* * *
Ўксинмадим дейсан,
Йўқ, бари ёлғон!
Оқшомлар йиғлайсан ичикиб, ҳўнграб.
Сезасан: дунё тор,
Пасаяр осмон,
Ёнимга қайтишни ўйлайсан сўнгра...

Кўчага отилиб чиқмайсан эркам,
Руҳингни оғриқлар ўраб олгандир.
Сочларинг соғиниб увишар елкам,
“Балки, айтадиган сўзи қолгандир...”
– ўйлайман, хаёлим – бола, суюниб,
Кўксимдан эритсанг тошу музларни.
Хурсанд қилмайсан ҳеч ташриф буюриб
Менга олиб келар автобусларни.

Тушун, меникимас бахтни нетаман,
Бир тонг отса бўлди уйга кетаман...
Шунда балки бўлмас мунгли кўзим ёш,
Соғинчинг қошида эгмайдирман бош.
Қисмат йўлиқтирган олий кадарга,
Мен тунлар эркалаб шеърлар битаман,
Кўзёшинг устидан кулган шаҳарга.

Бу дам қаерларда, кимлар билансан,
Меҳрга, севгига, бир сўзга зорсан.
Эзилма, ўзимга азоб тилансам,
Кўксимга оловлар ёқиб юборсам...

Эътибор бермагин кўзда ёшимга,
Ахир гапларимдан зарра йўқ маъни.
Тангрим, келтирмаган сени қошимга,
Менинг азобимдан азоблангани...

Р. Б.

#эски_дафтардан | @Rahmat_Bobojon

Тангрим, келтирмаган сени қошимга,
Менинг азобимдан азоблангани...

#лаҳза | @Rahmat_Bobojon

Ustoz Matnazar Abdulhakimni birga eslaymiz...

Vohalik qiziqchi-shoir Oybek Tillo shunday bir qiziq voqeani aytib bergandi:
“Bir bayram arafasida ustoz Matnazar Abdulhakim bilan shahardagi maktablardan biriga tadbir uchun bordik. Maktabga sirk kelgan ekan. Ancha payt eshik oldida kimdir bizni kutib olarmikan, deb turdik.
Biror odam oldimizga kelib, kimsiz, nima ishingiz bor, deb so‘ramadi. Hamma maktabning sport zalida sirk tomoshasi bilan mashg‘ul edi. Sirkchilar maymun olib kelishgan, barchaning ko‘zi u yoqdan bu yoqqa tinmay borib kelayotgan, qo‘lga o‘rgatilgan maymunda edi. Yarim soatlar kutgach, nailoj, dedik-da ortga qaytdik.
Qaytayotganimizda Matnazar og‘a menga yuzlanib: “Oybek, endi keyingi boradigan tadbirlarimiz uchun yonimizga bir maymun olmasak bo‘lmaydi-yov”, dedi. Qotib-qotib kulibman. Ustozning bu kinoya gapi tagida qanchalik achchiq haqiqat yotganini keyinchalik anglab yetganman...”

Davomini o'qish: https://oyina.uz/uz/teahause/972

#bir_kun... I @Rahmat_Bobojon

«Унут бўлаёздим ёмғирлар қадар...»

Шеър муаллифи: Раҳмат Бобожон
Ижро муаллифи: Исломбой Султонов

Миннатдорман, юртдош!

#бирга_тинглаймиз | @Rahmat_Bobojon

“Жаҳон адабиёти” журналида 2022 йилда эълон қилинган шеърий таржималар таҳлили

Мақолада Яҳё Тоға, Тоҳир Қаҳҳор, Сирожиддин Саййид, Рустам Мусурмон, Йўлдош Эшбек, Ойдиннисо, Шерзод Ортиқов, Раҳмат Бобожон ва бошқаларнинг таржималари таҳлил қилинган.

Ўқиш: https://nodirabegim.uz/archives/5463

2022 йилда Интернет тармоғида эълон қилинган таржималар бўйича ҳисобот

Йил давомида сайтга янги таржималарини улашган ижодкорлар – Шерзод Комил Халил, Мирзоҳид Музаффар, Шерзод Ортиқов, Раҳмат Бобожон, Алишер Файзуллаев, Нодира Назар ва бошқалар бўлиб, улар йил давомида таржимачилик соҳасида унумли ижод қилишди.

