Хоразм шевасида шеър эшитамизми?

Матназар Абдулҳаким
«Бир қужоқ гул» китобидан

#бирга_тинглаймиз | @Rahmat_Bobojon

https://www.instagram.com/reel/CuR9XFkqHgF/?igshid=MzRlODBiNWFlZA==

Кўп бўлди шевада ёзмай қўйгандим. Менимча, кўпчиликдан фарқли ўлароқ бу тош шаҳарда кўпроқ хоразмликлар шевасини соғинса керак. Бир-икки машқлар қилгандим. Уларнинг биринчиси қизим Меҳринурга бағишланди. Унга бағишланган биринчи шеър хоразмча бўлишини истадим.
Умринг шевамиздай узоқ бўлсин, қизим!

* * *
Қийзим Мейринура

Ҳайитда дўғилғон севинчдин сара,
Ойқизим, ойнонин мўччилариннан.
Ёлдо гежасина ўхшар қоп-қоро,
Ойқизим, ойнонин жўжилариннан.

Дойим яхшилиқа ал варсин алинг,
Умринг сиро додо, зоро дўлмосин.
Илойим, гулгингдин оқ бўлсин йўлинг,
Ёзғитинг гўззингдин қоро бўлмосин.

* * *
Би сувла гўнглимдин оқоди потрот,
Умитдин дўлмиди азал би арна.
Мани еб битирар, насип, би фироқ,
Ёзғитдан ҳаммаси, гўрамиз ҳар на.

Билмапман, бу ашқ даганни дўли
На бир азоплиқин, на армонлиқин.
Ёдингнон ойнонин, чиқмаса вўлди
Йўлингда бир умр андармонлиқим...

* * *
Истап-истамасдан, годо бир дойдиб
Ўтвадим Шоҳобод кўприклариннан.
Сўвгиси дўкилди ротолло айтип
Бийкани гўзиннан, кирпиклариннан.

Гулди, дейиб қочиб қутилди остон,
Писанд атмин мандин оворосини.
Эшитмади сира эшитмадидон
Юрагимни сокин сувворосини.

Р. Б.

#Хоразм_шевасида | @Rahmat_Bobojon

Илойим, гулгингдин оқ бўлсин йўлинг,
Ёзғитинг гўззингдин қоро бўлмосин.

#Меҳринуримга | @Rahmat_Bobojon

#Diqqat!

💯 Diqqatingizni tortganimizga afsuslanmaysiz, albatta!

Demak, boshladik!

TAQRIZ YOZING — KO‘NGIL HAMDA CHO‘NTAK XUMORINI BOSING!

❗️E’lonni o‘qiboq ishga kirishganlar allaqachon g‘olib bo‘ldi! Sizchi?
Gʻijjalab o‘qiguningizcha tugaydiyov tanlovimiz ham. Shoshiling!

📣 “IqroNashr” nashriyoti va “Rahmat Bobojon” kanali tomonidan tashkil etilayotgan “Taqrizlar tanlovida” ishtirok eting!

📆 Tanlov 5 iyundan 5 avgustgacha bo‘lib o‘tadi va g‘oliblar nomi 5 sentyabr kuni ochiqlanadi!

📖 Shartlar siz o‘ylagandek qiyin emas:

— Ozarboyjonlik taniqli adib Anarning “Tahminaning so‘nggi siri” kitobini o‘qing;
— kitobdagi istalgan hikoya haqida 300 ta so‘zdan oshmagan taqriz yozing;
— taqrizingizni @iqronashrbot manziliga yuboring.

📌 Yuborilgan ijodiy ishlar quyidagicha baholanadi:

— ma’noviy hamda imloviy xatolar bo‘lmasligi;
— taqrizga olingan hikoya qay darajada ochib berilgani;
— taqrizning kreativligi, tili, uslubi va yozarmanning alohida mahorati.

📎 Eslatma: Agar kitobni turli hil rakurslarda suratga olib, qo‘shib jo‘natsangiz, yutish imkoniyatiga yana bir qadam yaqinlashasiz!

🎁 Tanlov g‘oliblari quyidagicha mukofotlanadi:

1-o‘rin — 200 ming so‘m pul va “IqroNashr” nashriyoti tomonidan chop etilgan 2 ta kitob;
2-o‘rin — 100 ming so‘m pul va “IqroNashr” nashriyoti tomonidan chop etilgan 3 ta kitob;
3-o‘rin — nashriyot tomonidan chop etilgan 4 ta kitob.

📩 Tanlovga yuborilgan va ishtirok etishga loyiq topilgan taqrizlar “IqroNashr”, eng kreativ taqrizlar esa “Rahmat Bobojon” kanalida e’lon qilinadi.

📎 Eslatma: “IqroNashr” va “Rahmat Bobojon” kanaliga a’zo bo‘lmaganlarning ijodiy ishlari tanlovga qo‘yilmaydi.

Ha, aytgancha!
Eng ko‘p layk to‘plagan 3 ta, eng ko‘p ko‘rilgan 2 ta taqriz ham maxsus sovg‘alar bilan taqdirlanadi!

