Эндиликда вазирлар ва тармоқ раҳбарларининг рақамлаштиришга масъул ўринбосарлари бир вақтнинг ўзида соҳада сунъий интеллектни ривожлантиришга ҳам жавобгар бўлиши белгиланди.

Шаҳар ва туманларда ҳам ҳокимларнинг рақамлаштириш ва сунъий интеллект бўйича маслаҳатчиси лавозими киритилади.

Юқори кўрсаткичга эришган, хорижий тил биладиган, технологик билими кучли 100 нафар мутахассис АҚШ, Европа, Сингапур, Япония каби давлатларга олти ойлик курсларга юборилади.

Келгуси йилдан вазирлик ва ҳудудларда сунъий интеллектни жорий этиш ҳолатини баҳолайдиган рейтинг тизими ишга туширилади.

Инвесторлар учун янада жозибадор муҳит яратиб, замонавий супер-компьютер кластерлари ва дата-марказларни кўпайтириш зарурлиги қайд этилди.

Бу борадаги ишлар Қорақалпоғистондан бошланади. Сунъий интеллект инфратузилмасига 100 миллион доллардан кўп сармоя киритган инвесторларга электр энергияси нархи 5 цент этиб белгиланади, IT-парк имтиёзлари татбиқ этилади, импорт ускуналари божхона тўловидан озод этилади.

Шу билан бирга, олис ҳудудларни юқори тезликдаги интернет билан таъминлаш учун кейинги йилдан йўлдошли интернет операторларининг фаолияти йўлга қўйилади. Улар 5 йилга ер, мол-мулк, фойда ва қўшилган қиймат солиғидан озод этилади.

Каналга қўшилиш 👈
Facebook | Instagram | Медиабанк

#Fakt

❗️Ўтган 9 ойда маъмурий судлар томонидан 412 та ҳоким, 653 та солиқ, 525 та кадастр органларининг қарори ҳақиқий эмас, деб топилган

Ушбу даврда маъмурий судлар томонидан 13 379 та иш кўриб чиқилган. Натижасида 5 387 та фуқаро ва юридик шахсларнинг ҳуқуқлари тикланган.

Маъмурий ва фуқаролар ўзини ўзи бошқариш органларининг қарорлари устидан 5 396 та шикоят кўрилган.

Вилоят ва унга тенглаштирилган маъмурий судлар томонидан апелляция тартибида 2 326 та иш кўриб чиқилган.

Биринчи инстанция судлари томонидан чиқарилган 301 та қарор бекор қилиниб, 10 та қарор ўзгартирилган.

Кассация тартибида 1 077 та иш кўриб чиқилган. Биринчи инстанция судлари томонидан чиқарилган 165 та қарор бекор қилиниб, 8 та қарор ўзгартирилган.

Тафтиш тартибида 1 249 та иш кўриб чиқилган. Қуйи инстанция судлари томонидан чиқарилган 105 та қарор бекор қилиниб, 3 та қарор ўзгартирилган.

Олий суднинг Маъмурий ишлар бўйича судлов ҳайъати томонидан қуйи судлар томонидан чиқарилган қарорларнинг 101 таси бекор қилинган.

Каналга қўшилиш 👈
Facebook | Instagram | Медиабанк

❗️Ўзбекистон Беларусь билан экологик экспертиза соҳасида ҳамкорлик қилади

Икки давлат экологик экспертиза идоралари шу ҳақда меморандум имзолаган.

Каналга қўшилиш 👈
Facebook | Instagram | Медиабанк

❗️Ўзбекистон маҳсулотлари Сингапурда намойиш қилинмоқда

Сингапур марказида бўлиб ўтган “Ўзбекистон маҳсулотлари” халқаро кўргазмасида “Туронбанк” АТБ вакиллари ҳам фаол иштирок этиб, “Ўзбек лимони” миллий брендини халқаро майдонга тақдим этди.

Туронбанк ҳомийлигида лимончилик йўналишини қўллаб-қувватлашга қаратилган ташаббуслар бугун ўз самарасини бериб, мазкур кўргазмада хорижий инвесторлар ва йирик импортёрлар эътиборини тортмоқда.

Репортажда тадбиркорларимиз иштироки ҳамда хорижий меҳмонларнинг ўзбек лимони ҳақидаги фикрлари.

Каналга қўшилиш 👈
Facebook | Instagram | Медиабанк

#БУГУН_ТУҒИЛГАН_КУН

Инновацион ривожланиш агентлиги ахборот хизмати раҳбари Фаязова Муқаддас Шавкатовна 1986 йил 22 октябрда Тошкент шаҳрида туғилган. У 2024 йилдан буён ушбу лавозимда ишлайди.

М. Фаязова “Ўзэнергосозлаш” МЧЖда матбуот котиби сифатида фаолият юритган. Шунингдек, “Менинг юртим”, “Севимли” ва “НТТ” телеканалларида муҳаррир ҳамда бошловчи сифатида ишлаган. “Парламент соати” ва “Хайрли оқшом” теледастурларида бош муҳаррир ва бошловчи лавозимларида фаолият олиб борган.

Каналга қўшилиш 👈
Facebook | Instagram | Медиабанк

Иқтисодий тадқиқотлар ва ислоҳотлар марказига кўра, 2025 йилнинг учинчи чорагида юртимиз бўйлаб жами 75,5 мингта кўчмас мулк олди-сотди шартномаси расмийлаштирилди. Бу ўтган йилнинг шу даврига нисбатан 13,6%га кўпдир.

Республика миқёсида сентябрь ойида иккиламчи уй-жой бозоридаги ўртача нархлар 0,6 фоизга ошган. Йиллик ҳисобда, ўтган йилнинг сентябрь ойига нисбатан иккиламчи бозорда бир кв.м учун ўртача нарх 4,6 фоизга ошган.

Тошкент шаҳрида иккиламчи уй-жой бозорида сентябрь ойида нархлар 0,6 фоизга ошган, бироқ 2024 йил сентябрь ойига нисбатан 1,7 фоизга пасайган.

Иккиламчи уй-жой бозорида энг катта пасайиш Яшнобод, Мирзо Улуғбек ва Чилонзор туманларида кузатилди. Ўртача ҳисобда пасайиш 4,3 фоизни ташкил этган.
Шу билан бирга, бирламчи уй-жой кўчмас мулк бозорида нархларнинг 3 фоизга ошгани қайд этилган.
Бирламчи уй-жой бозорида энг юқори нарх ошиши Миробад, Бектемир ва Яккасарой туманларида қайд этилди. Ўртача ҳисобда ўсиш 5,8 фоизни ташкил этган.

Ижара бозори
Сентябрь ойида Тошкент шаҳрида уй-жой ижара нархи бир кв.м учун ўртача 8,5 долларни ташкил этган. Энг юқори ижара нархлари Миробад, Шайхонтоҳур ва Яккасарой туманларида кузатилган.
Ўтган йилнинг сентябрь ойига нисбатан пойтахтдаги ижара нархлари 1,4 фоизга ошган.

Каналга қўшилиш 👈
Facebook | Instagram | Медиабанк