Ўқиш: https://nodirabegim.uz/archives/5456

#бугун I @Rahmat_Bobojon

Рауф Парфи. Кўзлар (шеърлар)

#бирга_ўқиймиз I @Rahmat_Bobojon

Пол Верлен

* * *
То ўлиб кетгунимча ёддан чиқмас у оқшом,
Хотиримдан ўчмагай сокин ётганинг фақат.
Ҳар ненинг ҳечлигини у сукутда сезганман,
Ҳар тараф бўшлиғини сезган эдим ўша пайт.

Севгилим сенга менгзар илоҳий мўжизанинг
Озод чечаклар каби бир баҳорлик умри бор.
Қора қўрқув, бўғилдим зулматларингда сенинг,
Сен ухла, мен уйғоқман. Ухла жоним, бахтиёр!

Менинг безавол ишқим. Бу не қашшоқ ҳавасдир,
Уйқучан кўзларингдан ўлим аксланар сенинг,
Нафасинг ҳам гўёки олинган сўнг нафасдир.

Ичингда энг серазоб ҳўнграшларинг яширин.
Эй уйқучан табассум. Йиғиларинг толган пайт,
Уйғон, жавоб бер менга: руҳлар ўлимсизми, айт?

«Аёлга сонетлар» туркумидан

Рус тилидан Раҳмат Бобожон таржимаси

Давомини ўқиш: https://ziyouz.uz/jahon-sheriyati/fransuz-sheriyati/pol-verlen-1844-1896/

#таржима_дафтаридан I @Rahmat_Bobojon

Уйғон, жавоб бер менга: руҳлар ўлимсизми, айт?

#лаҳза | @Rahmat_Bobojon

Пол Верлен — «Аёлга сонетлар» туркумидан

#таржима_дафтаридан | @Rahmat_Bobojon

«Yoshlik» jurnalining yangi sonida Rahmat Bobojon tarjimasida siyosat haqidagi ushbu satirik hikoyani o‘qing!

«So‘qirlar»

So‘qirlarga yordam berish haqidagi qarorning taqdirini bilgach, yosh yozuvchi Abe birdan ho‘ngrab yig‘lab yubordi. Kimdir mehr bilan qo‘lini uning boshiga qo‘ydi:
– Nima bo‘ldi, o‘g‘lim? Men birinchi marta bu qaroringizni eshitganimda bekorga “bechora so‘qirlar” demadim. Ko‘ryapsizmi, bu holatda faqatgina so‘qirlar yutqazishdi. Men esa yutdim.

PS: Hikoyaning davomini jurnalimizning 2023-yil 2-sonida o‘qishingiz mumkin.

#tarjima_daftaridan | @yoshlikjurnali

Ўткир Раҳмат.
Адабиёт ҳамиша унга содиқларни юксакка кўтаради. Шунча ташвиш ичида, аниқроғи сиёсат ичида юриб ҳам Сўзга, адабиётга содиқ қолган, табиат тасвирлари орқали инсон қалбини очиб бера олган шоир Ўткир Раҳмат бугун қутлуғ ёшида ҳам қизғин ижод билан машғул. Устоз нафақат шоир, инсон, журналист, раҳбар сифатида ҳам кўпчиликка севимли бўлиб улгурган. Ушбу таржимларим туғилган кун арафасида устоз учун кичкина совға бўлсин!

Ötkür Rəhmət

KÖNÜL HAQQINDA DÜŞÜNCƏ

Adım Ötkür mənim...
Altmış üç ildir...
Ürəyim nə göydir,
Nədə kaşanə...
Ona gələnlərin,
Bəri əfsanə —
Halin necə deməz,
Deyir ver yenə...

Nə verə bilərəm,
Nəyim var axı...
Yaralı dilimdə min bircə ələm.
Narahat ürəyim — qardaşı dərdin,
Qorxudur tez çapıb —
Deməz, nədir qəm...

Nə verə bilərəm,
imtina etdim,
Mehri, zəhməti, hər cür hörməti.
Özümə gəldikdə
Doldum, yoruldum...
Heç tapa bilmədim dostu, türbeti...

Axı qardaşlarım, uşaq, dostlarım,
Uzaq-yaxinlarim və şagirdlərim,
Mümkünsə, var isə — bu gövhərləri —
Hər kəsə payladım — qalmadı borcum...

