📃 عنوان القصيدة: يا شمسُ ما تقولي؟ 💚
المناسبة: ميلاد النبي محمد (ص)

١٤٤٥ هـ

▫️▫️▫️▫️▫️▫️▫️

المستهل /

يا شَمْسُ ما تَقُولِي .. فِي مَوْلِدِ الرَسُولِ ؟
شَعَّ ضِياهُ وَ اَنْجَلَى ضِياكِ

١/

شتقولي ياشمس ابضوا مُحمَّد؟
هَم شفتي مثله بالخلايق أحَّد ؟
و ابلا حرج ردي عليَّه يا نور..
منكم تفوَّق؟ يالله قولي "أحمد"

لا تَخْجَلِي وَقُولِي .. فِي مَوْلِدِ الرَسُولِ
شَعَّ ضِياهُ وَ اَنْجَلَى ضِياكِ

٢/

شنهو حصل بيچ ابوگت اِجانا
أحمد (حبيب الله) الذي هدانا
أدري بلا حِس للنبي عشقتي..
بس شنهو قلتي ساعة الـ لفانا؟

مَذْهُولَةً وَقِفْتِي؟ .. مُسْرِعَةً غَربَتِي؟
شَعَّ ضِياهُ وَ اَنْجَلَى ضِياكِ

٣/

خلِّيني من هذا الحرج أخلصچ
نوره يفوز اُو بس فرق وأقنعچ
كل يوم انتي تشرقي وتغربي..
هوَّه من أشرق ماغرب چا مثلچ

عَنّا فَلا يَغِيبُ .. مُذْ أَشْرَقَ الحَبِيبُ
شَعَّ ضِياهُ وَ اَنْجَلَى ضِياكِ 

٤/

مخلوق من نور ومنو اللي مِثله
اليمشي ابنهاره وما يلاقوا ظِلَّه
عن كل عوالمنا مَحى الظُلامه..
كل الـ يتيه (أحمد) اهو الـ يدلَّه

نَوَّرَنا النَبِيّا .. فَلَمْ تَعُودِي شيّا
شَعَّ ضِياهُ وَ اَنْجَلَى ضِياكِ.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

🍃 ( و صادق ) 🍃

أقول ابهالمسه واثق و صادق ( صادق الكلام )
مُحب الآل خذ بيده و صادق ( رافق )
اليجيبك تحتفل بأحمد و صادق ( الإمام الصادق )
ترى هذا الصديق أجمل عطيَّه ❤️.

✍🏻 خادمة ولي النعمة

📃 عنوان النعي: قبرك المهجور شفته
المناسبة: أربعينية الإمام الحسن المجتبى (ع)

١٤٤٥ هـ

▪️▪️▪️▪️▪️▪️▪️

من قبرك المهجور شفته
ما حوله زاير يبدي ونته
بيدي الضلع يَبني لزمته
وجيتك أزورك يا ضِيا العين

ما حولك اليبچيك دمعه؟
جيتك أشيل اويايه شمعه
بيها بضوِّي القبر و أنعى  
تبچيك أمك يا ضِيا العين

ياللي بلا قُبَّه اُو مناير
أدري تريد الليله زاير
مكسور يوليدي الخاطر
وجيتك أجبره يا ضِيا العين

اتخيل شنو يَبني جبت لك؟
( رايه ) على قبرك تسعدك 
خضرا وعليها أكتبت اسمك
مثلات أخيَّك يا ضيا العين

قلبك أداريهْ لك في كلشي
يوم أربعينك تلقى أمشي!
بالله يغالي قول ظل شي؟
المشايه آنه يا ضِيا العين

و لو ينبني قبرك بنيته
لو ينفدا ابقبري فديته!
بس الأمر كافل قضيته
ابني المهدي يا ضِيا العين.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

▪️▪️▪️▪️▪️▪️▪️

🧷 طور النعي:
https://youtu.be/jKA6p7cFi-I?si=kXxgMaEywPQHKQ07
.

📃 عنوان القصيدة: انزلي قُم
المناسبة: دخول السيدة المعصومة (ع) مدينة قُم 🏴

١٤٤٥هـ

▪️▪️▪️▪️▪️▪️▪️

المستهل /

يا هلا بريحة علي .. يا هلا شرفي انزلي
اعلى الرؤوس انحطچ احنا فاطِمه

١ /

يا هلا شرَّفتي كل هاي الأرض
كل سنه نستقبلچ أصبح فرض
الفرحه ماتوسعنا لا طول اُو عرض
من وقف ضعنچ ركضناله ركض!

