#Rasmiy_bayonot

❗️"UzAuto Motors": Cobalt автомобили ҳақидаги хабарлар ҳақиқатга тўғри келмайди

Айрим Телеграм-каналларда 2025 йилда ишлаб чиқарилган Cobalt автомобилининг тормоз тизимида носозлик кузатилгани ҳақида тарқалган хабарлар ҳақиқатга тўғри келмайди.

"UzAuto Motors" АЖ маълум қилишича, компанияга мазкур моделдаги автомобиллар бўйича тормоз тизимига оид ҳеч қандай мурожаат келиб тушмаган.

Ҳар бир автомобиль ишлаб чиқариш жараёнида кўп босқичли сифат ва хавфсизлик назоратидан ўтади. Шу жумладан, тормоз тизими махсус ускуналарда статик ва динамик ҳолатда синовдан ўтказилади.

Компания фойдаланувчиларни текширилмаган маълумотларни тарқатмасликка ҳамда расмий манбаларга ишонишга чақирди.

Каналга қўшилиш 👈
Facebook | Instagram | Медиабанк

❗️Президент Шавкат Мирзиёев бугун жорий йилда иқтисодиётда кутилаётган натижалар ва 2026 йилга мўлжалланган асосий макроиқтисодий кўрсаткичлар юзасидан кенгайтирилган йиғилиш ўтказади.

Шунингдек, АҚШ Президентининг Жанубий ва Марказий Осиё бўйича махсус вакили Сержио Гор бошчилигидаги делегацияни қабул қилади.

Ҳафта давомида ЮНЕСКО Бош конференсиясининг 43-сессияси очилишида иштирок этади ҳамда қатор икки томонлама учрашувлар ўтказади.

Бундан ташқари, жорий ҳафтада мамлакатимизга ташриф буюрадиган Сербия Республикаси Президенти Александр Вучич ва Финляндия Республикаси Президенти Александр Стубб билан олий даражадаги учрашувлар ўтказади.

Каналга қўшилиш 👈
Facebook | Instagram | Медиабанк

❗️2026 йилдан ҳайдовчиликка оид янги тартиблар жорий этилади

Ўзбекистон Республикаси Вазирлар Маҳкамасининг 2025 йил 25 октябрдаги 676-сон қарорига мувофиқ, 2026 йилдан бошлаб қуйидаги янгиликлар амалга киритилади:

✅ 2026 йил 1 январдан мопед ва скутерларни бошқариш учун A1 тоифаси жорий этилади. Ушбу тоифани олиш учун автомактабларда ўқиш шарт эмас, фуқаролар тўғридан-тўғри имтиҳон топшириш ҳуқуқига эга бўлади;

✅ 2026 йил 1 февралдан “A” ва “B” тоифали ҳайдовчилик гувоҳномасини олишда фуқаролар назарий қисмни мустақил ўрганиш имконига эга бўлади, автомактабда ўқиш ихтиёрий бўлади;

✅ 2026 йил 1 апрелдан эса йўлларда хавфсизликни таъминлаш мақсадида автоматлаштирилган фото ва видео қайд этиш тизимлари орқали аниқланган қоидабузарликлар учун жарима баллари ҳисобланади.

🎞 Батафсил видеороликда.

Каналга қўшилиш 👈
Facebook | Instagram | Медиабанк

❗️Мактаб директорлари ва ўринбосарларига KPI асосида ҳар ойлик устама тўланади

Вазирлар Маҳкамасининг 2024 йил 21 октябрдаги 662-сонли қарорига мувофиқ, умумтаълим муассасаси директори ва унинг ўринбосарларига фаолият самарадорлиги кўрсаткичлари (KPI) натижасига кўра ҳар ойлик устама тўлаш тартиби жорий этилди.

