📚"Haqqı inkar edənlər qalib gəldiklərini düşünməsinlər. Bizi heç vaxt məğlub edə bilməzlər"

📃Ənfal surəsi-59.

👥🧕 İraqda Əhdullah Hərəkatının lideri Səyyid Haşim əl-Heydəri bəzi mömin qadınların həyat yoldaşlarının həyatında [nifrətdən dərin məhəbbətə] doğru bir dəyişiklik yaratmasında oynadıqları həlledici roldan danışır.
O deyir:
"Bir söz insanı cəhənnəm atəşindən cənnətə, ya da əksinə dəyişə bilər... Arvad bəzən insanı dəyişir, bir söz qadından insanı cəhənnəmdən cənnətə apara bilər, ya da tam tərsinə... Zuhəyr ibn Qeyn – Zuhəyr ibn Qeyn tanınmış bir şəxs idi, o, əvvəllər İmam Hüseynə (ə) nifrət edirdi. Bəzi rəvayətlərə görə, o, Məkkədən İraqa gedirdi və İmam Hüseynin (ə) yolu ilə eyni istiqamətdə hərəkət edirdi. Tərviyə günü, Zilhiccənin 8-i yola çıxanda, Zuhəyrin karvanı da həmin istiqamətə hərəkət edirdi.
Bəzi rəvayətlərdə deyilir ki, İmam Hüseynə (ə) olan nifrətinə görə əgər İmam irəliləsəydi, Zuhəyr geridə qalırdı, İmam dayansaydı, o, qabağa keçirdi – yalnız qarşılaşmasınlar deyə. Nəhayət bir gecə yaxın məsafədə oldular, İmam Hüseyn (ə) bir nəfər göndərib dedi: "Zuhəyrə de ki, Hüseyn ibn Əli ibn Əbi Talib (ə) səni çağırır."
Bəzi rəvayətlərə görə, o anda Zuhəyr, arvadı və başqaları yemək yeyirdilər. Elçi gəlib icazə istədi və dedi: "Ey Zuhəyr ibn Qeyn, Hüseyn ibn Əli ibn Əbi Talib (ə) səni çağırır." Rəvayətlərdə deyilir ki, Zuhəyr susdu, çünki İmam Hüseynlə (ə) görüşmək istəmirdi, onu eşitmək belə istəmirdi. Amma Zuhəyrin həyat yoldaşı – baxın, qadının roluna – Səyyid ibn Tavusun “Luhuf” və ya “Məlhuf” adlı kitabında deyilir: onun həyat yoldaşı Dəyləm bint Əmr ona dedi: “Allah Rəsulunun (s) qızının oğlu səni çağırır və sən getmirsən?..”
Baxın, sadəcə bir söz: “Allah Rəsulunun nəvəsi səni çağırır və sən getmirsən?” Zuhəyr bu sözlərdən utanır və arvadının bu kəlamı ilə razılaşır... o deyir: "Get, bax gör nə deyir." Yəni get, sözünü eşit.
Zuhəyr Hüseynin (ə) yanına getdi... bu, qadının təsiridir! Sadəcə bir söz və baxın necə böyük təsir göstərdi – istər müsbət, istər mənfi.
Zuhəyr ibn Qeyn onun yanına getdi… çox keçmədi, sevinc içində qayıtdı! Bəzi rəvayətlərə görə, Hüseynin (ə) çadırına nifrətlə daxil oldu, amma sevgi ilə çıxdı... və sevinc içində qayıtdı, üzü nurlanmışdı! Və dərhal çadırını, əşyalarını və ləvazimatlarını Hüseynin (ə) düşərgəsinə köçürməyi əmr etdi və həyat yoldaşına dedi: "Sənin mənə görə zərər görməyini istəmirəm, get, Allah sənə yar olsun." Hətta bəzi rəvayətlərə görə onu boşadı.
Onun həyat yoldaşı dedi: "Allah sənə yardım etsin, Allah sənin üçün ən yaxşısını seçsin, Hüseynin babası ilə Qiyamət günündə məni yada salmağını istəyirəm." O bilirdi ki, Zuhəyr şəhidliyə doğru gedir...

Qadının təsiri... sadəcə bir sözlə!"

🩸🩸

┄═❁✨❈[﷽]❈✨❁═┄

“Biz ruhumuzu azğınlığa və  əxlaqi və mənəvi sapmalara sürükləyən günahlar çirkabından təmizləmək üçün daima Allahın rəhmət mehini udmağa ehtiyacımız var”.

📚

📿 İmam Baqir (ə) buyurub:

Peyğəmbər (s) məsciddə əyləşmişkən bir kişi gəldi və namaz qılmağa başladı. Lakin rüku və səcdələrini kamil yerinə yetirmədi. Peyğəmbər (s) buyurdu: "Qarğa kimi dimdik vurur. Əgər bu şəxs namazı bu halda ikən ölsə, mənim dinim üzərində ölməmişdir.

📚 Əl-Ərbəunə hədisə, səh 41.

🗡️Bu gün Aşuradır...
Bu gün yalnız bir tarix deyil. Bu, haqqın batilə meydan oxuduğu, qanın qılınca qalib gəldiyi günün adıdır. Kərbəla səhrasında bir ovuc sədaqət sahibi, bir ovuc susuz amma imanı dağlardan uca insanlar — Hüseyn (ə) və yoldaşları — dünya tarixində silinməyəcək bir iz buraxdılar.
Onlar susadılar, amma haqsızlıq qarşısında boyun əymədilər. Onlar şəhid oldular, amma zülmə baş əymədilər. Onların qətlinə fərman verənlər taxtlarda oturdular, amma zaman Hüseynin (ə) adını yaşatdı, onların adını isə lənətlə andı.
İnşəallah zamanın Yezidləri də məhv olacaq, lənətlə anılacaqlar.
Bu gün Aşuradır...
Bu gün göz yaşının müqavimətə çevrildiyi, yara qanının haqq sədasına dönüldüyü gündür. Hüseyn (ə) yalnız bir şəxs deyildi, o bir məktəb idi — haqqın məktəbi, şərəfin dərsi, azadlığın bayrağı.
Kərbəla — tarixdə bir səhradır, amma ruhumuzda bir qiyam, bir əhd, bir əbədi çağırışdır:

"Hər gün Aşura, hər yer Kərbəla."

Bu gün Aşuradır — qanın qılınca, haqqın batilə qalib gəldiyi, səmanın Hüseyn deyə ağladığı gündür.

Aşura — bir dəstə susuzun bütün dünyaya haqqı anlatdığı gündür

#Muhərrəm
#Aşura_2025