🇦🇹 Plattform Menschenrechte Salzburg i Amnesty International арганізавалі мерапрыемства, прысвечанае пяцігоддзю затрымання Марыі Калеснікавай

Падчас мерапрыемства, якое прайшло на гэтым тыдні ў Зальцбургу, адбыўся паказ сола-спектаклю «Сonnection» Марыны Якубовіч, у якім яна «вымярае адзіночную камеру, у якой Марыя Калеснікава правяла столькі часу, чатырма крокамі. Паніка распаўсюджваецца разам з холадам і адчаем ад адсутнасці апоры ног на голых сценах — пакуль мелодыя не пранікае скрозь сцяну, і зняволеная не спявае, крычыць, каб адчуць пачуццё еднасці ўнутры».

Пасля паказу адбылася панэльная дыскусія.

«У зале была такая даверлівая атмасфера, што адказы атрымліваліся вельмі шчырымі, з душы пра мову і месца, якое чакае нас у Беларусі, пра праблемы легалізацыі беларусаў у Аўстрыі. Пагаварылі пра палітзняволеных і каму пішуцца лісты, пра статус інкамунікада, пра вайну, пра папулізм у палітыцы, пра маршы ў 2020 годзе і пра ўсіх нас цяпер. Аўдыторыя была вельмі ўключаная і ўважлівая - дзякуй кожнаму і кожнай, хто прыйшоў і ўдзельнічаў у дыскусіі» — падзялілася сваімі ўражаннямі прадстаўніца Народнай амбасады Беларусі ў Аўстрыі Анастасія Свіркова

Народныя амбасады | Ананімны зварот | Падтрымаць нас