يا هلا بأخت الحنان .. انزلي هالدار أمان
كلنا شيعه انحب أثركم فاطِمه

٢/

انزلي ابهونچ ولا اتخافي أمر
شرِّفينا ابمقدمچ طول العمر!
كلشي ميِّت من يشوفچ يزدهر
كلشي مكسور ابوجودچ ينجبر

تفضلِّي اعلينا فضل .. نِزلي واختاري نَزِل
اتريدي يا بيت؟ انتي أُمري فاطِمه

٣/

فدوه لأشواقچ نروح اُو هالتعب
ودربچ القاسي الذي نومچ سِلَب
قلبچ ايقولوا من اشواقه لهَب
باقي بالعلَّه وعلى لسانه العتب

ابراحتچ لا تتعبي .. منَّا لا يزعل نبي!
ابعافيَّه اتقومي اُو سلامه فاطِمه

٤/

(ساوه) ردَّت بينا ذكرى (كربله)
شفتي كل أهلچ وسافه امجدلَّه!
بس ألم زينب فـ لا يرجع فلا..
و بالعزا والحُب قسم بـ انبدِّله

نوعدچ يا سيِّده .. جرحچ احنا انضمده
ما تلاقي اهنا شماته فاطِمه

٥/

موسى بن خزرج يقود ابناقتچ
ابهيده لا تبچي وتذكري عمتچ!
ولو بچيتي كلنا نبچي الدمعتچ
هَوَّن امصاب العقيله امصيبتچ

لأعدا قادوها بألم .. من بعد راعي العلم
الهضمه ما نسمح ترد لچ فاطِمه

٦/

انزلي قُم و اجعلي بيها الجِنان
خل تصير الهالأرض هيَّ الأمان
ولو أثر أم الحسن ما بعده بان
نقصدچ لن القلب نفس الحنان

تدري نشتاق القبر .. مخفي اُو طال الصبر
نعمه جيتي يا سميِّة فاطِمه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

📃 عنوان القصيدة: الليلة وداع
المناسبة: شهادة السيدة فاطمة الزهراء (ع) 

١٤٤١ هـ

▪️▪️▪️▪️▪️▪️▪️

المستهل /

زينب .. مو انتي التِنزلي الراس بنتي
زينب .. بت حيدر علي يا يُمه انتي 
انتبهيلي اعلى خُوتچ بعدي يُمه
لا واحد تصير ابقلبه هضمه
زينب .. زينب


١ /

يُمه لاتبچي عليچ .. الله فطَّرني بچيچ
مو بِنت حيدر إليهدو رُكنها
رُفعي راسچ يُمه لا .. تبچي هالمبچى بلاه
يانبض قلبي المنيّه لابُدِّ منها 

بنتي الليله اوداع .. لاتبچي اُو تعالي
امسح راسچ اُو هاي .. آخرته إلدلالي

زينب .. ما اقدر احضنچ سامحيني
زينب .. ابعينچ ناظري يانور عيني
صدري امهشَّم اُو ما فاد لِدوا
حيل اتألم آنه واحچي قوَّه
زينب .. زينب


٢ /

يُمَّه بالحيل احچي لچ .. ديري بالچ ع اخوتچ
من بعد عيني تصيري انتي أمهم
ابخامس اسنينچ اُو أم .. ادري هيَّه اشقد هضم
طفله انتي مو مثل لأطفال كلهم

باچر لو إجا العيد .. كل طفل اُويا أمه
وانتي اتصيحي بالدار .. "وينچ عنِّي يُمَّه"

زينب .. اسنين العيد لچ بس هيَّه اربع
زينب .. اُو من عقبي سنينچ كلها توجع
من ارحل يَبنتي حاشا ارجع
اُو من عقبي المُصايب حاشا تهجع
زينب .. زينب


٣ /

أول اوصيَّه الحسن .. ديري بالچ عالحسن
احنيَّن ابني اُو يكتم اهوايه جروحه
ايخاف ياذيكم لون .. مرَّه عيناته بچن
بنتي لَتخليه وحيد ايأذي روحه

زينب دوم سلِّيه .. لَـ ايحس افتقدني
لو ضاقت به دنياه .. لا مايحچي ابني

زينب .. وابموته بيحاول يخفي علته
زينب .. ما يقدر يشاهد دمعة اخته
وانتي اتصبَّري لا تاذي جرحه
لا دمعچ من اعيونچ يلمحه
زينب .. زينب

٤ /

امَّا اوليدي الحُسين .. آه علىٰ يوم الحُسين
مدري اوصي مَن على مَن والله حِيره
انتبهي ليه آنه اخبرچ .. لو اخبره ايداري لچ؟
كل جهه واحد يطيح والله چبيره

انتي اخفي لدموع .. كالمُعتاد بنتي
وهوَّه يخفي لجروح .. اُو لَتزيدولي ونتي

زينب .. لَتكسرولي ظهري كافي ضلعي
زينب .. لَتخلوني ابشبقتكم انعي
انتي شابقه اوصال لحسين
واثنيناتكم ياحسره ميتين!
زينب .. زينب

٥ /

اتريدي يابنتي الصِدق .. انتي غرقانه غرِق
بالمُصايب الله ليعينچ يَزينب
يوم عاشر يُمَّه هاد .. يوم ماليه السواد
راح ايجيچ احسين اُوبس روحه إلتنحب

