Што для нас 2020 год? Чаму мы сягоння ўзгадваем яго?

🔸гэта і не перамога для нас, і не параза: гэта натуральныя падзеі, звязаныя са сталеннем нацыі. Гэта значыць, што перамены непазбежныя — рэжым нічога не можа прапанаваць беларусам, акрамя рэпрэсій;

🔸такіх маштабных пратэстаў у Беларусі ніколі не было;

🔸мы праявілі сябе не аб'ектам гісторыі, а суб'ектам;

🔸у гісторыі Беларусі ніколі не было такой вялікай і актыўнай эміграцыі;

🔸спыніць падзеі 2020 года было немагчыма — цярпенне людзей выйшла за край;

🔸мы праявілі неймаверную гатоўнасць да салідарнасці, і яна застаецца з намі, нагледзячы на рэпрэсіі;

🔸мы адкрылі для сябе каштоўнасць гісторыі, мовы, ідэнтычнасці;

🔸мы былі гатовыя зруйнаваць сістэму, аднак не былі гатовыя да гвалту — з абодвух бакоў.

Гэта быў вялікі крок. За ім прайшлі 5 гадоў. Сягоння нам важна, каб аніхто з вас не забыўся на тое, якімі мы былі, і бачыў, якія мы ёсць.

Святлана Ціханоўская адкрыла канферэнцыю «Новая Беларусь»

📌 Дарагія сябры, мы яшчэ не перамаглі, але і не прайгралі. І тая ўвага да нашай канферэнцыі, ад лукашэнкаўскіх спецслужбаў і расійскіх прапагандыстаў даказвае ў чарговы раз, як мы ім замінаем. І рэжым памыляецца, калі думае, што нас запалохае і прымусіць нас капітуляваць. Не дачакаюцца! Мы працягнем працу, пакуль не даб’емся сваіх мэтаў.

📌 Кантэкст нашай з вамі барацьбы змяніўся. Развязаная вайна і тэрор. Беларусь пакалечаная, ізаляваная, у закладніках Расіі. І гэтая новая рэальнасць прымушае нас думаць па-іншаму. І дзейнічаць па-новаму. Бо ніхто за нас перамены ў Беларусі не зробіць.

📌 Безумоўна, не ўсё цяпер залежыць ад нас: многае – ад Украіны і яе сілы супраціўляцца. І наша задача, наш абавязак – зрабіць цяпер усё, каб Украіну падтрымаць. І магчымае перамір’е па Украіне, якое абмяркоўваецца ў найбліжэйшыя тыдні, – адкрые акно магчымасцяў і для Беларусі. І нам трэба быць да гэтага гатовымі. Гэта тое, дзеля чаго мы сабраліся сёння тут.

📌 Сёння мы пройдзем маршам па Варшаве, і правядзем акцыі салідарнасці ў 18-ці краінах свету. Згадаем нашых герояў, хто загінуў на пратэстах і ў турмах, ці баях за Украіну.

📌 Асабіста я з нецярплівасцю чакаю сесію дэбатаў. Найлепшыя ідэі нараджаюцца ў спрэчках.

📌 Пад канец канферэнцыі мы аб’явім пра запуск новых кампаній. Зробім прызначэнні ў Аб’яднаным Пераходным Кабінеце і замежных місіях. Апублікуем 6 выніковых дакументаў нашай канферэнцыі – і абазначым прыярытэты дэмакратычных сілаў на наступны год.

📌 Мы моцныя – таму што мы розныя. І так, у нас могуць адрознівацца пазіцыі, гэта нармальна. Галоўнае, што нас аб’ядноўвае адна мэта, да якой мы ідзем – свабодная, незалежная, еўрапейская Беларусь. Плённай нам усім працы!

Жыве Беларусь!

@CabinetBelarus

Мы з радасцю паведамляем вам пра гэта!

Адкрыццё цэнтра стала магчымым праз падтрымку офіса Святланы Ціханоўскай, а таксама праз супрацу Народнай амбасады Беларусі ў Італіі і асацыяцыі “Talaka”.

