كأنها أول ليلة في الحرب!💔.

ربنا يثبت أقدامهم وينصرها
ويحفظ الفاشِر وأهلها!💔.

في زوايا الصمت، ووسط ازدحام المشاعر، وُجدت هي، بين خوفٍ وحبّ... بين إعترافٍ وهروب!

ثُمّ أتبعتُه بصرها حتى غاب عنها وقالت:
"رحمتُك اللهم فإنّي أخشى أن أحبّه"،
لقد أحبتُه من حيثُ لا تدري،
فإنّ الخوف من الحبّ،
هو الحبُ نفسُه ♡.

بقلم :  وجن سيف اليزل.

السلام عليكم ورحمة الله وبركاته
ممكن تنشري لي رابط قناتي عندك؟ وربنا يجعلها في ميزان حسناتك ان شاء الله
https://www.tg-me.com/ma_alhussien

المجد والخلود..
لمن استُشهد دفاعاً عن الفاشر!

العز والفخر..
لمن صمد رغم الألم والخيبة
الشفاء العاجل لجرحانا الأبطال

وعودة حميدة
لكل مفقودٍ غاب في سبيل
الدفاع عن الحبيبةِ الفاشِر!❤️.

#تحتّ_ظِلِّ_زاويـتـــك ♡
#بقلمي_وجن_اليزل ♡
#الــبارت_الـــأول:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

____

#

"الجمال هو عينُ الحبّ؛ لذلك نحنُ لا نرى أجمل ممنّ نُحب ♡"..

___

بتتأمل في ملامحه المحببه لقلبها، لونه الأصفر المميز.. بتحب العيون البنيه بس عيونه السودا كانت إستثنــاء ♡..

في اللحظات البسيطه الرفعت فيها عيونها عشان تشوفه وهي بتفكر: *"يا ربي إتغير؟!"* كانت بترجعها بخجل سريع وهي بتشوف عيونه بتقبض نظرتها المختلسه بي نظره ماكره واثقه عارفه قوة تأثيرها، ممكن تقسم إنه عيونه بتقول ليها بثقه: *"لين.. لسه بتحبيني؟"..*

آآآه منك، يا دائي ودوائي، بقولوا الحب رزق بس أنا بشوفه إبتلاء، إبتليت بيك أنا، معقوله كل ما أشوفك أرجع لي نقطه الصفر تاني!.. أتوه في ملامحك من أول وجديد!!، كأنك أبدي فيني.. لا نهايه لك.. لا نهايه..

دعيت إنه عيوني ما تفضحني، في الليله ديك ما قدرت أنوم.. راسي أبا يسكت، إتفتحت كل أبواب الماضي القفلتها، بكيت خوف من مشاعري الما مفهومه.. وخوف من إني أعيد نفس التجربه تاني.. تجربه كلفتني نفسي وعملت لي عقده إحتجت وقت طويل عشان أقدر أعالجها..

___

غلبني النوم، كانت الساعه 3:00 ص، صليت وبكيت من قلبي.. كنت دايره الله ينزعك مني بس جزو جواي خاف الله يستجيب، خاف وطمع فيك تاني، تباً.. هل لقلبي من توبه؟!

ومع كل الحيرة والتناقضات الكتيره صليت صلاة إستخارة.. دعيت فيها اذا كنت خير الله يكتبك لي ويفرح قلبي بيك، وإذا شر يصرفك عني وعن تفكيري وقلبي.. يسعدك ويسعدني ويعوضني بالأحسن والأنسب..

___

عارف مرت 4 سنين من أخر مره إتكلمنا فيها يا يزن؟!..

مرت بسرعه بس ليه بتذكرها كأنها حصلت أمس؟!

في قعدتنا الليله كنت بعاين ليك بعيون بت تمت ال19 واعيه ما الشافعه ديك.. وإنت كنت مختلف، كنت بتساءل وأنا باكل من كيكه الموز الجبتها: "يا ربي منو الألذ؛ إنت ولا هي؟!" بس حسيت إنكم الاتنين نفس الطعم.. راجل بنكهه الفانيليا والموز اللذيذ..

كنت قدامي كراجل في ال21 من عمره بدعي الله يكون هداك من سخافات المراهقه وما تخجلني بي كلمة "راجل" القلتها وأنا محسنه الظن فيك.. محيطه بيك هاله فخمه، لابس خاتم مع ساعه مدياك إطلالة رجوليه مميزة.. حصل وريتك بأنك وسيم بشكل خطر على قلبي؟!

تجي نرجع للزمن داك؟!
لا، قبل ما علاقتنا تبوظ، لي زمن كنا فيه بريئين، كنت أنا براي في حياتك، وكنت إنت بطل حياتي.. وتوريني إنت في النهايه؛ كيف وصلنا للدرجة دي؟!

__

#بقلمي_وجن_اليزل ♡.

#تحتّ_ظِلِّ_زاويـتـــك ♡
#بقلمي_وجن_اليزل ♡
#البارت_الثانـــي:
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
____

#

"كـَ النورِ على قلبي ما الطفك ♡!!"..

___

#عودة_للماضي:

الحكايه بدت من اليوم داك، أمي مرقت كنت أنا وأخواتي الأصغر مني في البيت برانا، إتشالقنا مشينا الدكان ولي غباءنا قفلنا باب الشارع، رجعنا البيت وحسينا بالخطر..نخش كيف!!

جيتنا إنت كبطل مغوار وضربت صدرك بثقه: "سيبوها أنا قدها".. نطيت بالحيطه فتحت الباب بس جرحت يدك، كانت جرحة عميقه شويه بس أصريت إنك تمام، يومها طلعت في نظري شديد..

___

تتذكر كنت ولد أمك كيف؟!
بتجي دايماً عشان تلعب معانا وأول ما أزعلك وشك بقلب أحمر من الغضب وتمشي تقول لينا.. 5 دقايق ونلقى أمك جايه هايجه "منوو زعلل يززن!!"..
كنت ولد أمك بشكل..

كنت بتحب تتعلم حركات رياضيه جديده وتجي تتفاخر بيها قِدامنا.. ولمن ما نقدر نسويها تضحك وتقول: "come on baby" بلهجة مستفزه، كنت شرير.. بس شرير لطيف..

___

مُتذكر اليوم الكارثي داك يا يزن؟!
كنت بتلعب معانا في الكمبيوتر، تقريباً كنت في تامن وأنا سادس، جا أبتي داخل وناداني..
= كلميهو تاني ما يجي يلعب معاكم إنتوا كبرتوا خلاص..
ما قدرت أستوعب، من ما كبرت في البيت دا إنت قدامي ولعبنا دايماً مع بعض فجأه كدا يقولوا لينا كدا!! فهمت إنه عيب بس غاب عن بالي إنه حرام..

يومها مشيت ليك وقلت ليك: "أبتي قال ليك تاني ما تجي تلعب معانا.."..
- عاينت لي بصدمه: ليه؟؟
- بغباء وانا ما عارفه النار الولعتها: ما عارفه.. قال كدا بس..

وكالعاده يا ولد الماما قولت ليها ومامتك جات لي أبتي وأبتي سمعني هرشه محترمه وطلعني قواله وحاجيب ليه مصيبه في يوم..
يا الله منك.. يا الله..

___

تتذكر لمن كنت بركب الشجره وأشيل معاي كيس حجاره وأفلق ورا المارين في الشارع عشان يقولوا المكان مسكون؟ وتجي إنت تهرشني وتقول لي أنزلي وأقول ليك: "أحسن ليك تزح ما أفلقك" وفي النهايه تزهج مني وتمشي فعلاً..

فلسفتك لي لمن كنت ممتحنه تامن، كنت بتحب تحس إنك إنسان خطير وللأسف أنا ضحيتك وضحية فلسفاتك، بس كان على قلبي زي العسل كنت بسمعك وإنت بتنصحني وأنا بضحك وما مستوعبه إنه مفروض ألبس طرحه منك إنت.. صديق الطفوله الدائم..

