المُراجعة الذكيّة 💡

كلنا نعرف أهميّة المراجعة
وكونها تشكل ركيزة أساسية و مُهمة
برحلة الحافظة لِكتاب الله العزيز

واليوم راح نتكلم عن طريقاً جداً
ممتازة للمراجعة بحيث تضمنين
ثبات و ضبط المحفوظ على المدى البعيد😍🩷

ولكن بشرط!

تطبيق كل ما سأذكره بالتفصيل

#يتبع
-

الأدوات المُساعدة بالمُراجعة الذكيّة

أولاً :✨
الي تگدر تراجع هذه المراجعة
لازم تكون حافظة جزئين فما فوق

ثانياً : 🌸
تحتاجين أستاذة أو أحد بالبيت
يساعدج بالمراجعة وراح أذكر ليش..

ثالثاً :✨
الطريقة سهلة وتحتاج همّة و صبر

#يتبع
-

طريقة المراجعة الذكيّة بالتفصيل الملل 🤭🩷

الي راح أذكره هو مثال فقط
تكدرون اطبقوا على كل بداية حفظ جزء جديد

مثلاً بدأت أحفظ الجزء الثالث
ويومياً أحفظ صفحة أو صفحتين كـ حد أدنى

حفظت صفحاتي الخاصّة بالجزء الثالث
صباحاً مثلاً وقت صلاة الفجر

أجي أنوب للمراجعة
و راح أراجع مرتين مرّة مُراجعة بعيدة
و الأخرى مُراجعة قريبة

(الأفضل تكون فقط خمس صفحات
مراجعة سواء من القريبة أو البعيدة
حتّى نگدر نركز على الحفظ أكثر)

المراجعة البعيدة أراجع من بداية المصحف
مثلا من صـ ٢-صـ٦

أما المراجعة القريبة أراجع من الجزء الي
ختمته قبل لا أبدي أحفظ الجزء الثالث
مثلاً من صـ٢٢-صـ٢٦

وهكذا بشكل يومي وكلما تخلص مراجعة
أرجع أعيده مره أخرى حتى أضمن ثبات الحفظ

#يتبع
-

ليش أحتاج أحد يسمع الي؟🩷🤔


لأن يا غاليتي هاي المراجعة بيها شغلتين:

الأولى :
تراجعين الصفحات نظراً بالمُصحف
و تحاولين تربطين و تثبتين المُتفلت منهم
بعدين تغلقين المصحف و تراجعين غيباً الصفحات

الثانية :
تشوفين أي أحد مُتمكن
من القراءة الصحيحة للقرآن و يختبرج

مثلاً /🌱
حسب المراجعة السابقة الي ذكرنها
أجي أول شيء أراجع المراجعة البعيدة
ف المُختبر أوضح أله يسألني سؤال عشوائي
بالصفحات الي مراجعتهم
و أيضاً يسألني سؤال بداية الصفحات

وهكذا للمراجعة القريبة..

و عدد الأسئلة براحتج لحد ما تحسين
نفسج مضبطة الجزء

#يتبع
-

زين زينب هواي أنسى حفظي
ويتفلت هل هذا الشيء طبيعي ؟🩷😞

جداً طبيعي تنسون بناتنا
أصلا من نعم الله النسيان
حتى تستمرون يومياً بقراءة القرآن الكريم

+
ماكو شيء أسمه واحد يتقن القرآن
وهو بعده يحفظ

لأن بعد أكو آيات مُتشابه بسور أخرى
هو ما واصل أله…

ف جداً طبيعي النسيان و تفلت الحفظ
وعدم ضبطه خلال رحلة الحفظ
مع مراعاة لازم أهتم بجودة حفظي
و أحاول أحسنه شگد ما أگدر🩷

الي لازم يتهم بإتقان حفظ القرآن
هو فقط حافظ كل القرآن الكريم

أما الي بعدها تحفظ
لا تشيل هم يجي اليوم الي تختم
و يصيرها همها و سعيها كله نحو الأتقان😍


و يارب يبلغكم جميعاً يوم فرحة الإتقان🤲🏻
-