Эркак киши бешта нарса билан бу дунёда бахтли бўлади:

1. Эрга ҳамфикр аёли.
2. Эслик фарзандлар.
3. Содиқ биродарлар.
4. Яхши қўшнилар.
5. Ризқини ўз юртида топиши.

(с) Али ибн Абу Толиб розияллоҳу анҳу

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Садриддин Айний ўғли билан қизи Москвада ўқиганида ўғлига оз пул юборар, қизига кўп юборарди. Бунинг сабабини сўрашганида, шундай тушунтириб берибди: "Ӯғил болани тўқчилик, қиз болани йўқчилик бузади".

@Rumiy_AforizmlariUz

#Ҳикмат

“Бисмиллаҳ” шайтонни тўсувчи қўрғондир.

⚜ Бирор киши уйга киришни қасд қилса, шайтон унга эргашади. Агар ўша киши уйга кираётиб: “Бисмиллаҳир роҳманир роҳим”, деса, шайтон: “Бу уйга кириш учун менга йўл йўқ”, - деб айтади.
⚜ Агар унга овқат узатилганида: “Бисмиллаҳир роҳманир роҳим”, деса, шайтон: “Бу ерда мен учун овқат йўқ экан”, - деб айтади.
⚜ Агар ичимлик берилган вақтда, у: “бисмиллаҳ”, деса, шайтон: “Бу ерда менга ичимлик йўқ экан”, - деб айтади.
⚜ Агар ёнбошла ётиб, “бисмиллаҳ”, деса, шайтон: “Бу ерда мен учун ётоқ йўқ экан”, - деб айтади.
Агар уйга киришда “бисмиллаҳ”ни унутса, шайтон у билан бирга киради. Агар овқат пайтида “бисмиллаҳ”ни тарк қилса, шайтон у билан бирга овқатланади. Агар ичимлик ичишда “бисмиллаҳ”ни тарк қилса, шайтон биринчи бўлиб оғзини пиёлага қўяди.

☝️ДЎСТЛАРИНГИЗГА ҲАМ УЛАШИНГ!!!
#rumiy

👉 @Rumiy_AforizmlariUz 📚 /
Ma'nolarning tuganmas jilosi

Эрининг қариндошларини ҳам ўзиникидек кўрадиган аёллар нақадар катта неъмат!❤️

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Етти ҳақиқат

Иброҳим ибн Адҳам айтади: “Уйимга меҳмонлар келишди. Улар Аллоҳнинг дўстлари эканини билдим. Уларга: “Менга Аллоҳ таолодан қўрқишни насихат қилинглар, токи сизлар каби тақводор бўлайин”, дедим. Улар: “Сенга етти нарсани насиҳат қиламиз деди:

1) Кўп гапирма, кўп гапириш қалбни ўлдиради;
2) Кўп ема, чунки кўп ейиш ҳикматни кетказади;
3) Инсонлар билан беҳуда мулоқот қилма, акс ҳолда ибодатларингда ҳаловат йўқолади;
4) Дунёга муҳаббат қўйма, чунки бойликнинг хотимаси яхши эмас;
5) Жоҳил бўлма, қалбинг қораяди;
6) Золим билан дўстлашма, динингда истиқомат йўқолади;
7) Ким бойлик илинжида инсонларни рози қилмоқчи бўлса, Аллоҳ таоло ундан рози бўлмайди”.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Қаламдан беш ўрнак!

– Ву-уй, қаламингиз бунча чиройли, буважон. Менга бери-инг.
Отахон ёзишдан тўхтади. Набирасининг чақнаб турган кўзларига меҳр билан термилди.
– Бераман, болажоним, албатта, бераман. Шуни ёзиб олай.
Болакай қораланган қоғозга бир муддат тикилиб туриб, хонасига кириб кетди. Анчадан кейин отахон ёзишни тугатиб, тўрт букланган қоғоз орасига қаламни солди. Ухлаб ётган набирасининг бош томонига қўйди.

Унда бундай сўзлар битилган эди:
“Менинг азиз болажоним. Катта бўлганингда, худди қаламга ўхшашингни истардим. Унинг бешта хусусияти бор. Инсон бўламан десанг, қаламдан ҳам ўрнак ол

Биринчидан: ўзингни ҳар қанча доно билсанг ҳам, сени юргизиб, йўналтириб турган Қўл борлигини зинҳор унутма. Шу Қўлга суянишни, унинг измида бўлишни ўрган.