الأمور كانت حلوة وهاديه لمن جا اليوم الرحلتوا فيه، من بيتكم.. ومن المدينه كلها..
___

#يتبع…

#تحتّ_ظِلِّ_زاويـتـــك ♡
#بقلمي_وجن_اليزل ♡
#البــــارت_الثالـــــث:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"لا تُسرف في إتباع قلبك، القلبُ أبصرُ من العين، لكنهُ إذا عشِق عمِي 🖤"..

___

ومرت الأيام هاديه، إلا من ضجيج خَلّفُه غيابك..
دخلت الثانوي خلصت سنة أوله بي معدل عالي، مشيت تانيه وبدت مصيبتي من هنا..

بقولوا يا يزن الصاحب ساحب بس عارفني راسي يابس وما بسمع كلام.. بسوط وببقى لي بمبي..

قعدت جنب بنات أكبر همومهم الحبّ، دي تحكي ودي تحكي عارف المراهقات إنت، سرقتني أحلامي الورديه لي عالم فيه أنا وإنت.. مُتخيل الجمال دا؟!

وبعد تفكير كتير سويت حساب وهمي في الفيس، لقيت حسابك وبقيت أتكلم معاك.. ما وريتك أنا منو والحته دي كانت مجنناك، بس بيني وبينك صبرت علي، زول يعمل الحركه العملتها دي بحظره طوالي..

كنت خجولة بس لمحت ليك وإنت فهمت إني "بحبّك".. إستمريت لي فتره في الحاله دي لمن بديت تزهج حصل وريتك إنك بتزهج سريع؟!

يومها أصريت علي أوريك أنا منو يا حتحظرني وختيت لي إيموجي مخيف "🙂"..
- قلت ليك: فكر طيب..
= علا؟!
- عشت الدور: علا دي منو كمان؟!
= إنتِ منو؟
- لين..

ما صدقتني سألتني كم سؤال شخصي حتى إقتنعت، وقتها قلت لي: "ولي ما رسلتي لي بصفحتك الرسميه؟!"..
= مدري كدا بس..
كنت خايفه من العادات والتقاليد العندنا والبتنص إنه علاقه البت بالولد عيب شديد..

قلت لي: ما شغال بالماسنجر كتير تعالي واتس.. ورسلت رقمك
دخلت ليك.. أول رساله منك كانت: "ليني ♡"..
خطفت قلبي حسيت أحلامي إتحققت، بس وبعديها؟.. يعني كدا خلاص نحن بنحب بعض؟! وهو البحبوا بعض بقولوا شنو؟! مدري كنت بريئه نهايه الحب عندي إعتراف..

______

- يعني هسي إنتِ بتحبيني؟
= أممم أي ♡.
- "أحكي بس إستكيني أنا سامعك ♡"..
كان عندي قصص كتيره بس ما عرفت أحكيها ليك كيف..

يومها قلت ليك: حتكون معاي دايماً؟
= دايماً حاكون معاك ♡.

بس أخلفت وعدك.. وإتحولت لي نسخه أنا ما بعرفها، نسخه طعنت الأنثى الجواى وحسستها إنها ما كافيه، نسخه طعنت كبريائي وأنا العباره عن كرامه من ساسي لي راسي..

وريني.. في أسوء من أنه أنثى تحس إنها ما كافيه لي إنسان بتحبه؟!

______

#يتبع….

#تحت_ظِلِّ_زاويـتـــك ♡
#بقلمي: وجن_اليزل ♡
#البــــارت_الرابــــع:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
___

#

"لستُ أبكي.. إنها تُمطِّر 🖤"..

___

تتذكر لمن قلت ليك: صور لي الساعه دايره أزبطها في تلفوني..
= رسلتها لي وإنت خاتي صورتك خلفيه للشات: "عارفك ركزتي ورا كتير.."

واثق من روحك بشكل.. بتجيب الثقه دي من وين؟ ولا كنت واثق من مشاعري ليك للدرجة دي؟

شويه شويه علاقتي معاك بدت تتحول لي توكسيك.. بديت تقول لي: "رسلي صورتك"..
كنت لسه ما أطمأنيت ليك تماماً، وخفتك تكون ما حريص ويشوفها زول من بيتكم.. فأبيت قلت ليك برجاء: أصبر نتلاقى قريب وتعال شوفني عديل..

= لين عليك الله رسلي صورتك..
= ما دايره ترسلي صورتك ليه؟..
= رسلي صورتك يا لين..!!
= إنت ما بتثقي فيني؟!

مع رفضي الكتير حسيت الموضوع جرح كرامتك وفاض بيك الكيل.. مره رفعت إستوري قبل ما أرد عليك أول ما شفتها علقت:
"بتسفهيني؟! أبقي قدرو"..

كنت عارف إنك نقطه ضعفي، كنت عارف إنه الفي قلبي ليك كبير، المشكلة إنك كنت عارف..

وفعلاً وريتني ليهو، بقيت تسفهني بالساعات، بس ما كنت بهتم مش في النهايه حترد؟! دا أكتر من كافي بالنسبه لي.. أساهر لي باليل وأنا منتظراك..

أشوفك "متصل الآن" وقلبي يوجعني.. من شدة ما كرهتها أخفيت ظهوري، أحسنت فيك الظن بالغصب..

___

= عايز أقول ليك حاجة..
- قول..
= أنتِ زي أختي ما قلت ليك من البدايه عشان ما تزعلي..
كنت بقرا فيها بصدمه وأنا ما قادره أستوعب.. كيف يعني زي أختك؟..

كتبت ليك وأنا عارفه إنك رديت..
- ما وريتني من البدايه ليه؟
= عشان ما تزعلي.. بس أنا زي أخوك وفي أي وقت إحتجتيني حتلقيني معاك..

ما بتذكر رديت عليك بشنو.. بس ضحكت وحسستك إنه الموضوع عادي وما مشكله عشان ما تحس بالذنب أو إحتمال من الصدمة والكسره الحسيت بيها ما كنت دايره أتسول حبك زياده..

كرامتي بكت.. وكيف ما تبكي وإنت بتقول لي أختي.. أختك؟! خوخه تطلع ضروسك يا حمار..

= ويا لين ما تمشي في الطريق دا لو مشيتي بتخربي.. (وكلام وفلسلفه كتيره)..

كان نفسي أقتلك.. بعد القلته فوق دا كلو عامل لي هسه فيها الشريف الرضي!!، إنت منو عشان تنصحني؟! إنت معاي في نفس الموقف ليه عايش دور البريئ؟ ليه خليتني أحس إني القاتل؟! ليه عملت كدا..

___

كنت بحكي لي صحبتي دايماً عن فرحتي بيك، وحبي ليك، ومقدار سعادتي بالقليل الشايفاه منك..

يومها جيتها وانا بضحك بشكل ما طبيعي: قال لي انا زي أخته..
= منو؟ يزن؟!!
وانا مواصلة ضحك: أي إتخيلي بس..

حاولت تواسيني وتفهم بس أنا قفلت الموضوع بشكل قاطع.. كنت ما طايقه أتكلم فيه لحظه زياده.. ولا حتى قادره أستوعبه.. متخيل حجم خيبتي منك؟! متخيل يا يزن؟

___

#يتبع…

#تحت_ظِلِّ_زاويـتـــك ♡
#بقلمي: وجن_اليزل ♡
#البـــــارت_الخامــــس:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
___

#

"إياك أن تركض؛ خلف شخصٍ يحاول الهرب منك 🖤".

___

تتذكر أول وأخر مكالمة بيناتنا؟ أي ديك.. البديتها بجملة:
"كيفك يا ماسورة"..
للآن بتساءل.. في ولد برحب بي بت كدا في أول مكالمة بيناتهم!!.. بس ما علينا حتى دي منك حلوه..

