Doimo shu baholarga loyiq qilsin!

Qadrdon Uyushmamizga rahmat eʼtibor uchun!

Keng qalbli ustozimiz Bobur Bobomuroddan tabrik! Ustoz, joningiz sogʻ boʻlsin! Ilohim barcha duolar ijobatini bersin!

Bugungi bayram biz uchun ustoz bo‘lgan barcha qadrli insonlarimizga muborak boʻlsin!

USTOZ

Maktab, qo‘ng‘iroq va qaysidir xona,
Oltmish to‘rtta mitti mo‘ltirgan ko‘z.
Tilingizda bo‘lar o‘ttiz ikki dona,
Turlicha lisonda jaranglagan so‘z.

Tizilib qaldirg‘och bolalaridek,
O‘ttiz ikki tilda yangraydi savol.
Sehrli tayoqcha tutgan paridek,
Siz kulib kelasiz, ammo bemajol.

Tinkangiz bo‘lingan o‘ttiz ikkiga.
Chunki tayoqchangiz qilmaydi sehr.
Onaday silaysiz mening yelkamdan,
Mana shu mo‘jiza, mana shu mehr!

Ilk bor qadamini kutgan bolasin
Volida singari hassos tikilgan.
Katta she’rlar yozgan o‘sha qalamni,
Siz tutib bergansiz mitti ilkimga.

Sharif kasbingizga cheksiz hurmatim,
Maktab davrlarin eslayman har choq.
Million mashxurlikka yetsa ham haddim,
Menga sharaf sizga shogird sanalmoq.

Sinfxona, shovqin, o‘ttiz ikki jon,
Bitta shirin so‘z va koinot bo‘lar jim.
Sabringizga olqish, nomingizga shon,
Sizga ta’zimdaman, ustoz, muallim!

Niyatullo Elbek oʻgʻli

@Qalb_yoli

#tavallud

4 октябрь - ҳақгўй ва жасоратли шоир Аъзам Ўктам таваллуд топган кун!
Ўзбек халқининг севимли шоири марҳум устозимизни мен ҳаётда кўрмаганман, аммо Шайх ҳазратимизнинг Аъзам Ўктам китобларига ёзгилган сўзбошисини ўқиб бу шоирнинг ёзгани ва ҳаёт йўли, дили ва тили, амали бир ҳақгўй, мард бир ижодкор сифатида таассуротмда қолганлар. Уларнинг фарзандларини Muhammad Temur A'zam акани ва Tumaris A'zam опани кўрсам доим ана шу шоир сиймосини кўргандай бўламан. Устозимизни Аллоҳ охиратларини обод қилган бўлсин.

ВОҚЕА

Сарин шаббодалар эсмоқда майин,
Қалбдан қувилмоқда қўрқув, хатарлар.
Борми бўлак чора ҳеч қувонмайин —
Юртига қайтмоқда қрим-татарлар.

Икки ўт ичраман — аҳволим оғир,
Ҳар лаҳза бораман туман хил ўйга.
Бир ўйланг ўзингиз —
Қиш пайти ахир
Харидор чиқибди биз турган уйга!

Уф тортар аёлим.
Хуноб хўжайин.
Ичимда ўзимни сўкаман нуқул:
«Ўғил-қизингга жой ҳозирламайин
Тўмарис демай ўл,
Темур демай ўл!»

Инсоф қилди янги соҳибнинг бири:
«Баримиз қардошмиз.
Нотўғрими ё?»
Яшаб турадиган бўлдик охири
Кўчлари Сибирдан келгунича то.
Татар соҳиб ичар ўзин йўқотиб,
Севинчи қалбига ҳеч сиғмас, тошар:
Бегона элдаги ўз уйин сотиб,
Ўз юртидан бир жой олмоққа шошар.

Сўкдик Сталинни ҳеч аямасдан,
Ичимиздан қайнаб келаверди сўз,
Куйладик:
«Нимадан бошланар Ватан?»
Сўнгра то тонггача
Юммай чиқдик кўз...

© Аъзам ЎКТАМ

https://www.tg-me.com/azam_uktam_ijodi
@Qalb_yoli