Ancaq borcum vardir yalnız Allaha...
Həmin hisslərimin məysəsı ünsün.
Atam əyildiyi
Həmin çubuq da
Böyük ağac kimi böyüsün, gülsün.

Və həmin ağacda
Ötkür Rəhmət ki,
Anamın səsini eşidə bilsəm:
“Aşağı en öğlüm,
Qətləmə bişdi...
Özün dəyərini
Bil axı balam...”

Adım Ötkür
mənim,
Altmış üç ildir,
Könül səmasında
Yanar düyğülər,
Onlar nədə güllər,
Nədə ahular,
Nədə acı kədər,
Nədə gülüşlər...

Xatırlayıram əşqimin
Nar üzləri,
Mənə baxan həmin
Şəhla gözləri,
Ləbimdə titrəyən
Xoştəm sözləri,
Qəlbimə gurultu
Getirir birdən.

Yaş olmaq istəyirəm
Axı yenidən,
Qayıtmaq istəyirəm
Böyük ağaca.
Atam pənahina,
Anam mehrinə,
Sevgimin gözündən
Yaranan bəxtə...

Qayıtmaq istəyirəm
Kaşki bir daha...
Bir daha...
Bir daha...

* * *
Təpələrə baxanda
Lalələr qıp-qızardı,
Enliklərdə məysələb
Gəzən baharı gördüm.
Ağ pambıktək baş üzrə
Bulud — aqqüş üzərdı,
Qanad bağlab xəyalda
Sevib yan-yana yürdüm.

Çuldurəyən axınlar
Dili çıxan uşaqtək,
Nə sözü deyəcəkdir
Dəriyə heç sığmadan.
Köksünə sıxıb bərk-bərk
Annəsi bir tarlatək,
Əzizlər çiçək açıb
Baxır ona doymadan.

Keçən həmin fevralin
Öyləmi işarəsi,
Xiyar kimi qabarıq,
Saysız saysız qönçələr.
Mart qaldırmış döşünü,
Parlaqdir pişanəsi,
Ehtişami altında
Həqiqətdir nağıllar.

Sənə məktub yazmadım,
Göndərmədim xəbərçi,
Çiçəkləyən mövsümün
Sıx tutacam dəstindən.
Bacara bilməyirəm,
Həyəcanım bir dünya,
Səma və yer qarışan,
Çəvrilib boy-bəstindən.

Darıxmağım əyandir,
Sor sən dağdan, təpədən,
Küləklər uyumazlar
Səhərdən hədyə alıb.
Səbir — bayçiçəklərmi,
Bərdaşım — qoxulayan,
Qan damarım — axınlar
Qoymaz cünbüşə salıb.

Yəşil otdur bu könül,
Səhnınə gəl də bir bax,
Qüncə doğan ümidlər,
Çəmən çiçəklər hətta.
Anamız Həvva nənə,
Var olsun dünyavı bağ,
Bir məskən etdi səfa,
Atamız Adəm ata!..

* * *
Arzuları böyüdür səhər,
Günəş isə saf ümidləri.
Şöhrət isə çox yüksəklərdə,
Çağıracaq qız-igidləri.

Bitməz qəlbdə heç narahatlıq,
Armanlari aparan bir oy.
Çox geridə susacaq gənclik,
Kimə dərddir, kimə isə toy.

Göy üzləri nədənsə solğun,
Axtarırmı ləzzət, həlavət.
Həyat isə bildirməz təmbəl,
Öz hökmünü ötürür fəqət.

Kirpiklərdə titrəyəcək nəm,
Nizə kimi göz bəbəkləri.
Dua va böyük rahatlıq,
Qəlb dibinə atar alovları.

Qısaldılacaq şama gedər yol,
Uzaqlarda dağ yuxuya eş.
Üfüq isə tutqun, qeyri-sabit,
Götürəcək hər günü günəş...

Arzuları böyüdür səhər...

Uyğunlaşdıran: Rəhmət Babacan

#таржима_дафтаридан I @Rahmat_Bobojon

Ўткир Раҳмат

КЎНГИЛ ҲАҚИДА ЎЙ

Исмим Ўткир менинг...
Олтмиш уч йилки...
Кўнглим на осмону,
На-да кошона...
Унга келганларки,
Бари нафсона —
Ҳолинг надир демас,
Дегай бер яна...

