Инсон қадрини улуғлаш орқали одамлар учун муносиб шароит яратиш, бу борада камбағалликни қисқартириш – Янги Ўзбекистондаги барча ислоҳотлар замиридаги бош мақсаддир.
—
Создание для человека наилучших условий путем обеспечения его интересов, достоинства и благополучия, а также сокращение бедности составляют основу всех преобразований в Новом Узбекистане.
—
Creating the best conditions for people by ensuring their interests, dignity, and well-being, as well as reducing poverty, form the foundation of all transformations in the New Uzbekistan.

Facebook|Instagram|X

Бугун Нью-Йорк шаҳрида БМТ Бош котибининг глобал коммуникациялар бўйича ўринбосари Мелисса Флеминг билан учрашув бўлиб ўтди.

Мулоқотда Ўзбекистонда амалга оширилаётган ижобий ўзгаришлар ва ислоҳотлар алоҳида таъкидланди. Президентимиз Шавкат Мирзиёев раҳбарлигида мамлакатимизнинг халқаро нуфузи сезиларли даражада ошгани, оммавий ахборот воситалари эркинлиги, очиқлик ва ахборотдан фойдаланиш соҳасида катта ютуқларга эришилгани қайд этилди.

Учрашувда БМТ доирасидаги Барқарор ривожланиш мақсадларини илгари суриш, ёлғон ахборот тарқалишига қарши курашиш ва ёшларни глобал ташаббусларга жалб этишга қаратилган муҳим лойиҳалар ва кампаниялар муҳокама қилинди. Шунингдек, стратегик коммуникациялар, медиа билан ҳамкорлик ва журналистлар учун таълим дастурларини янада кенгайтириш масалаларига алоҳида эътибор қаратилди.

Мамлакатимиз олий таълим муассасалари — Журналистика ва оммавий коммуникациялар университети ҳамда Жаҳон иқтисодиёти ва дипломатия университетини UN Academic Impact дастурига киритиш муҳим аҳамият касб этиши, бу талабалар ва тадқиқотчиларга таълим ва илмий изланишлар бўйича глобал ташаббусларда иштирок этиш учун қўшимча имкониятлар яратиши таъкидланди.

Шунингдек, ёлғон ахборотга қарши курашиш, ёш журналистларни тайёрлаш ва БМТнинг халқаро стажировкаларида иштирокини таъминлаш борасида ҳамкорлик истиқболлари кўриб чиқилди.

Учрашув якунида қўшма лойиҳаларни ишлаб чиқиш ва БМТ Глобал коммуникациялар департаменти вакилларининг Ўзбекистонда ўтказиладиган тадбирларда фаол иштирокини таъминлаш юзасидан келишувга эришилди.
—
Сегодня в Нью-Йорке провел встречу с заместителем Генерального секретаря ООН по глобальным коммуникациям Мелиссой Флеминг.

Особо отмечены позитивные преобразования и реформы, реализуемые в Узбекистане. Подчеркнуто, что под руководством Президента Шавката Мирзиёева значительно укрепился международный авторитет нашей страны, достигнуты большие успехи в обеспечении свободы СМИ, в области открытости и доступа к информации.

В ходе встречи обсудили ключевые инициативы и кампании в рамках ООН, направленные на продвижение целей устойчивого развития, борьбу с дезинформацией и вовлечение молодежи. Отдельное внимание уделили вопросам стратегических коммуникаций, медиавзаимодействия и расширения образовательных программ для журналистов.

Подчеркнули важность включения наших вузов – Университета журналистики и массовых коммуникаций и Университета мировой экономики и дипломатии – в программу UN Academic Impact, что создаст дополнительные возможности для студентов и исследователей участвовать в глобальных образовательных и исследовательских инициативах.

Рассмотрели перспективы сотрудничества в области противодействия дезинформации, подготовки молодых журналистов и их участия в международных стажировках ООН.

Договорились о проработке совместных проектов и активном участии представителей Департамента глобальных коммуникаций ООН в предстоящих мероприятиях в Узбекистане.

Facebook|Instagram|X

Нью-Йорк шаҳрида БМТ Бош котибининг ёрдамчиси – БМТ матбуот котиби Стефан Дюжаррик билан учрашув ўтказдим. Суҳбат чоғида икки томонлама ҳамкорликни янада мустаҳкамлашнинг долзарб масалаларини атрофлича муҳокама қилдик.