ما عارفه المكالمة إنتهت كيف.. كنت متوتره وخايفه ما حصل كلمت ولد قبل كدا، بتذكر أختي جات داخله الأوضه فسكت وإنت زهجت من عدم الرد فقفلت..

___

"إنتِ زي أختي" =
معليش ما حاسي بي إنجذاب ناحيتك..

وعشان تأكد على المعنى واصلت كلامك:
"أنا زي أحمد ومحمد -أخواني- مستحيل أشوفك زي ما بشوفوك الناس" =
وما ناوي ولا حاحس بي أي إنجذاب ناحيتك مستقبلاً.. ما تختي أمل..

قلت لي: واصلي كلام معاي عادي..
بس أنا حسيت اذا واصلت حادهس على الفضل مني كأنثى.. لملمت باقي كرامتي وقلت ليك: "ما قادره أتكلم معاك حابلكك لمن أحس إني أحسن بفكر في الموضوع".. وإنت وافقت..

___

بتساءل يا يزن..
ليه سكت ومشيت ليك الموضوع عادي؟ ليه ما شاكلتك على الإستهانه بي مشاعري؟ ليه رضيت بي وضع زي دا وحسستك إنك ما عملت أي شي؟ ليه ضحكت في وقت كنت دايره أبكي فيه؟

كنت شفافه قدامك، بعد ما أرضيت فضولك وكبرياءك كسرتني.. زي دمية عجبتك وأول ما مسكتها فقدت الشغف فيها..

___

بلكتك فعلاً وبعدت فتره، مستواي إتدهور، ما قادره أركز في قرايتي، وبنوم كتيير، برجع بنوم بصحى باكل بلعب بالكتاب شويه وأرجع أنوم تاني، كان مخدر بالنسبه لي من المشاعر المؤلمة الما عايزه أواجهها حالياً..

"أنا كويسه"..
غشيت بيها روحي وأقنعت بيها الحولي.. بعد فتره رفعت البلوك ويا ريتني ما رفعته..

كنت بتخت صور بنات -صحباتك زي ما بتقول- بمنتهى الجراءة وقلة الأدب..
- بسألك: دا شنو؟!!
= صحباتي.. ما مصاحب كتير زي أربعه بس وأمهاتهم عارفين بي علاقتي بيهم..

أمممممم يعني الموضوع ما تدين ولا خوف علي، حلال عليك وحرام علي؟، إنت بس كنت ما دايرني فمحيطك الموضوع كان شخصي بحت.. تباً لك سائر اليوم..

ذكرتني بي الجملة الشهيرة "يحبك كيف وهو عنده البتفك ليهو شعرها في الإستوري" يا حبيبي ديل كانو مستوى جراءه عاااليه؛ صور بهدوم بيت وشعر فاكي وألفاظ جريئة.. تحب الخجوله اليا الله تتكلم معاك كيف؟!

عارف الضحكني شنو؟ يوم رفعت إستوري بتكلم فيه عن صحبتي مدلعاها "ميزو".. ما كنا بنتكلم مع بعض،
علقت عليها وقلت: "ميزو دا منو؟"

مستفز.. مستفز لأبعد درجة، ما أظنها غيره بما إني أختك.. حب تملك؟ دور الأخو الناصح تاني؟ ولا فهمك شنو بالضبط.. بس اتقيت فلسفتك في راسي بكلمة وحده: "صحبتي"..

كنت بتعمد أناديك أخوي الكبير عشان أستفزك بس للأسف لوح تلج.. وأنا عارفاك لمن تقوم على الشر والإستفزاز أنا بيبي قدامك بس قلت أنال شرف المحاوله على الأقل..

إستحملت كميه قرف إستوري وبنات عندك.. جراءه وتفاهة ما عاديه.. عرفت معنى بيست فريند بت لي ولد منك.. كائن مقرف.. مصاصه محاطه بضبان من كل إتجاه، حبيتك ليه أنا؟ دا شنو المسخ الإتحولت ليهو دا!! إنت ما كنت كدا..

بتسألني قررت أستسلم وأخليك بتين؟!
كنت عارفه رغم عولاقك إنك على الأقل ما بتحب، بس الإستوري الشفته داك.. أنساهو كيف؟

___

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البــــارت_الســـــــادس:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"أقلقُ كثيراً بأن تنتابنّي تلك اللحظة التي أشعرُ من خلالها أنّ خُطواتي المُندفعة إليك قد كانت خطيئة 🖤"..

___

عارف يا يزن؟
أنا إنسانه بتنسى سريع، بنسى بي شكل ما بتتخيله.. بس العجيب إني بتذكر التفاصيل دي بشكل مؤلم، ذاكرتي ضدي..

كنت بشوفك وإنت بتخت إستوري: "زول يونسني" وأنا نفسي أكون الزول دا.. ليه ما حصل مره جيتني؟

كان نفسي ألعب معاك ليدو أونلاين.. ليه كنت شرير وما حصل عزمتني!!

بتحب اللون الأصفر شديد، كنت بين السُمر مميز بي لونك فاعتمدته، قلب أصفر.. إستوري أصفر.. لقبك أصفر؟.. وزي ما غنو:

"وعشان جميل وعشان سمـح
إنت تأمّـر أمُـــور سمـــــــــــح
وعشان جميل وعشان سمــح
لــــــونك أصفر لون القمـــــح"

___

اليوم داك، رفعت إستوري عن شات بينك وبين بت كنت خافي الإسم.. كان بتقول ليك كلام عميق وحاكون جمبك دايما وبتاع، وإذا إحتجت أي شي أنا هنا ومستعده أسمعك..

كنت معلق بالايموجي الببكي وقلوب حمرا كتيره.. إنت الما بتستخدم اللون الأحمر إلا لي حاجه تخطف قلبك فعلاً..

عجبك كلامها؟ حبيته؟ إتأثرت؟ أممممم لا لا تمام..

___

الوقت داك ومع صغر عمري وسطحيه تفكيري إتكونت لي عقده عميقه:
"أنا ما بستاهل الحُّب.. أنا ما كافيه.. أنا ما جميلة.. أنا ما بقدر أعبر عن الحب الجواي -إنسانه بارده-"..
ما كنت مُدركاها بس صدقتها في أعماقي..

وبعدت من حياتك وأنا كُلي ببكي عشان أقعد.. هل تعلم ما معنى أن يعاقب المرء نفسّه بترك من يُّحب؟!

ومرت الأيام وأنا شايله معاي عقدة ذنب.. ليه صغرت من روحي بإعترافي وقُعادي مع إنسان زاهد فيني؟

مسحت كل صورك، الذكريات، الشات، مسحت اي حاجه متعلقه بيك، إتناسيتك كأنك ما كُنت قبل كدا، مسحتك كأنك فتره ما حصلت في حياتي.. بس الفايده شنو من إنك تغطي جرح بنزف وتتظاهر إنه ما إتوجد؟!

___

انتهت تانيه بي معدل كارثي ما حصل جبته قبل كدا.. أبتي إتصدم وحسه إنه في شي غلط دا ما مستوايي، بدايه تالت حولني مدرسه تانيه تغيير بيئه وناس جديده..

كان الموضوع صعب.. بس ركزت في قرايتي طمعاً في نسيانك.. إنتهت وإتخذلت بي نتيجه تالت الما كانت بقدر تعبي أبداً..

دخلت زراعه رغم رفض أهلي ليها.. كنت ما طايقه أعيد ولا ثانيه في تالت تاني..

___

دخلت الجامعه، خلص السمستر الأول وبرزت في دفعتي كنت من بروفات الدفعه.. حسيت ثقتي في نفسي بدت ترجع شويه، بس يا يزن أصل الثقه من جوه أي مصدر خارجي تستمدها منه معرض للزوال وما حقيقي.. وأنا كنت خاويه.. خاويه شديد..

ظهر في حياتي إنسان جديد، يا إما كنت ضحيته أو هو كان ضحيتي أو الإتنين كنا ضحايا بعض؟ ما بعرف.. بس إكتشفت معاهو حاجات كتيره..

