🔘Назорат хариди ва “сирли мижоз” тадбирлари қонунийлик, холислик ва махфийлик принципларига асосан ўтказилади;
🔘Бу тадбирлар бўйича режа Қўмита томонидан ишлаб чиқилиб, расмий тарзда тасдиқланади;
🔘Ҳар бир тадбир бўйича масъуллар, жой, муддат, текшириладиган мажбурий талаблар ва фото-видео қайд этиш тартиби буйруқ билан белгиланади;
🔘Назорат хариди жараёнида олинган намуна ва маълумотлар тегишли лабораторияларда синовдан ўтказилади;
🔘Агар товар ёки хизмат қонун талабларига мос келмаса, тегишли ваколатли органларга юборилади ва жамоатчиликка ахборот берилади;
🔘Биринчи марта қонунбузарлик аниқланса, тушунтириш ва ёрдам чоралари кўрилади, такрорий ҳолларда эса текширув белгиланади;
🔘Нодавлат ташкилотлар ўз маблағлари ҳисобидан тадбирларни амалга оширади, Қўмита эса ушбу фаолиятни мувофиқлаштиради ва методик ёрдам кўрсатади.

🟢рақобатни ривожлантириш соҳасида – Рақобат қўмитаси, Иқтисодиёт ва молия вазирлиги, Инвестициялар, саноат ва савдо вазирлиги, Қишлоқ хўжалиги вазирлиги, Транспорт вазирлиги, Қурилиш ва уй-жой коммунал хўжалиги вазирлиги, Энергетика вазирлиги ҳамда Рақамли технологиялар вазирлиги;

🟢истеъмолчилар ҳуқуқларини ҳимоя қилиш соҳасида – Рақобат қўмитаси, Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги, Соғлиқни сақлаш вазирлиги, Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги

Маълумот учун: Вазирлар Маҳкамасининг 694-сонли қарори 2-иловаси билан тасдиқланган Инсофсиз рақобатни аниқлаш методикасининг 6-бандида, аввал фуқаролик муомаласига киритилган товар, иш ва хизматларнинг ташқи безатилиши ва шакли, номи, тамғаланиши, этикеткаси, ўрови, ранглар уйғунлигини такрорлаш орқали рақобатчи хўжалик юритувчи субъект томонидан товарни фуқаролик муомаласига киритиш ҳамда рақобатчи хўжалик юритувчи субъектнинг индивидуаллаштириш воситаларига, товарни индивидуаллаштириш воситаларига бўлган мутлақ ҳуқуқни олиш орқали аввал фуқаролик муомаласига киритилган товарнинг реализация қилинишини чеклашга қаратилган хатти-ҳаракатларни содир этиш инсофсиз рақобат белгиларидан бири эканлиги белгиланган.

🔘Хоразм вилояти
Ҳудудий бошқарманинг ишонч телефони орқали Хонқа туманида яшовчи фуқаронинг янги харид қилган Samsung A 56 телефони носоз чиққанлигидан норози бўлиб қилган мурожаати юзасидан ўрганиш ишлари ўтказилди.

Ўрганишлар жараёнида, ҳақиқатдан телефонда носозликлар мавжудлиги ўз тасдиғини топди. Ҳолат юзасидан тадбиркорлик суъбектига Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги қонуни юзасидан тушунтириш берилди. Натижада фуқаронинг 4 млн 800 минг сўмга сотиб олган телефони кафолат муддатида таъмирлатиб берилиши таъминланди.

🔘Тошкент вилояти
Ҳудудий бошқармага Юқоричирчиқ туманида яшовчи фуқаронинг йўллаган мурожаатида ижтимоий тармоқ орқали razgovor_uz рус тили курсларига ёзилгани, лекин курс сифати уни қониқтирмагани сабабли амалга оширилган тўлов суммасини қайтариш юзасидан амалий ёрдам сўраган.

Ўрганишлар натижасида, razgovor_uz рус тили курслари учун тўланган 1 млн 300 сўмга яқин пул маблағи истеъмолчига қайтариб берилиши таъминланди.

