👍👍👍👍👍👍

Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан ички бозорларда маҳаллий маҳсулотлар улушини ошириш ва рақобат муҳитини чуқур ўрганиш ишлари изчил давом этмоқда.

🇺🇿 Ўзбекистон Республикаси Вазирлар Маҳкамасининг айрим қарор ва ҳужжатларида белгиланган вазифалар ижросини таъминлаш мақсадида ички бозорларнинг маҳаллий маҳсулотлар билан тўйинганлик даражасини аниқлаш бўйича 90 та товар бозорида комплекс таҳлил ишлари амалга оширилди.

✈️ Шу билан бирга, рақобат сиёсатини самарали амалга ошириш ва соҳада кадрлар салоҳиятини ошириш мақсадида Марказ томонидан ўқув курслари, семинар ва тренинглар мунтазам ташкил этилмоқда.

✈️ Ушбу ишлар ички бозорда барқарор рақобат муҳитини яратиш, маҳаллий ишлаб чиқарувчиларни қўллаб-қувватлаш ҳамда иқтисодиётнинг рақобатбардошлигини оширишга хизмат қилмоқда.

Telegram |Press_service| Facebook | Instagram | Youtube

🇺🇿 Ўзбекистонда аҳоли ва қишлоқ хўжалиги рўйхатга олинади!

Ўзбекистон Республикасида 2026 йил 15 январь — 28 февраль кунлари аҳоли ва қишлоқ хўжалигини рўйхатга олиш тадбири ўтказилади.

✅ Бу — мамлакатимиздаги ҳар бир фуқаро ва хўжалик ҳақида аниқ маълумот тўплаш, келгусидаги ижтимоий-иқтисодий режаларни белгилашда муҳим қадам ҳисобланади.

📅 Рўйхатга олиш 2 босқичда амалга оширилади:

▶ 1 босқич (15–31 январь)
17 кун давомида фуқаролар census.stat.uz сайти орқали OneID тизими ёрдамида онлайн рўйхатдан ўтиш имконига эга бўлади.

Бу қулай, тез ва замонавий усул бўлиб, уйдан чиқмасдан рўйхатда қатнашиш имконини беради.

👉 2 босқич (4–28 февраль)
“Маҳалла еттилиги” аъзолари уйма-уй юриб, планшетлар орқали рўйхатга олиш жараёнларини амалга оширади.

Бу босқичда ҳар бир хонадонга борилиб, шахсий маълумотлар аниқланади.

📄 Саволнома таркиби:

Рўйхатда фуқаролардан ва қишлоқ хўжалиги субъектларидан жами 71 та савол бўйича маълумот олинади:

🫂 Аҳолига оид — 54 та савол (ёш, таълим, иш билан бандлик, яшаш шароити ва ҳ.к.);

🌱 Қишлоқ хўжалигига оид — 17 та савол (ер майдони, чорва сони, экин турлари ва ҳ.к.).

🔒 Маълумотлар махфийлиги кафолатланади.

⛔Шахсга доир маълумотлар қонун билан муҳофаза қилинади.

🚫Саволнома натижалари бошқа идораларга тақдим этилмайди ва фақат статистик таҳлил учунгина ишлатилади.

💡 Нима учун бу муҳим?

Рўйхат натижалари:

- давлатга аҳолининг ҳақиқий сони ва таркиби ҳақида аниқ тасаввур беради;

- янги иш ўринлари, мактаблар, шифохоналар ва инфратузилмаларни режалаштиришда асос бўлади;

- қишлоқ хўжалигидаги ресурсларни тўғри тақсимлаш имконини яратади.

Telegram |Press_service| Facebook | Instagram | Youtube

Рақобат қўмитаси огоҳлантиради!

✈️ Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси истеъмолчилар ҳуқуқ ва манфаатларини ҳимоя қилиш бўйича ўз ваколатлари доирасида ўрганишлар олиб бормоқда.