ابنحره اُو صدره قبليه .. هاي القُبله ليَّه
و اِدري لو عقب راح .. لچ مَيرد خطيَّه

زينب .. يدعيلچ اخيَّچ ايصبرچ الله
زينب .. لو ما هالدُّعا الله ابحالچ ادره
لو مامسحة احسين اعلى قلبچ
اشيصير اعليچ بس إليدري ربچ
زينب .. زينب

٦ /

حان يابنتي الأجل .. عنچ ايغيب الأمل
اُو غاب اظن ابساعة إلودعتي محسن
ارتجيچ آخر طلب .. و لَو حيلچ انسلب
ليَّه عدكم حُب لحُبه راح يدفن

ويلي ابحيدر اوصيچ .. أكثر من عِيالي
مِسحي دمعه لو طاح .. اُو قِلِّي له بدالي

زينب .. حيدر بعدي ما يشبه الأول
زينب .. وايده ابظهره ياويلي ايتجول
امن اروح اتصير ظلمه اعليه الدنيه
لا زهرة اسنينه اُو لا نبيَّه
زينب .. زينب.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

▪️▪️▪️▪️▪️▪️▪️

🧷 طور القصيدة: عباس بونينك للملا مسلم الوائلي
https://youtu.be/1FVpkxQeUjo
.

📃 عنوان النعي (توسل): الألم بعده
المناسبة: شهادة السيدة فاطمة الزهراء (ع)

١٤٤٥ هـ

▪️▪️▪️▪️▪️▪️▪️

الألم بعده يزهرا ايلوج بيِّه
والقلب بعده يون صبح ومسيه

كلِّي حيره وعوَّدت بابچ ادقه
مايلوق العنده أم بالحيره يبقى!
مايصح بالخيبه يازهراء يرضى
العنده مثلچ يا أمل كل البريِّه

امكسَّرة لأضلاع جيتچ منكسر
وايدي ابراسي وراسي منحسر
خجل منچ احچي حالي ما يسر
احس هاي السما انطبقت عليَّه

هاي مو أول شِكايه توصلچ
وادري مو وحدي الأريدن نظرتچ
بس عليّ طال العذاب امروِّتچ!
الليله خلِّي حاجتي ابـ اِيديه

آنه واحد من ألف رايد جواب
آنه واحد من ألف كل قلبه ذاب
آنه واحد من ألف قال وأصاب
مُستراح المنكسر بس الزچيه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

📃 عنوان القصيدة: مُنية عيوني
المناسبة: شهادة السيدة فاطمة المعصومة (ع)

١٤٤٤ هـ

▪️▪️▪️▪️▪️▪️▪️

المستهل /

المسيِّه يدفنوني
وقبل مايغمضوني
علي مُنية عيوني
تشوفك

١/

إذا تسمع علي صوتي، وتعلم حالتي اتعنَّى
إذا تدري بمنيتي اليوم، ومن قُم توصلك ونَّه
إذا مشتاق قد شوقي، إذا اعليَّه إلك حَنَّه
قبل ماتغمض اعيوني، تجي يالغالي أتمنى

إذا تسمع النخوه
الـ أنَّخيها بالقوه
تعال أنظر اشسوه
نزوحك

٢/

منو اليقدر يضم شوقه، إلى احبابه ويضم كسره
وترى اللي يكسره المحبوب، بس محبوبه ايجبره
وأنا بفراشي انتظرك، تجبر كسرة السفره
دونك لو أموت آنه، أموت ابخنقة العبره

يخويه أنا أختك
العفتني ولا عفتك
نذر آنه لو شفتك
أطوفك

٣/

محلى الخوَّه ياخويه، وتدري بالأخو غالي
تدري بِيه سند لأخته، أول يا علي اُو تالي
محلى الخوَّه من نقعد، سويَّه وانته اقبالي
و يامُر فرقة الأخوه، القطعت منِّي دلَّالي!

يالمسافر العايف
أنا أحتضر شايف!
أريدك تجي وذارف
دموعك

٤/

حنانك ماقدرت أنساه، حضنك دافي مايبرد
اليجي يطلب طلب منك، بحياتي ماشفت ينرد
حُبك يفتك ابلقلوب، مثلك ماشفت أحَّد!
تتعوَّد عليك الناس، يعني اشقد أنا اتعوَّد؟!

