#سفير_الحسين_ع
#مسلم_بن_عقيل_ع
قصيدة(#الرسايل)


هــتــفــوا يـا حُــســيــن الــــروح الـك فـــــدوه
مُــســلــم بــن عــقــيــل وهـــانــي ابــن عــروه

             گــالــوا ريــتــك اتـــشـــوف
             الـرسـايـل صـارت اســيـوف

                               *---------------*---------------*

        يبو السجاد يا جـوهـر عــقــيــدتــنـه
        قُــرَب حَج الضــمــايــر وانته كعبتنه
        الـســيــوف اتـلبـي بسمك يا كرامتنه
        و لِـبـاس احــرامــنــه يحسين كلمتنه

مــا بــيــن الــصــفــا والــمــروه يـسـعــي الــدم
وٱبــقــصــر الامـــــاره اعــمــالــنـــه تُـــخـــتَـــم

             الجروح اعله اسمك اتطوف

                               *---------------*---------------*

        بــرســايـلـهـم الك رادوا سـفـك دمنه
        الثــمــار الاينعت قـصــدوا مناحـرنـه
        بــحــبــك مـــا دروا يـحـسـيـن نتغنّه
        ومــن ندخل حرب چــن ندخل الجنه

بــســلامٍ آمــنــيــن الــمــــعــــركــه انــطــبــهــه
وعــلـى روس ال امــيــه بــمــوت نــگــلــبــهــه

             نــجــيــهــه بگلب مـلــهـوف

                               *---------------*---------------*

        حُسين الگالوا اَقـــدِم ،، ذمـم مبيوعه
        لـگـيــنــاهـم علينه اسـيـوف مرفوعه
        بهوى الكـوفـه محبتك صُفت ممنوعه
        الزلم قلّت وفــه وما وِفت بس طوعه

الــصــلاه چـــانـــت جــمــاعــه يا ابـو الــيــمــه
ومــن خــلــصــت بــقــه بــس مـســلــم بـهَـمّــه

             مــســح كــلــمـتـهـم الخوف

                               *---------------*---------------*

        يَـمـن سِــرت ابـركِـب انــواره معروفه
        حِـداه غــيــرة عـلـي العباس بچفوفـه
        عـلـيـنـه الصار ريـتـك سيدي اتشوفـه
        صــارت بــاب للطف مــحــنــة الكوفه

نــاس الــعــاهِــدت حــــيــره اشــنــســمــيــهــه
گــلــبــهــه ٱويـــاك چــــان وسـيـف بــيــديــهــه

             صعب تــوصــفـهـه الحروف

                               *---------------*---------------*

        لــ (هل من ناصرٍ) مـــا نـوگـف انتاني
        واحــد عالمنايه ايــســابــگ الــثـانـي
        شــنــعــانــي سهل بس كــون متعاني
        حُــسـيــن وانته تــدري بمسلم وهاني

واحـــــد هــاشــمــي ومــعــروفــه ضــربــاتــــه
و واحــــد حــيــدره امــجــربــهــه صــــولاتــــه

             عــشــگ لـلــعــتــره معروف

                               *---------------*---------------*

  ✍️خادم الحسين ع
الشاعر سعد هادي الشمري

#أنصار_الحسين ع


.           هــاي الـحــرب     ويــن الــمــوت
            نـنـزل غــضــب     سـيـف وصوت

           يـوم الفـتـح هـذا وعـلـي ٱنْته اتمثِّلَه
           سـورة بـراءه اقـرانـه وٱبْـلا بـسـمـلـه

                             *---------------*---------------*

ذوله احنه آيـات الـرفـض   نـتـرتـل بـسـيـف ورمــح
كـعـبـه الخـيـام . وهيبتك   صـارت علي بيوم الفتح
إحـچـيـنـه بـوجـوه الكُـفُر   ننزل غضب نـنـزل ذبـح
و لوما عـشـگ يـنـزف الك   ماله طـعـم حته الجـرح

                  مـعـنـى الـحـيـاة بمعناك
                  مـات الاجـل مـن عشناك

           ميلادنه الطف وامنه صـارت كـربـلـه
           سـورة بـراءه اقـرانـه وٱبْـلا بـسـمـلـه

             نـنـزل غــضــب     سـيـف وصوت

                             *---------------*---------------*

سـجّـل يـتـاريـخ العـشـگ   هالحب وصل يا مستوه
يـم الـنـهـر نـاسي العطش   گلب اللي بحسين ارتوه
يا مـوسـى صـرنـالـك بحر   واعله الطواغيت انطوه
بـســيـوفـنـه الـروج اعتله   وبصدورهم ماظل هـوه

                  شفناهم اصحاب الفـيـل
                  وما صرنه غـيـر السجيل

           إشـرَحـنـه خـلـهُـم يفهَموُن الــزلــزلـه
           سـورة بـراءه اقـرانـه وٱبْـلا بـسـمـلـه

             نـنـزل غــضــب     سـيـف وصوت

                             *---------------*---------------*

التتنفس احـروفـك هـوى   ابملـگـه الـسـهـام امتيّمه
شنهي السلامه ابلا عشگ   محـلـى الجـروح الهايمه
يحسين وجـروح الـتـجي   بحبك تصيرلنـه اوسـمـه
نــحــر ايـتـعـفّـر بـالــثــره   وتبچيله دم عـين السمه

                  يا نـبـض گـلـب الاسـلام
                  شــفـنـاك شـمـس الايـام

           وگبلك فجر نطلع يشمس الـمـرجـلـه
           سـورة بـراءه اقـرانـه وٱبْـلا بـسـمـلـه

             نـنـزل غــضــب     سـيـف وصوت

                             *---------------*---------------*

ذِلهُم بـوجـه الطـف مـشه   وغـيـرتـنـه رايـه وتـرتفع
بلا صوت السيوف وصفه   حچي النحر بس ينسمع
الـعـيـون شافـنّـك ظــمـي   واتعـنـن بـسـيـف ودمـع
والكاتب اسـمـك عـالگـلب   يـخـجـل اذا خــلّــه درع