Иккинчидан: енгил, равон ёзиши учун қаламни вақти-вақти билан чархлаб туриш керак. Бу – оғриқли жараён. Аммо бирор натижага эришмоқчи бўлсанг, машаққатларни сабр билан енгишга тўғри келади. Зеро, инсонни синовлар тоблайди.

Учинчидан: қаламда ёза туриб, хатога йўл қўйсанг, ўчирғичда тўғриласа бўлади. Мард инсонгина хатосини тан олади, ўзини ислоҳ қилишдан эринмайди, ор ҳам қилмайди.

Тўртинчидан: қаламнинг шаклу шамойили эмас, ичидаги ўзаги муҳим. Шундай экан, қалбингда яхшиликларни сақла. Ҳар қандай вазиятда қатъиятингни йўқотма.

Бешинчидан: қалам ўзидан из қолдиради. Шу каби сенинг ҳам бирорта амалинг изсиз кетмайди. Демак, қадамингни ўйлаб бос. Ортингдан фақат эзгуликлар қолсин.

Сени яхши кўрган Буважонинг”.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Она ўзи ким?

• Она — бу сенинг дунёга келишинг учун тўққиз ой ишлаган ҳаммол...
• Уч йил ошқозонидаги ризқини сен билан баҳам кўрган саҳий...
• Камида ўн йил кирларингни ювган хизматкор...
• Йигитрма йил ширин таомлари билан сени сийлаган пазанда...
• Туғилганингдан бери касал бўлганингда кечалари бошингда мижжа қоқмасдан чиққан ҳамшира...
• Жонинг учун жонини беришга жонкуяр...
• Ҳеч қачон сендан ҳеч нима умид қилмасдан, борлигигнгни бахт деб билган ягона инсон...
• Бир сўз билан айтганда ердлаги фаришта

Оналарнинг қадрига етинг!

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Лондон мэри — МУСУЛМОН
Бирмингем мэри — МУСУЛМОН
Лидс мэри — МУСУЛМОН
Блэкберн мери — МУСУЛМОН
Шеффилд мери — МУСУЛМОН
Оксфорд мэри — МУСУЛМОН
Лутон мэри — МУСУЛМОН
Олдхэм мэри — МУСУЛМОН
Рочдейл мэри — МУСУЛМОН

Ҳозирда барча Британия мактабларида ФАҚАТ ҲАЛОЛ ГЎШТ маҳсулотларини тортишмоқда!

Бунга 66 миллион аҳолидан бор йўғи 4 миллион мусулмон эришди!!

Бу — кўзларимиз очилиши учун.

Ҳамза Якасай исломга доир мавзуда баъзи ғарб файласуфларидан иқтибослар келтиради:

1. Лев Толстой (1828-1910)
"Ислом келажакда дунёни бошқаради, чунки унда илм ва донолик уйғунлиги мавжуд".

2. Герберт Уэллс (1846-1946)
"Ислом яна кучга киргунга қадар, қанчадан-қанча авлодлар ваҳшийликлардан азият чекади ва ҳаёти қисқаради? Ўшанда бир куни ислом бутун дунё эътиборини тортади, ўша куни тинчлик ҳукмронлиги бошланади, ва бу куни олам яшнайди."

3. Альберт Эйнштейн (1879-1955)
"Шуни тушуниб етдим-ки, мусулмонлар яҳудийлар қила олмаган ишларни ўзларининг ақл-идроки ва шуури билан эришди. Исломдаги бу куч дунёга тотувлик олиб кела олади".

4. Хьюстон Смит (1919)
"Биздаги ва дунёдаги биздан энг афзал бўлган дин — исломдир. Агар биз исломга қалбимиз ва онгимизни бағишласак, биз учун яхши бўлади".

5. Михаил Нострадамус (1503-1566)
"Ислом Европада ҳукмрон дин, Европанинг машҳур шаҳри эса Ислом давлатининг пойтахтига айланади".

6. Бертран Рассел (1872-1970)
"Мен ислом билан танишдим ва билдимки, бу бутун дунё ва инсониятнинг дини бўлмоғи лозим. Ислом бутун Европа бўйлаб ёйилади, ва Европада буюк ислом мутафаккирлари пайдо бўлади. Ислом олам учун ҳақиқий стимулга айланади".

7. Йеста Лобон (1841-1931)
"Ислом фақатгина тотувлик ва муроса келиш ҳақида қайғуради. Насронийларга динини ислоҳот қилишни таклиф қилинг".

