ياجناه علينا 😐😐😐

برجر كعك❤️

لقيت اليوم الصبح جاهل دبية ضايع جالس يبكي
قمت دخلت البيت بين اقله مالك من انت
ايش اسم أبووك وينك ساكن وهو ولا رضي يتكلم

المهم بعدين سكت وقد كان شكله جاوع دخل المطبخ جالس يسدول الكعك والعصير ل ذاحين

وذاحين جو اهلة شلوة وقالو شكرا
مالكمممم ي تمام والكعك الي سدولهن ابنكم مشهم داريين انهن صبوح وغدا وعشاء اسبوع اقل شي ادو تعويض ولا احسبو الخسارة نصين

الله يقلع الي يزيد يفعل خير

أظن ان أبليس الي افتك بعد العيد ماهوش حقي ..ماهو ذيه الوساويس الخبلا ...؟!🤎

اشياء تجننك بنبسرها كل ما نسير نتعالج

مثلآ يحصلك مرض العشي تسعف المريض حقك
توصل باب المستشفى نظام ياساتر يخليك تبعد القات اذا انت مخزن وتبعد الجنبيه واذا انت مقبع ضروري تخشر القبع انت جيت تدي مريض ماجيتش تدي حريوه

المهم تبسر النظام في البوابه تقل ايوه هذا مستشفى مابعده الا العافيه
توصل الطوارى والامراض ملان في السرور وكرهن تحصل للمريض حقك سرير تدور الدكتور وانو مابش الا دكتور واحد بيلوي عند الامرض كلهم ويسير ويجي ساع ام الحريوه

يوصل عندكم الدكتور يعسعس المريض ويقلك مافيه
تقول له مدري هكذا بطنه وراسه
طيب سيروا ادوا فراشه ومغذيه وعطبه واسبرت وابره
مارائيك نزيد ندي دكتور ماهو هذا مابش معكم سبرت وعطبه
كان ماهو مستشفى هذا او لوكنده، يعني مابش الا سرير
وانا بين اقل ما الامرض كل واحد ماسك بالصماطه حقه عرض فنجته وان مايش عطب

طيب سوي للمريض اكسجين
مابش اكسجين خلص عيجي الجمعه
ليش احنا بنقلك تفعله اكسجين مش تدي لنا دبه غاز

خلاص ناهي اسكه واهف له
كان اسكه قيس له الضغط ريعوا شويه الجهاز مشغول عند مريض

كان اسكه افعل للمريض كشافه لراسه نبسر مافيه مابش مقطعيه عندنا مابلا تفعلوها خارج غطوه

كان مامعكم،، اسكه ادي لنا اثنين سندوتشات بيض وواحد ليم!!!
كان ماهو مابه معكم المستشفى ذيه، فاضي حسستوني ان احنا جينا نشتي نستاجر منكم المبنى ما اسعفناش مريض

كان ليش خليتونا نذبل القات!!
ما الجنبيه هو ضروري تبعدها لانك لوتدخل بها مليون في الميه عتطعن الدكتور ع الخدمات حقهم

كان حتى خرق للمريض يا دكتور
كان ماهو هذا اسكه اقل حاجه قط قط اظافير المريض قد هو بحق الجيه

كان اسكه حتى ادعوا للمريض ان الله يشفيه
وبعدين قدك تدخل المستشفى وماعدبش ذيك شم الديتول والعلاجات
قد شم المستشفى كشن من حق الممرضات الهنديات اللي بيطبخين

كان اقل شي يادكتور ادي لنا شويه تنتور نشمم المريض يحس ان احنا اسعفناه لمستشفى يطمن شويه

حتى مثلآ لو تشتري مغذيه وتجي تضربها مابش ذيك اللي يحمل المغذيه يعني مابلا تمسك المغذيه انت لما تعضل اييدك وتتشنج ويقع عندك اعصاب ماتبسر فجاه الا وقدك قاحص لذن المريض حقك
فالاحسن اذا وقعلك مرض ومابش معك زلط تشله مستشفى خاص

دعمم وخليه في البيت
وخلي امك تفعله مطيط يدفي حلقه وادي له ثومه وعسل فأن عاش فهو حلال وان مات فعلم انوه لم يكن لك منذو البدايه

#وزارة_الصحة_للاشغال_العامه_والطرق_والجسور
#اذافيك_حصوه_في_الكلى_سير_عند_مقاول_يبعدها
#نص_الشعب_عيموت_مزكوم_ومالقيش_فكس