                  يـحـسـيـن حبـك ميموت
                  صرخه بوجه كل طاغوت

           ذولـه احنه والصوت بمناحرنه اعتله
           سـورة بـراءه اقـرانـه وٱبْـلا بـسـمـلـه

             نـنـزل غــضــب     سـيـف وصوت

                             *---------------*---------------*

الـگــال عـنـك خــارجــي   صـوت الضـمايـر جـاوبـه
الــديــن يمشي بخِطوتَك   يا خـامس اصحاب العبه
الما شـافـك اتمثل الـذكِـر   لا يـدعـي ربـه ويـنـدبــه
هـــوه الـلــه اكـرامـآ الـك   خـلاّك حِـسـن الـعـاقـبــه

                  الما ذاب بٱسمك يحسين
                  مــا ينحسب يملك عـيـن

           هـوّه الـعـشـگ بــس الك ربــك نـزّلـه
           سـورة بـراءه اقـرانـه وٱبْـلا بـسـمـلـه

             نـنـزل غــضــب     سـيـف وصوت

                             *---------------*---------------*

✍️خادم الحسين ع
سعد هادي الشمري
‏

#السلام_على_انصار_الحسين ع
.
#قصيدة_الأنصار  #الليلة_السادسة



.     ٱمـن اگلوبنه انسوي ادروع     بـمـحـرّمـك
      نــدري بـسـنابـكـهــه الخيل     ما ترحَمَـك

                             *---------------*---------------*

صـدر بـصـدر مـتـعـنـيـن  بـالـحـرب ظـهـر امنيلنه
والـنـجـمـه مـا تـلـمـع بـي يـلـمـع الـسـيـف بليلـنـه
يـسـبـگ الـريـح ومـعـروف إنـخـاه وتـعرف حيلنه
انجيب النهر نسبي الجيش هـا يبو اليمه احچيلنه

      انــصــارك وبــالانــــصــــار     مَـنـعَــلِـمـك

                             *---------------*---------------*

انـصــارك ويـالـعـطـشـان طـفـك يـسـولـف رايـهه
هـوه الله حطلنه اعـيـون تـرويـك خـاطـر مايـهـه
مـا تـدري امـيـه بـهـالـيـوم جيتنه موت وجـايـهه
يـقـسـم الـشـعـره لـنـصـيـن زلـمـك تـره خـطّـايهه

      الـعـاشـر هـويـتـنـه .. انـروح فدوه لدَمَكْ

                            *---------------*---------------*

لحچـايـه نـعـگـد رايـات والـزلـم تـدري احـچـايـه
الـصـاحـب عـذب مـن يصير شنهو الفرات ومايـه
اتطيح من اديه بـس بالموت صـادگ حبيب بهايه
لـو رفـرفـت چـنـهـه الـشـيـب بيضه بيمينه الرايه

      يـحـسـيـن فـــدوه الارواح     الـمـقـدَمَـك

                             *---------------*---------------*

خـل تثگل بدمنه الـگـاع  واتخف عليك اهمـومـك
كلمن ويومه ومـعـروف بس مـوتـنـه ايحب يومك
عـابـس حـچـه لسان الحال يابـدر واحنه انجومك
نــتــســلـب ارواح ولا تـتـسـلـب انـتـه اهــدومــك

      مـثـل اللِسِن عدنـه انـحـور     واتـكـلّـمـك

                             *---------------*---------------*

يـا إبـــن الاول  ،، خــســران  الـ عَــد الاول رابـــع
بـغـضـاً بـٱبــوك الـكـرار كـل مُــجــريــات الــواقـع
واحنه بعلي انشد الحيل بحب علي اعليك اندافع
والـشـاف حَـد ذو الـفـقّـار مـو مثل خـوف السامع

      صــرح الالـه وكـــل جـــور     مـا هـدَّمَـك

                             *---------------*---------------*

  ✍️خادم الحسين ع
الشاعر سعد هادي الشمري

#شيخ_الانصار
#حبيب_بن_مظاهر_الاسدي
.
.

    يــا بــيــرغ الــســبــعــيــن يـحـلـه بــيــمــيــنــه
    والــشـيـبـه چـنـهـه اهـلال غـافـي اعـلـه عـيـنـه

      نــور وبــديــه الــنــار     يـا بــيــرغ الانــصــار 

                     يــحـلــه بــيــمــيــنــه

                            *---------------*---------------*

اسنينـه السبعين وخمسه   بيوم الطف حِنته وعرسه
شايب وحسين ايحشمه!!   ابـن الــعـشــريــن اتحسّه
العسكر مـو فـارس شـافه   لا شـافــه الـمــوت بنفسه
و يَمّه الاصوات الــتـعـلـه   مـو تسكت تصبح خـرسـه

    گــد مـــا يــحــب حــســيــن واتــمــنــه قُــربــه
    مــو مــره لا مــــرتــــيــــن مــات اعــلــه حــبــه

      شــايـل گـلـب جُـمّـار     يـا بــيــرغ الانــصــار 

                      يــحـلــه بــيــمــيــنــه

                            *---------------*---------------*

دگ صــدره وشـال الرايه   وعُمر الـوفّاي احــچــايــه
ومـن شــد اعنان الشگره   كــحّــل عــيــن الــوفــايـه
اجروحه وانفاسه وروحه   وقف حــســيــن امسمّايه
مــا دام بگصته الـنـگـطـه   مــيــريــد الشاطي ومايـه

    دنــيــه و أهـــل مــــــا راد شــيــخ الــغــــيــــاره
    راد ابــدِمــه ٱويــه حــســيــن يــدخــل تــجــاره

      عُــمــر الشـهـم خطّار     يـا بــيــرغ الانــصــار

                     يــحـلــه بــيــمــيــنــه

                            *---------------*---------------*

صــاح لهذا الـحـب آنــي   أول مـــا أقــبــل ثــانــي
ايأمل روحـه ومن زغـره   لهاللحـظـه حبيب امتاني
عــــالــم زاهـــد ربّــانــي   مُخلص للحُـب مـتـفـانـي
ثــابــت مــا زلــت جدمه   بـدرب حسين الايـمــانـي

