#زينب_ع

.

اخــــوي الـمـا امـزعـلـنـي.. بــچــلـمـا
لجـل چـفّـيـنـه بـالـجـربـه.. بچـه الماء
عـلـى الـعـبـاس مـا ٱريـده.. بچي الـما

يــذَبــل اعـيـونـي ويـجـيـب الـمـنـيـه

                     *---------------*---------------*

  ✍️خادم الحسين ع
الشاعر سعد هادي الشمري

.



.                 زيـنــب يـخـوهـه  
                  بـعــدك سـبــوهـه

لنار الـخـيـم تنـخاك     وانـتـه ابـن ابـوهــه

                                 *---------------*---------------*

      من شبوا الخيمات صاحت يـكــافــل
      شـبّ الـخــدر بــالـنــار ها يابو فاضل
      يــتــصــاعــد الدخان بس دمعي نازل
      وجابوهه عجفه النوگ عگب المحامل

                  ولــو يا ولــيــنــه
                  عنك مــشــيــنــه

عگب الـدلال الـراح     تـــنـــشَـــد اديــنــه

                                 *---------------*---------------*

    ها يـاكــفــيــلــي اتصيح الحگ حرمنه
    نار وجــمــر عالگاع طـاحـت خـيـمـنـه
    اتـطـشـرنـه خـويـه انـريـد تلحگ تلمنه
    يارحمة الله الـيـوم مــحــد رحــمــنــه

                 نار ابــخـيـمــهــه  
                 ولا والي يــمــهـه

واخت الـزلم هاليوم     ذبــحــوا زلـــمـــهــه

                                 *---------------*---------------*

      گصدت خيمهه بنار خـيـل اعـوجــيــه
      الطحنن ضلوع احــســيــن بالغاضريه
      هـالـلـيـلـه يـا عــبــاس لــيــلــة رزيــه
      خيمه الــعــلــم ســوّيــه لبنت الـزچيه

                  زينب هــظـيــمـه
                  اتظَلّلهه غــيــمــه

جيب العلم ســوّيــه     لـلــحــره خــيــمـــه

                                 *---------------*---------------*

      متعنيه صوب الماي تشرح وضــعـهـه
      منهه استحن جرفين من صب دمعهه
      مـحــنــيــه چنهه الجود  زايد وجعهه
      يــم النهر عباس چــفــك فــجــعــهــه

                  دمـع الـفـجـيـعـه
                  صب عالشـريـعـه

شـافـت سهم بالعين     بـنـت الـــــوديــعــه

                                 *---------------*---------------*

      بعدك يظهر حسين احنت ظــهــرهــه
      وسهم الخذالك عين ماخذ نــظــرهـه
      ام الــحــزن لـو طال بعدك عــمــرهــه
      بس للدموع اتعيش يا عظم اجــرهــه

                  دمـع الـمـصـيـبـه
                  يثگل نــحــيــبــه

زينب حزينه اعليك     مـــــاتـت غــريــبــه

                                 *---------------*---------------*

  ✍️خادم الحسين ع
الشاعر سعد هادي الشمري

@saadhadi83

أبوذيات #زينب_تخاطب_العباس_ع
.
.

يـــعــــبــــاس الـشــــريــــعـــه.. ولـمــتــنــه
النـــظـــر مـــن شـــاف چــفـك.. ولّه مـتـنـه
الــخــيــل الــطــــشــــرتــــنـــه.. واللـمـتـنـه

الـروس الـمــجــبــلــه اعــلــه الـســمــهــريـه

                    *---------------*---------------*

هــــمّـــك طــغـــه و يــا عــبـــاس.. يـر هــم
يـمـن فــگــدك نــــيــــاط الــگـلـب.. يــرهــم
يــخـــويـــــه يــا دوه لـلــــذبــــح.. يـرهــــم

عــجــب يـــدواي صــــرت الــمــوت إلــيّــــه

                   *---------------*---------------*

  ✍️خادم الحسين ع
الشاعر سعد هادي الشمري

@saadhadi83

قصيدة(#عيون_زينب)