#يسدو_ماليش_دخل 🤷🏻‍♂️

يحدث الان
#ريال_تحكيم

غريم برشلونه وعقدته،الاوله هي الحكم

اقطعوو النت علئ اصحاااب ذمار سريييييعععععععععععععع

المنتهي صرع الهلال عين 💔

اللي بيخزنين يجين فرفوشات واريحيات..
النكديات هن اللي بياكلين اندومي واحتسي القهوه مع سندويش مربى بنكهه ازهار الكرز مع رواية عبده حنكش 😐💔

صباح الخير لمخترع كلمة مشو عليك ♥

اشتي افرح ل برشلونة بس مشش قادر ☹️💔

قد يكون التفكير المفرط بسبب الكسل ..!
والقلق المستمر بسبب العلاقة الروتينيه مع الله ..!
والضيق بسبب الكبر ..!
والتشتت بسبب الغفله وقلّ الإهتمام بالاشياء المهمه ..!
وسوء العلاقات الإجتماعية بسبب العناد ..!

ليس كل معاناة تعني ان الإنسان ضحية حوادث خارجه عن سيطرته ..!
قد تشعر بالظلم وانت ظالم .. ظالم لنفسك فقط لذلك تأثرت انت وحدك ..!

اعتبر نفسك متهم لتفهم ولا تعتبرها ضحيه فتشقى !

#وسلام_الله_على_ارواحكم

لا انكر ابداً ..أنني مخدر وهذه معضلتي الوحيدة مع القات أننا لما اخدر م ادراش م أفعل .. طلعت ونزلت ف الفيس لما كملين المنشورات ..لعبت دمنة ف بلاتو ..ودخلت اقمقم ف الاستوديو وأنا الذي لا أدخله إلا إذا فصل النت .. فكرت لوهله وقلت لنفسي ..لم أكتب مُنذ مدة طويلة ..خرجت من الاستوديو ودخلت المذكرة ..طننت وقلت لنفسي مرة ثانية ..هيا لمن عتكتب .. إلى نانسي عجرم التي سئمت من رسائلك إليها ..؟ أم الى ذاتك التي تستمر ف جلدها دون أي فائدة ؟ أم إلى تلك الفتاة التي تريد وصف جمالها وهي والله ماهي داريه وين انت..؟ فجأة تسمرت ف مكاني..فقط اصابع يدي هي من تتحرك داخل علاقية القات ..تصببت عرقا وكأنني ف مطعم سلته..إنها كارثة..لم يتبقى في العلاقية سِوا سبعة عيدان..خائفون ..مفزوعون .. مُحاصرون .. كل عودي بيداهف الثاني لاعند يدي عشان اكله .. لم استوعب أننا كملت القات إلا ذلحين ..لايوجد شعور أسوأ من أن يكمل عليك القات وانت بتطعمهن ..تعض أصابع الندم ع كل كفته رجمتها .. لكن لا فائدة من الندم ..ولم تعد هناك أيضاً فائدة من الكتابة ..س أجمع العيدان المتبقية جنب جنب ..س امسح ع روؤسهم بحنيه وكأنهم اطفالي .. وفي مشهد لايتكرر إلا ف أفلام الرعب .. س اكلهم ف لجع.

دري ان القات مكمل جاء لاهنا يدي لي توفيه ☹️💔

...#غبـت
ورجـعـت ومـاحـد عـبـرني عـلى قــولـهہ آإسـعـد خــرشـوف مـآإحـا لحـآ ومـاحـا بـحـب حـا 🌚💔

هــآإي يححـلـويـن

لك الحمد والشكر يالله طلع اسمي
في قرعة اليانصيب

شاسير ذمار معا اخي وارجع ❤️😍

..#


..#للفـتآإهہ
آلـمسـتقلـه سسيـارهہ وإلـدهـا آلـتـويـوتـآ ذآت آللـون الـابيضض آرججـوش
عـيشـي هـنـيـهہ وآإتـركـي لـي آإلهـموم 🌚💔

وصصـبآح _آلخـير_لـش_وحـدش

‏أُريد أن أجمع أسف العالم بأكمله،
وأضعه بقلب كُل من حارب لأجل
شخص،ولم يحصد من حربه إلا الخيبات.

كانت القسوة خطيئتك
وكان الكبرياء خطيئتي وحين التحمت
الخطيئتان كان الفراق مولودهما