🔘Тошкент шаҳар
Ҳудудий бошқармага Тошкент шаҳрида истиқомат қилувчи фуқаро Н.С.нинг мурожаати келиб тушди. Унда “Welness Group Prime” МЧЖдан ошхона жиҳозларини сотиб олгани, бироқ ушбу жиҳозлар айнан рекламада берилганидек эмаслиги, яъни сифати пастлиги сабабли шартномани бекор қилиш ҳамда товарга тўланган пул маблағини қайтариб ололмаётгани юзасидан норозилик билдирган.

Ўрганиш ишлари натижасида “Welness Group Prime” МЧЖ томонидан фуқаро билан тузилган шартнома бекор қилиниб, тўланган 13 млн сўмдан ортиқ пул маблағи қайтариб берилиши таъминланди.

🔘Сурхондарё вилояти
Ҳудудий бошқармага Шўрчи туманида истиқомат қилувчи фуқаро Р.А.нинг тумандаги савдо марказидан бир неча турдаги салқинлантирувчи газланган ичимлигини харид қилиш учун пластик карточкаси орқали тўловни амалга оширган, аммо улардан бири - пепси кола маҳсулоти берилмагани юзасидан қолдирган мурожаати ўрганиб чиқилди.

Мурожаатни ўрганиш натижасида фуқарога сотувчи томонидан ортиқча олинган маблағи қайтарилиши таъминланиб, мурожаати ижобий ҳал этилди.

🔘Сирдарё вилояти
Ҳудудий бошқармага Гулистон шаҳрида истиқомат қилувчи фуқаро К.Х.нинг табиий газ таъминотидан хонадонига нисбатан асоссиз қарздорлик ҳисобланиб, далолатнома расмийлаштирилгани, ушбу ҳолатни қонун доирасида қайта кўриб чиқиш юзасидан амалий ёрдам сўраб йўллаган мурожаати ўрганилди.

Ўрганишлар натижасида “Ҳудудгаз Сирдарё” ГТФ томонидан истеъмолчига нисбатан ҳисобланган 13 млн сўмдан зиёд нореал қарздорлик юзасидан расмийлаштирилган далолатнома бекор қилиниши таъминланди.

Тадбирларнинг асосий мақсади — тадбиркорларга реклама соҳасидаги амалдаги қонунчилик талабларини тушунтириш, ташқи реклама воситаларини жойлаштиришда йўл қўйиладиган хатоларнинг олдини олиш, шу орқали уларнинг ҳуқуқий саводхонлигини оширишдан иборат бўлди.

Иштирокчиларга “Реклама тўғрисида”ги ҳамда “Давлат тили тўғрисида”ги қонун нормалари бўйича атрофлича маълумотлар берилди. Мутахассислар томонидан реклама жойлаштиришдаги асосий меъёрлар, ташқи реклама объектларини қўйишдаги рухсат бериш тартиби ҳамда давлат тилидаги ёзувларнинг тўғри қўлланилиши ҳақида амалий тавсиялар берилди.

Мисол учун, автомобиль бошқарув панелидаги маълумотларда Damas, Cobalt, Onix, Tracker, Malibu, Equinox, Traverse, Tahoe маркали автомобилларидаги қўлланмалар рус ва инглиз тилларида эканлиги, Chery, HAVAL маркали автомобилларда эса рус тилида берилаётгани аниқланди.

Мисол учун, “Auto Region Plus” МЧЖ томонидан сотилаётган BYD автомобиллари учун 96 ой 150 000 км кафолат муддати берилган бўлса, қўрғошин кислотали стартер батареясига 12 ой ёки 20 000 км, ярим алоҳида қайд этилган эҳтиёт қисмларига 48 ой ёки 120 000 км кафолат муддатлари берилганлиги аниқланди.

Мисол учун, Сobalt русумли автомобилига 36 ой ёки 100 000 км кафолат муддати берилган, автомобилнинг двигатели учун 24 ой ёки 50 000 км.

Юқоридагиларга кўра, Рақобат қўмитаси томонидан аниқланган ушбу ҳолатлар, кафолат муддатлари бўйича мавжуд камчиликларни бартараф этиш юзасидан тегишли чоралар кўрилади.