يزورنك اُو هايه
يحبونك اهوايه!
وربيت انته ويايه
ابوصوفك

٥/

من جسر الرصافه وذاك، نعش الوالد الشفناه
تواعدنا أنا وأنته، وعد ماچنت أظن تنساه
إذا الموت ايحضَر واحد، منَّا الثاني ليغمضاه
تعال أوفي إلي وعدك، لا تكبر يخويه الآه

بِنت موسى بالغُربه
وحيده وأريد أرضى
تنزلني بالتُربه
چفوفك

٦/

إذا تسمع علي صوتي، على افراشي أنا انتظرك
أريد أحچي لك أيامي، چانت حلوه ابكترك
حنان الدنيا بارسومك، رِدت تنظرني اُو نظرك
اِجاني الموت يا خويه، وحقك من أثر هجرك

حسافه غِدت ذكرى
ليالينه الحلوه
ظروفي تجر حسره
وظروفك

٧/

كلما تمشي الساعات، يا خويه أنا أتعب
كلما تكثر النبضات، أحس ابموتتي تقرب
وحيده ومامعاي أهلي، شعرت ابعمتي زينب!
من صعبه شفت وحدي، غربه وباحتضاري انحب

انَّخي اليعدلوني
لك انده ينطروني
تغمض لي عيوني
وأشوفك.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

▪️▪️▪️▪️▪️▪️▪️

🧷 طور القصيدة: بروحي حنانيكِ، للملا باسم الكربلائي
https://youtu.be/mcu0IXNj2KY
.

🌸 وريده.. وريده 🌸

أبشّر شايل الحاجه وريده ( ورى ايده )
الإمام أقرب إله من دم وريده ( الوريد )
تريد ايفرِّج اعليك اٌو وريده.. ( أريد )
يعجِّل بالفرج لينا سويَّه 🤍.

✍🏻 خادمة ولي النعمة

-
اللهم عجِّل لوليك الفرج

أسعد الله أيامكم بذكرى مولد الإمام الحسن العسكري (ع) 🌸

عنوان النعي: ماتت شهيدة 🏴
المناسبة: شهادة السيدة فاطمة المعصومة (ع)

١٤٤٦ هـ

▪️▪️▪️▪️▪️▪️▪️

لو فارَ شوقكَ والحشَا بهمومهْ
أُذكر حشَا أختُ الرِّضا المعصومةْ

ماتت شهيدةَ شوقٍ هدَّ داخلها 
بانت عليها حِرقةٌ معلومةْ

فكأنها (الكُبرى العليلةَ) حائرةْ..
لمِّا غدت من (كربلاءْ) محرومةْ

"هَلكَ الفؤادُ متى تُعاوِدُ يا أخي؟"
كُلَّ المَساءِ تقُولَ لهْ مألومه

وكأنها (الحوراءَ) في ما قد رأتْ
فـ (الطفُّ) عادتْ (ساوةً) برسومهْ

نظَرَت أحبَّتها تموت مُصرَّعهْ
طاحت علىٰ ما قَد رأتْ محمومةْ

"أ أُخيّ وحدي ها أنا في غُربةٍ..
عُد (يا رِضا) هذي أنا مهضومةْ"

حالَ العزيزة يَاْبن موسى لا يَسُّرْ
فكأنها في غَدرةٍ مسمومةْ!

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

لمن يرغب بالمتابعة:

(انستقرام)

https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: واجب أفرح
المناسبة: مولد السيدة زينب الحوراء (ع) 💚

١٤٤١ هـ

▫️▫️▫️▫️▫️▫️▫️

المستهل /

واجب أفرح..
فرحانه الزچيه
وي حامي الحميه
ابزينب هالمسيه

سلّم بِنِتهم يالله ، خلها لأمها يالله

١/

ابفرح وابزينه كلنا اليوم نسهر
اُو قمر هالليله هم ويانا مِستر
ضِوه زينة أبوها الليله أزهر
هلا ابزينب هلا اِيصيح حيدر

قَرَّة اعيون أبوچ الليله يازينةْ لأبو
مثلچ ابنيَّه لحيدر ما أكو ابدًا كفو

خَل نِهنِّي..
حيدر بالوليده
وانبارك له عيده
أيامه سعيده

سلِّم بِنِتهم يالله ، خلها لأمها يالله

٢/

نروح ابتهنئتنا للزچيه
نبارك إلها بالطلَّه البهيَّه
نقلها ابضَيها فاق القُمر ضيَّه
نشوف النور منها هالمسيِّه

ابضِواها هالمسيِّه نستدل أحنا الدرب
قالوا العُشاق عميه اُو نبصر أحنا ابهذا حُب

نشكر الله..
دلَّانا دربنا
زينب نور ربنا
اُو لولاها لضعنا

سلَّم بِنِتهم يالله ، خلها لأمها يالله

٣/

نبارك للحسن باْخته الجليله
الحُسين انهنئه جَتَّه العقيله
نِعم لاخوان للأخت الجميله
ثلاثه اتكامِلن امن اشرف سليله

يافرح لحسين بيها بِالمهد يمها سِكن
كل اشويه اُو قال أُنظر محلى هالمبسم حسن!