حصل حكيت ليك عن أنس؟

___

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البـــــارت_الســـابـــع:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"أنظرُ إلى المرآة فلا تعجبني صورتي، أنظر إليك فأجدني جميلًا ♡!".

___

قبل دخولي للجامعه، كنت بفكر.. أخد خطوه جاده إتجاه النقاب وألتزم بيه؟ ولا ما أستعجل وأستمتع بي لفات الطرحه العاجباني شديد؟!

كان قرار صعب يا يزن.. مشيت بحثت في اليوتيوب عن بنات أخدوا الخطوه دي؛ كيف قدروا إلتزموا بيه وكيف كان تأثيره على حياتهم..

شفت كم فيديو وإرتحت للموضوع شديد.. حسيت إني لقيت روحي في النقاب لي سببين:
- عرفت إنه من ترك شيئاً لله عوضه الله خيراً منه.. وأنا كان نفسي أقرب لي الله بس ما عارفه كيف..

- قريت لي بوست عن إحصائية عملوها، لقو إنو معظم الاولاد ما بغسلوا يدينهم بعد يطلعوا من الحمام، كنت بقرف والنقاب ريحني من المصافحه..

بعديها ما تتخيل كمية الراحه اللقيتها وأنا لابساه، أكون ماشه في الشارع يزحوا لي، الحدود والإحترام الاداني ليهم.. حسيت إني فراشه.. ما ندمت عليهو أبــداً..

___

بتسألني منو أنس الإتكلمت عنه؟

كان زميل في الجامعه حصل موضوع إحتجت مساعدته ساعدني وبعديها بقا مواصل كلام معاي بشكل غريب..

كان لطيف بضحكني.. والخلاني أرتاح ليه إنه نظيف بي شكل منعش..

رغم هروبي الدايم منه كنت بتلفت وبلقاهو وراي دايماً.. بدا يحكي لي عن روحه وبي طريقه ذكيه خلاني أتكلم عن نفسي..

ما كان بشبهك اذا قارنته بيك فإنت حتفوز شكلاً.. بس كنت بلقاهو دايماً معاي، أحكي مشكله عندي بشكل عرضي ألقاهو اليوم التاني جاب لي حلها.. بشوف الحاجات البحبها وبجيبها لي حتى لو هو ما بحبها حتى وانا ما طلبتها منه..

ما كنت بحبنـّي بس حبيتنّي في عيونُــه.. كان متحير كيف مخلوق بي لطافتي يبشع بيهو زول زيك!! وكان بأكد لي إني ما أستاهل إلا أتعامل بكل الحّب والكثير والكثير من الرقّه كمـــان..

كان بعاين لي بي إنبهار وإعجاب يحير.. في وقت أنا فيهو منطفيه.. ومنطفيه شديد..

كان زيي طالع من علاقه فاشله.. بحب يتكلم وأنا بحب أسمع..

هو محتاج لي إنسان يفهمه..وأنا محتاجه أفهم.. هو حباني ليه؟ أنا ما بستاهل الحُّــب!!..

______

بس صدقني يا يزن..
يحدثُ إنه إنسان يخليك تحب روحك تاني.. يحدثُ إنه يمسكك ويأشر ليك على مواضع نور فيك إنت ما متخيل إنها موجودة.. يحدثُ إنك تحب روحك في عيون إنســــان.. صدقني يحــدثُ..
___

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البــــارت_الثـــــامـــن:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"يزعُمون أنّ الحُبّ للجمِيلات، ولا يعلمون أنّ الحُبّ هو من يَهِبُ المرأه جمالها ♡"..

_______

في القاعه زهجانه منتظرة المحاضره تخلص، مستندة على البينش مُتكلة على يدي بملل.. سمعت صوت رسالة: "الساعه سمحـــه ♡"..

خجلت وأنا بعاين للساعه اللابساها وقبلت عاينت ليه.. إبتسمّ وهو مُستعذب خجلي، نزلت يدي براحه وتميت المحاضرة بُحــــب..

___

بزعل: حتعاند كدا لبتين؟!
= بإصرار: لمن تسمعي كلامي..
واصلت: تمام.. كما تُحب
= بإبتسامة ماكرة جُواها كلام كتير: بحِبـــــك إنـــتِ ♡.

___

وأنا بضحك : شوف الإتنين الورانا ديل -كان في بت وولد والولد بعتذر ليها وهي رافضه بكلو- يكون رافع ليها ضغطها زي ما إنت عامل لي؟
= ببراءة وهو بعاين للابتوب الماسكه بدون ما يلتفت يشوفهم: أنا كيوت
وانا بحاول أمسك الضحكة: كيوت السمك.. عاين ليهم شويه وتدقوا..
= شايفهم بالمناسبة
إنتبهت لإنه بعاين في إنعكاس شاشه الابتوب بدون ما يتعب ويتلفت: حصل قلت ليك إنك ذكي؟
ضحك: العقل دا خاتينه في الراس ليه يا حُبي؟

___

بتملك هو بِحبه وبتفضحه الغيورة الجُواي: إنت حقــــي..
= عاجبه الموضوع: كُلي؟
بثقه: كُلك.. من راسك لي أخمص رجليك
=بحُب بتفضحه عيونه دايماً:أنا كلي ليك ♡.. وإنتِ حقتي..
رفعت يدي الشمال وقلت بهدوء عارفه حيستفزه: يدي دي فيها حاجه؟
= بإستغراب: لا..
إبتسمت ببراءة: حبيبي الجملة دي تقولها لمن تلبسني دبلة هنا.. وطالما إنك ما عملت يبقى أنا حقت الله..
= بغضب حاول يمسكه: هسي ألبسك.. قولي لي تعال بس
ضحكت: أدبس مع شافع عويرة أنا؟
= عاين لي بصدمة: بتلعبي بي يعني؟
بعفويه ممزوجه بدلع عارفه إنه حيضعف قدامه: افااا عاين لي عيوني دي.. دي عيون بتلعب؟ إنت لو بتحبني كان فهمتها..

___

بزعل واضح: في النهايه خليتيني ومشيتي مع صحباتك يعني..
= وأنا بحاول أغير الموضوع: بحِبّك..
بإصرار: ما تغيري الموضوع
= بعناد: بقول ليك بحبك.. بتتجاهل مشاعري إنت؟
بإستسلام لطيف: وأنا بحبك.. نرجع لي موضوعنا؟
= بمحاولة ياءسه لإنه ينسى: بتحبني قدر كيف؟
بصبر حاول يتمسك فيه بالقوه: كتير..
= ببراءة: أي وريني كتير قدر كيف..
بعدم صبر: ليــــن!!
بضحكة: شفت.. إنت بقيت ما بتحبني زي زمان..

___

طالعين من المكتبه بعد ما إشترينا شيتات، برجاء: دايره أشوفك وإنت بتلعب ضُمنه..
= حُبي صدقيني ما حينفع.. ديل اولاد قليلين أدب وبقولوا ألفاظ كعبه وهم بلعبوا..
بإستسلام: اوك ما مشكلة

كان في شجرة قدام المكتبه تحتها بلبعوا.. ودعته مشا ليهم، جنب باب الجامعه وقفت بصدمة وأنا ما لاقيه تلفوني.. إتذكرت إني طلعته في المكتبه!!

مشيت ليه بسرعه وأنا خايفه -كان من النوع البقدر ألجأ ليه دايماً وأنا عندي مصيبه ودي من أجمل الميزات الفيه ♡- لقيته بلعب بي تركيز شافني إتخلع!..

وأنا شويه وحابكي: أنس.. تلفوني
إستوعب الموضوع سريع، وشُه كان مخلوع كأنه تلفونه هو.. ضحكني شكله وأنا خايفه، جرى بسرعه على المكتبه والحمد لله لقاه.. الموقف دا والملامح ديك رسخت في راسي بقوة: كنت رهيب والطريقه الخليت بيها أصحابك عشاني خطفت قلبي.. إنت بطلي ♡..