Нима берай ахир,
Нимам бор менинг...
Ярадор дилимда минг битта алам.
Бетоқат юрагим — акаси мунгнинг,
Қўрқитар тез чопиб —
Демас, нима ғам...

Нима берай ахир,
Бериб бўлдим-ку,
Меҳрни, меҳнатни, барча эъзозни.
Ўзимга келганда
Тўлиб толдим-ку...
Тополмай қолдим-ку дилдош, ҳамрозни...

Ахир оға-иним, болам, дўстларим,
Узоқ-яқинларим ва шогирдларим
Имкони борича — бу гавҳарларни —
Қизғонмай тарқатдим — қолмади қарзим...

Аммо арзим бордир ёлғиз худога...
Ўша туйғуларим майсаси ўссин.
Отам суянган
Ўша асо ҳам
Улкан дарахт бўлиб яшнасин, кулсин.

Ва ўша дарахтда
Ўткир Раҳматки,
Онамнинг овозин эшита олсам:
“Тушақол дилпорам,
Қатлама пишди...
Ўзингнинг қадрингга
Ета қол болам...”

Исмим Ўткир
Менинг,
Олтмиш уч йилки,
Кўнгил осмонида
Чақнар туйғулар,
Улар на-да гуллар,
На-да оҳулар,
На-да аччиқ қайғу,
На-да кулгулар...

Эсласам севгимнинг
Анор юзлари,
Менга қараб турган
Шаҳло кўзлари,
Лабимда титраган
Хуштаъм сўзлари,
Бағримда гулдурос
Солади бирдан.

Яшармоқ истайман
Яна қайтадан,
Қайтгим келар менинг
Улкан дарахтга.
Отам паноҳига,
Онам меҳрига.
Севгимнинг кўзидан
Таралган бахтга!..

Қайтгим келар менинг
Кошки яна бир...
Яна бир...
Яна бир марта...

* * *
Қирларга кўз ташласам
Лолалар дув қизарди,
Кенгликларда майсалаб
Юрган кўкламни кўрдим.
Оқ укпардай бош узра
Булут — оққуш сузарди,
Қанот боғлаб хаёлда
Суюб ёнма-ён юрдим.

Чулдираган ирмоқлар
Тили чиққан боладай,
Неларни айтаётир
Терисига сиғмайин.
Бағрига босиб маҳкам
Онажони — даладай,
Эркалар гул-гул яшнаб
Боқар унга тўймайин.

Ўтиб кетган февралнинг
Шумикан нишонаси,
Бодроқдай бўртиб чиққан,
Беҳисобдир куртаклар.
Март кўтарган кўксини,
Ярқироқ пешонаси,
Кўркамлиги қошида
Рост эканда эртаклар.

Сенга ёзмадим мактуб,
Юбормадим чопар ҳам,
Гуллаётган фаслнинг
Маҳкам тутиб дастидан.
Эплолмайман билсанг ёр,
Ҳаяжоним бир олам,
Еру осмон туташган
Айланай бўй-бастидан.

Соғинганим аёндир,
Сўраб кўр қир-адирдан,
Еллар ухламас ахир
Тонгдан суюнчи олиб.
Сабрим — бойчечакларми,
Тоқат — ифор уфурган,
Қон томирим — ирмоқлар
Қўймас жунбушга солиб.

Сабза эрур бу кўнгил
Саҳнини бир келиб боқ,
Ғунча туккан умидлар,
Чаман гуллади ҳатто.
Онамиз Момо ҳаво,
Бор бўлсин оламий боғ,
Бир макон этмиш сафо
Отамиз Одам Ато!..

* * *
Орзуларни улғайтирар тонг,
Қуёш эса пок умидларни.
Юксакликда эрур шараф-шон,
Чорлайверар қиз-йигитларни.

Тинчимайди кўнгилда ғашлик,
Армонларни етаклаган ўй.
Ортда секин қолмоқда ёшлик,
Кимга аза, кимга эса тўй.

Кўк юзлари негадир рангпар,
Излаймизми роҳат, ҳаловат.
Ҳаёт эса билдирмас хумпар,
Ўз ҳукмини ўтказар фақат.

Киприкларда илинар намлик,
Найзалардек тутган қорачўғ.
Тиловату ва хотиржамлик,
Дил тубига ташлайверар чўғ.