Ўзбекистон ва БМТнинг қўшма тадбирларини, жумладан олий даражадаги ташрифларни ахборот билан таъминлаш ва ёритиш жараёнида хизматларимиз доимий равишда яқин ҳамкорлик қилиб келаётгани, ўзаро қўллаб-қувватлаш анъанага айланганини мамнуният билан қайд этдим.

Журналистлар ўртасида тажриба алмашиш ва уларнинг салоҳиятини оширишга қаратилган қўшма лойиҳалар истиқболларига алоҳида эътибор қаратдик. Бу жараёнда Бирлашган Миллатлар Ташкилотининг турли тузилма ва институтлари имкониятларидан фойдаланиш муҳимлиги таъкидланди. Шу маънода, Ўзбекистон ва БМТнинг қўшма ташаббусларини кенг ёритишда юртимиз оммавий ахборот воситалари вакилларининг фаол иштирокини қўллаб-қувватлашга тайёрлигимизни билдирдик.
—
В Нью-Йорке провел встречу с помощником Генерального секретаря ООН – пресс-секретарем ООН Стефаном Дюжарриком. Подробно обсудили актуальные вопросы укрепления двустороннего сотрудничества.  

Я с удовлетворением отметил традиционно тесное взаимодействие и взаимную поддержку наших служб в рамках организации информационного сопровождения совместных мероприятий Узбекистана и ООН, включая визиты на высшем уровне.

Особое внимание уделили перспективам реализации совместных проектов, направленных на обмен опытом и укрепление потенциала журналистов, в том числе с использованием возможностей различных структур и институтов Объединенных Наций. В этом контексте выразили готовность создавать условия для широкого участия представителей СМИ нашей страны в освещении инициатив, совместно реализуемых Узбекистаном и ООН.

Facebook|Instagram|X

БМТнинг Нью-Йорк шаҳридаги бош қароргоҳига ташриф доирасида БМТ Янгиликлар хизмати директори Ян Филипс билан ҳам учрашув ўтказдим.

Суҳбат чоғида воқеаларни аниқ, холис ва ўз вақтида ёритиш масалаларини муҳокама қилдик. Айниқса, улкан ахборот оқими шароитида фактларнинг ҳаққонийлигини текшириш, дезинформацияга қарши курашиш ҳамда медиасаводхонликни ошириш йўналишидаги ҳамкорликни кучайтириш тобора долзарб аҳамият касб этаётгани ҳақида якдил фикр билдирдик.

Ўзбекистоннинг БМТ доирасидаги муҳим ташаббуслари ва халқаро тадбирларини ёритишда БМТ Янгиликлар хизмати томонидан кўрсатилаётган доимий қўллаб-қувватлов учун миннатдорлик билдирдим. Келгусида ҳам яқин ҳамкорликни давом эттиришга келишиб олинди.
—
В рамках посещения штаб-квартиры ООН в Нью-Йорке провел также встречу с директором Службы новостей ООН Яном Филлипсом.

Обменялись мнениями по вопросам точного, объективного и своевременного освещения событий. Выразили единое мнение о растущей важности укрепления сотрудничества в области проверки достоверности фактов и борьбы с дезинформацией, повышения медиаграмотности, особенно в условиях усложняющейся навигации в огромном информационном потоке.

Я выразил особую благодарность за постоянную поддержку, оказываемую Службой новостей в освещении важных событий и инициатив Узбекистана в рамках ООН. Договорились и далее поддерживать тесное взаимодействие.

Facebook|Instagram|X

“Менимча” телелойиҳасида бугун таҳлил қилинадиган мавзулар:

- Ўқитувчиларга эҳтиром ва ёшларга имконият мамлакат келажагини таъминлайди;
- Президент Шавкат Мирзиёев Наманган вилоятига ташриф буюрди;
- Ўзбекистон етакчиси “Камбағалликдан фаровонлик сари” III халқаро форумида иштирок этди.

Кўрсатувни бугун, 20 сентябрь куни соат 20:10 да “O'zbekiston 24” телеканалида томоша қилишингиз мумкин.

Эртага, 21 сентябрь куни соат 12:20 ва 17:20 да такроран намойиш этилади.

Facebook|Instagram|X

АҚШ Президенти Дональд Трамп "Truth Social" ижтимоий тармоғидаги саҳифасида қуйидаги постни ёзиб қолдирди:

"Шу ой бошида мен Ўзбекистон Президенти ҳурматли Шавкат Мирзиёев билан суҳбатлашган эдим. Бугун мен Президент Мирзиёевни "Boeing" билан УЛКАН битим имзолангани билан табриклайман! "Uzbekistan Airways" 8 миллиард доллардан ортиқ маблағ эвазига 22 та 787 Dreamliner самолётини харид қилади. Бу Қўшма Штатларда 35 000 дан ортиқ иш ўринларини яратади. Президент Мирзиёев - бир сўзли инсон ва биз бошқа кўплаб масалалар устида биргаликда ишлашда давом этамиз! Бу масалага эътиборингиз учун ташаккур".