✈️ Сўнгги пайтларда истеъмолчилардан номаълум шахслар томонидан “Uzum nasiya” номидан қўнғироқлар қилингани ҳақида кўплаб мурожаатлар келиб тушмоқда. Хусусан, "фирибгарлар" ****21242 рақамидан қўнғироқ қилиб, “Сиз акцияда маиший техника ютиб олдингиз, ютуқни олиш учун идентификациядан ўтинг”, деган баҳона билан фуқаролардан телефон рақамига келган SMS-кодни айтишни сўрамоқда. Аслида эса, улар фуқаролар номига муддатли тўлов шартномаси расмийлаштириб, ҳеч қандай товар етказиб берилмаётганлигидан шикоятлар кўпаймоқда.

Қўмита томонидан:
⏺фирибгарлик йўли билан масофавий молиявий хизматлар кўрсатиш ҳолатларини олдини олиш,
⏺ ахборот тизимларида хавфсизлик талабларига риоя этилишини таъминлаш,
⏺ аниқланган камчиликларни бартараф этиш ҳамда бундай ҳолатларни такрорланмаслиги чораларини кўриш мақсадида
“SHAFFOF-MOLIYA” МЧЖ, “UZUM MARKET” МЧЖ ҳамда Марказий банкка тегишли мурожаатлар юборилди.

‼️ Ҳурматли истеъмолчилар!
Шубҳали қўнғироқларга ишонманг!
Шахсий маълумотларингизни, SMS-кодларни ёки идентификация маълумотларини бегона шахсларга берманг!
Номаълум платформалардан рўйхатдан ўтишдан олдин уларнинг ишончлилигини текширинг.

Telegram |Press_service| Facebook | Instagram | Youtube

МАНИПУЛЯЦИЯ ҲАРАКАТЛАРИНИ СОДИР ЭТГАНЛИГИ УЧУН “RAVSHAN-BOSIT HAMJIHAT SERVIS” МЧЖга НИСБАТАН ТЕГИШЛИ ТАЪСИР ЧОРАСИ ҚЎЛЛАНИЛДИ

✈️ Рақобат қўмитаси томонидан юқори ликвидли ва (ёки) монопол турдаги маҳсулотларни биржа савдолари орқали сотувчи кластерлар томонидан ушбу турдаги маҳсулотларни биржа савдоларига қўйилиши ва биржа савдоларида нархларни сунъий ошишининг олдини олиш бўйича назорат ўрнатилиб, кунлик ва ойлик мониторинг кузатувлари олиб борилмоқда.

📃 Қўмитанинг Наманган вилояти ҳудудий бошқармаси томонидан ўтказилган мониторинглар натижасида “RAVSHAN-BOSIT HAMJIHAT SERVIS” МЧЖ томонидан 2024-2025-йилларда юқори ликвидли пахта ёғи маҳсулотларини тўғридан-тўғри шартномалар орқали сотиб юборилганлик ҳолатлари аниқланди.

Маълумот ўрнида: Ўзбекистон Республикасининг “Рақобат тўғрисида”ги қонунининг 29-моддасида “Биржа савдоларини ўтказиш чоғида рақобатни чеклайдиган ёки чеклашга олиб келиши мумкин бўлган ҳаракатлар, шу жумладан, савдоларни ўтказишнинг қонунчиликда белгиланган тартибини бузиш;

😎фақат биржа савдоларига қўйиш йўли билан сотилиши лозим бўлган юқори ликвидли ва (ёки) монопол маҳсулотлар ҳажмларини биржа савдоларига қўймасдан тўғридан-тўғри шартномалар бўйича сотиш тақиқланади деб кўрсатилган."

