هآهيـه وداعتج لاتستحين
دوسي فوق الروح العبي ـ واعديني ولاتجين
حبي غيري ـ اشاقي ـ اضحكي
صاحبي ـ وحقج يحلوه صاحبين
انتي مو اول حبيبه تمرعد بسجتها هدوم السنينن
وليش كل احنه حزانه
ولايشيل هموم گلبج يكفي بس انه حزين
يكفي اشيل همومج ـ هموم الشماته ـ هموم وكتي
وكلهن بهل رگبه دين
وانه وحدي لي احبه وانتي يدري الله شكثرهم
عاشگين ـ ومعجبين ـ وعاجبين
وما اگول اكثر شكولن ـ هوه ذنبي
لاسكنت وي الاجوني ـ ولاتبعت الراحلين

الشاعر كاظم إسماعيل الگاطع 👑