8. Бернард Шоу (1856-1950)
Кун келиб, бутун дунё исломни қабул қилади, ва, агар у исломни ҳақиқий номини қабул қилмасада, уни метафора номи остида қабул қилиши тайин. Ғарб кун келиб исломни қабул қилади ва ислом тотувликда яшашни ўрганганларни динига айланади".

9. Иоганн Гейт (1749-1832)
"Барчамиз эртами ёки кеч исломни қабул қилишимиз зарур. Фақат шу дин ҳақиқийдир. Агар мени мусулмон дейишса, ўзимни ёмон ҳис қилмайман, уни тўғри деб қабул қиламан."

Алҳамдулиллаҳ!

(c) #rumiy

👉 @Rumiy_AforizmlariUz 📚 /
Ma'nolarning tuganmas jilosi

Жуда оз бўлса ҳам, кунига эхсон қилишни одат қилинг. Чунки эхсон:

• Аллоҳнинг ғазабини ўчиради;
• касалликка даво бўлади;
• мол-мулкингни поклайди;
• Қиёмат куни сенга соя бўлади;
• вафотингдан кейин ҳам ажр-савобингни кўпайтириб туради.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Болага « ёлғон гапирма...» деманг, «тўғрисини айт...» деб сўранг. Биринчисида айблаган, иккинчисида эса йўл кўрсатган бўласиз.

(с) Виктор Ҳуго

#rumiy

👉 @Rumiy_AforizmlariUz 📚 /
Ma'nolarning tuganmas jilosi

#Mulohaza

Uchta o‘g‘li bor edi uning,
Uch o‘g‘ilning -
Uchta xotini.
Ikki varaq dori ro‘yxati:
Qay biriga aytsin botinib?
Har birida ikki-uch bola,
Har birida «ro‘zg‘or» degan g‘or,
Maktab, bog‘cha - kunda yuz chiqim,
Undan boshqa ming tashvishi bor...
Har bir dori -
otning kallasi,
Pensa o‘lgur urvoq bo‘lmaydi.
Og‘ir keldi shu qish chillasi,
Chiday, desa, og‘riq qo‘ymaydi...
"Yotmasangiz bo‘lmaydi, xola!" -
Doktor yigit jiddiy chayqar bosh.
"Xo‘p, xo‘p," - deydi.
"Tez yordam" ketgach,
To tonggacha dardga berar dosh.
"Qo‘ng‘iroq qil, o‘g‘lingni chaqir!" -
Xunob bo‘lar ota darg‘azab.
"Qo‘ying, o‘zi kepqolar axir..."
Umid qilar
Eshikka qarab...
"Nima bo‘lsa, faqat sizgami?
Shundoq ham bir dunyo qarzdasiz!
Puli yaxshi, dardi bizgami?
Eh, dadasi... Buncha soddasiz?!"
"Obbo, o‘zi pul yo‘qligida,
Yana dori, kasalxonami?
Ana, olib borsin akangiz,
Onangiz bir sizga onami?!"
"Peshonaga yozgani bo‘lar!
Bandasining qilgani bekor.
Shuncha olib bordingiz, yetar,
Ana, ikki akangiz ham bor!"
Borgan sari umidi so‘nib,
Ona ichga yutar dodini...
Uchta O‘GʻLI bor edi uning,
Uch o‘g‘lining -
Uchta xotini...
Yurdi, yurdi...
Yiqildi oxir,
Yotib qoldi ona mushtipar.
"Borishgandir...", "Borgandir..." - deya,
Biror o‘g‘il olmadi xabar...
Faqat birdek dard chekardi chol,
His qilmasdi ochmi, to‘qligin,
Birinchi bor va oxirgi bor
Alam qildi Qizi yo‘qligi...
Azob, og‘riq.
Isitma. Titroq.
"Oh" - dedi-yu, ko‘z yumdi.
Tindi.
Jiringladi axir qo‘ng‘iroq,
"Onang o‘ldi! Kelarsan endi?!"
"Qaytar dunyo, qaytar albat!" - deb,
Aytolmadi birov botinib,
Yig‘lar edi "onam", "onam" deb,
Uch o‘g‘lining uchta xotini.
Xo‘rsinardi ota mung‘ayib...
Hol so‘rmoqqa kimning bor haddi?
Bir chekkada yotar sarg‘ayib,
Ikki varaq dori ro‘yxati...

Uchta O‘GʻLI bor edi,
Uning...

