ومنسأل حالنا قديه لازم يمر وقت حتى ما تدمع عيونا لما نكون وحيدين ، حتى لما ننوجع ما نرجع لهيداك الشخص ونحاول نحكيه !..

أديه لازم يمر حتى ما نحس إنو هنن حولينا كل الوقت بس ما قدرانين نوصلون ..

أديه لازم يمر وقت حتى ما يحسسنا الفراق بحلاة الروح، متل الي عم يغرق أو يموت🥀🖤

لما تختار تتصرف بطريقة عندك علم مسبق إنها بتجرحني أو أي تصرف بعيد عن دائرة الأمان الي متعودة عليها معك

حاول ما تخترلي ردة فعلي و لا تتوقعها !.

هو صحيح بالحياة كل فعل ألو رد فعل بيناسبو أو قريب عليه ، بس لما الموضوع يمس قلبي أنا حفاجئك بردة فعلي ..

حفاجئك جداً 💔🖤

" التعلق بالروح صعب كتير ، إنك تحب روح حدا هالشي بيبقى معك كل العمر.. "

مو متل حبك للشكل اللي إنبهارك فيه بيروح لمجرد إنك تشوف شكل أحلى ، ولا متل حب التعود اللي مع الوقت ح تمل منه ويصير روتين..
لما تحب روح مستحيل تشوفها أو تلاقيها بحدا تاني..

لأنو الروح دايماً وحدة ما إلها بديل🕯🖤

" الخصوصية شي كتير مهم بحياة كل حدا فينا .. ! "

كتير عادي تكون بتحب تروح لوحدك عشي مكان وتقعد تشرب قهوة مثلاً لوحدك بلا ولا حدا !

عادي أنو يكون في اشخاص قريبين منك وماتحكيلن خصوصياتك ..

المفروض كل شخص يحترم خصوصية التاني ..

لإنها شي مهم وضروري و ممنوع حدا
يتجاوزها 🕸🖤

بتتذكّرن وهنّن بنسوك..
بتحبّن وهنّن مرّات كتيرة بنسوا يحبّوك
بتعمل خير لأنّك منيح من جوا.. وبلحظة ضعف منّك، بنسوا كلشي وبلوموك.

بتفرح عفرَحُن وبزعَلُن بتزعل.. وهنّن كيفك يمكن ما بسألوك..
بتسأل مرّة وتنين وتلاتة ولمّا تتعب وتغيب شوي.. دغري بِقسوا عليك وبِلوموك.

يمكن هيك أماكن ما بتشبَهك.. ولا حتّى هيك ناس بِشبهوك 🥂🖤

الرجل الذي كان يخبرني ، أنا بموت إذا إنتي بتتركيني..

لم يمت !.

انتقل إلى بلاد بعيدة
تعرّف على أصدقاء جدد
بحث عن عمل يناسبه
بدّل ساعات نومه

غيّر لون الموسيقى التي يسمعها حتى لا تجرحه كلمات مثل " ألا حبذا "..

جرب أصناف جديدة من البيتزا ، كنوع من التغيّر حتى يخفف من رهبة الفكرة !.

لم تصيبه نوبة هلع عندما فقد وجهي..
و عندما عَلِم بأن الماضي يأكل قلبي ذهب إلى عمله بشكل طبيعي ..

يفكر في الأزمة الاقتصادية ، دون أن يدرك بأن الوعود بإمكانها أيضاً أن تدمرك !.

الرجل الذي كان يخبرني ، أنا بموت إذا أنتي بتتركيني ..
لم يمت لكنه كان يخطط لقتلي 💔🖤

بفضول مني سألتها ممكن اعرف ليه بتحبيه لهالدرجة ، رغم إنو ما كان رجل وسيم ابداً ، مادياً كان حدا متوسط و ممكن أقل..

كنت حابة أعرف شو الأشيا الي خلتو يكسب إمرأة جميلة و قوية قالتلي..

كان قادر يحميني من حالي ، من زعلي ، من غيرتي ، من تسرعي ، من خياراتي الي ببنيها بكتير من الأحيان على العاطفة !..