___

وأنا بتكلم معاه في التلفون: ما تنوم..
= وهو شبه نايم: هممم..
بإستنكار: أنـــــس!!
= بنعاس: عيون أنس وقلبــــه..
بإبتسامة: دايماً دايماً؟
= بحُبّ: دايماً دايماً ♡.

___

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البــــارت_التـــــاســــع:


‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
___

#

"And if you love, love their darkness too, not just their light 🖤".

= "وإذا أحببت؛ أحبّ ظلامهم أيضا، ليس ضوأهم فقط 🖤".

___

عارف يا يزن؟!
قبل ما تحب أي إنسان.. شوف عيوبه؛ المميزات اصلاً بتتحب.. إذا إتقبلت عيوبه وقدرت تتعايش معاها.. إنت حبيـــــت..

الحُبّ حُب العيوب؛ المميزات كل الناس بتحبها..

____

أوريك سر من أكبر أسرار سعاده العلاقه؟ يكون الولد هو الطرف الأكثر حباً.. هو الدايركم تتلاقوا.. هو الدايركم تتكلموا.. هو الداير يتصل كتير ويطمن.. وأنس كان كدا.. كان حنيـــن..

بحب يدلعني.. أي أكله تعجبه دايرني أضوقها معاه.. نوع الشوكلاته البِحبُه يشاركني ليه.. الإندومي البعشقها رغم عدم حبه ليها كان بهديها لي دايماً..

ملاحظته لي أدق أدق تغيير بحصل لي.. كان شايفني كنز ثمين ما مفروض يفرط فيهو وقال لي كدا..

___

الغلط في علاقتي معاه إنها بدت على أساس إني بقدر أغيره.. ما كان مناسب لي بس ما مشكله بحبني حيتغير، حتى هو ضرب صدره وقال: أنا حاتغير "عشانك"..

ظلمته وظلمت روحي.. التغيير إذا ما كان عن رغبه بيزول بزوال السبب "الحُب" وبتأثر بي زيادته أو نقصانه، كان برهق روحه عشان يكون في شخصيه ترضيني.. بس مصيره يتعب ويزهج صدقني..

___

كان إجتماعي ودايره معارفه كبيره.. عكسي أنا البنتقي الناس البصاحبهم بي حذر..

قلت ليه: ما تصافح؛ ما حارتبط بي إنسان يده بتهبش يد بت غيري..
= موافق..
مواصله كلامي: البودي قارد البنات البتمشي معاهم والصحبات ديل ما بنفعو معاي..
= اتحمس: ما عندي مشكله.. أمسح أرقام كل البنات العندي؟
ضحكت من حماسه: في ثقه بيناتنا، ما للدرجة دي.. عادي خليهم بس باحترام..

___

في أول يوم إرتباط لينا.. كان عندنا لاب، وأنا مركزه مع الكمبيوتر قلت أشوفه وين.. قبلت كدا ألقاهو قاعد في نص بتين!! ومرجع الكرسي لي ورا على أساس ما حاشوفه.. جلطني!..

يومها شاكلته: "بتهظر إنت! أقوم من بتاع بنات أقع في بتاع بنات غيره؟ الليله إرتبطنا جادي ناوي تبدا معاي كدا؟!!"
إعتذر ووعدني ما يكررها وعديت الموضوع..

___

في يوم من الأيام.. صحباتي في الجامعه قالوا لي: لين.. جيناك بي شمار خطير!!
= في شنو؟!
- أمس عمر ودعك وخلاك رجعتي البيت كدا.. لقيناه قاعد مع ندى تحت الشجرة..

سألته بشك: صحباتي قالوا شافوك مع ندى تحت الشجرة..
قلب الموضوع هظار "وكنت حاسي إنهم حيوروك" وقفلناه على كدا..

ما فكرت في الموضوع كتير، عارفه عنده بت خالتو اسمها ندى وبتجي الجامعه برجعها البيت.. زي أخته زي ما قال..

___

إستمرت علاقتي مع أنس لفتره.. 6 شهور عديناها مع بعض بحلوها ومُرها.. ما بين أفراح ومشاكل.. لمن جات لحظه حسيت إني ما طايقاه أكتر..

أمي كانت بتقول لي: "أي راجل جِنُو براه".. بس للدرجه دي يا يزن؟!.. للدرجه دي؟

___

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البــــارت_العـــاشــــر:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"إن الرجل عادةً لا يُحب المرأه الذكية؛ لكي يستطيع الكذب عليها دون أن تكشفه 🖤"..

___

الظلام التاني الما قدرت أتعايش معاه؛ كان إنسان ساهل عنده الكذب.. كان بكذب كأنه بشرب كبايه مويه.. بمنتهى السهوله والإنسيابية!!

ما بحب يتحمل مسؤولية لوم أو غلط.. فكان الكذب صديقه الصدوق..

أنا الإنسانه الكُرهتي في الدنيا الكذبّ.. ما كنت متخيله في ناس بتكذب كدا!! الكذب كان مربوط عندي بحاجتين.. "عدم الأمــان وكســـر الثقـــة".

___

في بدايه إرتباطنا طلب مني طلب غريب: أعملي لي بصمة في تلفونك..
= بحيرة: ليه؟!!
بإبتسامة بريئة: ساي.. وأنا برضو بعمل ليك بصمة في تلفوني..

كنت بحترمه ومدياه ثقه كبيره.. عمري ما فكرت أتجسس عليه أو أفتح تلفونه بدون إذنه.. ليه عمل لي كدا يا يزن؟!

في يوم جا قعد معانا -أنا وصحباتي- لاحظت وقت الظهر فات فقمنا نصلي، إلا هو قال "صلى".. خليت تلفوني وشنطتي معاه ومشيت..

جيت راجعه لاحظت انه كان شايل تلفوني وختاه.. وشه ما طبيعي.. ما شكيت وأحسنت الظنّ..

نهايه اليوم بتكلم معاي.. قال: عندي حاجة دايره أقولها ليك بس أوعديني ما تشاكليني..
= بهدوء مصطنع: قول..
بإحساس بالذنب: أنا فتحت تلفونك وقريت مُذكراتك.. بس ما كان قصدي أقراها؛ إتصدمت أول مره أشوف زول بكتب مذكرات..
ولمن حسه إنه جاب العيد واصل: ما قريتها كلها، وحده بس..

___

غضبت غضب شديد.. وكيف ما أغضب وأنا بتعرّى في كتاباتي؟! بتعذبّ وأنا بكتبها؛ حصل جربت تشيل قلم وتوثق هزايمك؟! هزايمك الحتى إنت بتلقى صعوبه فإنك تقراها تاني؟!

كنت كاتبه عنك -قبل إرتباطي بيه- بس بي شفافيه عسى جُرحي يبرا.. كنت كاتبه عن مدى حاله التشتت والضياع البدعي الله ينتشِلني منها.. تقصيري في عباداتي وبُعدي من الدين المُرهقني.. حاله ضُعف ما بتمنى زول يشوفني فيها.. أنا اللابسه رِدى القوة والكبرياء دايماً..

___

كانت أول خيانه يخون ثقتي بيها، جرحني.. والله جرحني..

أول حاجه عملتها شلت بصمته من تلفوني.. فقدت الأمان ومسحت أي مذكره حساسه عندي.. وبعدت منه..

عارف الحاجه دي يا يزن؟ لمن أتعب وأتخذل من زول ببعد.. لمن أشحن روحي وأحس إني قادره أتعامل معاه برجع..

النفع أنس إنه كان عنده عندي رصيد.. بعد إعتذارات كتيره وتحنيس.. مشيتها ليه برضو..

