السلام عليكم و رحمة الله
يقال انه دعوه أربعين نفر مستجابه😴💙
ادعو لي معاكم بالتوفيق و السداد و ناس دفعتي باتش 20 انه يتسهل علينا السمستر دا و يفرجها و نتوفق و نتفوق فيه 🌸
و الناس العندها قنوات ممكن طلب اعادة توجيه اذا ممكن اكون ممتنه ليكم كتير و الله 😊🥺
دمتم بخير😴💙
و لنا لقاء🌸

‏"ليس كلُ من تهواه سيهواك "
من الصعب دائماً أن تتعلق بأحدهم وأنت في دائرة الإبهام إن كان يُحبُك أو لا إن كان يحملُ بعضاً من ما تحمله!
ليس سهلاً أن تعيش مُحملاً بحُب شيءٍ تعجز عن البوح إليه، العجز مذبحةٌ تُقام في صدرك كلما مروا من أمامك ، وكلما أتوا على بالك وكلما بحثت عن حُجةٍ ‏للحديث إليهم، وتوقفت من خيبتك في البحث عنها . 💔

أنت لا تعرف معنى أن تُحاط بكل هؤلاء الأشخاص بينما قلبك يفتقد شخص آخر ،
- كما لو أنك توّد أن تهزم كل شيء لتصل إليه .. 💛

قد نلتقي بأرواح ، و لا يُكتب لنا رؤية ملامحها ... نُحب كلمات مسّت قلوبنا دون أن نعرف كاتبها .... قد نبكي مع عيون لم تراها أعيننا ، و قد نفرح لفرح قلوب نثرت بسمتها أحرفا ، و يبقى احترام الروح أسمى عناوين المحبة الطاهرة ✨🖤

_الله لا يعلق قلبكم بزول ناوي يفرط فيكم !
اظن الدعوة دي بتستحق اميين من القلب💙🌸

ستندم حين ترى أناسًا كانوا في مثل سنك وظروفك، شمروا على ساعد الجد، ووضعوا على أكتافهم سلاح العزم، وفي قلوبهم زاد الهمة، وتركوا التفاهات الشبكية - التي تشغل بها يومك وليلتك الآن - وراء ظهورهم؛ قد وصلوا إلى مبتغاهم، ونالوا مرادهم، وترى أنك لا تزال في مكانك لا تبرحه، تسلمك تفاهة إلى أختها، وتخنق الغفلة أنفاسك!
استيقظ .. فالعمر قصير !

#عصام_المراكشي

✨✅

ليه وصلت المرحلة دي من اللامبالاة و الضياع الاتغير شنو حتى الروح القديمه ما ياها و الشغف الزمن اختفى و فجأة كدا القي نفسي في دوامه اكتئاب ليه بحس بتأنيب الضمير بعد فوات الأوان او في اخر لحظات يعني كان زمان عشان هدف معين و بعد ما وصلت البدايه كل شي بقي في طور الركورد طيب وين الدافع الزمان الكنت بحس بيه مع انه االزول مفروض يكون هو القوه البتدفع نفسو و ما ينتظر اي مؤثر خارجي طيب ليه لسه ما شفت نقطه التغيير في حياتي

#يا_الله_عترني_في_نفسي و امرق من الضياع الانا فيه دا رجاء اي زول قرا البوست ما عايزة لايكات و لا رياكتات بس يدعي لي ما حتاجه دعوات عشان اعدي المرحلة دي 😔

الناس البحبو بعض ببقو بيتشابهو شديد
موش في التصرفات و الكلام و بس ، حتى في الملامح 💙

مهما كنت مشغول و مضغوط فضي شويه من زمنك و اصل اقاربك ان شاء الله مكالمه خمسه دقايق ما بتكلفك الخالات و الخيلان و الاعمام و العمات و بذات الحبوبات و الجدود حتى و لو كانو من النوع الطلباتهم كتيرة و كلامهم كتير صدقوني دي لحظه ما بتتعوض و ما بنحس بيها الا وقت تفقدها اصنعو ليكم زكريات
اتفقدو اهلهكم اتفقدو البتحبوبهم و خلو الحزازات و حكايه الا يجوني حتى امشي او هم ما بيحبوني انت اعمل العليك
عشان وقت تسمع انا لله وانا اليه راجعون و عشان وقت تجي لحظه الفراق لدار القرار ما تحس بندم