بكل مرة كان يحس أني زعلانة يسألني ..
أنتي زعلانة مني شي ..
جاوبيني لارتاح و اعرف كمل نقاش معك!

كان يحل جواتي أيّ أزمة لما ينقلي هاد الشعور ، شعور إنو في حدا خايف على زعلي و قادر يحمل معي هالزعل ..

بدون محاربة و خناق و لا أي موقف كبير و لا كلام شاعري ، بالمناسبة هو ما بيعرف يقول بحبك ، بس كان بكل التفاصيل يقدر يثبتلي هالحب 🦋🖤

بكل مرة بتخلص فيها طاقتي و بتبلش الظروف تعاكسني ، تلقائياً بتصير الأحداث تسحبني بخطوات سريعة لورا ..

بيكبر شعور الندم جواتي و متل الكل منصير نلوم حالنا على تصرفاتنا و مشاعرنا !..

دون ما ننتبه لشي مهم إنو نحنا حصيلة وقت و تجارب و بيئة و عوامل كتير تانية بتلعب دور كبير بقراراتنا.

لهيك خلينا متفقين ، أنت مش ملاك و لا جيت على هالدنيا لحتى ما تغلط و تنوجع ..

بدك تنكسر و توقع ، تفرح و تعشق
أنت روح 🕸🖤

أكتر شي صادق كان بغنية أهل الغرام " ألا حبذا حبيب تحملت منه الأذى "
قديه في ناس بهالحياة ، اتحملت و حملت بقلبها كرمال الي بتحبو ..

قديه في ناس سامحت و غفرت ، و اتعاملت بصدق مع فكرة " و من لا أبالي رضى غيره إذا هو سر و لم يغضب "..

كم حدا فينا وقف بوجه الظروف و الناس و بوج حالو أول شي كرمال ما يخسر الي بحبو ..

كرمال ما تكون النهاية حزينة ، بس شو الي صار بالأخر غير إنو النهاية كانت متل هالشارة
على قد ما فيها حب على قد ما هي مليانة
دموع🕯🖤

اتصل فيّ و كان صوتو فيو خنقة و قهر بعد مدة طويلة كتير بعد ما كل الي حوليه صدق إنو هو قوي و قدر يتجاوز ..

خبرني انو اشتقلا كتير ما كانت كلمة عادية كانت مليانة دموع ، ما بعرف شو الي ذكروا فيها ، حتى أني بهاللحظة ما كنت متأكدة إذا هو فعلاً كان نسيانها !..

بيسألني..
إنتو كيف فيكون تعملو هيك !!!.
كيف فيكون تختفوا فجأة !!!!..
كيف بعد ما تملّو الدنيا حولينا بتعرفوا تروحوا و تاخدوا كل شي معكون !!!!!!...

إنتو أقوى منّا بكتير يمكن نحنا الي منختار الفراق بس أنتو الي بتعرفوا تتعاملو معو..

كيف كلّ المشاعر و الألقاب الي بتتعلقوا و بتعلقونا فيها بتقدروا تحرمونا منا فجأة متل أب و رفيق و حبيب و بعدها ولاشي ..

و لاشي غير فراق و كأنو في حدا بطل موجود بهالدني..

مو اليوم و لا بكرا بعد وقت كبير إذا سالت عني و عرفت أني وحيد ، قوليلا قرر يعطيكي كل الباقي بعمرو بس لأنك بوقت من الأوقات حبيتيه !..

بعد ما سكر للحظة حسيت إنو هالحديث ممكن يكون شي عابر أو مجرد مشاعر ممكن تختفي بعد وقت !..

بس الشي الي ما كان فيّ اتجاهلو هو إحساسي بكمية الصدق الي كانت بكلامو..

كيف كان مستعد يفديها بعمرو ، كنت متأكدة مليون بالمية إنو هو بيدفع عمرو مقابل يرجعوا يكونوا سوا لمرة وحدة !..