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Ҳиндистонда бир жоҳил аёл бор эди. Ўлаётган пайти ҳеч ким тушунмайдиган тилда ҳадеб бирнарсалар деяверибди. Уйдагилари унинг гапларига тушунмай Мавлавий деган бир олимни бошлаб келибдилар. Умрида араб тилида гапирмаган, ҳатто намоз ўқимаган бу аёл, соф араб тилида "Мана бу икки одам менга жаннатга киринг!" деяптилар дермиш.

Мавлавий аёлнинг гапидан ҳайратга тушиб, уйидагиларига дебди:
— Бу аёл жаннатнинг башоратини беряпти. Жаннатга кетяпман деяпти. Бунинг қандай амали бор эди?
— Бу аёл ғирт беамал эди. Беамаллиги тугул бадамал эди. Ярамас ишларни қилиб ўтган эди.
— Йўқ, яхшилаб ўйланглар. Бунинг Худога ёққан бир яхши амали бўлганки, жаннат башорати бериляпти.

Суриштириб-суриштириб билишибдики, бу аёлнинг ягона яхши амали: азон айтилаётса, ўзи тушунмаса-да, кўпчиликка: "Жиминглар-жиминглар, азон айтиляпти!" деркан...

#rumiy

👉 @Rumiy_AforizmlariUz 📚 /
Ma'nolarning tuganmas jilosi

ЭРКАКЛАРГА НАСИХАТ.

Қачон аёлинг ўзини заиф ҳис қилса, унга отадек бўл.
Қачонки аёлинг йиғласа, унга онадек бўл.
Қачон у хатога йўл қўйса, унга худди акадек бўл.
Қачон у шикоят қилса, у билан худди дўстдек бўл.
Қачон у қўрқганда уни маҳкам тутиб бағрингга бос, севувчи эр бўл.
Қачон у маслаҳатга муҳтож бўлганда сен унга худди опадек бўл.
Унга, сен у билан доим бирга эканлигингни ҳис эттир.

Бу маслаҳатларни кўпчилик эркаклар қабул қилсада, баъзи эркакларга шайтон: Нимага энди сен ҳам эр ҳам ота-она, ҳам ака-опа бўлишинг керак. Сенга шунча иш, бу нима деган гап деб вас-васа қилса. Унга айтингки мен хотинимни бутун яқинлари ичидан олиб келмадимми?! У бир мени деб ота-онасини, ака-укаларини ташлаб келмадими? Шунинг учун унинг бутун яқинларини ўрнини босишим керак деб айтинг.

#rumiy

👉 @Rumiy_AforizmlariUz 📚 /
Ma'nolarning tuganmas jilosi

​​- Ҳаётда сизни хафа қилувчилар кўпайса, демак кечиришни унутибсиз. Кечирувчан, раҳмдил бўлинг, шунда хафа қилувчилар камайганини кўрасиз.

- Йиққан молу давлатингиз қўлдан кетдими, демак қалб бойлиги тўплашни унутибсиз. Энди қалб бойлигига эришиш йўлида сабр йиғиш вақти келди.

- Бошингиз қарздан чиқмай қолдими, демак шукурни унутибсиз ёки Яратганнинг амрига ғилоф иш қилибсиз.

- Атрофингизда сиздан хафа булувчилар кўпайса, билинг, дилозор ва такаббур бўлиб қолибсиз.

- Ақл-ҳушингизни йиғиб олинг, кибр~ҳавони йиғиштириб, дилларга меҳр улашинг, ана шундагина ҳаётингиз ўзгаради.

- Фарзандингиз қайсарлик, ўзбошимчалик қила бошласа, билинг, ўзингиз шундайсиз. Ўзингизни ўнгланг, чунки фарзанд ота-она учун кўзгудир.

- Лавозимингиз ошдими, билинг, атрофингизда лаганбардорлар кўпаяди. Эътиборли бўлинг, бундай ёлғон "дўст"ларни чин дўстларингиз билан алмаштириб қўйманг...!

•┈•┈•┈•┈•❁✿❁•┈•┈•┈•┈•

✅Яқинларингизга ҳам улашинг:

#rumiy

👉 @Rumiy_AforizmlariUz 📚 /
Ma'nolarning tuganmas jilosi

Мурувват

Ота онамдан 5 қиз етим қолдик.
Каттамиз 15 ёш энг кичигимиз 2 ёш. Бешта қиз бир кунда ҳам отадан ҳам онадан айрилиб чирқиллаб, катта ҳовлида ҳувуллаб қолдик. Қариндошларимиз вилоятда яшашарди, пойтахтда ўзимиз эдик, катта опам 4 та сингилни бағриларига босиб ҳеч кимга бермай, етимлар учун бериладиган нафақани авайлаб ишлатиб бизни катта қила бошладилар.