كل يوم في طريقي للجامعة بمر بالمقابر... بسلم على اهلها و بفكر... احنا كلنا في يوم من الايام حنكون معاهم... هل انا مستعدة؟!... هل علاقتي بربي كويسة... للدرجة البتخليني مطمئنة؟!... بعديها بتذكر كم الذنوب الممكن يكون الواحد عملها و ما منتبه او غافل... وكتها ببدا استغفر و استغفر و استغفر... كونو زول انت ما بتعرفو يموت حارة... لكن كونو زول انت بتعرفو و حافظ ملامحو... ضحكتو... و ناساتو يموت... حااارة و بتوجع مرتيين... و اقعد افكر يا ربي هو هسا وضعو كيف؟؟... ربنا يثبتو و يجعل قبره روضة من رياض الجنة... الموت كتر... و لسا احنا غافلين... كل يوم نسمع خبر وفاة... و لسا جارين ورا الدنيا... السنة الفاتت كم الفقد كان كبير... خلو عندكم ذكرى حلوة و سيرة عطرة... في النهاية ((انك ميت و انهم ميتون* ثم انكم يوم القيامة تبعثون))
نسأل الله ان يرحم موتانا و موتى المسلمين و ان يحسن خاتمتنا و لا يجعلنا من الغافلين