أختي زينب..
چن تاخذ صِفاتي
ياعمري اُو حياتي
اِنظرها يَاغآتي

سلِّم بِنِتهم يالله ، خلها لأمها يالله

٤/

ابد ما خلَّصت لسَّه التهاني
ترى قلبي اينَغِز مدري شإجاني
ابصُلب المرتضى اصوات وآني؟
أبو فاضل خل انهنيه الحاني

ها يَخو زينب اِجت زينب عسى متباركين
يا فرحتك أدري والله ما تسعها العالمين

يابوفاضل..
يالفدوه لحنْتَك
متبارك اِبـ اختك
هَدِيْة الله جَتَّك

سلِّم بِنِتهم يالله ، خلها لأمها يالله

٥/

بعد هاي التهاني ربي وَدنا
نزور السيِّده بالشام كلنا
ابفرحة فاطِمه حقق أملنا
ترى اشتاقينا سهِلّنا أمرنا

خلنا انسافر لزينب والتعب ليها ايحِلى
كلنا لهفه انقول جينا والله يا بت العُلا

تسمعينا..
مولاتي انظرينا
انزورچ وفقينا
الليله سجلّّينا

سلِّم بِنِتهم يالله ، خلها لأمها يالله.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

▫️▫️▫️▫️▫️▫️▫️

🧷 طور القصيدة: بيدي وردة، للملا علي بوحمد
https://youtu.be/2zjJYthNjrQ
.

📃 عنوان القصيدة: يا سيدة يا هاشمية
المناسبة: مولد السيدة زينب الحوراء (ع) 💚

١٤٤٦ هـ

▫️▫️▫️▫️▫️▫️▫️

المستهل/

يا حوراء.. زينب الله سمَّاچ 
يا حوراء.. يعني الله صفَّاچ
يا سيِّده يا هاشميَّه
صلَّى عليچ الله ونبيَّه

١/

( اهلاً وسهلاً ) سيِّدة صبر العوالم
كل عام وآنه الحضرتچ ياحورا خادم
يا نور واشرق من لدن مولاتي فاطم
يا عالِمه ومِن عالِمه ومِن صُلب عالِم

مبروكين.. أمچ وأبوچ الليله
مبروكين.. فرحانه كل العيله
ومن السماوات العلِيَّه
صلَّى عليچ الله ونبيَّه

٢/

أتخيل الصوره ابوگت ناغاچ حيدر
و بأفراح قلبه لمَّا شالچ لـ الله كبَّر
بنته وحبيبة خاطِره اشقدلچ تِصبَّر؟
تسعة شهور ابلهفته حسهم اهدعشر

زينبنا.. يمدلله ناغالچ
زينبنا.. اْتانيچ انا واخوانچ
بالساعه نحسب والعشيَّه
صلَّى عليچ الله و نبيَّه

٣/

جبريل نازل هالمسه جايب لچ اسمچ!
(زينب) -يشآن العالي- لچ مختار ربچ
ليله سعيده چنها ليلة مولد أمچ 
وهذي تفاصيل الولاده اتبوح قدرچ

يا عظمچ!.. لأملاك فرحت لأجلچ
يا عظمچ.. صارت تذوب ابأسمچ
أسعدتي كلمن في البريَّه
صلَّى عليچ الله و نبيَّه

٤/

مثل الحسن واحسين جيتي بالبشاره
يخت أبو فاضل صرتي ملجأ للحيارى
ما أنسى فضلچ عالقلب وگت انكساره
شكراً -ولو ودِّي أشكرچ بالزياره- 💚

سمعيني.. والله أحبچ والله 
سمعيني.. اخذيني ازورچ مرَّه
سجليني في هاي المسيَّه
صلَّى عليچ الله و نبيَّه.

▫️▫️▫️▫️▫️▫️▫️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: تو ابشبابچ 🏴
المناسبة: شهادة السيدة فاطمة الزهراء (ع)

١٤٤٦ هـ

▪️▪️▪️▪️▪️▪️▪️

المستهل /

اخذيني وياچ إذا .. عمرچ يزهراء قِضا
من ليَّه غيرچ؟!
عقب النبي يالرايحه .. وحدي أصف بالفاتحه
من ليَّه غيرچ؟!

لا ترحلي يازهرتي تو ابشبابچ .. تو ابشبابچ!

١ /

تريدي وين وتروحي امن اِديَّه؟
بشبابچ لسَّه يا زهره
وحبيبچ مشتعل جمره
عقب عينچ منو ايظل يالزچيه

إذا تمشي النَزِل يوقع عليَّه
اهو واقع وأنا واقع..!
على الباب ابجفن دامع
يكسرة خاطري ذيچ الوصيَّه

رايد تقولين إلي .. مبريه ذمته علي؟!
زعلانه لو لا ؟
انتي تعرفي السبب .. بس آنه ماشيل عتب
زعلانه لو لا ؟

كلشي يهون اعليَّه بس إلا عتابچ .. إلا عتابچ

٢ /

أنا الكرَّار والماحد كسرني
يجي ويكسرني افراقچ
و أناظر حالة أيتامچ
وذبح قلبي الحسن لمَّن نظرني

على راسچ أون ابنچ سمعني
ونده خيَّه "انتهى كلشي"
" أبونا الـوالِده يبچي "
حچي الأولاد يا أمهم هضمني

بحسين وحق الحسن .. لا تطلعينه الچفن
لا لاتروحي
وبحق عليّ المنكسر .. ودمعه ابلحيته المنهمر
لا لاتروحي

اخذيني لو ماترجعي واخذي اعيالچ .. اخذي اعيالچ

٣/

أطب للدار وشلون آنه بعدچ؟
ولا انتي اتلَّقيني!
ينوري الراح من عيني
وأنادي "فاطمه" وما ألقى ردچ!

