Иқтисодий тадқиқотлар ва ислоҳотлар марказига кўра, 2025 йилнинг учинчи чорагида юртимиз бўйлаб жами 75,5 мингта кўчмас мулк олди-сотди шартномаси расмийлаштирилди. Бу ўтган йилнинг шу даврига нисбатан 13,6%га кўпдир.

Республика миқёсида сентябрь ойида иккиламчи уй-жой бозоридаги ўртача нархлар 0,6 фоизга ошган. Йиллик ҳисобда, ўтган йилнинг сентябрь ойига нисбатан иккиламчи бозорда бир кв.м учун ўртача нарх 4,6 фоизга ошган.

Тошкент шаҳрида иккиламчи уй-жой бозорида сентябрь ойида нархлар 0,6 фоизга ошган, бироқ 2024 йил сентябрь ойига нисбатан 1,7 фоизга пасайган.

Иккиламчи уй-жой бозорида энг катта пасайиш Яшнобод, Мирзо Улуғбек ва Чилонзор туманларида кузатилди. Ўртача ҳисобда пасайиш 4,3 фоизни ташкил этган.
Шу билан бирга, бирламчи уй-жой кўчмас мулк бозорида нархларнинг 3 фоизга ошгани қайд этилган.
Бирламчи уй-жой бозорида энг юқори нарх ошиши Миробад, Бектемир ва Яккасарой туманларида қайд этилди. Ўртача ҳисобда ўсиш 5,8 фоизни ташкил этган.

Ижара бозори
Сентябрь ойида Тошкент шаҳрида уй-жой ижара нархи бир кв.м учун ўртача 8,5 долларни ташкил этган. Энг юқори ижара нархлари Миробад, Шайхонтоҳур ва Яккасарой туманларида кузатилган.
Ўтган йилнинг сентябрь ойига нисбатан пойтахтдаги ижара нархлари 1,4 фоизга ошган.

Каналга қўшилиш 👈
Facebook | Instagram | Медиабанк

#Brifing

❗️“Ҳаж ва Умра ягона портали” ишга туширилиши бўйича брифинг

Портални яратишдан мақсад:
– ҳажга борувчиларга қулайлик яратиш, шаффофликни таъминлаш ва навбат шаклланишида инсон омилини бартараф этиш;
– “Ҳаж” сафарига борувчи фуқароларнинг ягона электрон навбатини шакллантириш ва ариза беришни электрон шаклга ўтказиш;
– ҳажга доир маълумотларни йиғиш ва расмийлаштириш билан боғлиқ жараёнларни рақамлаштириш.

✅ Аҳолимиз уйдан чиқмасдан масофадан навбатга ёзилиш имконияти яратилди, ташкилотларга овора бўлиб бориш, ҳужжатлар йиғиш ва қоғозбозлик каби турли бюрократик жараёнларга барҳам берилди.

Талабгор фуқаро 2 хил усулда яъни Ягона интерактив давлат хизматлари портали www.my.gov.uz ва www.haj-umra.gov.uz сайти орқали электрон навбатга ёзилиши мумкин.

📞 Ҳудудлардаги ишчи гуруҳ телефон рақамлари

Каналга қўшилиш 👈
Facebook | Instagram | Медиабанк

❗️Президент ташриф билан Брюсселда бўлади

Шавкат Мирзиёев Европа кенгаши президенти Антониу Кошта ва Европа комиссияси президенти Урсула фон дер Ляйеннинг таклифига биноан 23-24 октябрь кунлари расмий ташриф билан Брюссель шаҳрида бўлади.

Ташриф дастурига мувофиқ, Европа Иттифоқи пойтахтида ушбу бирлашманинг асосий институтлари раҳбарлари билан икки томонлама музокаралар ўтказилиши режалаштирилган.

Ўзбекистон ва Европа Иттифоқи ўртасида Кенгайтирилган шериклик ва ҳамкорлик тўғрисидаги битим имзоланиши кўзда тутилган.

Ташриф доирасида Ўзбекистон етакчиси Бельгия раҳбарияти билан учрашув ўтказади, технологик ва саноат кооперациясини ривожлантириш бўйича қўшма режаларни жадаллаштириш мақсадида Европанинг етакчи компания ва банклари раҳбарларини қабул қилади.

Каналга қўшилиш 👈
Facebook | Instagram | Медиабанк

❗️Интернетда арзон “iPhone”лар таклиф қилиб, фуқаролар пулларини ўзлаштирган шахс қўлга олинди

Янгийўл туманида яшовчи, 2005 йилда туғилган фуқаро (И.Й.) “ОLX” платформасида сохта эълонлар жойлаштириб, “Телеграм”да аёллар исм-шарифлари остида 10 га яқин аккаунт яратган. У ўзини бошқа шахс сифатида таништириб, “iPhone” телефонларни арзон сотиш баҳонасида фуқаролардан олдиндан тўлов олган.

Дастлабки тергов давомида Нурафшон, Оҳангарон, Ўрта Чирчиқ, Юқори Чирчиқ, Бўка, Қибрай ва Тошкент туманларида содир этилган 8 та шу каби жиноят айнан ушбу шахс томонидан амалга оширилгани фош этилди.

Мазкур ҳолат юзасидан ушланган шахсга нисбатан Ўзбекистон Республикаси Жиноят кодексининг 168-моддаси 3-қисми “б, г” бандлари бўйича жиноят иши қўзғатилган.

ИИББ аҳолини огоҳликка чақирган.

Каналга қўшилиш 👈
Facebook | Instagram | Медиабанк

❗️Сардорбек Улуғбекович Умурзаков Ўзбекистон Республикаси Президенти Администрациясининг Ташқи алоқалар департаменти бошлиғи лавозимига тайинланди ҳамда шу муносабат билан Ўзбекистон Республикаси Президенти Администрацияси бош инспектори лавозимидан озод этилди.

Алишербек Азизович Пайгамов бошқа ишга ўтиши муносабати билан Ўзбекистон Республикаси Президенти Администрациясининг Ташқи алоқалар департаменти раҳбари лавозимидан озод этилди.

Каналга қўшилиш 👈
Facebook | Instagram | Медиабанк

❗️Фавқулодда вазиятлар вазири генерал-майор Ботир Қудратхўжаев Қорақалпоғистон Республикаси ва Хоразм вилоятида қўмондонлик-штаб ўқув машқларини ўтказмоқда.

Каналга қўшилиш 👈
Facebook | Instagram | Медиабанк