص حلو في حياتك أو حتي صديق لأن دماغي مصورالي إن إحنا أقرب إتنين لبعض ومحدش هيشاركني فيك

الغيره حلّوه حتي لو كَان فيها مشَاكل، مَهما سببت مشاكل بس مَينفعش إِننا مَنغيرش ع بعض عشان حَقيقي فِ ناس بتغير بطرِيقة قَويه، م اَسمها Over ،لا عشَان هو بيحبك بجد فعلاً فَ بيكون غَصب عنه .. الحُب اللِ مَليان عفويه مفيش مِن وراه لَف ودُوران وستَاره نفَاق، لإن مَريض الغِيره لو اتعالج هَيبطل يحب .

الغيره مشكلتها انها بتخليك تكره ناس معملتش فيك اي حاجه وحشه غير انهم,ليهم علاقه باللي بتحبهم

‏- إعتراف
أنا الغيره بالنسبالي عمرها ماكانت عادية أنا بغير لدرجة إن ببقي نفسي أخبي الل بحبه جوايا بغير حتى من الحاجات التفاهه جايز حد يشوف إن دا تقييد بس لاء أنا من حبي ليك بغير لو ضحكت مع غيري أو عاملته بنفس معاملتك ليا بغير لإنى ببقي نفسى أكون ف كفه وكل الل حواليك ف كفه تانية .

‏محدش ضامن مشاعر حد للأسف، المشاعر بتتقلب من يوم وليلة وممكن يوم تبقى نايم علي حب ومبسوط جداً وتصحي اليوم اللي بعده متلاقيش الحد ده أصلاً

الحياة هتفضل صعبة طول ما انت ماعندكش حد يأكدلك إنها هتبقى أسهل بوجودكم سوا.

‏مع الوقت هتكتشف إن فيه ناس فحياتك مكانوش يستاهلوا منك الحاجات الحلوه اللي كنت بتعملها عشانهم ، ميستهلوش تفكيرك فيهم ولا حبك واهتمامك بيهم ولا طيبة قلبك . هم يستاهلوا ناس يكونوا زيهم ، ناس يتعاملوا معاهم بنفس معاملتهم ، ناس شبههم ولايقين عليهم بس مش انت.

‏الناس عمومًا مينفعش معاهم غير المعاملة الباردة والإهمال واللامبالاه والرد المتأخر، مفيش مخلوق تحطه في مكان أقرب من الروح للروح إلا ويحطك أنت وروحك على الرف ويروح لغيرك، صنف البشر بيحب الإرهاق لغيره ولنفسه برضو ، كائنات غريبه

تعبتُ من كوني دائمًا الشخص الذي يسعى لتصحيحِ الموقف ، الشخص الذي يبدأُ بالمُصالحة ، الشخص الذي يُطيّب جراحَ الآخرين ويشتري خاطرهم .. وكأنني لا أملكُ خاطراً قدَ كسروه.

الجو مليان زعل وكل الناس مهمومه ربنا يفك الكرب ويزيل الهمّ 🤍🙏.
_ حوقلو 💙.

‏في الاول بتساعدهم وتوقفهم علي رجليهم وبيبقوا مبهروين بيك وبعدين بيبتدوا يستغلوك ويستغلوا اسمك وسمعتك وقربهم ليك وبعدين لما بيضمنوك ويضمنوا مكانهم يبتدوا يكرهوك بينهم وبين نفسهم ويغيروا منك ويشوفوا نفسهم مكانك ويشوفوا انك متستحقش مكانك وبعدين ينهروك ويحاربوك ويكسروك ويتبلوا عليك ويقولوا حاجات لا تصدق عنك ... دورة حياة اي حد بيحاول يساعد حد في العموم، في الشغل او في اي حاجه ... بس انا مش هفقد الأمل في الانسانيه وهفضل ادعم اي حد اشوفه كويس
بس الموقف ده اتكرر معايا كتير اوي ... اوي

في ناس دخلت حياتنا وخرجت منها، بس لما بتيجي على بالنا ونفتكرها لازم نبتسم ابتسامة خفيفة، شكراً لكل شخص قدر يخرج من حياتنا بكل هدوء وجنتلة واحترام، ومسبلناش غير ذكريات حلوة معاه كل ما نفتكرها نفرح، فراقه صعب اكيد، بس الأصعب لو خرج من حياتك وهو فاشخها.

موضوع النصيب ده بيخوفني جداً ، آه كُل حاجه بتيجي من ربنا حلوه بس بردو بخاف أعيش طول عُمري أتمني ناس وربنا شايلي غيرهم حتي لو أحسن منهم ، وجع القلب إللي بييجي من النصيب إننا نتعب ونعافر علشان حاجة بس فـ النهاية ربنا مش كاتبهالنا ، والحل الوحيد هو إننا نرضي ومنوّقفش حياتنا علي حد .