Шомга борар йўллар қисқарар,
Узоқларда тоғлар мудраган.
Уфқ эса хомуш, беқарор,
Ҳар бир кунни қуёш судраган...

Орзуларни улғайтирар тонг...

#ўзбек_адабиёти I @Rahmat_Bobojon

Adım Ötkür mənim...
Altmış üç ildir...
Ürəyim nə göydir,
Nədə kaşanə...
_____
Исмим Ўткир менинг...
Олтмиш уч йилки...
Кўнглим на осмону,
На-да кошона...

#шаффоф_лаҳза I @Rahmat_Bobojon

Худо хоҳласа, «Излам»нинг иккинчи фаслида «Рўбарў» шеърлар китобим нашр қилинади. Китобга янги машқларим киритилган. Сўнгги кунларда орада қолиб кетган ва кўп йиллар аввал ёзилган шеърларимни ҳам яна бир китоб қилиш илинжида тўплай бошладим. Шунда бундан олти йил аввал ўзимча ёзган балладаларимни топиб олдим. Шулардан бир нечтасини эътиборингизга ҳавола қилмоқчиман.

ОҚ ОТ ВА ОТБОҚАР ҲАҚИДА БАЛЛАДА

Оппоқ отлар боқаман,
Сув тутаман кафтимда.
Ёлларини силайман
Юрагимнинг тафти-ла.
Бугун унинг эгаси
Келолмайди афтидан...

Мана, неча сайёра
Бош узра айланади.
Фазонинг-да бағри кенг —
Дарддан безиб улгурар,
Ёмғир эзиб улгурар,
Булутлар жим мўлтирар,
Эгаси кеч қолмоқда
От ҳам сезиб улгурар...
Ахийри тоқатларнинг
Тоқ бўлади тоқати.
От ва менинг кўзимдан
Қонли ёшлар оқади.

Эшик илкис очилар,
Усти-боши бўлиб ҳўл,
Ёмғирпўшин йиғганча,
Ташлаганча жим қадам,
Юриб келар оҳиста
Рўзғор ташвишлари мўл,
Йўқ-йўқ, шаҳзода эмас
Шунчаки оддий одам.

Кийимин ечар ундан
Автобуснинг чиптаси,
Кредит қоғози ва
Чеклар тушар сирғалиб.
Биз ҳам уни англаймиз,
Ўтирмаймиз ҳеч нолиб.
Чунки барин унутган,
Ишқ ва биз четда қолиб —
Диванга жим чўкади,
Ахир ваъда бермаган.
Интернетин ёқади —
Ҳаётнинг бир эрмаги...

Энди эса адрлар,
Боғлар қолар ҳувиллаб.
Дилмас фақат ўчоқлар
Ёнар гурлаб, ловуллаб.
Соғинишга қурғурнинг,
Сира-сира вақти йўқ.
Яна бир маликанинг
Мана, энди бахти йўқ...

Қизғонмайди ҳеч кўнгил
Тонмайди ҳеч бир юрак.
Мен садоқат ўрнига
Қидираман ем-ҳашак.
Чунки, отни асрашим
Отни боқишим керак!

От эгаси ухлайди,
Мен тунлари йиғлайман.
Кичкина кўнглим билан
Кенг хонамга сиғмайман.
Уқтирашар одамлар:
“Севги — ёлғон ақида”.
Энди фақат ёзишар
Машиналар ҳақида...

Лекин биламан, албат,
Орзулари ушалиб,
Ёрлар кутса, йўлига
Олтин сочи тўшалиб.
Меҳрга тўлар ҳар қалб,
Қувонч дилни ёради.
Боққан отимда улар,
Ёр қошига боради.
Умрларни безайди,
Севги — гўзал ақида.
Сўнг ёзишар шаҳзода,
Маликалар ҳақида.

Оппоқ отлар боқаман,
Сув тутаман кафтим-ла.
Тушларим ҳам ўнгидан
Келаётир афтидан...
Балки, мени одамлар
Ўтиб кетсам ёд қилмас.
Лекин, улар билади
Шаҳзодасиз муҳаббат
Оппоқ отсиз шаҳзода,
Отбоқарсиз от бўлмас.

Бугун қўрқмай айтаман,
Кўнгил баланд тоғ бўлсин.
Шаҳзода маликамас,
Отбоқарлар соғ бўлсин!