✈️ Юқоридаги аниқланган ҳолатларга мувофиқ, Наманган вилояти ҳудудий бошқармасининг Махсус комиссияси томонидан “Рақобат тўғрисида”ги Қонуннинг 29-моддаси ва Вазирлар Маҳкамасининг 170-сонли қарори билан тасдиқланган Низом талаблари бузилиши аломатлари билан “RAVSHAN-BOSIT HAMJIHAT SERVIS” МЧЖга нисбатан иш қўзғатилиб, натижаси юзасидан белгиланган тартибда тегишли таъсир чораси қўлланилди.

Шунингдек, қонунбузилиш ҳолатини бартараф этиш ва келгусида йўл қўймаслик бўйича бажарилиши мажбурий бўлган кўрсатма берилди.

Telegram |Press_service| Facebook | Instagram | Youtube

👍👍👍👍👍👍 | #Кун_рақами

🤔 Рақобатни ривожлантириш ва истеъмолчилар ҳуқуқларини ҳимоя қилиш қўмитаси Хоразм вилояти ҳудудий бошқармасига ўтган 2025 йилнинг 9 ойи давомида истеъмолчилардан жами 1 932 та мурожаатлар келиб тушган.

➡️ Амалга оширилган ишлар натижасида истеъмолчилар фойдасига 360 млн сўмдан ортиқ пул маблағлари қайта ҳисоб-китоб қилинган.

Telegram |Press_service| Facebook | Instagram | Youtube

Қўмита қарор ва кўрсатмасининг қонунийлиги суд томонидан тасдиқланди

🖥 Рақобат қўмитасининг Қашқадарё вилояти ҳудудий бошқармаси томонидан ҳудудда фаолият юритаётган банк муассасалари фаолияти бўйича реклама ахборотларининг “Реклама тўғрисида”ги Қонун талабларига мослиги юзасидан ўрганиш ишлари олиб борилди.

Ўтказилган ўрганишлар натижасида АЖ “Infinbank” Қашқадарё вилояти филиалига тегишли банк биносининг том қисмида банк номи ёзилган катта ҳажмдаги ҳарфли ташқи реклама объекти, бинонинг олд қисмида банк номи ва хизмат турлари акс этган "билборд" шаклидаги ташқи реклама ҳамда И.Каримов кўчасида банк биносига қарши томонда, йўл четида АЖ “Infinbank” логотипи акс эттирилган “стела” турдаги ташқи реклама ўрнатилгани аниқланди.

✈️Юқоридаги ҳолатларга мувофиқ, ҳудудий бошқарма Махсус комиссияси томонидан “Реклама тўғрисида”ги Қонун ва Вазирлар Маҳкамасининг “Ташқи реклама бозорини тартибга солиш тўғрисида”ги 104-сонли қарори билан тасдиқланган Низом талаблари бузилиши аломатлари билан АЖ “Infinbank” Қашқадарё вилояти филиалига нисбатан иш қўзғатилиб, ишни кўриб чиқиш якунлари юзасидан молиявий жарима қўллаш юзасидан қарор қабул қилинди.

Шунингдек, қонунбузилиш ҳолатини бартараф этиш ва келгусида йўл қўймаслик юзасидан бажарилиши мажбурий бўлган кўрсатма берилди.

✈️ Бироқ, АЖ “Infinbank” ушбу қарор ва кўрсатмасидан норози бўлиб, суд инстанцияси тартибида мурожаат қилди, иш якунида суд даъвони қаноатлантирилмасдан ҳудудий  бошқарманинг қарор ва кўрсатмаси ўз кучида қолдирди.

Telegram |Press_service| Facebook | Instagram | Youtube

МАНИПУЛЯЦИЯ ҲАРАКАТЛАРИНИ СОДИР ЭТГАНЛИГИ УЧУН “JR COTTON” ва “BUXORO OMUXTA” МЧЖларга НИСБАТАН ТЕГИШЛИ ТАЪСИР ЧОРАЛАРИ ҚЎЛЛАНИЛДИ

✈️ Рақобат қўмитаси томонидан юқори ликвидли ва (ёки) монопол турдаги маҳсулотларни биржа савдолари орқали сотувчи кластерлар томонидан ушбу турдаги маҳсулотларни биржа савдоларига қўйилиши ва биржа савдоларида нархларни сунъий ошишининг олдини олиш бўйича назорат ўрнатилиб, кунлик ва ойлик мониторинг кузатувлари олиб борилмоқда.