    اتــعــنّــه الــحُــســيــن وعــاف جـاه الـعـشـيـره
    الــعــنــده جــاه حــســيــن مــا يــهــوه غــيــره

      للــعــتــره خادم صار     يـا بــيــرغ الانــصــار

                     يــحـلــه بــيــمــيــنــه

                            *---------------*---------------*

ابـن الكـوفــه العَـلَـويــه    بليل الـطـف يسطع ضيّـه
من الجَمَل وصفين اسمه   تـــدري بــصــولاتــه أُميه
ويوم الطف دينه ويـومه   والاخـــبــــار الــمــرويّـــه
مَيسَرة الــجــيــش بچفه   وتــگــوه الــروح الثوريـه

    ســيــف الــوفــه بـيـمـنـاه مـن الـكــوفــه شـالـه
    وبــچــفــوفــه خـط لـحــســيــن اصـدق رسـالـه

      حـگ انطه لـلــبــتّــار     يـا بــيــرغ الانــصــار

                     يــحـلــه بــيــمــيــنــه

                            *---------------*---------------*

الجندي الـذايب بحسينه   وحــامــل بـيـرغ سبعيـنـه 
اكــرام لــذيــچ الشــيـبـه   شــيــخ انـصـاره امسمينه
صال وسيفه اعله الباطل   ســيــف الـمــوت املقبينه
الشايل بــعـيــونـه الكافل   شلون بخوف اتـرف عينه

    عــالــرمــح مــنــحــر لــيـه  ظـل يـحـچـي دمـه
    گــــال شــحــلاة الــمــــوت ويــه ابــو الــيــمــه

      يـا قــــدوة الــثـــوار     يـا بــيــرغ الانــصــار

                     يــحـلــه بــيــمــيــنــه

                            *---------------*---------------*

✍️خادم الحسين ع
  سعد هادي الشمري

#أبوذيات_الانصار ع
#الليلة_السادسة_محرم1445
                    

          العُـمُـر لازم نـرخـصه الـيـوم.. چا ليل
          امـس،  مـو بـالـعـزم يحسين.. چـاليل
          اذا مــــو الـك هــذا الـعُــمــر .. چـا للـ
          مـذلّـه ايظـل تحـكـمـه اعـلـوج أُمـيــه

                               *---------------*---------------*

          يـهـيـبـه وانـتــه بـيـد الــذبـح.. تنهاب
          وينسمة حـبـنـه من يا صـوب.. تنهاب
          الـمــوت ولا نـشــوف الـگــوم.. تنهاب
          جـسـمك وانـتـه عـاري اعـلـه الوطـيه

                               *---------------*---------------*

          وحـگ الـلـي لــوداعـك لـيــل.. حيين
          مـنـاحـر عـدنـه لجل السـيـف.. حيين
          انتِمَـنّه انـمـوت الك وانــعــود.. حيين
          ونِــرد انــمــوت مـــو مرتـيـن ، مــيّــه

                               *---------------*---------------*

          عـلـى انـصـار الحـسين بخير .. قُل ما
          شئـت ، مـثـل البـحـر مـا يـوم.. قَل ما
          تَـعَــب مَـلِـك الـيـمين وعِـجـز .. قـلـمـا
          ابـچـتـفـهـم كــثــر حـبـهــم للـزچـيـــه

                               *---------------*---------------*

#حبيب_بن_مظاهر ع

          الـك زيـنـة حـيـاتــي . الولـد.. مــولاي
          يـمــالـكـنـي وألـك هـالــروح.. مـو لاي
          شحـلاتـي، عبد وانته اتصير .. مـولاي
          احِــس شـيـبـي يـِــرد لـصــبـاي بـيـّــه

                               *---------------*---------------*

  ✍️خادم الحسين ع
الشاعر سعد هادي الشمري

هوسات الانصار ع
هوسات انصار الحسين ع
.
.
اباب اخيام زينب صاحت انصاره
گـلـب حـسـيـن خليه تنطفي ناره
على اظهور الشـگر سهرانه ثواره
نصـلي الفـجـر وانهِـد للظُهُر غاره

         وانبرد گلب العطشانه

                                        *---------------*---------------*

يِـرِك الحـيـل بـيـنه وحـيلـه خَـل يگوه
الموت ويه الحسين شگد حلو ويسوه
اظـهـور الخـيل تـفـرغ والـزلـم فــدوه
وكـل اسـروج خـيـل انـصـاره تـتـلـوّه

        انموت ولا يصهل ميمونه

                                         *---------------*---------------*

تركنه الحَج واجينه حسين كعبتنه
ويـولِـدنـه الخـلـود ويـاه اذا مـتنـه
السبط نگطة الغيره الفوگ گصتنه
يـهـيبتنه وحـبـيب الشـال رايـتنـه

      انطيح انحور وتعله الرايه

                                         *---------------*---------------*

الخيم عينه وفده انروح لنظر عينه
الوعـدنـه رايــة الـعـبــاس شَـديـنـه
درب حــســيــن للـجـنــة يـدلـيـنــه
وقِـبـلــه حــسـيـن للبـاري يـوديـنـه

      حسين اصل الدين ويفروعه

                                         *---------------*---------------*

  ✍️خادم الحسين ع
الشاعر سعد هادي الشمري

#ليلة_العباس_ع_
#السلام_على_قمر_العشيره
.
.

