🧑‍⚕️Нукус шаҳридаги 12 та оилавий поликлиника ва 3 та жамоат масканида аҳоли диагностикадан ўтказилмоқда

Саида Мирзиёевага кўра, Қорақалпоғистонда умуммиллий “Саломатлик марафони” ташаббуси — инсоннинг ўзи ва яқинлари соғлиғига эътиборни одатий ҳаёт тарзига айлантиришга қаратилган бўлиб, шифокорларнинг ҳамкорликдаги саъй-ҳаракатлари ва AI TOP-3 CDSS, MuxlisaMED AI, AI Mammo сингари сунъий интеллект ечимлари жорий этилиши натижасида янада тезкор ва аниқ тиббий ёрдам кўрсатиш имкони яратилмоқда.

Тўрт кун ичида қарийб 12 минг нафар фуқаро кўрикдан ўтди, шулардан 1 700 дан ортиғи чуқур текширувлардан ўтказилди, 116 нафари эса даволанишга йўналтирилди.

Шунингдек, Қорақалпоғистон тиббиёт институти болалар жарроҳлиги бўлимида мураккаб операцияларни бошдан кечирган кичик беморлар билан учрашиб, суҳбатлашдик. Уларнинг матонати ва самимий табассумлари беихтиёр ҳар биримизни таъсирлантирди.

Миллат саломатлиги — бу барчамиз елкама-елка босиб ўтадиган умумий йўлимиз ва масъулиятимиздир.

Каналга қўшилиш 👈
Facebook | Instagram | Медиабанк

❗️"Аҳолини шовқиннинг зарарли таъсиридан ҳимоя қилиш тўғрисида"ги ва шахсларнинг тасвирга бўлган ҳуқуқлари ҳимоясини кучайтиришга қаратилган қонун лойиҳалари қабул қилиниб, Сенатга юборилди.

📝 Маълумот учун:

⚠️"Аҳолини шовқиннинг зарарли таъсиридан ҳимоя қилиш тўғрисида"ги қонун лойиҳасига кўра:

✅ Фуқароларнинг осойишталиги ва нормал дам олишини бузишга йўл қўйилмайдиган вақтлар оралиғини амалдаги етти соатдан (соат 23.00 дан 06.00 гача) саккиз соатга (соат 23.00 дан 07.00 гача), дам олиш кунлари ва қонунчилик билан белгиланган ишланмайдиган байрам кунлари эса соат 22.00 дан 09.00 гача бўлган вақт оралиғига ўзгартириш таклиф этилмоқда. Ушбу вақт оралиғида фуқароларнинг осойишталиги ва нормал дам олишини бузганлик учун маъмурий жавобгарлик чоралари кучайтирилмоқда.

✅Шовқиннинг зарарли таъсири натижасида етказилган зарар учун компенсация суд тартибида ундирилиши, компенсация тўлаш шовқиннинг зарарли таъсирининг олдини олишга қаратилган тадбирларни бажаришдан озод этмаслиги, шовқиннинг йўл қўйиладиган даражасидан юқори бўлган меҳнат шароитларидаги ишларда банд бўлган ходимларнинг меҳнати учун меҳнат тўғрисидаги қонунчиликка асосан оширилган миқдорда ҳақ тўланиши белгиланмоқда.

✅ Фуқароларнинг осойишталигини ва нормал дам олишини бузишга йўл қўйилмайдиган вақт оралиғида белгиланган нормадан ортиқ шовқинга мунтазам равишда йўл қўяётган объектлар фаолиятини тўхтатиб туриш механизми аниқлаштирилмоқда.

✅ Aҳоли истиқомат қиладиган кўп квартирали уйларда шовқининг йўл қўйиладиган даражасидан ошадиган қурилиш ва таъмирлаш ишларини иш кунлари соат 09.00 дан 18.00 гача амалга ошириш мумкинлиги белгилаб қўйилмоқда.

⚠️Шахсларнинг тасвирга бўлган ҳуқуқлари ҳимоясини кучайтиришга қаратилган қонун лойиҳасига кўра:

✅ Шахсни тасвирга олиш ва ундан фойдаланиш учун розилик олиш мажбурий шартлиги, шахсни тасвирга олиш ва ундан фойдаланишда болалар ҳуқуқнинг мустақил субъекти эканлиги белгилаб қўйилмоқда.

✅ Тасвирга олишда ва ундан фойдаланишда ўн олти ёшга тўлмаган вояга етмаганлар номидан розилик уларнинг ота-онасидан бири ёки ота-онасининг ўрнини босувчи шахслар томонидан берилиши, жамоат жойларида видеокузатув тизимлари ўрнатилган тақдирда, бу ҳақда барчага кўринадиган жойда ва шаклда огоҳлантирувчи белги ўрнатилиши шартлиги назарда тутилмоқда.

✅ Видеокузатув камераларини ўрнатиш мумкин бўлмаган жойлар доираси, хусусан, кийиниш хоналарида, ҳожатхоналарда видеокузатув тизимлари ўрнатилиши мумкин эмаслиги аниқ белгилаб қўйилмоқда.

Каналга қўшилиш 👈
Facebook | Instagram | Медиабанк

❗️Ўзбекистон "MSV-2025" халқаро саноат кўргазмасида иштирок этмоқда

7–10 октябрь кунлари Чехиянинг Брно шаҳрида бўлиб ўтаётган “MSV-2025” халқаро саноат кўргазмаси доирасида Ўзбекистонда ишлаб чиқарилган маҳсулотлар “Made in Uzbekistan” бренди остида намойиш этилмоқда.

✅ Кўргазмада 30 га яқин давлатдан 7 250 та компания иштирок этмоқда.

✅ 140 м² майдонда миллий стендда GSP+ талаблари асосида Европа бозорига экспорт қилувчи 66 та маҳаллий корхона маҳсулотлари намойиш этилмоқда.

✅ Электротехника, автомобилсозлик, қурилиш материаллари, IT, металлургия ва бошқа соҳалардаги маҳсулотлар тақдим этилмоқда.

Кўргазма доирасида хорижий компаниялар билан В2В учрашувлар, инвестиция лойиҳалари ва экспорт шартномалари бўйича музокаралар ўтказиш режалаштирилган.

Каналга қўшилиш 👈
Facebook | Instagram | Медиабанк

❗️ 2030 йилга қадар 40 триллион сўм инвестиция жалб этилиши орқали ичимлик суви таъминоти қамровини 90 фоизга, оқова сув хизматларини эса 32,6 фоизга етказиш белгиланган.

Бу ҳақда 2025 йил 6-8 октябрь кунлари Тошкент шаҳрида ўтказилаётган “Марказий Осиё ичимлик сув таъминоти ва оқова сув хизматлари” мавзусидаги халқаро конференцияда маълумот берилди.

Тадбир “Ўзсувтаъминот” АЖ томонидан Жаҳон банки, Швейцария иқтисодий масалалар бўйича давлат котибияти (SECO) ҳамда Корея ҳукумати (KGGTF) билан ҳамкорликда ташкил этилган.

Каналга қўшилиш 👈
Facebook | Instagram | Медиабанк