📃 Қўмитанинг Бухоро вилояти ҳудудий бошқармаси томонидан ўтказилган мониторинглар натижасида “JR COTTON” ва “BUXORO OMUXTA” МЧЖлар томонидан жорий йилнинг январ - май ойларида юқори ликвидли товар маҳсулотларини биржанинг расмий веб-сайтига жойлаштирмасдан тўғридан-тўғри шартномалар орқали сотиб юборилганлик ҳолатлари аниқланди.

Маълумот ўрнида: Ўзбекистон Республикасининг “Рақобат тўғрисида”ги қонунининг 29-моддасида “Биржа савдоларини ўтказиш чоғида рақобатни чеклайдиган ёки чеклашга олиб келиши мумкин бўлган ҳаракатлар, шу жумладан, савдоларни ўтказишнинг қонунчиликда белгиланган тартибини бузиш;

😎фақат биржа савдоларига қўйиш йўли билан сотилиши лозим бўлган юқори ликвидли ва (ёки) монопол маҳсулотлар ҳажмларини биржа савдоларига қўймасдан тўғридан-тўғри шартномалар бўйича сотиш таъқиқланади деб кўрсатилган."

✈️ Юқоридаги аниқланган ҳолатларга мувофиқ, Бухоро вилояти ҳудудий бошқармасининг Махсус комиссияси томонидан “Рақобат тўғрисида”ги Қонуннинг 29-моддаси ва Вазирлар Маҳкамасининг 170-сонли қарори билан тасдиқланган Низом талаблари бузилиши аломатлари билан “JR COTTON” ва “BUXORO OMUXTA” МЧЖларга нисбатан ишлар қўзғатилиб, натижаси юзасидан белгиланган тартибда тегишли таъсир чоралари қўлланилди.

Шунингдек, қонунбузилиш ҳолатини бартараф этиш ва келгусида йўл қўймаслик бўйича бажарилиши мажбурий бўлган кўрсатма берилди.

Telegram |Press_service| Facebook | Instagram | Youtube

ТОВАР БОЗОРИНИНГ МАҲАЛЛИЙ МАҲСУЛОТЛАР БИЛАН ТЎЙИНГАНЛИК ДАРАЖАСИ БЎЙИЧА ТАҲЛИЛ НАТИЖАЛАРИ

✈️ Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан ички бозорнинг маҳаллий маҳсулотлар билан тўйинганлик даражаси, ишлаб чиқариш ҳажмлари, рақобат муҳити ҳолати ҳамда импорт географияси юзасидан таҳлил ишлари амалга оширилмоқда, жумладан:

Полиамидлар:

⏺Мавжуд ҳолат: Республикада 7 та корхона томонидан 848 тн маҳсулот ишлаб чиқарилган.
⏺Импорт: 2,2 минг тн.
⏺Экспорт: 410 тн.
💻Маҳаллий маҳсулотлар билан тўйинганлик даражаси: 32 фоиз.

Нефт вазелини:

⏺Мавжуд ҳолат: Республикада 2 та корхона томонидан 760 тн маҳсулот ишлаб чиқарилган.
⏺Импорт: 520 тн.
⏺Экспорт: 5,5 тн.
💻Маҳаллий маҳсулотлар билан тўйинганлик даражаси: 59,6 фоиз.