تروحي المقبره يا زهرا وحدچ؟
فلا يا زهرتي عدله!
القبر آنه اللي بحفر له
بوسعه وخل يصير ابقبري قبرچ

آنه اللي ميخاف أحد .. وما ضايق الخوف أبد
خايف أعوفچ!
يا مُهجتي والمُصطفى .. حاچيني آنه المرتضى
خايف أعوفچ

ياخذلي قلبي يم حسن هذا غِيابچ .. هذا غِيابچ

٤/

صدق يم الحسن عنِّي مشيتي؟!
حسافه اعلى العمر والله
يعظّم لي الأجر الله
يهنيال التُرب بسرور بيتي

أختنق بيَّه الهوا مخنوقه رِيتي!
يزهرا انهدَّت أركاني!
بمحمد وانتي الثاني
بقيتوا ابدالي و آنه المات ليتي

غمَّضها والرُوح دفن .. ونصَّب عزا أْم الحسن
في بير لأحزان
لمَّن تلچمه وِحدته .. يلفي و يفرِّغ دمعته
في بير لأحزان

والبير ايرد ليه الصدى "تو ابشبابچ!" .. "تو ابشبابچ!"

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

عنوان النعي: على الضلعين 🏴
المناسبة: شهادة السيدة فاطمة الزهراء (ع)

١٤٤٦ هـ

▪️▪️▪️▪️▪️▪️▪️

مرَّت على الضلعين ايدي..
"مكسوره يا سعدي وعيدي؟!"
يا دمعة العينين زيدي
تشهق من الحسرات روحي

ما صحتي بيَّه من نخيتي
ومكسوره چنتي وماحچيتي
امقيَّد تعرفيني ابوصيتي
وما ردتي اتزيدي جروحي

مشكوره يا زهرا اعلى صبرچ
طول العمر ما بنسى كسرچ
و شلون حاملتي اعلى أمرچ
وعالمغتسل -مصدوم- نوحي.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

عنوان النعي: منو أهلچ؟ 🏴
المناسبة: شهادة القاسم بن الإمام الكاظم (ع)

١٤٤٤ هـ

▪️▪️▪️▪️▪️▪️▪️

القاسم نادى: يا بنتي
يا عمر العمر انتي
بأهلچ ياما ماحرتي
وناشدتي من يكونون

تعالي الليله اْخبرنچ
منو چدچ منو عمچ
منو يكونوا إلچ اهلچ
قبل ما تغمضن لعيون

يا بنتي أنا القاسم..
بويه موسى الكاظم
انتي من بني هاشم!
وچدچ من قضى مسجون

يعني تدري من عمچ؟
علي بن موسى ياحظچ!
مِنَّه خَذتي كل حِنتچ
بنفس الحِنَّه تتوصفون

ماطلعت من الصدمه
قال ابهيده هالچلمه:
المعصومه إلچ عمه!
من هالعيله احنا انكون.

قالت له شعبت الروح
تسكت وبعقبها اتنوح
يعني جدي المذبوح!
لبطف كربله مدفون

بظهرك جربتك حامل
چنت امشابه الكافل!
ساقي مثل ابوفاضل
ويعني عمَّه لي أم عون!!

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط التويتر /
https://twitter.com/waliualnaema?s=08

📃 عنوان القصيدة: فرقتچ ما تنحمل 🏴
المناسبة: شهادة السيدة فاطمة الزهراء (ع)

١٤٤٦ هـ

▪️▪️▪️▪️▪️▪️▪️

المستهل /

يمه يمه.. خمسه بس عمري فلا اتيتميني
يمه يمه.. لا يزهرا ابدونچ اتخلِّيني

اعليَّه لتذبِّي الحِمل، فرقتچ ما تنحمل
يمه يمه

١/

لا تروحي.. لا يكون اتفارقيني ابهالعمر!
لا تموتي.. لا تخلِّيني يتيمه امن الزغر

لا تفكري ترحلي يا يُمَّه لاء
زينب ابنيتچ زغيره ع البلاء
لا تعوفيني يزهرا ابلايا أم..
اُولا تخليني أروح الكربلاء

يمه يمه.. احنينه انتي وادري متعوفيني
يمه يمه.. لا يزهرا ابدونچ اتخلِّيني

اعليَّه لتذبِّي الحِمل، فرقتچ ما تنحمل
يمه يمه

٢/

اسمعيني.. والأمر متروك إلچ يا فاطمه
جاوبيني.. ترضي ابزينب يقولوا اميتمه؟

ترضي الحسره تصير ابروحي
اُو ما أنام الليل من اجروحي؟
تقبلي ابچي ويجي يمِّي أبوي..
ما يسكتني اُو ينوح ابنوحي

يمه يمه.. ترضي أنظر دمع أبوي ابعيني؟!
يمه يمه.. لا يزهرا ابدونچ اتخلِّيني!