___

كلمته يوم وأنا بعاين ليه: أنا ما زي باقي البنات؛ لا براقبك ولا بفتش وراك.. أنا بوكل أمري فيك لي الله والله بفضحك لي..
= بي ضحكة مستهتره: يا شيخه!..
بي نفس الجديه: والله.. ما مصدقني؟
= بدا يتوتر: دا المخوفني زاتو..

___

مشكلة أنس كان بحاول يتزاكى وبعاملني كغبيه ما حتفهم لِعبه.. والحاجه الإستوعبها مُتأخر إنه أنا أصلاً ذكية..

___

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البـــارت_الحــادي_عشــــر:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"لا تلمس تعبي ما عادت يداك تؤتمن 🖤"..

___

بتسألني ليه إتمسكت بيه؟!
كان بقول لي: أنا إتجرحت وتعبت شديد عشان أتجاوز إنفصالي الأول.. ما تخليني، لو خليتني يا أجن يا أكتبك.. وريتك

كنت بخاف أجرحه وفي نفس الوقت خاته أمل إنه ممكن يتغير.. مش بقولوا الحب بصنع المعجزات؟

بس صدقني يا يزن عُمره الحُب براه ما كان سبب لي نجاح علاقة، العلاقه بتبدا بالحبّ بس بتستمر بي حاجات أهم منه؛ من دونها الحبّ ما بشفع للعلاقة..

___

بتتساءل خليته بتين؟؟
بدت الحرب وزي ما بتقول لي صحبتي: "دنيتك ضيقة".. عارف النزحوا معانا منو؟ أهلك يا يزن..

كان بيني وأنس مشاكل كتيره بس ما حاقولها؛ خليني أقول ليك الحب شفع ليها..

___

في يوم بتكلم معاه ذكرته ليه موضوع ندى سهواً.. كنت عايزه أغيظه.. وإتوقعت الموضوع حيتقفل سريع..

بس الصدمة قعد برر وشرح كتيييير.. وأنا عارفه كويس هو بتكلم كتير بتين؛ لمن يكذب ويكون بفتش لي أعذار.. ولمن يكون قاصد يشتتني ويقلب الطربيزة..سكت بس كان جواي كلام كتير..

___

بقى البيت مليان ما بلقى مكان هادي إلا بليل.. ولمن أتصل بيه بلقاه مشغول..

بهدوء مصطنع: مشغول مع منو؟
= مع صحبي.. والله، ارسل ليك اسكرين؟
وانا الف فكره في راسي: رسله..

لو في الوضع الطبيعي كنت صدقته بدون ما اشوف الاسكرين بس انسان ساهل عليه يكذب على أبوه حيغلبه يكذب علي؟!

حتى بعد شفت الإسكرين.. ما صدقته، عادي يغير التاريخ.. أنس ذكي ودي المشكلة..

جات في بالي ذِكرى فجأة..
بغيظ: مسجل وعد بالأموره ليه؟
= وهو بضحك: شفتيها بتين؟
وانا بتذكر: شفتها زمان.. ما غيرته لسه؟
= ببراءة مصطنعه: غيرته طبعا.. شوفي كمان

فتح تلفونه وكتب في البحث "وعد" وجا اسم بت بالشكل دا فعلاً..

وانا بفكر: بتكتب وعد ليه؟ أكتب "الأمورة"..
= بضحك: لين بطلي ذكاء..
بغضب: أنس انت بتتذاكى.. بتكذب علي؟

___

جا في بالي ذِكرى تانيه وضحت طريقه هو قرر يعتمدها معاي..

بصوت هادي وهو بعاين لي: عارفه انو عادي الراجل يكذب على مرته..
= رديت بإستغراب: دا في حاله وحده.. اذا كان متزوج أكتر من وحده وسألته: "بتحب منو أكتر" ممكن يكذب عليها جبر بخاطرها ودوام للودّ.. بس دا عُمره ما أباح الكذب..
بعدم إقتناع: أهااا..

___

سمعت صوت كسر جواي.. أراهن يا يزن إنه صوت ثقتي فيه، شكيت في كل موقف.. بقيس في اي ذكرى بأسى.. نسبه الصدق فيها كم يا ربي؟

وإقتنعت أخيراً.. ممكن تغير عادة بس عُمرك ما حتقدر تغير طبع.. وأنس كان طبعه الكذبّ..

___

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البــــارت_الثــانيّ_عشـــــر:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"ثم يسقط من داخلك، و كأنه لم يكن ينتمي إلى هنا يومًا، و تعود أنت و تنتمي إلى ذاتك، فتشعر حينها بأنك أعدت كل شئ لمكانه الصحيح 💗".

___

بتسألني لقيت روحي كيف وسط المعمعه دي كلها؟!

حُبّ أنس برغم حركاته خلاني أحس إني محبوبه ونفسي أبقى أحسن.. نفسي أتغير.. فاهمني؟

___

حصل سمعت بالبودكاست يا يزن؟! كان بدايتي ♡.

بديت أشوف فيدوهات لي واحد إسمه "وليدوف" أنزلها كمقاطع صوتيه وأسمعها وأنا ماشه الجامعة أو راجعه منها..

ما تتخيل إستفدت منه كيف.. غير حاجات كتيره فيني.. وبديت أفهم معاه روحــي أكتر..

ما كنت بحب أقرا كُتب بس قناة "دوباميكافين" كانت كافيه ♡.. أبدع ناصر العقيل في شرح الكُتب وتوصيل الزبدة.. راجل صنعت ثروته القراءة..

كنت بنصح أنس يسمع ليهم.. بس لا حياة لِمن تنادى، كان بعتبروا فارقه ساي..

___

بتذكر لاقاني سؤال.. "مميزاتك شنو؟!"..

وقفت مُتنحه قدامه مســــافه، والإكتشاف الحزين إني كنت مركزة مع سلبياتي لي درجة نستني إنه عندي مميزات.. للدرجة دي مُتخيل؟

اليوم داك مسكت ورقه.. وغصباً عني قعدت كتبت مميزات بشوفها فيني، حتى لو بسيطه.. ما هو ما معقوله كمية جلد الذات دا!!

___

أديت إهتمام لي قرايتي وأنس.. بس زي ما عارف أنس طلع جردل مقدود ساي، ما مُهم مش إكتشفت نفسي؟ ما حاندم أبـــداً..

تدريجياً لِبسي، مشيتي، طريقه كلامي، أفكاري حصل تغير ملحوظ خلاني أحب روحي أكتر..

___

انتهت سنه اوله بي معدل عالي.. وأكاد أجــزمّ إنه لولا الدرامات الكان عاملها لي عُمر وكمية الوقت الضيعته فيهُ كنت جيت بروف الدفعه براحه..
___

في نوعيه أولاد بعمل ليك "mirroring".. بسألك شنو البتحبيه وبتكرهيه وبتشكل ليك زي ما عايزه.. بعدين تتصدمي بعد الزواج -أو بعد يضمن وجودك- بالوحش البظهر..

بس البكشف النوعيه دي طريقة تعاملها مع المُحيطين بيها..

بتلقي ساهل عليه يكذب على أصحابه، ساهل يكسر كلمة أبوه وأمه ويكذب عليهم، ساهل يخِلف وعده، وفي نظرته الدُونيه للأقل منه..

تتوقع حاكون استثناء يا يزن؟! لا طبعاً أكيد حيجي يوم أبقى ليه عاديه ويعاملني زيهم..

___

رغم السعاده الحكيت ليك عنها، بس كنت في أغلب الأوقات عايشه حاله لا أنا في الارض ولا في السما..

بتتخيل إنك في سعاده وفي الحقيقه إنت بتتعذب، بتتعذب بالتجاهل، بالبعد، بالغيره، بالشك.. مُتخيل إنك حتلقي السعاده في حاجه بتعصي الله فيها؟!

شبعت بكا.. تشتت وضغط ما طبيعي.. وقت كتيير ضيعته فيه كان ممكن أنجز فيه حاجات كتيره، بعدت من الله وعصيته حتى في شهر العباده "رمضان"، وعشان منو؟ عشان إنسان ما بستاهل..