.    اعيون زينب يبو اليمه اشـحـالـهــه
     وشـافـت الـنـبـلـه بـنـظـر كـفّـالـهــه

                                   *---------------*---------------*

     اعـيـون زيـنـب بـالـمـدامـع غـارگـه
     حگهه غير اعيون اخوهه امفـارگـه
     كـثـر مــا بـالـعـبـره زيـنـب شـاهگه

     ابــلا زفــيــر الــهــوى يـتـعـنـالـهــه

                                   *---------------*---------------*

     ابنـيّـة الزهــره الزچــيـه اجفـونـهـه
     امجـرّحـه وتــشـبـه زراگ امتــونهه
     ابچفهه مـن تمسح الـحــره اعيونهه

     الجِفن يتجرح وخـشـنـه احـبـالـهـه

                                   *---------------*---------------*

     مـن البـواچـي اعـيون زينب رايحه
     شمس چـنهه وعلى المغرب طايحه
     ضـاع صـوت الحـره گـد ما صايحه

     على اللي من تمشي چان اخيـالـهـه

                                   *---------------*---------------*

     مـن البواچـي اعيـون زينب غـايـره
     كثـر مــا صــوب الشريـعـه نـاظــره
     اعيـونـهـه جربـة الـكـافـل صـايــره

     دمه ومـاي اتـنـگّـط اعـلـه ارمـالـهـه

                                   *---------------*---------------*

     اعيـونـهه العبـاس كل موضـوعـهـه
     وجرّحـت خـديــن مـن ادمـوعــهـه
     ابـغـيـر چـفّـه مـا تـوِج اشـمـوعـهـه

     الـ خـيـمـه مـن سيف ورمح سوّالهه

                                   *---------------*---------------*

     اعيون زينـب بچي ومـدمـع ذابـلــه
     صــوره لـلـعــبــاس بـيـهـن شـايـلـه
     حـتــىٰ مــن اتـنـام مـنـهـن نـــازلــه
     وشـافـت الـنـبـلـه بـنـظـر كـفّـالـهــه
     ادمـوعـهـه ويـنـبـض حــزن دلالـهـه

                                   *---------------*---------------*

     اعيون زينب بالبواچي امغـورگـات
     اگبالهه ذبحـوا ضـواهن عـالـفــرات
     بالخـرابه تگضـي ليـلـتـهـه وتـبــات

     وعين اخوهه اعله الرمح تـبـرالـهـه

                                   *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#ابوذيات_حواريه بين
مولاي سيد الشهداء الحسين ..ع..  وجبل الصبر زينب ..ع..

                       
(السيده تقول)

تــــدمّــــن بــالــبــــواچــــي حــــيــل.. يجفون
عــن ابــن امـي بــســبــي وبـالـظـعـن.. يجفون
ويــن الله اعــلــه جــسـم احــســيــن.. يجفون

و ٱشَــــوفــه امــچــــان تــــرچــيــة رقــــيــــه

                      
1..(الجفون) 2..(مِن الجفاء) 3..(التوقف)

                                *---------------*---------------*

(جواب الحسين ع)

تــعـالـي وشـوفـي جـسـمـي ، الـحـيـل.. گلّ بي
و ســهــم صـــدري طــلِــعــتــه منين؟.. گـلبـيـه
يـــزيــنــب مــــن اجــتــنــي الــخــيـل.. گـلـبـي

انــمــرد مــــــن ثــگــل دوس الاعــــوجــــيــــه


1..(قليل)     2..(قلّبّيه)    3..(القلب)

                                *---------------*---------------*

(السيده تقول)

اجـبــال ادمـــوعــي فـــوگ الـوجــــن .. بـــسّــاً
و مــــــا تــســمــع  بـــروحـــي غــيــر .. بس أن
أصـــد لـلــراس و ٱلــــمــــح كــــســــر .. بالسـن

كــســر يــشــبــه كــســر ضــلــع الــــزچــــيــــه


1..(سقطت)  2..(الأنين فقط ) 3..(الاسنان)