—
Президент США Дональд Трамп написал следующий пост на своей странице в социальной сети Truth Social:

"Ранее в этом месяце я разговаривал с глубоко уважаемым Президентом Узбекистана Шавкатом Мирзиёевым. Сегодня хочу поздравить Президента Мирзиёева с подписанием ВЕЛИКОЙ сделки с Boeing! На сумму более 8 миллиардов долларов Uzbekistan Airways приобретает 22 самолета 787 Dreamliner. Это создаст более 35 000 рабочих мест в Соединённых Штатах. Президент Мирзиёев – человек слова, и мы продолжим совместную работу над многими другими вопросами! Благодарю за ваше внимание к этому делу".

Facebook|Instagram|X

Ўзбекистон Республикаси Президенти Шавкат Мирзиёев Бирлашган Миллатлар Ташкилоти Бош Ассамблеяси 80-сессиясининг умумий мунозараларида нутқ сўзлади.

Давлатимиз раҳбари бугунги йиғилиш шиддат билан ўзгараётган мураккаб глобал вазиятда ўтаётгани, бу эса Ташкилот фаолияти ва унинг келажагига янгича ёндашувлар билан қарашга чорлаётганини таъкидлади.

"Ҳозирги кунда дунёда халқаро институтларнинг ўрни ва роли заифлашмоқда, қарама-қаршилик, низо ва урушлар кучаймоқда, технологик ва ижтимоий тенгсизлик кескин ошмоқда, иқтисодий ва гуманитар инқирозлар ортиб бормоқда. Буларнинг ҳаммаси мутлақо янги, хавотирли геосиёсий воқеликни вужудга келтирмоқда.

Биз Бош котиб Антониу Гутерриш Жаноби Олийларининг энг оғир ва ўткир глобал масалаларни муроса билан ҳал этиш учун Ташкилотимизни асосий платформа сифатида сақлаб қолишга қаратилган саъй-ҳаракатларини юксак баҳолаймиз.

Бу борада “БМТ – 80” ташаббусларини тўлиқ қўллаб-қувватлаймиз, Келажак учун пактга қатъий содиқлигимизни тасдиқлаймиз.

Биз замонавий хавф-хатарларга қарши самарали курашиш, ривожланаётган давлатларнинг манфаатларини ҳимоя қилиш мақсадида Бирлашган Миллатлар Ташкилоти Хавфсизлик Кенгашини трансформация қилиш ва унинг таркибини кенгайтириш тарафдоримиз",

- деди Президент.

Facebook|Instagram|X

Президент Шавкат Мирзиёев мамлакатимиздаги янгиланишларга алоҳида тўхталди.

"Биз Барқарор ривожланиш мақсадларига ҳамоҳанг ҳолда, демократик, ҳуқуқий, ижтимоий ва дунёвий Янги Ўзбекистонни барпо этиш сиёсатини олиб бормоқдамиз. Бунинг учун ортга қайтмас ислоҳотларимизни изчил давом эттиряпмиз.

Устувор мақсадимиз – мамлакатимизда яшаётган ҳар бир оиланинг, ҳар бир фуқаронинг ҳаётини тубдан ўзгартириш, инсон қадри ва фаровонлигини оширишдир",

- деди давлатимиз раҳбари.

Сўнгги йилларда Ўзбекистонда камбағаллик даражасини 35 фоиздан 6,6 фоизгача қисқартиришга эришилгани таъкидланди. Бунга, аввало, таълим ва илм-фан соҳасини ўзгартириш, инновацион тармоқлар ва технологик саноат корхоналарини барпо этиш, “яшил” энергетика ва транспорт инфратузилмасини модернизация қилиш, кичик бизнесни ҳар томонлама ривожлантириш ва натижада миллионлаб иш ўринлари яратиш орқали эришилмоқда.

Мамлакатимизда мактабгача таълим қамрови 27 фоиздан 78 фоизга ошгани, ёшларимизнинг олий таълим билан қамрови эса 9 фоиздан 42 фоизга етгани қайд этилди. Энг асосийси – ўқитувчи ва устозлик касбининг обрўси ва нуфузини кескин оширишга ҳал қилувчи масала сифатида қаралмоқда.