🧑‍💻 Xo‘sh, tayyormisiz?
Unda, taqriz yozing — ko‘ngil va cho‘ntak xumorini bosing!

📎 Eslatma: Kitobni o‘zingizga yaqin kitob do‘konidan yoxud quyidagi manzildan buyurtma qilishingiz mumkin.

Murojaat uchun:
📞 +998 (95) 009 03 09
✉️ @IqronashrAdmin

Aytgancha, mazkur e’lonni guruh va kanallarda eng ko‘p tarqatgan odamlarga Anarning ushbu kitobi sovg‘a qilinadi!
(Tarqatganingizni botimizga yuboring)

#tanlov • @iqronashrbooks • @Rahmat_Bobojon

“Бизнинг ҳаётимиз уч қисмга бўлинган: муҳаббатни ҳис қилиш, муҳаббатни яшаш ва муҳаббатни хотирлаш” –
таниқли рус шоираси Марина Цветаевадан афоризмлар

* * *
Хиёнат – муҳаббатнинг белгиси. Чунки, дўстга хиёнат қилинмайди.

* * *
Бугун хаёлимда шундай фикр чарх уряпти: агар ўсмирлик – баҳор, ёшлик – ёз, ўрта ёш – куз, кексалик – қиш бўлса, хўш, унда болалик нима? Менимча, болалик бир вақтнинг ўзида ҳам баҳор, ҳам ёз, ҳам куз, ҳам қишдир.

* * *
Бизнинг ҳаётимиз уч қисмга бўлинган: муҳаббатни ҳис қилиш, муҳаббатни яшаш ва муҳаббатни хотирлаш.

* * *
Инсонлар билан ҳеч келишолмайман. Чунки, улар менга руҳимни ёхуд сукунатни тинглашимга ҳамиша тўсқинлик қилишади.

* * *
Мен ўзимга яқин олган одамларимгагина қаттиққўлман.

* * *
Муҳаббат жуда ғалати туйғу. У очлик билан озиқланиб, тўқлик туфайли вафот этади.

* * *
Қаҳқаҳанг ҳам баъзида ичингдаги изтиробингни яшира олмайди.

* * *
Баъзи аёлларнинг на дўсти, на ошқилари бўлади. Уларнинг дўстлари тезда ошиққа, ошиқлари эса дўстга айланишади.

* * *
Баъзан хонангдаги сукут момақалдироқдек гумбурлайди.

* * *
Ҳар бир ўқиган китобинг ҳаётинг бир қисмини ўз ичига олади. Қанчалик кўп ўқисанг, шунчалик яшашни хоҳламай қоласан одам.

* * *
Одамлар сенга туҳфа этмаган ягона нарса – сен уларсиз ҳам яшай олишингдир.

* * *
Аҳамиятсиз воқеалар бўлмайди, фақат аҳамиятсиз одамлар бўлади.

* * *
Руҳ – ҳамма нарсадан улғаяди, айниқса йўқотиш ва ёлғизликлардан.

* * *
Ҳаётдаги ўрнимни яхши биламан. У аниқ охиргиси эмас, чунки ҳеч қачон навбатда турмаганман.

* * *
Ҳалол аёл ҳалол аёлни ёқтирмайди.

* * *
Муҳаббат – қашшоқлик ва тиш оғриғидан бошқа ҳамма нарсани енголади.

* * *
Вужуд – руҳнинг паноҳидир. Шунинг учун уни тўғри келган жойга сарфлаш нотўғридир.

* * *
Менга нуқтаи назар эмас, назарнинг ўзи етарли.

* * *
Ёлғон гапирганимда ўзимдан эмас, мени бунга мажбур қилган одамдан нафратланаман.

* * *
Дунёда чекланган миқдорда руҳ ҳамда чексиз миқдорда вужуд бор.

* * *
Эскини янгилаш камбағалларнинг, янгисини эскиртириш эса бойларнинг анъанаси.

* * *
Ҳаёт билан мулоқотдаги муҳим нарса – унинг саволлари эмас, бизнинг жавобларимиздир.

* * *
“У чидай-чидай севарди...” Бу иборани ёқтираман, бироқ тескарисига.

* * *
Фақат сенга ёт бўлганига дуч келасан, яқинига эса кўнгил қўясан.

Тўпловчи ва таржимон:
Раҳмат Бобожон

#таржима_дафтаридан | @Rahmat_Bobojon

Баъзи аёлларнинг на дўсти, на ошқилари бўлади. Уларнинг дўстлари тезда ошиққа, ошиқлари эса дўстга айланишади.

#лаҳза | @Rahmat_Bobojon

* * *
1
Мен ким?
Кўнгил тутқуни,
Сен — Ҳақ битган қасида.
Учрашдик ҳажр куни,
Ҳижрон арафасида.
Юрак билибдир нажот
Бу ғам шоҳсупасини,
Қабул қилиб бугун шод,
Айрилиқ туҳфасини —
Қўл узиб гулгун майдан,
Мана, кетмоққа шайман.
Қандоқ қолай сен ила,
Сенсиз қандоқ яшайман?