2017 й.

Р. Б.

#эски_дафтардан | @Rahmat_Bobojon

Балки, мени одамлар
Ўтиб кетсам ёд қилмас.
Лекин, улар билади
Шаҳзодасиз муҳаббат
Оппоқ отсиз шаҳзода,
Отбоқарсиз от бўлмас.

#лаҳза | @Rahmat_Bobojon

“Энди мен севгининг одами...” У бу мисраларни ёзганида ҳали Ишқнинг одамими ёки йўқ, ўзи ҳам билмасди. У фақат интиларди... Бугун шоир ўша манзилга етдими? Билмоқчи бўлсангиз битикларини ўқинг. Барчамиз ташвишнинг, пул ва мол-давлатнинг, қават-қават уйу инамарка машинанинг одами (қули) бўлиб юрганимизда у шу мисраларни ёза олди ва амал қилди.
Сардор менинг чин укаларимдан бири, яқинроғи, айтиш мумкин бўлса, шогирдим. Ягона шогирдим, мендан нималардир ўргандими ё йўқ, билмадим. Бугун у бир четда жимгина, ҳеч кимга (ҳатто ўзига ҳам) билдирмай ёзяпти, машқ қиляпти. Зеро, натижаси каминани қувонтиряпти. Оқ йўл, укам!

Сардор САЪДУЛЛАЕВ

БЕЛГИ

Кўзларим йўлингда, демак, ишонар,
Армонга элтмагай балки бу сўроқ.
Бугун икки шамнинг бириси ёнар –
Висолми, ҳижронми, билмайман бироқ...

Умиднинг қўллари бўйнимдан қучар,
Зумда маҳв бўлажак абадий фироқ.
Бугун икки шамнинг бириси ўчар –
Ҳаётми, ўлимми, билмайман бироқ...

* * *
Бир оҳ яралди қалбимда,
Бир моҳ яралди қалбимда,
Таърифга сиғмаган, ишқ отлиғ
Бир тоғ яралади қалбимда.

Оҳларим кўкариб боғ бўлар,
Дилимнинг гулшани чоғ бўлар,
Хазондай тоби йўқ туйғу ҳам
Дардидан тузалиб соғ бўлар.

Моҳимга термулдим ҳар куни,
У менинг кечмишим, бугуним,
Кўнглимда ўзга йўқ, сен борсан,
Мен борми, билмайман, севгилим?

Тоғ бўлдим тоғимга суяниб,
Ҳижронлар қолдилар куйканиб,
Гар тирик бўлса бу ишқимдан
Бир достон битарди Андалиб.

Азоблар – кўринмас оғудир,
Азоблар – юрагим доғидир,
Азобга қолдирма бандангни,
Айни дам муҳаббат чоғидир!

Худойим, ҳеч кимга бермагин,
Оҳимни, моҳимни, тоғимни...

СЕВГИНИНГ ОДАМИ

Жаноза ўқидим ҳижронларимга,
Энди мен изтироб ичра маҳкуммас.
Энди мен йўлини топган йўловчи,
Энди мен ишқ деган бир шаробдан маст.

Энди ичикишлар ичтиролмас май,
(Қаранг, гуллаётир босган қадамим).
Энди мен кечикдим ёрдан кечишга,
Энди мен севгининг одами...

ИСТАК

Эшитдим,
севгидан карахт эмишсиз,
Бахтингиз бут бўлсин, қолмасин бўшлиқ.
Сиздан ранжимайман, хато ўзимда:
Бошқа ёр топибсиз?!
Табрик!
Минг қуллуқ!

Меҳрни аяманг севганингиздан,
Унга ишқ жомидан туйғу ичиринг.
Фақат,
мен ғарибнинг битта айби бор:
Сизни кечирмадим, кечиринг...

* * *
Баргларнинг лабида титрайди кузак,
Ўпсанг, баҳор сендан бўлади хафа,
Ўпмасанг кўнглингга ботади ғашлик,
Тўғри йўл излайсан ҳар кун минг дафа.

Нафсинг шаҳватини қондирмоқ истар,
Кучая боради сония сайин,
Ҳаводай мусаффо хаёлларингни,
Бир зум чалғитади шайтони-лайин.