Facebook|Instagram|X

Президентимиз нутқини давом эттирар экан, педагогларнинг ўзаро тажриба ва билим алмашиши учун ягона халқаро платформани яратиш мақсадида Ўзбекистонда Бутунжаҳон профессионал таълим саммитини ўтказишни таклиф этди.

Шунингдек, мамлакатимизда илғор соғлиқни сақлаш тизими яратилаётгани таъкидланди. Эртага Бирлашган Миллатлар Ташкилотининг бош қароргоҳида Ўзбекистон ташаббуси билан болалар саратони ва бошқа оғир касалликларга қарши курашга бағишланган юқори даражадаги тадбир ўтказилади. Президентимиз барча хорижий ҳамкорларни ушбу тадбирга таклиф этди.

Яна бир муҳим йўналиш – гендер сиёсати. Мамлакатимизнинг ижтимоий-сиёсий ҳаёти ва тадбиркорлик соҳасида хотин-қизларнинг ролини бундан буён ҳам мустаҳкамлаш мақсад қилинган. Ўзбекистон кенг минтақамиз миқёсида Осиё хотин-қизлар форумини доимий платформага айлантириб, мунтазам ўтказиб бориш тарафдори экани қайд этилди.

"Яна бир бор таъкидламоқчиман: биз Барқарор ривожланиш мақсадларига эришиш йўлида олган мажбуриятларимизга содиқмиз. 2030 йилга бориб “даромади ўртадан юқори” бўлган мамлакатлар қаторига киришни ният қилганмиз.

Шу мақсадда очиқ ва прагматик сиёсатимизни изчил давом эттирамиз",

- деди Президент.

Facebook|Instagram|X

"Бундан 8 йил муқаддам биз ушбу юксак минбардан туриб, Марказий Осиёни тинчлик, яхши қўшничилик ва шериклик маконига айлантиришга қатъий қарор қилганимизни эълон қилган эдик.

Бугун чуқур мамнуният билан таъкидлаш мумкин: биз бу стратегик мақсадга эришдик. Ёпиқ чегаралар, ҳал этилмаган баҳс ва низолар даври тарихда қолди",

- деди Ўзбекистон Президенти.

Сўнгги йилларда минтақамизда ўзаро савдо, инвестициялар ва транспорт ташувлари ҳажми беш баробаргача кўпайди. Қўшма инвестиция жамғармалари, чегара ҳудудларида савдо ва саноат зоналари ташкил этилди, йирик инфратузилма лойиҳалари амалга оширилмоқда.

"Марказий Осиё давлат раҳбарлари Маслаҳат учрашувлари минтақавий интеграцияни чуқурлаштириш йўлида самарали механизмга айланганини ҳам умумий ютуғимиз сифатида эътироф этамиз.

Шуни қатъий ишонч билан айтишим мумкинки, бугунги кунда Янги Марказий Осиёни шакллантириш жараёни бошланди.

Минтақамиз ўзининг ҳамжиҳатлиги, барқарорлиги, ўзига хослиги билан халқаро муносабатлар тизимида алоҳида субъект сифатида тобора мустаҳкам ўрин эгалламоқда",

- деди давлатимиз раҳбари.

Facebook|Instagram|X

Президент Шавкат Мирзиёев барча хорижий шериклар билан ўзаро манфаатли алоқаларни кенгайтиришга асосий эътибор қаратилишини таъкидлади.

Бу борада Бирлашган Миллатлар Ташкилоти тузилмалари билан минтақамизда қатор янги лойиҳа ва дастурларни амалга оширишни таклиф этди.

Жумладан, ЭКОСОС ва ЮНКТАД шафелигида Марказий Осиё давлатларининг иқтисодий тараққиёти масалаларига бағишланган халқаро форум ўтказиш, ЮНИДО билан саноатда “яшил” технологиялар минтақавий хабини ташкил этиш, минтақамизда сув ресурсларидан оқилона фойдаланиш, “яшил” макон барпо этиш ҳамда демографик барқарорликка эришиш бўйича дастурларни қабул қилиш ташаббуслари илгари сурилди.

Шу билан бирга, Бош Ассамблеянинг Марказий Осиё мамлакатларининг минтақавий шериклик ва иқтисодий интеграцияни чуқурлаштиришга қаратилган ҳаракатларини қўллаб-қувватлашга доир резолюциясини қабул қилиш таклиф этилди.

Facebook|Instagram|X

“Глобал ва минтақавий хавфсизлик ва барқарор ривожланиш ҳақида гапирганда, албатта Афғонистон тўғрисида тўхталмаслик мумкин эмас.