السلام على #ساقي_عطاشى_كربلاء



.               الـخـلّـه السيـف ايـگـول الـراي  
                شــويـه الـطـف وچـفّـه هــواي

وبـالـعـاشـر مــن عجّت    بشمس ازنوده اتصحّت
ريـة الـگـاع اخـتـنـگـت  .  مـن حَـط ايـده بـصـدر الـمـاي
 
                           *---------------*---------------*

كـل الـگـالـوا نـگـطـع چـفه . والـوگـفـوا عـالــ مَـي حـرّاس
شافوا زوده وكلهم صاحـوا . مـا يـتـلاوه الـچـف، يـنـبـاس
ريشة خطّاط ابحَد سـيـفـه . واروع جُمله ايخط بأحساس
شافوا كاتب فـوگ الشاطي . وقــفــيّــه لـجـربــة عــبــاس

                عـرفــوا خـط ايـده الـمـكـتـوب
                هـنـانـه انــســدت كــل الـبــوب

امبيّن شنهو الـحـاصـل     الجِدّي شلون ايجـامـل
سـيـفـه براس الـبـاطـل  .  فـوگ الـصـبـخـه انهَد حالوب

                           *---------------*---------------*

امحشمه حسين لخوة زينب . حـيـل الـديـن الشَد الحيل
مـن كـبّـر، حـتـى الـظـهـريــه . بعين العـسـكـر صارت ليل
امحلّي الماي وگَـطـعـة چـفـه . فوگ الشاطي اندگَت هيل
فِحطَت خوف ومـو تـعـبـانـه . سيفـه امـبريد حيل الخيل

                گـطـعـوا كــل الـشـك والـريـب
                خـلّـه اعـداه اتـشـوف الـغـيـب

المـوت انشاف ابغيضه     وسـدهـم طـاح بفيضه
الرايه الـبـالـطـف بيضه  .  بطيحة چفه انـتـرسـت شيب

                           *---------------*---------------*

غيرة راسه شلون اوصفهه . ومو مـنـصـف لو گولن نار
وهـيـه الـنار اتسمي الكافل . الـعـبـاس ابـو راس الحار
عيـن بعين ٱيلاگي الـنـبـلـه . ومـا يـرمـش مـو ما يندار
امگعد السهم بصدر اعيونه . امعزب وامـلاگـيـه خطـار

                الـبـي تـتـلاگـه اشـگـد اوصاف
                شكم معنى لمعنى الطف ضاف

اتعنّه لـعـطـر اچـفـوفـه     الماي وجـاب اجـروفـه
النـهـر لـهـسـه ايـطـوفه  .  حــج الـمـاي بـگـبـره انـشـاف

                           *---------------*---------------*

ثنّه اعله المي شـالـه بچفه . ومدري اشّاف بطرف العين
رَد ذَب الماي من اچفـوفـه . يمكن صَـد بيه وجه حسين
قصده ايروي حسين بهايه . ولـلـبـدويـه ايـوفّـي الـديـن
ولـمـن حس بي مـا متروي . ذب فـوگ الجربه الـچـفـيـن

                الـروّه الـدنـيـه ٱبلايه اچـفـوف
                وابــإسـم الـكــافــل مــعــروف

الــ أقـــوالــه افــعــالــه     الــراد ايـوفّـي اعـيـالـه
يـجـيـب الـمــاي ابّـالــه  .  وجربه لهسه ابصَحنه انشوف

                           *---------------*---------------*

من گد ماهيبه بشخصيته . المـو بالسيف بخوف يموت
و لا تـهـتـز بـراسه الريشه . يخجل حتى الـريـح يـفـوت
الفرسان البرزت عالشاطي . سـوّه الشط بـيـهـم تـابـوت
للتاريخ الـطـف ظَل خـاتم . بيه الـچـف شـذرة يـاقـوت

                الــكــاتــب دســتــور الــخــوّان
                الـبـاسـل والـصُــلــب الأيــمــان

لـهـاي امـخـلـفـتّـه امّــه     احـزام لـظـهـر الرحـمـه
انبسمِل وانـگول اسـمـه  .  الـكــافــل غـيـر ابــن الـقــرآن

                           *---------------*---------------*

  ✍️خادم الحسين ع
الشاعر سعد هادي الشمري

بين الحُسين والعباس عليهم السلام
.
.


.         بعـيـنـك سهم وبعيني نـيـرانـي
          وچـفـك لشاطي الـمـوت ودّاني

   بـــمـــوادع الــخـــوّه    ظـهـري انـكـسـر تـوّه

          ولخيامي تـوصل راح عـدوانـي

                                *---------------*---------------*

اتعنيت ادَوّر الـطـف عليك وسـلـوتـي نـوحـي
ولـمـن لـگـيـتـك يـابـو فـاضـل تيّـهـت روحـي
مـثـل الحسن راسـك بحضني لفرگتك يوحـي
وانفاسي مختنگه بهوى جروحك ويجـروحـي

          نــار بـدلـيـلـي نـظـرة ايـتـامـي
          ونـظـرة الشامت نار بـخـيـامـي

   الـشـامـت بـلا امـروّه    ظـهـري انـكـسـر تـوّه

          ولخيامي تـوصل راح عـدوانـي

                                *---------------*---------------*

عباس حاچـيـنـي ابـوداعـي شتنظر بـشـوفـك
بيهه السهم واتصدلي احس اعيونك .وخوفك
لا انـظـر ازنـودك واشـوفـن طـاحـن اچفـوفـك
تخجل من الجود الوگع .. واشكبره مـعـروفـك

          يا خويه جـودك مـا ردت مـايـه
          لـزيـنـب بـطـولـك تِـــرد ويـايـه

   بــالــنـــار تــتــچــوّه    ظـهـري انـكـسـر تـوّه

          ولخيامي تـوصل راح عـدوانـي

                                *---------------*---------------*

ها يـابـو فـاضـل بيرغك مـن چـفـك امخضب
وسهم البجودك صـاب گلبك . ظعنك شيشرب
يـا كـافـل اخـيـام وخـدر لــو رحـت تـتـسـلـب
عباس خوفي ٱمـن السبـي وكلشي ولا زيـنـب

          دار الــزچــيــه ونــارهـه ابّـالـي
          ومـتـخـلـي خـيمه الليله لعيالي

   الليله الخـيـم تـهــوه    ظـهـري انـكـسـر تـوّه

          ولخيامي تـوصل راح عـدوانـي

                                *---------------*---------------*

شلون ارِد وادخل خـيـمـتـك وبـچـفـي اوگعهه
واسـكـيـنـه .. ها رد الگـمـر ها بعده .. اسمعهه
چـفـك وگــع وآنــه اسـألـك فـگـدي يـلـوّعـهـه
دمـعـة رقــيــه بـغـيـبـتـي يـا چــف يـرجـعـهـه