Антифриз ва музлашга қарши тайёр суюқликлар:

⏺Мавжуд ҳолат: Республикада 18 та корхона томонидан 17 минг тн маҳсулот ишлаб чиқарилган.
⏺Импорт: 11,1 минг тн.
⏺Экспорт: 6,3 минг тн.
💻Маҳаллий маҳсулотлар билан тўйинганлик даражаси: 77,7 фоиз.

Фенлар:

⏺Мавжуд ҳолат: Республикада 1 та корхона томонидан 245 та маҳсулот ишлаб чиқарилган.
⏺Импорт: 296 минг дона.
⏺Экспорт: 30 та.
💻Маҳаллий маҳсулотлар билан тўйинганлик даражаси: 0,1 фоиз.

Пойабзал креми:

⏺Мавжуд ҳолат: Республикада 2 та корхона томонидан 85 тн маҳсулот ишлаб чиқарилган.
⏺Импорт: 867 тн.
⏺Экспорт: Экспорт амалга оширилмаган.
💻Маҳаллий маҳсулотлар билан тўйинганлик даражаси: 8,9 фоиз.

✈️ Таҳлил натижаларига кўра, мазкур товар бозорларида маҳаллий маҳсулотлар билан тўйинганлик даражаси паст бўлиб, янги ишлаб чиқариш лойиҳаларни амалга ошириш имкониятлари мавжуд ҳисобланади.

Ҳурматли тадбиркорлар!
Республикамизда тадбиркорлик муҳитини ривожлантириш мақсадида Рақобат қўмитаси томонидан юқоридаги каби маҳсулотларнинг тўйинганлик таҳлил натижалари эълон қилиб борилмоқда.

✈️Шу билан биргаликда, қўшимча қайсидир маҳсулотлар бўйича таҳлил ўтказиш ва улар тўғрисида маълумотларни олишни истасангиз Рақобат қўмитасига мурожаат қилишингиз мумкинлигини маълум қиламиз.

Telegram |Press_service| Facebook | Instagram | Youtube

👍 Рақобатни ривожлантириш ва истеъмолчилар ҳуқуқларини ҳимоя қилиш қўмитасининг ҳафталик дайжести.

📆 (3 - 8 ноябрь кунлари)

🗓 3 ноябрь

✅ Электр энергияси учун 1 млрд сўмдан ортиқ асоссиз ҳисобланган даромадни истеъмолчига қайта ҳисоб-китоб қилиш тўғрисида кўрсатма берилди;

✅ Хоразм ишчи гуруҳ: Президент Фармони ижросини таъминлаш мақсадида Рақобат қўмитаси раиси Ҳ.Турахужаев бошчилигида Хоразм вилоятида ташкил этилган вилоят штабининг йиғилиши ўтказилди;

✅ Фарғона ишчи гуруҳ: Президент Фармони ижросини таъминлаш мақсадида Рақобат қўмитаси раиси ўринбосари Ф.Карабаев бошчилигида Фарғона вилоятининг Тошлоқ туманида ўрганиш ишлари олиб борилди;

✅ Кун рақами: Рақобат қўмитаси Cурхондарё вилояти ҳудудий бошқармаси томонидан истеъмолчилар фойдасига 2.3 млрд сўмдан ортиқ маблағлар қайта ҳисоб-китоб қилинган;
___

🗓 4 ноябрь

✅ «Маркетплейс» тизимида аниқланган қонунбузилиш юзасидан ваколатли органларига чора кўриш учун маълумотлар тақдим этилди;

✅ “Sultanov Motors” МЧЖга (“JETOUR” автомашинаси рекламасида) қонунбузилиш ҳолати бўйича молиявий жарима қўлланилди;

✅ Кун рақами: Рақобат қўмитаси Тошкент вилояти ҳудудий бошқармаси томонидан истеъмолчилар фойдасига 9.7 млрд сўмдан ортиқ маблағлар қайта ҳисоб-китоб қилинган;

✅ Насия савдо бозорини тартибга солувчи янги лойиҳа, “MAHALLA” телеканалида;