Афғон халқининг тинч ва осуда ҳаётга бўлган интилишини қўллаб-қувватлаш учун халқаро ҳамжамиятнинг саъй-ҳаракатларини бирлаштириш зарур. Шуни алоҳида таъкидлашни истардимки, бу давлатнинг яккаланиб қолишига йўл қўймаслик ўта муҳимдир.

Биз Афғонистонда катта иқтисодий ва инфратузилма лойиҳаларини амалга оширмоқчимиз. Ушбу мамлакат орқали халқаро транспорт ва энергетика коридорларини ривожлантириш бўйича Ташкилотимизнинг алоҳида резолюциясини қабул қилишни таклиф этамиз”,

- деди Президентимиз.

Ғазо секторидаги тобора кескин ёмонлашиб бораётган гуманитар инқирозни ҳам эътибордан четда қолдириб бўлмаслиги қайд этилди. Президентимиз ҳарбий ҳаракатларни тўхтатиш ва сиёсий музокараларни давом эттиришга чақирди. Ўзбекистон БМТ резолюцияларига мувофиқ, “икки халқ учун – икки давлат” тамойилини амалга оширишнинг қатъий тарафдори экани таъкидланди.

“Украина атрофидаги вазият ҳам барчамизни жиддий ташвишга солмоқда. Бу муаммони дипломатик йўллар билан ҳал этиш бўйича юқори даражадаги мулоқотлар бошланганини олқишлаймиз”,

- деди Президентимиз.

Facebook|Instagram|X

Марказий Осиёда Глобал аксилтеррор стратегиясини бажариш бўйича самарали ишлар олиб борилмоқда. БМТнинг Терроризмга қарши кураш бошқармаси билан ҳамкорликда Реабилитация ва қайта интеграция масалалари бўйича Минтақавий Кенгаш тузилган. Президентимиз уни Халқаро компетенциялар марказига айлантиришни таклиф этди.

Бу тузилма муаммоли ҳудудлардан қайтарилган шахсларни тинч ҳаётга мослаштириш бўйича тажриба алмашиш учун муҳим платформа бўлиб хизмат қилиши таъкидланди.

Бундан ташқари, Ўзбекистон Терроризмга қарши кураш бошқармасининг минтақавий офисини мамлакатимизда очиш учун зарур шароит яратишга тайёрлиги қайд этилди.

“Халқаро транзит коридорларининг хавфсизлигини таъминлаш ва самарали логистика занжирларини яратиш ўта муҳимдир. Бу борада “Барқарор ривожланиш мақсадлари учун ўзаро транспорт боғлиқлигини мустаҳкамлаш” глобал механизмини жорий этиш вақти келди, деб ҳисоблаймиз”,

- деди Президент.

Facebook|Instagram|X

Президент Шавкат Мирзиёев тобора ўткир тус олаётган иқлим ўзгариши муаммоларига ҳам алоҳида тўхталди.

Жумладан, Орол денгизи қуришининг салбий оқибатлари жаҳон ҳамжамиятининг доимий диққат марказида бўлиши лозимлиги айтилди. Ўзбекистон Оролбўйи экотизимини қайта тиклаш бўйича ишларни изчил давом эттирмоқда.

Сўнгги йилларда денгизнинг қуриган тубида 2 миллион гектар майдонда шўрга чидамли чўл ўсимликлари экилди. 2030 йилгача ушбу ҳудуднинг 80 фоиз қисмида яшил қопламалар ҳосил қилинади.

Яна бир муҳим муаммо – бу сув ресурсларининг тақчиллигидир. Ҳозирда дунё аҳолисининг икки миллиарддан ортиғи тоза ичимлик сувидан фойдаланиш имкониятига эга эмас.

“Биз мамлакатимизда Сувни тежаш бўйича бутунжаҳон форумини ўтказишни режалаштирганмиз. Мазкур анжуман якунлари бўйича Сув инқирозини барқарор тараққиёт учун жиддий таҳдид сифатида белгилаш мўлжалланмоқда.

Экологик ўзгаришларнинг яна бир салбий кўриниши – иқлим миграциясининг кучайиб бораётганидир. Афсуски, ушбу йўналишда аниқ халқаро механизмлар ва ҳуқуқий база ҳанузгача яратилмаган. Биз бу жиддий масалада кенг халқаро шериклик ва мувофиқлаштирилган сиёсат юритиш бўйича Глобал пакт қабул қилиш тарафдоримиз”,

- деди Президентимиз.

Facebook|Instagram|X