          وياهو اليطلع السهم مـن ظهري
          وياهـو اليـرد الخيل عـن صدري

   ياهو اللي بــي نخوّه    ظـهـري انـكـسـر تـوّه

          ولخيامي تـوصل راح عـدوانـي

                                *---------------*---------------*

يـوسـف لـون عـنـده اخـــو مثلك يـوصـفـونـه
يـعـقـوب ما صـابـه الحـزن وابيّضّت اعـيـونـه
جـيـش آل امـيـه بـالـحـرب سـيـفـك يدورونـه
وفـوگ الـمـنـاحـر مــوت يـا عـبـاس يـلـگـونـه

          عباس يل بس غِـيـره وجـدانـه
          عــاشــور ديِــن وانـتــه قُــرآنـه

   بــدرك عَــــزم ضــوّه    ظـهـري انـكـسـر تـوّه

          ولخيامي تـوصل راح عـدوانـي

                                *---------------*---------------*
  ✍️خادم الحسين ع
الشاعر سعد هادي الشمري

#السلام_على_قمر_العشيره
.
.

.   ابـفـعـلـه وابـكلـمـتـه الموت يـدرونـه
    وما يخطي بنظرته الـ حيدره اعيونه

                                   *---------------*---------------*

    خـريـف الـزلـم وبـغـصـن المناحر مَـر
    ابيض وجهه بس ينشاف مـوت احمر
    بـرز يـشـبـه عـلـي وسيفه شَـبَـه قمبر

    علىٰ الحُب والوفه ايعلم اليخدمـونـه

                                   *---------------*---------------*

    صـلـب يـابـو الـفـضـل واتــربـه للخوه
    قـائـد جـيـش الحـسـيـن، الگـمـر يگوه
    تـتـعـافـه المـسـاحـي الگاع اذا رخــوه

    والِمْثَلمه السيوف اجـروح الــه اشلونه

                                   *---------------*---------------*

    دخلـهـه وحـب الحسين الـگـمـر شـايـل
    چـلـمـه وبـالـشـدد يـنـگـال ابـو فـاضـل
    هــز سـيـفـه واجه ٱويـالـدنـيـه متزاعل

    يـصـاحـبـهـه الأجــل روس اليزعـلـونـه

                                  *---------------*---------------*

    مـثـل دمـعـة الزهـره سيف اله يــچــوي
    ثـــار ايـــدوّر الــثــلــثــيــنــه لـلــبــدوي
    اجـاهـم ضـامـي بــس بحسين مــتـروي

    الشُرَب مــاي الـوفه اشحدهم يعطشونه

                                 *---------------*---------------*

    مـثـل الـحــــره هـيــچ امـدلـلــه سـيـفـه
    الحـرب كيفه وسحگ روس العده بكيفه
    و ضـيـفـه الاجـل چـان وعزّب لـضـيـفـه

    الــ  أخـوه الـحَـسَـن مـا رد اليـگـصـدونـه

                                 *---------------*---------------*

    لا مــا يــعــطــش الـعـبـاس ابــو الـرايــه
    وهــــوّه الـــديــن داخــل بالله وبــمـايــه
    اخـتـار ام الـبــنــيــن الـمـرتـضـى لـهـايـه

    الــيــوم ايـكـحــل اعـيـون الـيـخـلـفـونـه

                                 *---------------*---------------*

    گــــول وفــعــل مـــا ثـنّـاهـن بـــطـــفـــه
    خـــتــم قـصـــة الــخــوّه ووقّــع ابـچـفـه
    كــلــمــن الــه حــرفـه والـحـرب حـــرفــه

    مِـــن الـگـنـطـره لـلـگـــمـــر مـــرهــــونـــه

                                *---------------*---------------*

  ✍️خادم الحسين ع
الشاعر سعد هادي الشمري

قصيدة (#سيد_الماء)


مـــــاي     صـوت الـعـطـاشـه بالخيّم
مـــــاي     ويــنــك يـشـيّـال الـعــلــم

                يـالــكــفــيــل

                                        *---------------*---------------*

      مـا ظـل مـدامـع بالعيون
      عطشانه ويانـه الجـفـون
      حـيـرة رقـيـه مــا تـهـون
      ابّاب الخيم تنطر تـجـون

مـــــاي     نــــادت رقـــيـــه بـالألـــم

                                        *---------------*---------------*

      ابـآلامـه ويـنــادي الـعـلـيـل
      يا عـمـي مـفـطـور الـدِلـيـل
      حتى دمع عـيـنـه اليـسـيـل
      بـسـمـك يـنـادي يـالـكـفـيـل

مـــــاي     مــو ذبّـل احـشـائـه الألـم

                                        *---------------*---------------*

      امـروّي الـمـخـيـم بالحـنـان
      لصوتك صُفه ضامي المكان
      يـا كـافـل اظـعـون الـجـنان
      مــن تــرجــع ايـــرد الأمـان

مـــــاي     أنـتـه الأمل يابـو الـشـيّـم

                                        *---------------*---------------*

     لـمّـن غـبـت يـبـن الــكِـــرام
     نـاديـنـه عـالـخــدر الـسـلام
     واعـلـيـنـه لـو حـل الـظـلام
     شنسوي واحـنـه ابلا خـيـام

مـــــاي     يـرويـنـه اليصيبك سـهـم

                                        *---------------*---------------*

      ايتامك يمگطوع الچـفـوف
      مـتـحوّطّه بخيل وسـيـوف
      مِـن حـر گلبهه لــو تـشـوف
      تـتـوسـد ارمـال الـطـفــوف

مـــــاي     هالحشّمك صـوت الـحـرم

                                        *---------------*---------------*

  ✍️خادم الحسين ع
الشاعر سعد هادي الشمري

#ابوذيات_الليله_السابعه
#ابوذيات_العباس



الــنــهــر لـو مــا على العباس.. ميمون  
روه اطــفــالــه وعليه المـوت.. ميمون 
الـعـطـش خـلاه مـلـوي سـرج.. ميمون