اعليَّه لتذبِّي الحِمل، فرقتچ ما تنحمل
يمه يمه

٣/

احضنيني.. عالأقل لتقولي صدري منكسر!
وبايديني.. خلِّي ايدچ و ادعي ليَّه بالصبر

ومسحي آخر مره دمع ابنيتچ
تكثر ادموعي ترى من روحتچ
وما ألاقي من ينشِّف دمعتي..
خل عليَّه اتسيل تالي دمعتچ

يمه يمه.. ولو تقولي يصعب اتحضنيني
يمه يمه.. لا يزهرا ابدونچ اتخلِّيني

اعليَّه لتذبِّي الحِمل، فرقتچ ما تنحمل
يمه يمه

٤/

علِّميني.. من تجيني كربله شنهو العمل
ساعديني.. شلون اشوف الموت لاچني أظل؟!

ياللي شاهدتي أبويه منأسر
ما قدرتي تصبرين اعلى الأمر
اشلون علميني أنا في كربلا..
اترك احسين ابترابه يعتفر!

يمه يمه.. صلفه بعدچ يالحنونه اسنيني
يمه يمه.. لا يزهرا ابدونچ اتخلِّيني

اعليَّه لتذبِّي الحِمل، فرقتچ ما تنحمل
يمه يمه

٥/

سامحيني.. آني موش امصدقه خلصت قصتچ
اقنعيني.. توها يا زهرا تفتِّح زهرتچ!

يا عمر لزهور يا قطر الندى
يا ألم قلبي الذي هسه ابتدا
لوَن ما ضربوچ بسياط الحقد..
اتظلِّي ادري وما حنانچ أفقده

يمه يمه.. بقلبي حسرة عمرچ اتچَويني
يمه يمه.. لا يزهرا ابدونچ اتخلِّيني

اعليَّه لتذبِّي الحِمل، فرقتچ ما تنحمل
يمه يمه.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

📃 عنوان القصيدة: الأمل غاب 🏴
المناسبة: وفاة السيدة أم البنين (ع)

١٤٤٥ هـ

▪️▪️▪️▪️▪️▪️▪️

المستهل/

كسره بعينها وحسره
تاخذ كل وگت نظره
إلى الباب

تترقب منو ايجيها
من (أربع) وِلد ليها
منو غاب؟

يالأحباب .. يالأحباب

١/

دخلت الدار متعني، اسائل عن الأخبار
يقولوا بفاطمة أمنا، ترى بيها المرض مار
شِفت للباب متجهه، عليه امخليه لأنظار
تقلِّي"احسين يوليدي، تو ماضوَّت الدار"!

وأنا بدمعي أناظرها
عزيز اعليَّه أخبرها
مأنا احسين

قلت يايمه آنه ابنه
وين الوالد اُو احنه
يجي منين

بالتراب .. يالأحباب

٢/

بالعين أرتئت كسره، اُو تقلِّي يبني سجَّاد
أنا لو موت هالساعه، منو يجيني امن لأولاد؟
أدري بيك موش احسين، بس هيچ القلب راد
هيچ ابن آدم امن ايحن، يتهضم بالـ افَّاد

أنا اعلى احسين ما أعتب!
إلى أولادي الرساله أكتب
يجوني

أبو اليِّمه فلا تعبه
قلبي يفتدي قلبه
وعيوني

العلى الباب .. يالأحباب

٣/

قالت يا علي اقعد، نسولف آنه وانته
أريد أسأل وجاوبني، يَبني باللي ردته
منو بأولادي الأول، يجيلي انته خِلته؟
وأنا مثلك يَبومحمد، الذي قطعوا يمنته

حبيبي كافل الخدِّر
قُمر هاشم إلي يحضر
يَسجَّاد

كفيل اجنازتي خلَّه
ومهو باللازم ايحمله
النعش عاد

القلب ذاب .. يالأحباب

٤/

على الباب أترك اعيوني، ولا أترك حنيني
ونيني ايفطر العدوان، فما بالك بنيني؟!
أحن منهم أبد ماكو، هذول اربات ايديني
جعفر عون وعبدالله، راح تشوف عيني

واحد من عقب واحد
من هالباب باشاهد
يدخلوا

لازم يحضروا بموتي
هُمَّه ايشيلوا تابوتي
ويحملوا

بالرقاب! .. يالأحباب

٥/

انكسر قلبي الحچاويها، صرت وياها أنطر!
يارب بلكت ابواحد، يجي وخاطرها يجبر
تهز الباب نسمه اتفز، و أرد أوياها أنظر
إمام آنه ولا يخفى، الهوا منهو اللي محضر

مهو وِلدچ يَبعد أمي
قابض روحچ الـيمِّي
والأموات

رحل كلشي بسوالفنا
انتهت أحلام خاطرنا
يَحسرات

الأمل غاب .. يالأحباب.

▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: ها ياجدتي، للملا باسم الكربلائي
https://youtu.be/zazbV31psDk?si=1pw1FuZldAewvhID
.

📃 عنوان القصيدة: أحضرها حسين 🏴
المناسبة: وفاة السيدة أم البنين (ع)

١٤٤٢ هـ

▪️▪️▪️▪️▪️▪️▪️

المستهل /

أحضرها أحضرها حُسين

١/
سكينه هاي انه ، اِلحضرت ابكربله
وفقدت اهلي سوى، ابنهار اشمطوله
رجا عندي وحزين، بقلب ترسه أنين
تجي بويه المسه، احتضار أم البنين

٢/
مريضه وناحله، ودمعها سايله
انهدم برج الصبر، وأظنها راحله
على الباب النظر، نناشد شالخبر
تقول إلنا بألم، حبيبي ما حضر؟

٣/
تزيح اعلى التراب، ومَتقبل بالشراب
قصدها اتواسيَك، اهي بنفس العذاب
كسيره يا كسير، تود خيل او تسير
عليها ومن بعد، نلمها بالحصير!

٤/
اِطلعُوني ابشمس، تقول اُوباْبني اْحس
ولو مامثله اْحد ، ولا اليوم الأمِس
يَبويه وافيه ، دمعها هاميه
بسكينه حلِّفك ، تِحْضر الغاليه

٥/
إليها ما أحد ، أهل ماكو اُو وَلد
إلك كلشي ابذَلَت ، وحلمها ما خُمد
يَبنتي تقول إلي ، في وين امدللي
أريده ابهالمسا ، يطلِّع محملي

٦/
يَيوسفها اللقاء، متى وتنهي العناء
وتِجَبر إلي اكسَرَت، قلبها كربلاء
ترِدها للشباب ، بعد طول الغياب
لوَن اتجي حُسين، اُو تنزلها التراب.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: مولانا حسين، للملا محمد بوجبارة
https://youtu.be/1XypdYMJ16Q

📃 عنوان القصيدة: أنشدك عن بوعلي 🏴
المناسبة: وفاة السيدة أم البنين (ع)

١٤٤٦ هـ

▪️▪️▪️▪️▪️▪️▪️

المستهل /


أنشدك عن بوعلي جاوبني.. يا بشر يا بشر
بالله بأربع ولدي لتذكرني.. يا بشر يا بشر

١/

خف نعيك اللي صدح لينا ابجشن
وقلِّي وين ألقاه سيِّد هالضعن؟
قلبي من فرقاه ميِّت بالحَزن
و شوقه يبني يا بشر عامنِّي 

٢/

لا تقلِّي إل عون نصبي فاتِحه
ما سألتك عنه آنه!! امسامَحه
راعي كبري وقول ليَّه امصارحه
وين لحسين وفقط. عوف ابني!

٣/

تقول جعفر مات؟ هنياله (شهيد)!
بأعلى ما عندك إلي قول (السعيد)
آنه لو عندي سبع ميِّة وليد
افدي بيهم بوعلي صدقني

٤/

مستحي اتعزيني ابعبدالله ليش
لو ابابني ما افدِّي افدِي بيش؟!
لچن چنك ماتريد اتخلِّي جيش
للعزيز اشحاله بس طمنِّي

٥/

لا تقول اللي في بالي لا تقول
ترى بوفاضل عزيز اعلى البتول!
ما أريد أم الحسن همها يطول
فدوه بس بحسينها خبرني

٦/

قال يا أم البنين اخذي حجر
ضربي راسچ بوعلي وسفه اعتذر
ما اِجا اويانا لِأن جسمه انتثر
ذبحوا ابن الزهرا؛ نوحي اُو وني

٧/

"يا أهل يثرب.." نعي موَّت قلب
چان كل وگته يناظر عالدرب
منَّه أم عبَّاس ضمَّاها التُرب
وماتت اعلى احسينها ياحزني.

▪️▪️▪️▪️▪️▪️▪️

✍🏻 بقلم / خادمة ولي النعمة ( قصائد ولي النعمة )

رابط القناة بالتلقرام /
https://www.tg-me.com/Qasayidwaliualnaema
رابط الانستقرام /
https://www.instagram.com/k.waliualneama?igsh=aGM4d3R6Ym1xdW91

▪️▪️▪️▪️▪️▪️▪️

🧷 طور القصيدة: انته حلال المشاكل، للملا محمد بوجبارة
https://youtu.be/kCrM-Xx56yk?si=Ryd1WbGiJ0lC6U4i