📍 Цэнтр у Фларэнцыі — гэта:

• прастора для культурніцкіх ініцыятыў і мастацкіх падзей;
• пляцоўка для сустрэч, абмеркаванняў і ўзаемадапамогі;
• пункт збору і падтрымкі для беларусаў у Таскане і па ўсёй Італіі;
• месца, дзе жывуць ідэі і нараджаецца будучыня.

Неўзабаве мы абвесцім пра нашыя першыя мерапрыемствы. А на фота — Юлія Юхно, і яна падпісвае адпаведную дамову.

♥️ Сачыце за навінамі і далучайцеся да нашай супольнасці!

Ці здольныя дэмсілы ўплываць на палітыку Еўрасаюза? Стрым з Аляксандрай Мамаевай

Санкцыі, санкцыі... Апошнім часам толькі і размоваў пра тое, патрэбныя яны ці не, і ці не прыйшоў час адмяніць іх — калі дамовіцца з Лукашэнкам, каб у адказ ён выпусціў палітвязяў.

Але неяк за дужкамі застаецца, што гэта не дэмсілы ўводзілі санкцыі супраць Лукашэнкі. Дык ці могуць Ціханоўска і Латушка паўплываць на заходіх палітыкаў, каб абмежаванні былі адмененыя?

Ці атрымліваецца ў Народных амбасадаў дапамагаць з легалізацыяй ды іншымі праблемамі беларусам у сваіх краінах? Якія задачы вырашае дэлегацыя дэмсіл у ПРСЕ і ці ёсць практычная карысць ад яе працы? Якія ўражанні засталіся ад Канферэнцыі Новая Беларусь і ці не прыйшоў час дэмсілам задумацца пра змену стратэгіі?

На гэтыя ды іншыя пытанні адказвае кіраўніца міжнароднай камісіі Каардынацыйнай рады, каардынатарка Народных амбасадаў Беларусі Аляксандра Мамаева: https://youtu.be/SPE-KjNZeKs

🎞️ Бліц-прэзентацыі: найлепшыя практыкі і інавацыі

Падчас гэтай сесіі на канферэнцыі Новая Беларусь, якая праходзіла ў Варшаве 9-10 жніўня, прадстаўніца Народнай амбасады Беларусі ў Аўстрыі Анастасія Свіркова і прадстаўнік Народнай амбасады Беларусі ў Швецыі Зміцер Васерман распявялі пра тое, што сабой ўяўляюць Народныя амбасады і чым яны займаюцца.

Вось коратка ключавыя тэзісы прэзентацыі:

Некалькі дзён таму спадар Астапенка сказаў:
"Мы працуем, каб у рэжымных пасольствах маўчалі тэлефоны."

Народныя амбасады — гэта не інстытуты, а людзі, што не маўчаць. Гэта з’яднаная супольнасць беларусаў за мяжой, якая прадстаўляе дэмакратычную Беларусь.

Адзін з нашых кірункаў — адвакацыя: дабівацца зменаў праз законы і палітыку. Калі беларусам адмаўляюць у замене пратэрмінаванага пашпарта, мы знаходзім альтэрнатывы: падаўжэнне відаў на жыхарства, выкарыстанне іншых дакументаў, а часам і атрыманне пашпарта замежніка па выключных працэдурах.

Другая сіла — гарызантальная сетка і хуткасць рэагавання. Калі сям’я з дзіцём была вымушана бегчы з Грузіі, мы каардынавалі дапамогу, і праз паўгода яны атрымалі статус уцекачоў у Францыі.

Мы таксама прадстаўляем Беларусь на міжнародных мерапрыемствах, дапамагаем сем’ям палітвязняў, арганізуем летнікі для дзяцей. Гэта не пратакольная, а дыпламатыя клопату.

Мы не прадстаўляем уладу — мы прадстаўляем свабодную і чалавечную Беларусь. Калі вы падзяляеце гэтыя каштоўнасці — вы ўжо частка народнай дыпламатыі.