✅ Ўзбекистон Республикаси Президенти Шавкат Мирзиёевнинг ижтимоий ривожланиш бўйича иккинчи Бутунжаҳон саммитидаги нутқи;
___

🗓 5 ноябрь

✅ Рақобат қўмитаси томонидан сифатсиз хизмат кўрсатилгани юзасидан чиқинди ташиш корхоналарига тегишли кўрсатмалар юборилди;

✅ Кун рақами: Рақобат қўмитаси Тошкент шаҳри ҳудудий бошқармаси томонидан истеъмолчилар фойдасига 5.3 млрд сўмдан ортиқ маблағлар қайта ҳисоб-китоб қилинган;

✅ Ички бозорларда маҳаллий маҳсулотлар улушини ошириш ва рақобат муҳитини чуқур ўрганиш ишлари изчил давом этмоқда;
___

🗓 6 ноябрь

✅ Рақобат қўмитаси истеъмолчилар ҳуқуқ ва манфаатларини ҳимоя қилиш бўйича ўз ваколатлари доирасида ўрганишлар олиб бормоқда;

✅ Манипуляция ҳаракатларини содир этганлиги учун “RAVSHAN-BOSIT HAMJIHAT SERVIS” МЧЖга нисбатан тегишли таъсир чораси қўлланилди;

✅ Кун рақами: Рақобат қўмитаси Хоразм вилояти ҳудудий бошқармаси томонидан истеъмолчилар фойдасига 360 млн сўмдан ортиқ маблағлар қайта ҳисоб-китоб қилинган;

✅ Жаҳон Савдо Ташкилотида Ўзбекистонда рақобат сиёсати бўйича чуқур таркибий ислоҳотлар натижалари тақдим этилди;
___

🗓 7 ноябрь

✅ Қўмита қарор ва кўрсатмасининг қонунийлиги суд томонидан тасдиқланди;

✅ Манипуляция ҳаракатларини содир этганлиги учун “JR COTTON” ва “BUXORO OMUXTA” МЧЖларга нисбатан тегишли таъсир чоралари қўлланилди;

✅ Давлатимиз раҳбари Марказий Осиё ва АҚШ саммитида иштирок этди;

✅ Товар бозорининг маҳаллий маҳсулотлар билан тўйинганлик даражаси бўйича таҳлил натижалари.

Telegram |Press_service| Facebook | Instagram | Youtube

Рақобат қўмитаси истеъмолчиларни огоҳликка чақиради:

✈️ Рақобат қўмитаси ўз ваколатлари доирасида истеъмолчилар ҳуқуқларини ҳимоя қилиш ҳамда “Реклама тўғрисида”ги қонун ҳужжатларига риоя этилишини назорат қилиб келади. Шу мақсадда озиқ-овқат маҳсулотлари, дори воситалари ва биологик фаол қўшимчалар бўйича мунтазам назорат харидлари амалга оширилмоқда.

Назорат натижалари:

🔘2023 йилда ўтказилган 397 та назорат харидидан 24 таси сифатсиз деб топилган;

🔘2024 йилда 560 та хариддан 95 таси сифатсизлиги аниқланган;

🔘2025 йилда 618 та хариддан 123 таси талабга жавоб бермаган.

✈️ Шунингдек, ҳозирга қадар Қўмитага озиқ-овқат маҳсулотлари, дори воситалари ва биологик фаол қўшимчалар бўйича 2 345 дан ортиқ мурожаат келиб тушган. Шулардан 337 таси (14 фоизи) биологик фаол қўшимчалар ва озиқ-овқат қўшимчаларига тааллуқлидир.

🖥 Мурожаатларнинг аксарияти фуқароларнинг телеканаллар, радио ва ижтимоий тармоқлардаги рекламаларга ишониб, биологик фаол қўшимчаларни харид қилгани, бироқ уларнинг кутилган натижани бермагани ёки соғлиғига салбий таъсир кўрсатгани билан боғлиқдир.