ﺍﻟﺒﺖ ﺍﻟﺒﺘﻘﻌﺪ ﺑﺎﻟﺸﻬﻮر ﻑ ﺍﻟﺒﻴﺖ ﻣﻦ ﻏﻴﺮ ﻡ ﺗﻄﻠـﻊ ﻭﻻ ﺣﺘﻰ ﺗﺸﻮﻭﻭﻑ ﺯﻭﻭﻝ ﺍﻻ ﻧﺎﺩﺭﺍً .. مقفولة بس ف السوشيال ميديا وشغل البيت ..
ﻭﻧﺎﺩﺭ ﺟﺪﺍً ﻛﻤﺎﻥ ﺍﻧﻮ ﺗﻠﻘﻰ ﻓﺮﺻﺔ ﻭﺗﻄﻠﻊ ﻣﻊ ﺻﺤﺒﺎﺗﻬﺎ .. ﺩه ﺍﺫﺍ ﺑﻘﻰ ﻋﻨﺪﻫﺎ ﺻﺤﺒﺎﺕ ﺑﺎﻟﺠﺪ اصلا !؟
ﻫﻲ ﻧﻔﺲ ﺍﻟﺒﺖ ﺍﻟﻤﺎﺑﺘﺘﺼﻞ ﻉ ﺯﻭﻝ نهائياً .. رغم كمية الأرقام المحتفظة بيهم ع تلفونها ..
ﻭ ﺣﺘﻰ ﺍﺻﺤﺎﺑﻬﺎ ﻟﻮ ﺟﻴﻨﺎ ﻭﻋﺪﻳﻨﺎﻫﻢ ﺡ ﻧﻠﻘﺎﻫﻢ ﺑﺴﺎﻁ جداً ﻭﺍﻗﻞ ﻣﻦ ﺍﺻﺎﺑﻊ ﺍﻟﻴﺪ ﺍﻟﻮﺍﺣﺪﺓ ..
ﻡ ﺑﺘﺨﺖ ﻑ ﺑﺎﻟﻬﺎ ﻣﻨﻮ ﺍﻟﺒﻜﻠﻤﻬﺎ ﻭﻣﻨﻮ ﺍﻟﻼ ..!؟
ﻭﻏﺎﻟﺒﺎً ﺗﻠﻔﻮﻧﻬﺎ ﺍﻟﻮﻗﺖ ﻛﻠﻮﻭﻭ ﻳﻜﻮﻥ silent ..
ﻫﻲ ﻧﻔﺲ ﺍﻟﺒﺖ .. ﺍﻟﺒﺘﻜﻮﻥ ﺍﻟﻮﻗﺖ ﻛﻠﻮ online ﺑﺲ ﻡ ﺑﺘﺘﻜﻠﻢ ﻣﻊ ﺯﻭﻝ ..
ﻭﺑﺮﺿﻮ ﻫﻲ ﻧﻔﺲ ﺍﻟﺒﺖ ﺍﻟﺒﺘﺤﺐ ﺍﻧﻮ ﺗﻜﻮﻥ ﻗﺎﺍﻋﺪﺓ ﺑﺮﺍﻫﺎ ﻑ ﺍﻟﻐﺮﻓﻪ ﺍﻟﻤﻀﻠﻤﺔ ﺩﻳﻴﻴﻚ ﺑﺪﻭﻥ ﻡ ﺗﻜﻮﻥ ﺑﺘﻌﻤﻞ ﻓﻲ ﺷﻲ ..
ﻧﻔﺲ ﺍﻟﺒﺖ ﺍﻟﺒﺘﻘﻔﻞ ﻧﻔﺴﻴﺎﺗﻬﺎ ﺑـ ﺍﻗﻞ ﻛﻠﻤﺔ و ﺍﻗﻞ ﻫﻈﺎﺍﺭ ..
ﺑﺖ ﻣﻜﺘﻔﻴﻪ ﺑـﺬﺍﺗﻬﺎ .. ﺣﺎﺑﺔ ﺍﻻﻧﻄﻮﻭﻭﺍﺍﺀ ﻭﺍﻟﺘﻮﺣﺪ
ﻭﺷﺎﻳﻔﺔ ﺍﻧﻮ ﻫﻮ ﺍﻟﺒﻨﻔﻊ ﻣﻌﺎﻫﺎ ﻭﺑﺲ ..
ﻭﻳﺒﻘﻰ ﺍﻟﻨﻮﻉ ﺩﺓ ﻣﻦ ﺍﻟﺒﻨﺎﺕ