                                *---------------*---------------*

(جواب الحسين ع)

تــــدر اعــــيـــونــي فــــوگ الــــرمــــح.. لــمّــن
گــلــبــچ . و الــــمــــصــــايــــب بــيـــه.. لــمّــن
كــســر ســنــــي يــــزيــــنــــب هــــــان.. لــمّــن

طــفــر دم مــتــنــچ ٱمــن اســــيــــاط امــــيـــه

1..(لمّا أَن _من الأنين) 2..(تجمّعن) 3..(الوقت)

                                *---------------*---------------*

(السيده تقول)

اعـيـونــي امـشـوبـحـه اعــلــه الـرمـح.. واتراب
اعــلــه نــحــر العُــمــر عِــشــت ويـــاه.. واتراب
بـــ شــيــبــك لــيــش دم يــحــســيــن.. واتراب

جــمــالـك گــضــه بــــرمــــل الــغــــاضــــريــــه


1..(تنظر)  2..(تربيت معه)  3..(التراب)

                                *---------------*---------------*

  ✍️خادم الحسين ع
الشاعر سعد هادي الشمري

@saadhadi83

.


.    وين هــسـه بيا مــكــان اظــعــونــهــه
     بيا خــرابــه زيــنــب ايــگــعــدونــهــه

                                 *---------------*---------------*

     الـخـلّـص ٱيـــام ولـيـالـي بــالــنــيــاح
     و بيْه مَــر الــتــعــب لازم يــســتــراح
     ليش مـن چــف العقيله كــلــشــي راح

     انسلب منهه حـتــه نـوم اعــيــونــهــه

                                 *---------------*---------------*

     الــقــاربــت من العمر ســتــيــن عــام
     كــون هــدوة لـيـلـهـه ٱبــراحـه تـنـام
     لــيــش زيــنــب فارشه ارمـاد الخيام

     وسهم عين الگمر وسط اجـفــونــهــه

                                 *---------------*---------------*

     كل وقـار الدنيه بــس شتموهه طيش
     وٱبــخــرابــه ٱبلا سگف گَعدوهه ليش
     الــشـمــر بلّه بت عــلــي يطلبهه بيش

     ومثل نحر حـسـيـن دمّه امــتــونــهــه

                                 *---------------*---------------*

     يــمــيــل چـف الشمر بالسوط وتميل
     ابـلا حمه صـارت بنت حامي الدخيل
     لحال زيــنــب مــدمــع النـاگــه يسيل

     بناگه عجفه زيـنـب يــصــعــدونــهــه

                                 *---------------*---------------*

     شــلــون دوره الــوكـت تالي العمر دار
     اعله الـهـزيـلــه بلا غطه ممشاهه صار
     اشسوت بوجــه الــخِــدر شمس النهار

     اليعرفوهه . صـفـوا مـيـعــرفــونــهــه

                                 *---------------*---------------*

     شــلــون تالي بــزيــنــب اندار الزمان
     لــيــش امان الدنــيــه هسه ٱبلا امان
     اسنين مهبط للوحي بيت امهه چــان

     على المِلّه خـارجــه يــوصــفــونــهــه

                                 *---------------*---------------*

     مـن تطب ديرة غرب تجري ٱلهه عين
     زيــنــب اتـغـطـي وجـهّـه بـالــ إديــن
     صار فيّ من الشــمـس راس الحسين

     اخــوتــهــه وٱم الـمستحه يـدرونـهـه

                                 *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

#زينب_ع
.