و هاد الحب تحديداً الي ما فيك تلاقيه كل يوم ، الحب الي ما فيو أيّ مقابل و أيّ مصلحة !..

الحب الي لما تكون فيه كلّ الخيارات متاحة لألك و أنت ما بدك منها إلا حدا واحد بس 🥂🖤

‏أخبرتك منذ البداية
أن لا تدع تلك التفاصيل
الصغيرة تتراكم بيننا
أترى؟
لم يعد بمقدورنا معانقة بعضنا الآن 🥀🖤

بعد عدة مسجات وصلتني..

كان أكتر شي عم يصدمني مش الفراق ، و إنما الطريقة الي عم يصير فيها !..

الفراق مع الوقت بيتعالج و الفراغ بيتعوّض ، بس الجرح بيعلّم و بيترك أثر ..

لما تخبر الشخص التاني بأنو كان سيء
أو غير مناسب
أو أهلك ما حبو
أو أنت كنت مفكر حالك بتحبو

إنتو كيف فيكون تكون هيك قاسيين ، كيف بتقدروا تقولوا هالكلام بكل بساطة و تمشوا ، و تتركوا قلب عم يحس بالنقص و الأذى بسببكون !!...

ليش لما نترك لازم نحط العلّة كلا بالطرف التاني ، ليش لازم نطلعوا حقير ليرتاح ضميرنا !!..

على فكرة فيك تنسحب من أي علاقة لمجرد أنك مش مرتاح ، أو بطلت تحس ، فيك تمشي لأن المشكلة فيك مش بغيرك !!..

فيك لما بدك تاخد قرار تكون أنت السبب ، مافي داعي تدوّر على شماعة لتعلق عليها -
عقدك و بشاعة قلبك !.💔🖤

كان المقصد من الحُب
أن يكون لدى المرء مهرب من هذه الحياة ..

لذلك يبدو شكل الواحد منّا ضائعاً، لا يعرف أين يذهب بعدما يفقد شخصاً يحبه 🕸🖤

كنت دايماً تخبرني بعد كلّ مشكل بصير بينا أنو القصة مابتوقف عندو ؛ القصة بِتَبِعاتو..
كنت دايماً تقول : "تبِعات القصة بتوجع أكتر من القصة ؛ انتبهي"

هلأ معد في مشاكل بيناتنا بالعموم ؛ أنتَ بعيد و أنا أبعد..
هلأ المشاكل بهالبلد..
بتعرف أنو هلأ الكل عم يعيش "تَبِعات الحرب"
لسا الحرب كانت أهون ؛ صدقني..

معقول كلّ هالقد بتقدر التَبِعات تهد انسان ؛ تخلي شباب بأول عمرهن فاقدين الأمل ؛ الشغف ؛ فاقدين الأمان..!

أنا و أنتَ راح كل حدا منا بطريقو ؛ بس يلي ضلّ منك جملة وحدة "بعمرك لا تخافي إلا من تَبِعات القصص"💔🖤

بقولوا:
"الغائب الأحب إلى قلبك سيعود في أحد ليالي ديسمبر "
هو يمكن يعود بأكتوبر ، ب نوفمبر مش شرط ديسمبر
بس السؤال ، هل أنت الأحب لقلبو متل مو هو الأحب لقلبك بديسمبر أو بأي شهر؟!
حاول تختار تماماً مين الأحب إلى قلبك لانو مفهوم واسع شوي!
يلي بيحب ما بيغيب و لو كان بأخر قارة!
لهيك اختاروا يلي بيشتري قلبكن ولو من بعيد بلفتة بسيطة، اذا الظروف جبرتو يكون بعيد..

حلو ديسمبر و بشع بنفس الوقت..
يلي بخاف من النهايات ح يكون بشع بالنسبة إلو..
و يلي بحب البدايات ح يكون هو الشهر المفضل عندو ليعرف يصنف الأولويات..