ﺍﻛﺘﺮ ﻧﻮﻉ ﻋﺎنا ﻭ ﺷﺎﺍﻑ ﻡ ﺷﺎﺍﻑ ﻣﻦ ﺍﻟﺪﻧﻴﺎ ﻭﻧﺎﺳﻬﺎ واتخذل بدل المرة .. الف ... ﻭبقي ﻡ ﺑﺜﻖ ﻓﻲ اي ﺯﻭﻝ .. ايوا (ولا زول)
ﻉ ﺍﻟﺮﻏﻢ ﻣﻦ ﺍﻧﻬﺎ ﻛﺎﻧﺖ ﺑﺘﺤﺐ ﺍﻟﻨﺎﺱ كتير.. ﻭﺑﺘﻌﺎﻣﻠﻬﻢ ﺑـ ﻗﻠﺐ ﺍﺑﻴﺾ ﺑﺲ ﻡ ﻟﻘﺖ ﻣﻨﻬﻢ ﻏﻴﺮ (ﺍﻃﻤﺎﻉ ﺷﺨﺼﻴﻪ ﻭﻣﺼﺎﻟﺢ ﺫﺍﺗﻴﺔ ﻭﻧﻜﺮﺍﻥ ﺟﻤﻴﻞ )
ﻋﺎﻧﺖ ﻡ ﻋﺎﻧﺖ ﻭﺑﻘﺖ ﻋﻜﺲ ﻡ ﻫﻲ ﻛﺎﻧﺖ ﻋﻠﻴﻬﻮ ﺯﻣﺎﻥ .؟!
ﺯﻭﻟﺔ ﻣﻦ ﺻﻔﺎﺗﻬﺎ ﺍﻧﻬﺎ ﻛﺎﻧﺖ ﻟﻢ ﺗﻀﺤﻚ ﺑﺘﻀﺤﻚ ﻟﺤﺪ ﻡ ﺗﺪﻣﻊ ﻣﻦ ﺍﻟﻔﺮﺡ ﺑﺲ ﻫﺴﻲ ﺑﻘﺖ ﺗﺪﻣﻊ ﺣﺰﻥ ﺑﺪﻝ ﺍﻟﻔﺮﺡ ﺍﻟﻜﺎﻥ ﺻﺎﺣﺒﻬﺎ ﺷﺪﻳﺪ 💔
ﻭﻓﻲ ﺣﻀﺮﺓ ﻛﻞ ﺍﻟﺒﻌﺮﻓﻮﻫﺎ ﺑﺘﺤﺐ ﺗﺒﻴﻦ ﻟﻴﻬﻢ ﺍﻧﻬﺎ ﻗﻮﻳﻪ ﻗﺪﺭ ﻛﻴﻒ .. ﺭﻏﻢ ﺍﻧﻮ ﻣﻼﻣﺤﻬﺎ ﻭﺗﻔﺎﺻﻴﻞ ﻭﺷﻬﺎ ﻇﺎﻟﻤﺎﻫﺎ ﻭﻓﺎﺿﺤﺎﻫﺎ ﻭﻣﺒﻴﻨﺎ ﻟﻴﻬﻢ ﺍﻟﺤﺎﻝ ﺍﻟﻠﻲ ﻫﻲ اصلا ﻓﻴﻬﻮ .. ﻑ ﻣﻌﻈﻤﻬﻢ ﻋﺎﺭﻓﻴﻦ ﻭﺷﺎﻳﻔﻴﻦ ﺍﻧﻬﺎ ﺍﻛﺘﺮ ﻭﺍﺣﺪﺓ ﻣﻜﺴﻮﺭﺓ ﻭﻣﺠﺮﻭﺣﺔ ومظلومة ..
ﻭﻣﺘﻔﻘﻴﻦ ﺗﻤﺎﻣﺎً ع ﺍﻧﻬﺎ ﻣﺎﺑﺘﺴﺘﺎﻫﻞ ﻛﻞ ﺍﻟﺒﺤﺼﻞ ﻟﻴﻬﺎ ده
ﻻﻧﻬﺎ ﺯﻭﻟﺔ ﻏﻴﺮ ﻭﻃﻴﻮﺑﺔ ﻭ ﻉ ﻧﻴﺎﺗﻬﺎ
ﺑﺲ ﻡ ﻋﺮﻓﻮﺍ ﺍﻧﻮ ﺍﻟﻄﻴﺒﻪ ﻣﺮﺍﺕ ﺑﺘﻘﺘﻞ سيدا 💔✋🏻
ﻭﺗﺒﻘﻰ ( #ﺍﻻﻧﺜﻰ )ﻫﻲ ﺍﻟﻜﺎﺋﻦ ﺍﻟﻮﺣﻴﺪ ﺍﻟﺠﺮﺏ ﻛﻞ ﺍﻧﻮﺍﻉ ﺍﻟﺬﻝ ﻭﺍﻻﻧﻜﺴﺎﺭ ﻭﺍﻟﺨﺬﻻﻥ ﻭﺍﻻﻟﻢ