Унга кўра, раҳбар ходимлар фаолияти Мактабгача ва мактаб таълими вазирлиги тасдиқлаган методика асосида баҳоланади. Баллар миқдорига қараб устамалар миқдори қуйидагича белгиланади:

✅Директорлар учун: 3% – 20% гача

✅Ўринбосарлар учун: 2,5% – 10% гача

Халқаро фан олимпиадаларида ўқувчилари ғолиб бўлган мактаб директорлари ушбу чекловлардан мустасно ҳисобланади.

📌 Устамалар жамғарма маблағлари ҳисобидан тўланади. Бунда директор ёки ўринбосар камида 9 ой давомида асосий лавозимида ишлаган бўлиши шарт.

Каналга қўшилиш 👈
Facebook | Instagram | Медиабанк

#Rasmiy_bayonot

❗️ССВ: тарқалаётган инфекция ҳолати мавсумий ҳисобланади

Ижтимоий тармоқларда болалар орасида ич кетиш ва қайт қилиш симптомлари билан кечаётган инфекция ҳақида хабарлар тарқалмоқда.

Соғлиқни сақлаш вазирлиги маълум қилишича, бу ҳолатлар мавсумий ўткир респиратор вирусли инфекциялар (ОРВИ) билан боғлиқ бўлиб, куз фаслида ҳарорат пасайиши сабабли касалланиш ҳолатлари табиий равишда ортиши кузатилади.

Респиратор инфекциялар турлича кечиши мумкин айрим беморларда йўтал, ҳарорат ва бурун битиши, бошқаларида эса ошқозон-ичак тизими бузилиши (ич кетиш, қайт қилиш) билан намоён бўлади. Бу ҳолат вирус штаммларининг хилма-хиллиги билан боғлиқ.

Шуни таъкидлаш лозимки, бу касалликларни коронавирус мутацияси билан боғлаш нотўғри. Бугунги кунда COVID-19 оддий респиратор инфекция шаклига айланган, мамлакатимизда эпидемиологик вазият барқарор.

Тиббиёт муассасаларида ўткир респиратор вирусли инфекцияларни даволаш учун зарур ўрин-жой ва дори-дармон захиралари яратилган. Юртимиздаги эпидемик вазият мунтазам мониторинг қилиб борилмоқда.

Шу ўринда ота-оналарга касаллик белгилари кузатилган фарзандларини ўз вақтида оилавий шифокор кўригига олиб бориш тавсия этилади. Умуман, Ўзбекистонда эпидемиологик вазият барқарор. Шу боис ҳеч қандай хавотирга ўрин йўқ.

Каналга қўшилиш 👈
Facebook | Instagram | Медиабанк

❗️Ижтимоий ҳимоя органлари “Реал Санжик”нинг баёноти бўйича расмий маълумот берди

Ижтимоий ҳимоя миллий агентлигининг Тошкент шаҳар бошқармаси маълумот беришича, 2025 йил 24 октябрь куни блогер “Меҳрибонлик” уйи №22 га ташриф буюриб, турар-жойни текин фойдаланишга бериш нияти ҳақида ариза қолдирган. Бироқ ҳозирга қадар уйни расман топшириш бўйича нотариал ҳужжатлар тақдим этилмаган.

Муассаса тўлиқ давлат таъминотида фаолият юритади болалар уй-жой, кийим-кечак, таълим ва тиббий хизмат билан давлат ҳисобига таъминланади. Шу сабабли давлат муассасаларига кўчмас мулк ёки бошқа моддий ёрдам шаклида топшириш зарур эмас.

Ҳозирда мамлакатда болаларни оила муҳитига яқин шароитда тарбиялаш тизими босқичма-босқич жорий этилмоқда. Бу орқали болалар васийлик ёки ғамхўрлик асосида тарбияланишига кенг имконият яратилмоқда.

Агентлик болаларни қўллаб-қувватлашга қаратилган эзгу ташаббусларни маъқуллайди, бироқ бу жараёнда амалдаги ҳуқуқий тартибларга риоя этиш лозимлигини эслатади.