Ошиқ кўнглим сийлаган
Май қайдадир, жом қайда?
Сендек гўзал хийлагар,
Мендек нотавон қайда?
Руҳ руҳга муносибсан,
Дил дилга эмас қарам.
Сен бахт ила косибсан,
Мен дард ила муҳтарам.

Бир умрлик армон бор,
Айролик эмас роҳат.
Мана, олти томон бор,
Кетарман десам, фақат —
На у ёқдан фармон бор,
На кўнгилдан ижозат?

Мен ким?
Кўнгил тутқуни...

2
Манам ошиқ, манам дилҳун,
Манам чалдим ўшал найни.
Бироқ, сўйла, кўнглим нечун
Борар йўлин тополмайди?
Тушларимни ул тилакка
Қорар йўлин тополмайди?
Бир ҳажрни минг бўлакка
Ёрар йўлин тополмайди?

Нечун дилда қазойим бор,
Бугунимдан давом йўқдир?
Нечун бунча жазойим бор,
Бирорта ҳам хатом йўқдир?

Ишқ — гулхандир, руҳимга тоб,
Ҳар учқунида ловларман.
Манам ахир нўноқ сайёд,
Манам қайғуни овларман.
На ўзимга бергум қанот,
На сандан бўйин товларман.

Исминг эмас, бугун э-воҳ,
Бир сўз келар тил учига.
Ташлаб кетар бўлдинг, гуноҳ,
Дарду ҳасрат, ғам ичига.
Бу умид бўлолмас паноҳ
Соғинчларим кулгичига.

Қайғуйим кўп, илинжим оз,
Кўнгил — энг биринчи ғаним.
Фақат, демагин илтимос
Йўлсизлигим йўл эканин...

июл, 2023.

Р. Б.

#Мен_ким... | @Rahmat_Bobojon

Бир умрлик армон бор,
Айролик эмас роҳат.
Мана, олти томон бор,
Кетарман десам, фақат —
На у ёқдан фармон бор,
На кўнгилдан ижозат?

#тараддуд | @Rahmat_Bobojon

Эшқобил Шукур. Ҳамал айвони (шеърлар)

#бирга_ўқиймиз I @Rahmat_Bobojon

«Озод каби тутқун битта қуш...» — Фахриёр

#бугун | @Rahmat_Bobojon

Инстаграм саҳифамда эндиликда шеър тинглашингиз мумкин!

“Sen qaytma, iltimos, so‘nggi iltimos —
Bajarma eng so‘nggi iltimosimni...”

She'r \ Ovoz: #RahmatBobojon

Sahifamizga obuna bo‘lishni unutmang!

https://www.instagram.com/reel/CvFg64cqrTU/?igshid=MzRlODBiNWFlZA==

Йигирма беш йилки сўрайдирман афв,
Йигирма беш йилки бир ғам дилни ер.
Йигирма беш йилки шодлик хоҳлайман,
Йигирма беш йилки ҳар гуноҳ шараф.
Йигирма беш йилки ўзни оқлайман,
Йигирма беш йилки қоралайман шеър.

Р. Б.

Инстаграм: Rahmat Bobojon | Кутаман, келинглар!

#лаҳза | @Rahmat_Bobojon

СИР

Исмимни яширдим мангулик ғамдан,
Яширдим Зуҳродан Тохирлигимни.
Дилимни яширдим бедил одамдан,
Яширдим кўнглимни шоирлигимдан.

Биламан, сизга ҳуш келмайди ҳеч ҳам
Нада поклигиму на қаролигим.
Биламан, аросат даштида, зотан,
Маҳкум ва эзилган фуқаролигим.

Дош бердим соғинчнинг ўткир қаҳрига,
Руҳимни пулладим арзон, оҳ, арзон.
Бу дард ўлкасида, ҳажр шаҳрида
Умрбод ижарахонамдир — армон.

Ҳар куни кўксимда оғриқ кўз очди,
Насибамга дўнди кимсасиз узлат.
Йигирма беш йилим ўмарди, қочди,
Ташвишга умримни кўндирган қисмат.

Барибир муштоқман, бу абгор ҳуқуқ
Манглайимга қутлуғ муҳрини босган.
Гарчи тасдиқловчи бирор ҳужжат йўқ,
Худо юрагимга ошиқ деб ёзган.

27 июл, 2023.

Р. Б.

#машқ_дафтаридан | #Rahmat_Bobojon

Дилимни яширдим бедил одамдан,
Яширдим кўнглимни шоирлигимдан...

#тараддуд | @Rahmat_Bobojon

Шеър эшитишга келинглар!

“Ko‘zlaringda qayg‘u quyuni,
Dilga yo‘llar g‘ussa xatini...”

She'r: #RahmatBobojon
Ovoz: #MaqsudaYoldoshova (@muazzamuz)

Sahifamizga obuna bo‘lishni unutmang!

#бирга_тинглаймиз | @Rahmat_Bobojon

https://www.instagram.com/reel/CvKrvIQq5hH/?utm_source=ig_web_copy_link&igshid=MzRlODBiNWFlZA==