رتبوا أولوياتكن..
انجازاتكن
قراءاتكن
سلامكن ولامبالاتكن..
افكاركن ، لانو الدماغ مُتعِب ،بيعرف كيف يستنزفنا ، ضلّكن اقوى منو..
رتبوا يلي مسكْنينهن بقلوبكن ، القلب مو كبير ولا واسع ، القلب صغير و بيتعب بسرعة لهيك اختاروا الاشخاص الصح و انسحبوا انتوا من حياة الاشخاص الغلط بكلّ لطف و مودة

"حلوة النهايات يلي بتنتهى بسلام" _حلو كل شي بينتهى بسلام_

حبّوا حالكن و عرفوا حالكن تمام" بالوقت يلي بتعرف فيه حالك ح تكون اجتزت أكتر من نص الرحلة يلي ح تبني اختياراتك فيها"
اعتذروا..
سامحوا..
عطوا لوجه الربّ مش للناس..
جبروا الخاطر بقدر استطاعتكن.."من جَبَر جُبِر"
و كونوا مناح..
كلّ يوم كونوا مناح لأنكن بعناية الربّ و هاد بيكفي♡

و بالأخر ، ح تبقى هالغنية الدافية موجودة بوجود هالشهر
"أغنية عن شهر ديسمبر"..♡

لا تنسوا أنكن تشتروا راحتكن 🦋🖤

تغيّر شيءٌ ما بداخلي
أعود لأغنيتي المفضلة "كرمال النسيان"
مؤكداً أن "غيابك مش بريء"

أتجول ليلاً في شوارع مدينتي بعد منتصف الليل
و يتجول طيفك في خيالي دائماً

تنتهي الأغنية بعد بضع دقائق
تأتي الأغنية التي تليها
"يا حبي الي غاب"
لا أدري لماذا جميعهم يتحدثون عن غيابكِ؟
في هذه البلاد سقف طموحنا
أن نسأل عن الغياب
لا شيء يذكر بالحضور
جميع الأشياء غائبة
و يشتد الحديث عندما يشتد "البركات"

“من بعدك لمين لمين آه لمين الزهر بينحني
و بتشرق لمين لمين آه لمين شمسك يا دني
يا حبي يا غالي يا ساكن في بالي
سواد الليالي حياتي أنا "

وها نحن نؤول إلى نفس النتيجة
وكل شيء قد أكد أن غيابك حاضر
وأنك حاضرة في داخلي
الذي أُفنى بتناقضاتي الدائمة

لا... لم ينتهِ العذاب
وها هي الأغنية التالية تعلن تجدد الصراع
" حبيتك و بحبك"
المليئة بالعتب و المشاعر السعيدة اللطيفة

ينتهي طريقي بالعودة للمنزل
لقد عانيت من الموسيقى الليلة
تناولت جرعات كثيرة من الأمل و الأحلام
على أمل أن اشفى من كل هذا الألم

اللهم لا شفاء منكِ
متكئاً على النسيان ليداوينا 🥂🖤

- أحمد الحلّاج.

‏" كُل شخص يستحق على الأقل جهة واحدة آمنة في حياته، جهةً لا يُضام منها ولا يُضرُّ عبرها، جهةٌ يستند عليها كلما أرهقته الأشياء "🥀🖤

إن البقاء معي أمر صعب ، فأنا لا أعطي إلا القليل لكنني أُعطي أشياء حقيقية ، أشياء لا تغادرك حتى وإن غادرتني 🥂🖤

أصعب شعور ،
لمّا تجي بدك تحكي بس خايف من أنك تندم ،
أو أنك تخبي وتخليه حسرة بقلبك 💔🖤

‏أنضجتني الليالي التي قضيتها وحدي وأنا في حاجةٍ لمن يسمعني أو يهتم لأمري ، الليالي التي كانت من مرارتها أيأس من فكرة أنّها ستنقضي ، وأنّي سأظل أعيش في متاهاتها كثيرًا ، نجوتُ منها لكن الأثر الذي أحدثته بداخلي لا يُنسى لأنّها جعلتني أكبُر عن عمري الحقيقي بمراحل 🕯🖤