Каналга қўшилиш 👈
Facebook | Instagram | Медиабанк

#Rasmiy_bayonot

❗️Экология вазирлиги: Нукус ва Бобур кўчаларида 174 дарахт кесилгани аниқланди

Экология вазирлиги Давлат экологик назорат инспекцияси масъуллари томонидан ўтказилган ўрганишда Яккасарой тумани Нукус ва Бобур кўчалари кесишмасидан бошлаб автомобиль йўли ёқасида жойлашган жами 174 туп дарахт ва бута кесилгани аниқланди.

Ҳолат юзасидан тегишли баённомалар расмийлаштирилди ва зарар 1,46 миллиард сўм этиб баҳоланди.

Тошкент шаҳар ҳокимлиги вазиятни шахсан назоратга олди, айбдор мутасадди шахсларга нисбатан қонунчиликка мувофиқ қатъий чоралар кўрилиши маълум қилинди.

Шунингдек, келгусида бундай ҳолатлар такрорланмаслиги учун Экология вазирлиги билан ҳамкорликда иш олиб борилади. Барча ҳужжатлар қонунчиликда белгиланган тартибда прокуратура органларига юборилди.

Ҳокимлик кесилган дарахтларнинг ўрнига барқарорликни таъминлаш мақсадида 62,1 минг дона бута ва манзарали дарахт кўчатлари экилишини режалаштирган.

Каналга қўшилиш 👈
Facebook | Instagram | Медиабанк

❗️2026 йилда субсидия ва имтиёзларнинг самараси паст бўлганлари бекор қилинади:

➖бюджет лойиҳасида асосий солиқ ставкалари ўзгаришсиз қолади;

➖келгуси йилда харажатлар кескин қисқартирилади;

➖давлат иштирокидаги корхоналарнинг дивиденд сиёсати тартибга солинади;

➖Халқаро молия ташкилотлари маблағлари иштирокидаги лойиҳаларни охирига етказибгина янги лойиҳаларга ресурс жалб қилиш тизимига ўтилади;

➖келгуси йилда ўсиш суръатини 6,6 фоиз даражасида таъминлаб, ялпи ички маҳсулот ҳажмини 150 миллиард доллардан ошириш, иқтисодиётга барча манбалардан камида 400 триллион сўм йўналтириш, инфляцияни 7 фоиздан ортиқ бўлмаган даражада сақлаб қолиш прогноз қилинмоқда.

Каналга қўшилиш 👈
Facebook | Instagram | Медиабанк

❗️Бу ҳафта Ўзбекистонда об-ҳаво: айрим жойларда ёмғир ва қор

“Ўзгидромет” маълумотларига кўра, ҳаво ўзгарувчан бўлади.

✅29 октябрь: Айрим жойларда ёмғир, баланд тоғли ҳудудларда қор.

✅30 октябрь – 1 ноябрь: Ёғингарчилик кутилмайди.

Ғарбий шамол йўналишини ўзгартириб, шарқдан 7–12 м/с тезликда эсади.

Ҳарорат кечаси 1–6° дан 5–10° гача, кундузи 8–13° дан 13–18° гача ўзгариб туради.

Каналга қўшилиш 👈
Facebook | Instagram | Медиабанк

❗️Тошкент шаҳрида иссиқ сув ва иссиқлик таъминоти тарифлари 15 фоизга оширилди

Пойтахт ҳокимининг 27 октябрдаги қарорига мувофиқ, Veolia Energy Tashkent компанияси томонидан кўрсатиладиган хизматлар учун янги тарифлар тасдиқланди:

✅Базавий тариф — 711 641 сўм/Гкал (ҚҚСсиз)

✅Аҳоли учун — 139 860 сўм/Гкал (ҚҚСсиз)

✅Бюджет ташкилотлари учун — 925 797 сўм/Гкал (ҚҚСсиз)

✅Бошқа улгуржи ташкилотлар учун — 342 296 сўм/Гкал (ҚҚСсиз)

Каналга қўшилиш 👈
Facebook | Instagram | Медиабанк