إنسان لا ببعدني من النار.. ولا راضي يخليني أخش الجنة.. يا حسره..

___

بعد تفكير كتير: خلينا ننفصل.. ما قادره أستحمل كمية الضغط النفسي البقيت عايشها بسببك، وما قادره أثق فيك.. حأتعبك وحأتعبني..
= بصدمة:………
بتأكيد: من الليله إنت حر وأنا حُــرة..

إنفصلت عن أنس فعلاً بس أصر نفضل أصحاب وما رفضت.. كان مكان مُريح بس لا يصلح كأكتر من كدا..

ويـــا الله.. يا الله من الراحه.. همّ وإنزاح من صدري، حسيت إني حره وقادره أتنفس.. كأني كنت مربطه بأغلال وإتكسرت.. يومها نمت براحه لا في راسي أنس ولا الذباب الساكيه..

___

مرت الأيام هاديه.. وفي يوم أثناء ما أنا بفتش عن دفتري لقيت كتاب لي أختي في التربيزة.. إسمه كان "فاتتني صلاة".. هبش جُرح عندي..

إتذكرت تضيعي للصلاة..وصراعي في إني ألتزم بيها.. ما كُنت بحب أقرا بس جذبني العنوان.. كتاب بسيط ومُرتب بشكل يشّد.. أثر فيني شديـــد..

من بعد اليوم داك ما فاتتني صلاة والحمد لله إلا في حاله الشديد القوي.. عرفت عنها أكتر وعن الشماعات والأعذار البنختها لي روحنا وبتبعدنا منها..

عِرفت معناها الحقيقي؛ بقيت بمشي ليها حُبا ما غصباً، الله فتح علي ولقيت لذّة في الصلاة يا يزن ♡..

___

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البـــارت_الثــــالــث_عشــــر:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"لن تعرف أبداً مدى قوتك حتى تسامح شخصاً لم يعتذر، وتقبل إعتذاراً لن تتلقاه أبداً.

الشفاء لا يعني أن الألم لم يعد موجوداً بعد الآن؛ بل يعني أن الأذى لم يعد يسيطر على حياتك.

نحن نسامح الأخرين ليس لأنهم يستحقون المغفرة بل لأننا نستحق الســـلام 🌻".

___

أقول ليك سر؟!
قبيل عاينت في المرايه وإكتشفت حاجه مهمة..

أنا جميـــلة.. جميلة فعلاً؛ ملامحي القمحيه.. شعري الفاحم.. خشمي الكاحل طبيعي.. عُيوني الما عرفت ليها وِجهه مُحدده بين الأسود والبُني..

يا حبيبي أنثى بكل ما تحمله الكلمة من معنى.. سبحان من خلق فأبــدع ♡..

خليتني أتجاهل الجمال دا كله كيف؟! تباً لك..

___

عارف الإختلف شنو؟

إني زمان أول ما أعاين للمرايه بركز في جبهتي الكبيره نسبياً متناسيه إنها مُبرزه ملامحي بشكل جميل، هالاتي الماف زول منتبه ليها غيري.. سني الراجع مُتجاهله جمال إبتسامتي.. صُغر حجمي مُتجاهلة لطافته..

وريني يا يزن..
ليه بنركز دايماً على عيوبنا -الأصلاً ماف زول مركز أو منتبه ليها- متجاهلين قدر كيف نحن جميلين وبنستاهل الحب؟

___

وأنا بتونس مع أمك وأخواتك وبشوف مقدار حبهم لي بتحير، سبحان الله ما أهو أنا بتحب عادي، المشكله ما مني يعني.. وصِدقاً؛ ما منك برضو..

أقول ليك سر تاني؟!
أنا سامحتك؛ ما عشانك.. عشاني، عشان أتخلص من الماضي القيدني كتير وأكسر قيوده..

كانت خطوة صعبه.. اللي هو إذا سامحتك حالوم منو تاني؟ أنا عايزه شماعه.. عايزه شرير في روايتي يبرر لي دور الضحيه العايشاه..

وإكتشفت حاجه مهمه؛ أنا مسؤولة من حبي ليك.. بس غلط أحملك مسؤوليته وأجبرك تبادلني نفس الحُب؛ القلوب بيد الله وماف حب بالغصب..

كنت شايفاك المُناسب لي بس إنت ما شفتني المناسبه ليك، ودا ما بدل على نقص فيني.. كل الموضوع إننا ما مناسبين لي بعض بس!!

___

يومها جبت ورقه وكتبت إسم أي إنسان حاسه في قلبي حقد أو كره ليه.. وجنب أي إسم كتبت الأسباب الوصلتني للإحساس مع الزول دا.. والدرس الإتعلمتُ شنو في النهايه..

حسيت كأنه بالونه كان خانقه علي قلبي وإتحررت، طارت بعيد.. وخليته عهد بيني وبين نفسي كل ما إتذكرت واحد منهم ادعي ليهو بالهدايه والسعاده.. مش يمكن أبقى سبب ويهتدي بسبب دعوتي؟!

أو ملك ماري ساي يقول لي: "ولكِ بالمثل" ؟!

حتى أنس سامحته.. على الأقل عرفت بي سببه مواصفات الراجل العايزاه زوج لي بالجد..

وإهتديت لي سبيل نهايته أنا.. ويا عُظم المكســـب ♡..

وصدقني إنت ممكن تهزم أي إنسان إلا إنسان عِرف أغلاطه؛ إتصالح معاها وإتعلم منها..

___

مرة دخلت الواتس، كان في بت خاته إستوري بترشح فيه كم غنيه.. عارفه إنه الأغاني حرام بس كنت مُتساهله وبسمع، بس ما لي درجه أشجع ناس عليها..

دخلت ليها ونصحتها: "حتكون ليك سيئات جاريه كل ما زول سمعها بسببك، أمسحي الإستوري"..

ردت بإنفعال= شددتوا علينا الديـــن!!
= الديـــن يُسر وليس عُسر!!
= أنـتــو مـــالكم يــاخ!!
= أبلعي البلـــوك دا

إتصدمت من كمية الهجوم الجاني، ومن ردودها.. دي مالها؟!

____

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البـــارت_الرابــــع_عشـــــر:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"ضائعٌ بَيني وبَيني؛ جزءٌ مني يُريد شيئًا، والآخر يُحاربه 🖤."

___

صدمني هجومها وغاظتني جملتها الأخيره "أبلعي البلوك دا"..

أيعقل إني فاهمه الموضوع غلط والأغاني حلال؟!

مشيت بحثت في الموضوع بعمق..

﴿ وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ﴾..

قال: أكثر ما جاء في التفسير: أن لهو الحديث هاهنا هو الغناء، لأنه يلهي عن ذكر الله تعالى.

وقال رسول الله -صلي عليه ♡- :"ليكونن من أمتي أقوامٌ يستحلون الحِّر والحرير، والخمر والمعازف"..

ويا سبحان الله حرفياً "رُبّ ضارةٍ نافعة ♡" ، غاظتني شديد وزعلني البلوك وكلامها الشرير بس لو ما قالته لي ما كان بحثت، ولو ما بحثت ما وصلت للقرار الجاي..

___

بارك لي يا يزن؛ أنا مسحت الأغاني ♡..

مسحتها وأنا ببكي، مهووسه أغاني -كوريه انجليزيه عربيه- مسحتها وانا حاسه إني قتلت قطعه مني، مسحتها وأنا بردد "من ترك شيئاً لله عوضه الله خيراً منه"..

كان الوضع صعب وخفت أرجع ليها.. عرفت إنه الحُرمه مافي الأغاني الحُرمه في المعازف والكلمات الفاحشه.. طيب ليه ما أسمعها بس بدون موسيقى؟!

لجأت للأغاني البدون موسيقى -acapella-* كحل مؤقت لمن الله يفرجها.. وإتخيل معاي طلعت أجمل ♡.