ﻑ ﺭﻓﻘﺎ ﺏ ﺍﻟﻘﻮﺍﺭﻳﺮ ✋🏻😪
بقلم يوسف عبد العزيز يوسف

حتمشي و تجي و تلقى كل زول بفكر في مصلحة نفسو و انت ضايع في نصهم .. عشان كدا كتر زمن ليك و قلل زمن للناس 🌻💛.

بسم الله الرحمن الرحيم
الجمعة 13 مارس 2020
-----------------------------------------------
تصريح صحفي عاجل
من وزارة الصحة الاتحادية
جمهورية السودان
-----------------------------------------------
تعلن وزارة الصحة الاتحادية عن إكتشاف اول حالة إصابة بمرض الكورونا المستجد والمسمي علميا COVID-2019 .

المصاب رجل في الخمسينيات من العمر يسكن في ولاية الخرطوم وقد توفي الى رحمة مولاه يوم أمس الخميس 12 مارس.

وكان قد زار دولة الإمارات العربية المتحدة خلال الاسبوع الاول من مارس. نسال الله ان يتغمده بواسع رحمته وأن يلهم أهله وذويه الصبر والسلوان.

بيان

لو جئتِني لوَجدتِني يعقُوبَ أعماه الفراقُ وَ ليس غيرُك يوسُفي ..💙

ضربت الماضي اصابت الحاضر بجروح بالغه
فشوهت صور المستقبل😕💔

ف حاجة من المجتمع السوداني عاوزة أعيبها؟!.
ف مجتمعنا الليلة لمن يجو يخطبو بت أول حاجة بسألوا من العريس سمح ولا شين؟!.
تاني حاجة جاب شنو؟!..
وينوا جيبوا.....
م شوفنا حاجة....
دا أسي لو كان فلان كان جاب!
فلانة يوم خطبوها سوا ليها وعملو ليها وجابوا ليها!.
فلانة يوم خطبوتا لبست الفستان دا أنا ح ألبس أحسن منو مالي النقصني شنو؟!.
عدت الخطوبة بكل الكلام الفيها....
لمن يجوا أهل العريس شايلين حاجات لي العروس.. هنا ببدأ العيب!.....
همٓ النسوان او نااس الحلة كلو فلانة جابو ليها وفلانة سوا ليها!.
أسي دي حاجات بجيبوها لي عروس!.
أسي وينو الجيب م قالو راجلا جياب!.
وليه م عملوا ليها كدا..
ليه م سوا ليها كدا...
وتبدأ القوالات والكلام المسييخخ داك...
فلانة بعد عروسها راجل بقي م بجيب ليها..
راجلا زلالها عمل ليها وسوا ليها وفعل ليها...
طيب هل هي جات شكت لي واحدة؟!.
هل جات شحدتت منك حاجة؟!.
لمن تجيك لحاجة او تشكي ليك أنتي أتكلم تاني فيها وزليها عشان تستاهل وزياادة كمان!.
وبعدين الجيب ي أخوانا م ضروري يكون ظاهر لي الناس...
يمكن يجيب ليها وانتو م عارفين!.
شرط يعني أجيب ليها قدام الناس حاجات الدنيا كلها تتكلم بيها لي مدة سنة....
طيب لو جايب ليك وم سعيدة؟!.
طيب لو سعيدة بالبسيط العندو؟!.
تفرق؟!.....
عمرها السعادة م البتكون ظاهرة قدام النااس...
عمرها م كان هاكم شوفو هو عندو شنو؟!.
م تتكلم عن حاجة م تزيدو الكلام....
طيب لو هو م عندو شئ وجاك بالبسيط العندو وأنت رضيانة والناس بدأت تتكلم خليهم يااااخ....
أصلا لو جاب ليك لو م جاب ليك كدا كدا الناس بتتكلم وم ح تسكت؟!.
ف من أشتغل بالناس مات هماً.....
#فاطمة_محمد

احساس الضعف البراودنا دايماا , كبت المشاعر والكلام الكان لازم يتقال , الدمعة البتنزل فجأة وبتحس ان قلبك هو اللي بيبكي , قبضة القلب البتجينا لما يمر بينا موقف مشابه لمواقف كتيرة تعبتنا , الصداع الملازمنا طوالي , الانفعالات الناتجة بسبب الغيرة , اول يوم من الفراق , غدر الاصحاب , احساس الغربة والوحدة ونت قاعد وسط اهلك و ناسك , احساس ان ماف زول فاهمك مهما اتكلمت وعبرت وحاولت , الاحباط البجينا من اول فشل لمحاولات اسعاد نفسنا ومساعدتها على تحدي و مقاومة كل شي صعب , لما نعاين لنفسنا في صورة قبل سنتين وصورة لينا حسي بنلاقي كل حاجة حلوة فينا انطفت وملامحنا اتغيرت الحزن استعمرنا وغيرنا من جوا ومن برا , البرود تجاه كل حاجة , انتهاء الشغف تجاه حاجاتنا البنحبها .
بإختصار كل ما حدث و ما يحدث معنا الان يقوم ب قتل شئ جميل ب ارواحنا الامر الذي يجعلها مميزة عن غيرها , يقوم بإطفائنا كليا .
اليس الوقت مناسبا لتعقد معنا الحياة هدنة ?!!!

#heba_abubakr

بالنسبةة للكيزان دي فرصة عشانن ترجعو الأموال المنهوبة
تدفع بالجابس لا عين رأت ولا اذن سمعت 😌
من شروط التوبة رد المظالم الى اهلها .!
#القومة_للسودان

www.fadfadah.net/user/JdqNzgOefX
يلا فضفضه