Ва чора топасан чорасизликка,
Ишқнинг дарёсида покланиб юрак,
Энди гард теккизмай, севгинг кузакни
Бокира қиз мисол асрашинг керак...

* * *
Мардлар хийлалардан кўрганда жабр,
Ва фасод атрофга отганда илдиз.
Тарих дафтаридан ўчди давлатлар,
Осмонда сўнгандай лаҳзалик юлдуз.

Тўғри, боқий эмас бирор салтанат,
Лек бу эврилишнинг бор сабаблари.
Сарой ичидаги худбинлик ҳамда
Хоинлик ағдарди уларнинг барин.

Шул сабаб сўзимни шиор этиб ол,
Манфур иллатларни айлагин ағёр.
Токи парчаларга кетмай бўлиниб,
Юрагим эгангга панд берма зинҳор.

* * *
Аймишларки донолар:
“Меҳмон келса эшикдан,
Ўзи билан доимо
Ризқи келгай тешикдан”.

Гар бу меҳмон сен бўлсанг,
Келмай тургин ҳижроним.
Ахир сен эмас менинг –
Кутаётган меҳмоним...

ЁҒИШ
(Хоразм шевасида)

Бугун остон-остон ёғишлор ёғди,
Васлингни қўмсоғон хоҳишлор ёғди,
Хаёл макониндо бўлгондо пайдо,
Жоду гўзларингнан боқишлор ёғди.

Осмоном қўшилди фарёд-додимо,
Озобли севгимиз тушди ёдимо,
Ҳар нарса иложи бўлгон дунёдо,
Одинг қўшилмоди мани одимо...

Иложсиз ҳислоро дўлди муҳаббат,
Гўргани изтироб бўлди муҳаббат,
Галишингни кутиб очилавармин
На атарин билмин сўлди муҳаббат.

Бугун остон-остон ёғишлор ёғди...

#ёшлар_ижоди I @Rahmat_Bobojon

Сардор Саъдуллаев — 2001 йил Хоразм вилоятининг Қўшкўпир туманида туғилган. Ҳозирда Ўзбекистон журналистика ва оммавий коммуникациялар университетида таҳсил олиш билан бирга “Ёшлар овози” газетасида ҳам фаолият юритмоқда.

#ёшлар_ижоди I @Rahmat_Bobojon

«Урганчга сафар» – Раҳмат Бобожон

Кўриш: https://www.youtube.com/watch?v=DSR-blDBNas&t=4s

#бирга_тинглаймиз I @Rahmat_Bobojon

* * *
Айт, қачондан бери ғам фарзандисан,
Қанчага сотилдинг ташвишга у дам?
Сен — ўйга эмас, йўқ, уйга бандисан,
Баҳордан бебаҳра ягона одам...

Фаромуш армонга ахир фол кўриб,
Адашган туйғуга дам солганинг йўқ.
Кўчага чиқмадинг қанчадан бери,
Осмонга термулиб завқ олганинг йўқ.

Билмайсан, нимадир бу рўзғор таъби,
Кўкда кеча-кундуз яшнаб, ҳойнаҳой —
Қуёш порлар аниқ топшириқ каби,
Олган авансингдек турар ярим Ой.

Бу мунғайган сурат — ёлғизлигингдир,
Ўйлайсан...
Дард энди сенга ён қўшни.
Қорин илинжида ўлдирган кинмдир,
Сен кузда жанубга кузатган қушни.

Бўғизлаб дилингда уйғоқ ҳавасни,
Кўчага қарайсан ғамзада, карахт.
Бу қуриган дарахт таниш эмасми?
Бу ўша — сен тўлиб шеър ёзган дарахт.

Бахтни арзон олди савдогар — фироқ,
Соғинч — беманзил дил йўллаган хатар.
Базўр кун кўришни эплайди, бироқ,
Яшашни унутди бу қўрқоқ шаҳар...

Ўзингни озод қил бу уйдан бир пас,
Орзиққан юракка қўймагин таъқиқ.
Ҳеч қурса баҳорни кўриш учунмас,
Зилзила бўляпти...
Ташқарига чиқ!

24 март, 2023

Р. Б.

#айт... | @Rahmat_Bobojon

Ҳеч қурса баҳорни кўриш учунмас,
Зилзила бўляпти...
Ташқарига чиқ!

#лаҳза | @Rahmat_Bobojon