العــطــش شـب نــار بخـيـام الـزچـيـه


(١)..مَن عليه بالماء   (٢)..يمون   (٣) فرس الحسين ع

                                        *---------------*---------------*

أخـــوي الـمـا امـــزعـلـنـي.. بـــچـــلـمـا
لـجـل چـفـيـنـه بـالـجـربـه.. بـچـه الـمـا
علـى الـعـبـاس مـا ٱريـــده.. بچي الـ ما

يــذبــل اعـيـونـي ويـجـيـب الـمـنـيـــه


(١)..بكلمة   (٢)..بكاء الماء   (٣)البكاء

                                        *---------------*---------------*

يــعــبــاس الـــوفــه يــا زود.. يــابــاس
عگب صوتك لضعني السوط.. يـاب اس
دمــه بــجرح التراچي اهواي.. يـــابــس

الــشــعــر ظل لازگ بــشــيــلــة رقــيـــه


(١)..شديد البأس   (٢)..جاب أس "السكوت"   (٣)يابس

                                        *---------------*---------------*

  ✍️خادم الحسين ع
الشاعر سعد هادي الشمري

#هوسات_الليله_السابعه
#هوسات_الامام_العباس

                          

"صـدر الغيره" "ظَهر حسين . عــيـن الخدر" والنوماس
كـلـــهــن الــلــــه خـــلّاهــن . يصـيرن هـيـبـه للـعـبـاس
حـتـى اعـلـه الرمح شـفـنـاه . مــا دنّـگ وعـالـي الـراس

   ريــشــة راســه انشافت   ريش اجناح لملك الموت

                           *---------------*---------------*

مدام اترفله رايــه وسيف . يعني الطــف درب مگطوع
وويه العِــده بحلگ الموت . يِـسـد الـكـافـل المــوضوع
گـد مـا دمّـه حــار انـشاف . عالساريــه الـچـف مطبوع

   حتى النـسـمـه البالـطـف   تـصـفـن لـو گـالوا عباس

                           *---------------*---------------*

گـبُـل لا تـنـسـبـي زيـنـب . دره إلــهــه الــزمــان شـضـام
وعــلـى نهر الظمه الكافل . سِبه اهل الكوفه واهل الشام
وتــعــنّــه لجـاهـلـيــتـهـم . وعــالـشــط ثــبّــت الاســلام

    ابـچـَـد ازنــود السـاقــي   امورّد يـاوجـه التوحـيـد

                           *---------------*---------------*

  ✍️خادم الحسين ع
الشاعر سعد هادي الشمري
️

#نعي_#الليلة_السابعة
لسان_حال_الحوراء_زينب_تبث_شكواها_لكفيلها


حـاچـيـنـي يظهر حسين . شصار بگلب اخوي حسين
ويخوي الرايه واچفوفك . سلامة خـدري بـس بٱثنين
شفتهـه وغمضت عـيـنـي . وگلت ماريد اصـدگ العين
وصلت للخيام الــخــيــل . شوف شــســوه بينه البين

                           *---------------*---------------*

شـتـمـونــي وگلت عـبـاس . ضـربوني وگــلــت عباس
اچفوفك امــس حـرسـنّـي . هــســه اچفوفهم حـراس
صيواني يـبـو الـصــيــوان . بچف النار خويــه انجاس
ويبو الغيره بـحـوافـر خيل . عگبك يبن ابــوي انــداس

                           *---------------*---------------*

وصــل ظعنك الما صلّه . وصحت من حيرتي اسم الله
بــخــيـام الـربــاب النار . وخــشــب كـاروك عــبــد الله
دخيلك يابو فاضل ذاب . گــلــبــي وكــلــشــي مـا ظلّه
شِردت حـافـيــه الايتام . والــطـف يــلــتــهــب رمــلــه

                           *---------------*---------------*

حــرت يالغيرتك جــمــره . گلبي وخـيــمــتــي جــمــره
بيد اشگف الســوط وبيد . اضــم الــــوجــه بــالاخـــره
اجـدامــي للنهر ركــضــن . ردتــك مــــــا ردت گــطـــره
عـثـرت ابركضتي وتـدري . الــمــثــلــي تصعب العــثـره

                           *---------------*---------------*

ويــا ويــلاه مـن شـفـتـك . الـعــطـش مـا راحم بشفتك
امخلي السـهـم بعيـونـك؟ . ويـن اتـخـلــي بعد اخــتــك
ســبـي هــذا ودلالك ويــن . آنـــه لـــهـــاي رايــــدتــــك
هــيــچ انـتـهـت عـشـرتـنـه . لا خـويـه عـلــى بــخــتــك

                           *---------------*---------------*

  ✍️خادم الحسين ع
الشاعر سعد هادي الشمري

#قصيدة_للقاسم_ابن_الحسن عليهم السلام
خطاب #رمله_مع_القاسم ع

(#الوصيه)


.                      يـبـنـي شــوصــيــك    
                       وغــيـرة عـلـي بـيـك

           ولـلـحـسـن سمعآ وطاعه انكتب عالسيف

                           *---------------*---------------*

    الرُبه ويـاه السيف يبني عـالـوفـه ٱشـيـتـوصـه ؟
    وشفتـك مـن حـسـيـن تطلب لـلـمـنـازل رخـصـه
    نـسـوا چـنـهـم حـيـل ابوك وهاي عـنـدك فـرصـه
    الجمل قُصه وضربه ضربه بسيفك احچي القصه

                         يـل غِـيـرتـك جيش    
                        وحـيـل الكفر طيش

           وبـوقـارك حـيـل ثاني چـن شمس صيف

                           *---------------*---------------*

    الفارس يحب صوت سيفه ابـطـلـعـتـه من اگرابه
    ومثل ابـوك انته وحـسـامـك چن عـلـي ومحرابه
    ابـيـمـنـتـك سيـفك لمِعته الـجـيـش كـلـه ٱيـهـابـه
    عـسـكـر ابــن ازيــاد عــيــن وسـيـفـك الـسـبابــه