___

أمممم بتسألني "وفي النهاية إستمر أنس كصاحب"؟!

لا ما كان صاحب، كان best friend، فاهمين بعض لي درجه كبيرة، ما يصلح كحبيب، بس كصديق لا يُعوض..

أتكلم معاه كل يوم، يتصل يحكي لي، نضحك ونهظر.. نقرا مع بعض في الجامعه، كنا خاربينها..

___

كان بتلاقيني بوستات عن حُرمه العلاقه بين البت والولد.. بغمض وبتجاوزها بسرعه وأنا حاسه قلبي بعمل شــــحّ، بردد:

"أنا ما مرتبطه بيه!!، هو صاحب بس، إذا خليت أنس حاعيش كيف؟ صداقه البنات مُمله.. مليانه حسد وغيره، ونحن نيتنا بيضا -برجاء- يا الله أنس بس"..

___

عارف حُفت الجنه بشنو يا يزن؟!
بالمكاره.. الحاجات البتكره بُعدها منك وصعبه على قلبك يخليها أو يلتزم بيها (الستر، الأغاني، الأولاد...)، ولا كان أي زول حيدخلها عادي!

___

يومها كنت بقرا في وردي من القرآن.. ولمحتها عيوني.. وقفت مسافه وإتأملتها..

{مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ}..

زلزلتنــي.. حسيت إني المقصوده، عارف إحساس لمن تفتح المُصحف وتحس الله بتكلم معاك؟ الأيه دي موجه ليك إنت تحديداً؟ دا كان إحساسي..

بقيت بفكر بي جديه.. أقطع علاقتي مع أنس كيف؟

___

في الوقت دا كان هو مشغول وما بخش كتير.. قلت: " بــــاس دي فرصه مثاليه..اذا ما قطعتها هسي تاني حيغلبني"..

- أنس..
= سامعك..
- إذا خليت حاجه عشان الله.. حيعوضني؟
= بعفويه وهو ما فاهم: بي أعظم من الخليتيه كمان.. أسأليني أنا
- طيب أنا قررت أخليك عشان الله.. حأقطع علاقتي مع الأولاد، معاك يعني..
بصدمة= ليه؟!
- علاقتنا حرام.. ما قادرة أستحمل أكتر من كدا..
بإصرار= ما حرام
- وأنا عارفه إنه ما حيقتنع لي: تمام أسأل شيخ موثوق والبقوله ليك تعال نعمله..

___

توضيح:
أكتب إسم الغنيه جنبه acapella، بجيب ليك الصوت بي جوده زابطه خالي موسيقى.. وممكن تفصل الموسيقى براك بي تطبيق capcut.

______

#يتبع…

#تحت_ظِلِّ_زاويـتـــك ♡
#بقلمي_وجن_اليزل ♡
#البــــارت_الخــــامــــس_عشـــــر:
#والأخـــيـــــــر:

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

___

#

"الحبُ ليس خطيئة، الخطيئة هي ما نفعله عندما نُحبّ 🖤".

___

سكت مسافه قبل ما أسأل السؤال العارفه إجابته كويس وخايفه منها: ها قال ليك شنو؟
=بتردد: زي الكلام القلتيه..
غمضت عيوني بألم: مممم..
=حتى قلت ليه إني معاك ببقى أحسن، بتساعديني ألتزم بالصلاة وخير كتير عرفته بسببك.. بس قال لي انا كدا بظلمك معاي..

ووقفنا كلام مع بعض فعلاً، في الأول كان بتعذر بإنه يجيب أسئلة دينيه نظام كدا محادثتنا بقت حلال يعني..

بس بعديها إقتنع، وحتى لما يرجع بلقى ردود مني بارده..مُتكلفه.. بفقد بعديها الأمل..

ألقيت صداقتي معاه في الفيس، خفت على قلبي الفتنه ومسحت رقمه من الواتس..

___

صدقني يا يزن..
ما ظُلم تخلي إنسان عشان إكتشفت إنه علاقتك بيه حرام.. إنتوا أصلاً كنتوا ظالمين بعض بي علاقه مالاياكم الاتنين ذنوب..

البحب إنسان بخاف عليهُ من غضب الله، بجره معاه للجنه ما للنار ♡..

___

ومرت الأيام وإتأزم وضع البلد شديد، وتشاء الأقدار وما أسافر إلا للبلد الإنت فيها.. يا يزن..

أول ما إستقرينا، إتصلت بي أبتي وقلت ليه: "جاي ازوركم"..

حسيت قلبي بدق طبول.. أواجهك كيف؟ يا ماضي الحزين، ويا أمنيه إتمنيت تتحقق كتير..

___

نسختي الجديده البتخاف الله وتحاول تبقى أحسن، ما قادره تتقبل النسخه القديمه.. الحبتك!

ما قادره تتقبل سخافتها والشفافيه الكانت فيها، ما قادره تتقبل جراءتها وكلامها معاك، ما قادره تتقبل تهاونها في أمر الله بسببك..

هل الله رسلك في الوقت دا، عشان أقدر أتقبلني تاني؟ أتصالح معاي ومع حقيقه إني بشر وعادي أغلط؟

وأقدر أواجهك إنت.. يا خوفي العظيم؟

___

أبتي غصبنا نطلع نسلم عليك، كنت بلبس في نقابي وأنا برجف، وذكريات كتيره عصفت في راسي، وخلتني ضعيفه.. وهشه شديد..

طلعت ودعيت صوتي ما يخذلني وخوفي وتوتري ما يظهر علي..

وقفت ورا كرسي ابوي أستمد منه القوه، وانا منزله عيوني: السلام عليكم.. كيفك؟
= بصوتك القلبي ما نساه: تمام الحمد لله كيفك إنت؟
رفعت عيوني ولاقت عيونك -السودا الحبيبه- لونك المميز، إستايلك الراقي: الحمد لله..

قعدت وكنت بسمع حواركم.. مرات مرات برفع عيوني وبتلاقي عيونك، نظرتك الواثقه أربكتني فبرجع أشتت نظري منك تاني..

نظراتك أبت تتنسي من بالي، حسيت الله عاقبني على عدم غض بصري، صورتك لصقت في قلبي، قلبي الإتمناك كتير.. رجع وإتمناك تاني..

وبقا ببرر ليك "لين.. إنت نفسك إتغيرتي وبقيتي أحسن.. العرفك شنو.. يمكن هو إتغير برضو؟!"..

___

بتتساءل -بحيره- حأعمل شنو؟!

لا يلدغ المؤمن من جحرٍ مرتين، ما أنكر إني بتمناك، عاجبني، وقلبي بتلفت ليك دايماً..

إن الله يُحب الجمال وأنت فيك من الجمال ما أحبّ.. اللهم لا تلمني فيما تملك ولا أملك..

بس أسمح لي المره دي أحبك بشكل مختلف.. بي طريقه أحسن شويه..

أستودع حبي ليك الله، أسألك منه في ركعتين ليل وأنا بصلي إستخاره.. أسمح لي ما ألقي بي قلبي للتهلكه تاني..

أسمح لي أتقبل المشاعر دي عادي.. لمن تمل مني وتمشي براها..

اسمح لي أبعد منك وأركز على حياتي وتطوير نفسي إلى أن يأذن الله لي قلبي يرتوي بالحب الحلال..

ما أهدر مشاعري في الماشي والجاي.. أسمح لي أكون "عفيفه" يا يزن..

___

وإذا كنت خير لي.. مصيرك تبقى حقي، حلالي.. واذا كنت شر؟ الله يصرفك عني وعن تفكيري وقلبي يعوضني بالأحسن والأنسب ♡.

اللهم ما قضيته لغيري وأنا أريده بارك لغيري فيه وعوضني خيراً منه..

___

رسائل لن تصل..
وقد تصل..
إليك..
أيها القريبُ البعيد..

___

#النهـــــــايـــــة..
#بقلمي_وجن_اليزل.