Маълумот учун: Биологик фаол қўшимчалар (БАҚ) дори воситаси ҳисобланмайди ва касалликларни даволаш учун мўлжалланмаган. Улар фақат организм фаолиятини қўллаб-қувватлаш ёки айрим касалликларнинг олдини олиш (профилактика) мақсадида қўлланилиши мумкин. Шунинг учун, ҳар қандай қўшимчани истеъмол қилишдан аввал шифокор билан маслаҳатлашиш шарт.

 ✈️ Шунинг учун, истеъмолчилар эътиборига:

🟠Биологик фаол қўшимчаларни “дори” сифатида тақдим этаётган рекламаларга ишонманг;

🟠“Барча касалликларни 1 ойда даволайди” каби ҳақиқатга тўғри келмайдиган ваъдалар — алдов рекламалардир;

🟠Фақатгина Соғлиқни сақлаш вазирлиги томонидан рўйхатдан ўтган, расмий сертификати мавжуд маҳсулотлардан фойдаланинг.

‼️ Эсда тутинг: соғлиғингиз — энг катта бойлигингиз. Рекламага эмас, ҳақиқий тиббий маълумотга ишонинг!

Telegram |Press_service| Facebook | Instagram | Youtube

ИСТЕЪМОЛЧИЛАР ҲУҚУҚЛАРИНИ ҲИМОЯ ҚИЛИШ ФАОЛИЯТИГА ДОИР АСОСИЙ КЎРСАТКИЧЛАР

2025 йилнинг 9 ойи давомида Рақобат қўмитасига истеъмолчилардан жами 41 мингга яқин мурожаатлар келиб тушган.

Мурожаатларнинг
🔹 63% — уй-жой коммунал ва транспорт хизматлари;
🔹 21% — савдо ва умумий овқатланиш;
🔹 14% — алоқа, молия ва ижтимоий хизматлар;
🔹 2% — реклама соҳасига оид.

Амалга оширилган ишлар натижасида, истеъмолчилар фойдасига 71.4 млрд сўм маблағ қайта ҳисоб-китоб қилинган.

➡️ Батафсил видеоинфографикада

Telegram |Press_service| Facebook | Instagram | Youtube

ИНСОФСИЗ РАҚОБАТ ҲОЛАТЛАРИ ЮЗАСИДАН “SUPERSHOP” МЧЖга НИСБАТАН ТЕГИШЛИ ТАЪСИР ЧОРАСИ КЎРИЛДИ

✈️ Қорақалпоғистон Республикаси Нукус шаҳрида фаолият юритувчи жойлашган “SUPERSHOP” МЧЖ савдо нуқтаси томонидан ижтимоий тармоқларда “энг арзон” деган оширувчи муносабатлардан фойдаланилган бўлиб, бунда рақобатчи хўжалик юритувчи субъектларнинг маҳсулотлари билан таққослашда холис тасдиқланган тавсифлар ёки параметрлар кўрсатилмасдан, “Instagram” ижтимоий тармоқларида реклама эълонлари жойлаштирилгани маълум бўлди.

📃 Мазкур ҳолат юзасидан Қўмита ўрганиш ишлари олиб бориши натижасида, “SUPERSHOP” МЧЖ Ўзбекистон Республикасининг “Рақобат тўғрисида”ги Қонуни 21-моддаси талабларини бузган деб топилди.

➡️ Аниқланган қонунбузилиш ҳолати юзасидан, Қўмита Махсус комиссияси томонидан “SUPERSHOP” МЧЖга нисбатан иш қўзғатилиб, ишни кўриб чиқиш якунида корхонага ҳуқуқий тушунтиришлар берилди ҳамда қонунбузилиш ҳолатини тўлиқ бартараф этиш юзасидан кўрсатма берилди.

Telegram |Press_service| Facebook | Instagram | Youtube