                        إلِّـتْـشـوفـه ســويـه    
                        جيش الـعـده اعميه

          الكيف كيفك وانته ابـوهـه والحرب كيف

                           *---------------*---------------*

    چان صـلـح الحـسـن بـاب وطف حُـسـينـك داره
    الـبـاب دِگّــه بــدمــك وادخــل ديـــار انـــصــاره
    حارب اجيوش الـسـقـيـفـه وعـالـكـفـر شن غـاره
    والـكِـسَـر ضـلـع الـزچـيـه بـگـلـبـه حـط بـسـمـاره

                        ومــن تــذكــر الـدار    
                        مـثـلـه اشـتـعـل نـار

          ومن حـقـد نار الـسـقـيـفـه تـاخـذ الحيف

                           *---------------*---------------*

    فجع گلب حـسـين الاكـبـر و أرد اواسي حسيني
    عيني انته وهوه ظـامـي وفدوه اله مـي عـيـنـي
    هــاي اخـر نــظــره الـي مــا بـيـنـك ومــا بـيـنـي
    وانـتـظـر مـوعـد واشـوفـك عـالـرمــح خـلـيـنـي

                       نــحــرك عـالــرمــاح    
                       لــو شـفــتــه أرتــاح

          ولو سـبـي مَر ٱعـلـه أمـك مُر ولو طـيـف

                           *---------------*---------------*

    حـسـيـن عـطـر الـخـوّه شـمّـك يبني بيك اتـگوّه
    ولو وگع شـوفَـك ابـشـوفـه اتـفـز جـروح الـخوّه
    بـجـرح الاكـبـر گـلـبـه ذاب وتدري بـيـه اشـسـوّه
    وخـلـي گـلـب الـظـامـي يـبـرد بـالــوفـه ويـتروّه

                       خلي امـك اتـشـوف    
                       زودك بــالٱطــفــوف

          ضيفك الموت واشوف اشـتـكـرم الضيف

                           *---------------*---------------*

    يـــزغـــر الـطـف وصــمـــودك يـجّـسّـام الـيكـبـر
    وعــالارض لـــو ســال دمـــك دم ابــوك اتـخـثـر
    الـجَـمـل رمحه مـو عـجـيـبـه لو بـجـسـمـك يعثر
    ولـو ســهــم صـوّب دليـلـك نـعـش ابــوك اتـذكـر

                    يــولـيــدي الاحــقــاد    
                    مــن عــهــد الاجــداد

          وحيدره صوت الحقيقه اليـكـرهـه الزيف

                           *---------------*---------------*

  ✍️خادم الحسين ع
الشاعر سعد هادي الشمري

#السلام_على_رملة_ام_القاسم

.
.

.  خـط اسمي اعله چفك     يــا جــســـام احـلـفـك
   ومـن اتدوسك الخـيـل     خــاطــر يبني اعـرفـك

                           *---------------*---------------*

يـأول جـــرح بـجـروحـي . و سـر دمـعـاتـي لـيـلـيـه
ويـا ثــانـي جــرح تـنـعـد . بـالالــف وتــســعــمــيــه
احـلـفـك بـٱول اجـروحـه . والاكـبـر عـنـد ابـوه ريّــه
بـالـيـشـتــمّــه الـعـذيـبـي . بــقــه يـمـك طـلـب لـيّــه

    چفك جـيـبــه اقـبـلـه     يـل كـــل آه تــحــلـــه
    اريد بـلـزمـة الـسـيـف     تـكـتـب اســم رمــلــه

                           *---------------*---------------*

من يـكـثـر عـجـاج الطف . ودخان الخيَّم يـوصـلّـك
يجـاسم لـلـنـحـر تـوصـل . الما توصل شسع نـعـلـك
تـتـسـلـب اعمامـه وثـوب . وتـتـمـدد جـــــرح كـلـك
و مـن اجروحك تـتـيّـهَـك . خاف ذيچ العميه تندلك

   الـرمـح صـايـر خـيالك     الـسـهـم بـايـگ جمالك
   ونحرك حاضنه السيف     يالـمـضـيـعـنـي حـالـك

                           *---------------*---------------*

ادورك واذا مـــــا ألــگــاك . من يـخـلـص ضوه العاشر
ادورك يـبـنـي تـالـي الليل . بلكي الگه اسمي يم حافر
و ألـمّـك مو ابچف بالروح . يـا دمـعـة حـــزن بــاچـــر
واگلّبـهـه الـسنـابـك خـاف . مـنّـك بـيـهـه شـي صـايـر

    مـطـر عـالـرمـلـه دمـك     ووذر يـبـنـي اشـيلـمـك
    يـالـمـغـيّـرته السـيـوف     ارحــــم گــلــب أُمــــك

                           *---------------*---------------*

اراقـب مـن بـعيد حسين . مـــن ٱتــــروح وأنـتـظـره
اگـولــن مـــا تِــرِد  لــمّــن . يـحـط ايـده على صـدره
من يـنـصـاب گلبه اعليك . واتـبـيّـن عـلـيـه كــســره
هـذاك الـوكـت يا جـسّـام . لا تــســألــنــي عـالـعـبـره

   الـگـلـب يگطع الضـنّـه      واعـيـش لـحـزنـي ونّه
   ويـعـريـس الـمــنــايــه     أفُـر خـيـمــاتـي حــنّــه

                           *---------------*---------------*

مـن يگرب عليك الـمـوت . يـبـن الـهـلا ونـار الـضـيـف
اشويه انـحـنـي يا جسّام . حتى اتموت موتت سـيـف
ودمـك حــار خَــل مــنّــه . تشبع خجل شمس الصيف
يالبـكـيـفـك ردت عاشور  . يبني المـوت هم بـالـكـيـف

    مـثـلـك مــيّــتــوَصّـــه     اليـزيـد لـديـنـه حرصه
    ويـا جــسّــام مـــــرات     يـصـيـر الـمـوت فرصه

                           *---------------*---------------*

  ✍️خادم الحسين ع
الشاعر سعد هادي الشمري

#الليلة_الثامنة_محرم #القاسم_بن_الحسن ع

قصيدة (#حلم_رمله)



.              جسام يــبــنــي تريدك الـروح
               ها يا فرحتي شــلــون مذبوح
               بگلبي انته وٱشْدلّاهه الجروح