Жыве Беларусь!"

Народныя амбасады | Ананімны зварот | Падтрымаць нас

Па выніках канферэнцыі «Новая Беларусь» дэмакратычныя сілы прынялі пакет рэзалюцый

Азнаёміцца з імі можна па спасылках – на сайце Святланы Ціханоўскай:

⭕️Палітычная рэзалюцыя дэмакратычных сіл Беларусі

⭕️Вызваленне палітзняволеных без новых ахвяр

⭕️Па пытаннях бяспекі Беларусі

⭕️Аб дасягненні справядлівасці ў Беларусі

⭕️Аб недапушчальнасці парушэння свабоды сумлення і веравызнання ў Беларусі

⭕️Аб супрацьдзеянні гібрыднай агрэсіі з боку Расіі

⭕️Дэкларацыя ў падтрымку нацыянальнай ідэнтычнасці

⭕️Еўрапейскі выбар Беларусі і падрыхтоўка дарожнай карты інтэграцыі ў ЕС

⭕️Праект рэзалюцыі аб ролі моладзі ў змаганні з аўтарытарызмам

@CabinetBelarus

⚡️Вольга Зазулінская – пра падрыхтоўку да магчымага вызвалення палітзняволеных

«Навіна пра магчымы выхад яшчэ 1300 палітзняволеных – гэта важная нагода ўжо сёння задумацца пра заўтра. Мы ўсе хацелі б, каб гэтыя людзі змаглі выйсці на свабоду і мелі сапраўдны выбар – застацца ў Беларусі або пакінуць краіну выключна па ўласным рашэнні, а не праз прымусовую дэпартацыю.

Пры любым развіцці падзей мы павінны быць гатовыя прыняць любую колькасць беларусаў, нават калі гэта будзе 1300 чалавек адначасова. Заклікаем беларусаў за мяжой ужо цяпер рыхтавацца да такога сцэнарыя і аб’ядноўвацца, каб сустрэць гэтых людзей і падтрымаць іх.

Такое развіццё падзей стане рэальным пацвярджэннем выніковай і працяглай камунікацыі дэмакратычных сіл, уключаючы Аб’яднаны Пераходны Кабінет, Офіс Святланы Ціханоўскай, Каардынацыйную Раду, праваабарончы і гуманітарны сектар, прадстаўнікоў палітычных партый, беларусаў замежжа, Народных Амбасад і шматлікіх дыяспар беларусаў па ўсім свеце. А ўвогуле – усіх беларусаў, якія гатовыя дапамагаць адно аднаму.

Так, у нас ёсць Міжнародны гуманітарны фонд, але сродкаў у ім можа аказацца недастаткова для такой маштабнай дапамогі. У выпадку, калі гэта адбудзецца, мы абвесцім пра каналы камунікацыі для ўсіх, хто гатовы будзе далучыцца да гэтага кроку салідарнасці.

Мы шмат разоў даказвалі сабе і ўсяму свету, што беларусы заўсёды падтрымаюць беларусаў. І я веру, што і на гэты раз мы здолеем справіцца разам», – адзначыла прадстаўніца па сацыяльнай палітыцы Кабінета.

@CabinetBelarus

Беларуска арганізавала адпачынак для дзяцей палітвязняў на Лазурным беразе. Яна расказала, як уцякала з краіны і як яе затрымліваў Інтэрпал

Кацярына Баўрэ (гэта працоўны псеўданім) — юрыстка па міграцыйных пытаннях у Францыі. Туды яна пераехала з Беларусі разам з сям’ёй яшчэ летам 2016 года. На радзіме ў іх з мужам была свая лесапілка ў Чэрвеньскім раёне, якую давялося закрыць праз ціск сілавых органаў.

У інтэрв’ю @nashaniva Кацярына расказала, як яе затрымліваў Інтэрпал і як недалёка ад Ніцы яна арганізавала адпачынак для дзяцей палітзняволеных.

https://nashaniva.com/374380

Без VPN — https://bit.ly/nashaniva#/374380