Сингилларнингни етимҳонага бер, катта қиберишади деганларам бўлди, иккита кичкина сингилларимизни фарзандликка сўраганлар ҳам бўлди. Опам кунмадилар. "Ота онамдан ёдгорларим, айрилмаймиз" деб биз учун тикувчилик қилиб, аста секин рўзғор тебрата бошладилар. Онанинг меҳрига зор бўлиб йиғласак, опам овутардилар, кечаси ҳаммамизни бағриларига босиб ухлатардилар.

Опам 17 га кирганда совчилар кела бошлади, опам уйга ҳам киргизмасдилар. Эрга тегмайман, сингилларимни катта қилишим керак, ўқитишим керак" деб жавоб берардилар. Бир куни ҳолам билан бир йигит уйимизга меҳмон бўлиб келишди, анча ўтириб гаплашишди опам билан, опам роса йиғлади. Биз хайронмиз.

Улар кетгандан кейин опам ҳолам совчи бўлиб келганларини айтдилар, йигит ҳам етим бўлиб, опамни дараклашган экан, ҳолам ҳам у йигит яхшилигини билганлари учун совчи булиб келишга рози бўлган эканлар. Хуллас, кичкина тўй бўлди. Поччам биз билан яшай бошладилар.

Ҳовлимизга файз кирди, деворлар хоналар оқланди, дарвозалар бўялди, ҳовлимизга дарахтлар экилиб ҳаммаёк ортиқча нарсадан тозаланди. Поччамдан аввалига хадиксирардик, тортинардик. Лекин Аллоҳим чевар экан, отамиз ўрнига ота бўлиб келди ҳаётимизга шу инсон.

Меҳрибонлиги, очиқкўнгиллиги билан ҳаммамизни меҳримизни қозондилар. Ишдан келсалар 4 та қиз дув этиб югурамиз, қўлларида биз учун доим қурт, сақич, конфет бўлади. Кичкина синглим 4 ёш, йиғласак овутиб, кўнглимизни кўтариб, хазиллашиб кўп кулдирар, ташвишимиз ҳам етимлигимиз хам эсимиздан чиқиб кетарди. Опам ишламас, 6 жонни еб ичиши шу 24 ёшли поччамнинг бўйнида эди, лекин бир марта миннат қилганларини, оберган нарсаларини гапирганларини эшитмаганман.

Бирин кетин опам фарзандли бўлдилар, иккита ўғил жиянларим туғилди. Лекин поччамнинг меҳри бизга бўлинмади, аввалгидек меҳрибон ғамхўр эдилар. Кийим кечагимиз, касал бўлсак дори дармонимиз, мактаб харажатлари ҳаммаси шу Фозил поччамизнинг буйниларида эди. Бешта етимнинг кўнглига қарадилар, опамни бирор марта хафа қилмадилар, бизни ўқитиб, хунарли қилиб, ота бўлиб ўзлари яхши жойларга узаттилар.

Тўртта қизни сепи ва тўйи бировлардан кам бўлмади. Ота бўлиб дуо қилиб, пешонамиздан ўпиб куёв қўлига топширдилар ҳаммамизни. Қизлик уйимизга меҳмон бўлиб келсак, ўчоқларда ош қилиб кутиб олардилар, ховлимизда пишган узум, анжир, гилосларни шу қизларни ҳаққи деб челак челак илиниб олиб келардилар.

Бирор марта бизни чертмадилар, кўнгилмизни оғритмадилар. Ҳозир ҳаммамиз оилали, ишли, уй жойликмиз. Ўзимиздан тиндик. Бошимизни силаган, етимлигимизни билдирмаган поччам 63 ёшида, хожи ота мақомида дунёдан ўтдилар. Бешта қиз дод солиб йиғладик, дуо қилдик, ҳақларига ҳар куни тиловатдамиз.

Ўзларидан кейин 4 фарзанд, 12 та невара, катта жаннатдек ҳовли қолди.... Ҳозир пули кўпайса маишат қилиб, хотин устига хотин олиб, ўз фарзандларига зулм қилаётганларни кўрсам, кўз олдимга меҳрибон поччам келадилар. Бешта етим қизни бошини силаган, ўқитиб, хунарли қилиб узатган поччамни эслайман. Шундай инсонлар кўпайсин.

#rumiy

👉 @Rumiy_AforizmlariUz 📚 /
Ma'nolarning tuganmas jilosi