                             *---------------*---------------*

جـبـت العمر دمـعـه وامـل . حد ما شفت طولك وطن
ارسـوم الشباب وهـيـبـتـه . هـسـه اعلـه وجهك سيّرن
شفت الحسن بـيـك وگلت . يـمـكـن ضـحـك ليّه الزمن
والغابن ٱويــه الـمـجـتـبـى . تـوهـن عـلـى لسانك حِلَن

               احچاياته ادورّهــن بالاحـلام
               وصـارن على السانك يجسّام

               تالي جمالك عــالــثــره يـروح
               بگلبي انته واشدلاهه الجروح

                             *---------------*---------------*

يبني وگضـه ٱويـاك العـمـر . متنطّره لـطـولـك يـشـب
يبني الخيم بـعـدك هــوَت . ومثل الخيم تدري الگلب
عطشانـه عـيـني لشوفتك . جاسم يبو طـول الـعـذب
متعافي اجه الموت واخـذ . نسمـه العله الـريـه تـهـب

               عميانه عين امك ولا اتشوف
               راح الـربــه لاحضان السيوف

               بلا راس فــوك الغبره مطروح
               بگلبي انته واشدلاهه الجروح

                             *---------------*---------------*

صوتك يبو صـوت الـحـلـو . لَبّيك لـحـسـيـنـك صـــدح
ومـا ادري البـعـيـني هـوت . دمـعـة حـزن ؟ دمعة فـرح
ســاعـتـهـه حسيت بـزهـو . وساعتهه چن گلبي انجرح
بهالكلمه اضيعك صح لچن . بهالكلمه احـس گلبي رُبـح

               بگلب امك اتجمّعن ضــديــن
               حزنك ، وفرحة نصرة حسين

               وللحالتين الـدمع مــســفــوح
               بگلبي انته واشدلاهه الجروح

                             *---------------*---------------*

بــلــســانــك الـيُــمــه دوه . لجروحي المضيّعه الـدوه
شـبـدّاك يـا مــاي الـعــمــر . عــود الـگـلـب يبني ٱلْتوه
نـار الخيم تـچـوي الـجِـدم . بـس الـگـلـب بيك انچوه
والـگـمـره ضـاعـت يالـولـد . مـن ضـيّـعـك ليلي ضـوه

               الظِـمه وحــزنــك بيّه واحتار
               انجمعن بـگـلـبـي الماي والنار

               ومــا سِكن گلب الفاگِده ينوح
               بگلبي انته واشدلاهه الجروح

                             *---------------*---------------*

جـسّـام يــا روح الـحـسـن . بـيـك انفجع گـلـب النـبـي
ومن شفت راسك عالرمـح . ياناري صـحـت اتـلاهـبـي
حسيت  سـاعـتـهـه  الـزمن . لـلـمــوت صـــاح اتـگـرّبـي
مـن يـعـدل الـمـحـمـل الـي . وظعنك اخذ درب السـبـي

               والليل يخلص يمّـه دمــعــات
               ويــن الخــرايــب بيهن انبات

               ليل السبي لاحـزانــه ايــبــوح
               بگلبي انته واشدلاهه الجروح

                             *---------------*---------------*

  ✍️خادم الحسين ع
الشاعر سعد هادي الشمري

ابوذيات #القاسم_عليه_السلام
#لسان_حال_رملة #ام_القاسم ع



السبي ويه ام عـون گلبي اسنين.. رمله
وانـســه ابـنـي لـونـهـه اتـصـيـح.. رمله
جـفـنـي . الـطـف شـبـيـهـه ومثل.. رمله

دمــــع وادمــوم خــالَــطــهــن ســويــه

                                       *---------------*---------------*

شبيه الـحـسـن بيده الـجـيـش.. جسام
الگـبُـل لا جاس نـحـره السيف.. جسام
بـنــهــار الـعــشــره لـمـن صـال.. جسام

الــجَــمَــل ردّت و رَد الـحـَـســن ضـيّــه

                                       *---------------*---------------*

الـسـبـي والـحـزن ذنـي اثـنيـن.. وِد  لآل
عـلـي ، و  إلـهُـم أربّـي اسـنـيـن.. و ادلال
ابـنـي طـبـع ابـــوه ، اســيــوف.. و ادلال
خـسِـف حَـط بيهه ابـو اچـفـوف السخيه

                                       *---------------*---------------*

اهـــل بــيــت وعـلـى كــل بــيــت.. نعله
وطــفــنـــه بــالـحـــزن جــبــريــل.. نعله
جــاسـم ، جــيــش امـيـه وشـسـع.. نعله

زعــل وبــزعــل شــدهــم عــالــوطــيــه

                                      *---------------*---------------*

يـعـيـنـي مـن مــســيــل الـدمـع.. لاذيـچ
عـلـى الـ مـن الـمـصـايـب عُـمـر .. لا ذيچ
انـسـبـيـت وبــعــد لا مـن هـــاي.. لا ذيچ

   لا زفـــتــــه ولا رد ابـــنـــي الــيّــــه

                                       *---------------*---------------*

  ✍️خادم الحسين ع
الشاعر سعد هادي الشمري

#وا_قاسماه
#السلام_عل_جبل_الصبر


#زينب_والقاسم 👇
.
.

الحــســن جـرحــه يجاسم.. هـايجاسم
وزماني الـطــغــه، لگلبي بـ .. هـايجاسم
مِـثـل الـحَـسَــــن چـــنّــــك.. ها يجاسم

مـتـت واتــعــانــي مــن اســهــام امــيّــه


(١)هيّجه السَم  (٢) قسّم گلبي  (٣) القاسم

                                     *---------------*---------------*

مــثـلـك مـنـــو بــيـوم الــمــوت.. ينزَف
يا مــن جــرحــه وســط الگـلـب.. ينزف
نـحـرك بــعــده فـــوگ الـسـيــف.. ينزِف

وانــزف خــبــر مــوت حــســيــن الــيــه


(١)الزفّه  (٢) ينز أوف  (٣) نزيف النحر

                                     *---------------*---------------*

✍️الشاعر
سعد هادي الشمري