ظُمـيت وذبل گـلـبـي.. والمي وده
يــجــي بــيــد الاوده.. والــمــوده
شـفـت آيــة الـقـربـىٰ.. والــمــودة

بصدرهن صار دوس الاعــوجـيــه

                                          *---------------*---------------*

المثل حـسـيـن اخـو ما يوم.. يلام
يجِل اخـتـه الـعـقـيـلـه مثل.. يلام
الـ اتطشره الـسـنـابـك بيش.. يلام

و حِـجِـل دمّـه لحوافر خيل امـيـه

                                          *---------------*---------------*

  ✍️خادم الحسين ع
الشاعر سعد هادي الشمري

يُنقل ان أثناء مسير قافلة السبايا بعد أن غابت الشمس
توقفت القافلة قليلاً، وحين أرادوا اكمال المسير
وجدوا الرمح الذي كان عليه رأس الإمام الحسين ( ع ) ثابتا في الأرض لا يتحرك...!! والسبب ( طفلة.! )

#نعي_في_مسير_السبايا_الى_الشام


الليل چلچل والظــعــن ســار
وشـيـّـال راس حسين محتار
الرمح ظل ثــابــت على الگاع
والراس عينه لبـنــتـه يــنــدار


الســجــاد حاچاها الـســبـيــه
اتفگدي اطفال الـظــعــن لـيّـه
نادته عمته وتجري الــدمــوع
يا عــمـــه ضــيّــعــنــه رقــيـه


الطفله الــعــســاچــر دوروهـه
ابفَي نخله مــتــوســده لگوهه
ومن نومهه رقيه بضرب سوط
وابــشــتــم تــالــي گــعدوهــه


تـرتــاح لو رادت اشــحــدهــه
ايشتمون ابوهه وعلي جـدهه
بـوجناتهه دم يجري وادمــوع
ارقيـه بحبلهه امسحت خدهه


تمشي ودمعهه يــجــري بـ آلام
ومن الشوك متجرحات الجدام
زينب تــگــلــهــه منيـن تشكين
والطفله صاحت شكوتي الشام

                    *---------------*---------------*

  ✍️خادم الحسين ع
الشاعر سعد هادي الشمري

@saadhadi83

.
*بعد مقتل الحسين عليه السلام : ( نادى عمر ابن سعد في أصحابه : من ينتدب للحسين فيوطئ الخيل ظهره ، فانتدب منهم عشرة...
*ينقل عن الامام السجاد ع
(( لقد انطبق ظهر الحسين على صدره ))



والله لخسفك يـا صــدر ** على حسين واولاده

                                *---------------*---------------*

دم باچيه اعيون الحجر = على حسين واولاده
احمر نـزل حـتـى المطر = على حسين واولاده
امجرّحه اعيون المنتظر = على حسين واولاده
حــزنــانـه آيـات وســوّر = على حسين واولاده

للـ بالشمس جسمه بقه * امسوي الرمال اوساده
والله لخسفك يـا صــدر ** على حسين واولاده

                                *---------------*---------------*

ماي النهر مــدمــع صفه = على حسين واولاده
گلب الخيم شب ماطفه = على حسين واولاده
حال الحرم شـيـوصّـفـه = على حسين واولاده
مگطوع گلب المصطفى = على حسين واولاده

مذبـوح طفله بـالـسـهـم ** واعله الهِزل سَجّاده
والله لخسفك يـا صــدر ** على حسين واولاده

                                *---------------*---------------*

حـزنــانـه امـلاك السمه  = على حسين واولاده
نزلت تــعــزي فــاطـمـه  = على حسين واولاده
روح الـوصـي مـتـألـمـه  = على حسين واولاده
زينب بــقــت لَسّه بظمه = على حسين واولاده

للشام طبّت بـت عــلــي ** مسبيه عمت الساده
والله لخسفك يـا صــدر ** على حسين واولاده

                                *---------------*---------------*

ينعاش بِٱلْـونّـه العــمــر = على حسين واولاده
مــذبــوح معناه الـذكــر = على حسين واولاده
كــســر الشرع ما ينجبر = على حسين واولاده
زيــنــب مدامعهه حُـمُـر = على حسين واولاده

الـصلّت بليل اهـدعـش ** و إلهه الجمر سِجّاده
والله لخسفك يـا صــدر ** على حسين واولاده

                                *---------------*---------------*

الشيعه متعوف الحــزن = على حسين واولاده
الدنيه شنو لـو مـا نِــوِن = على حسين واولاده
متبلل بــدمـعـه الـجـفـن = على حسين واولاده
الشيـعـه بحزنهه تمتحن = على حسين واولاده

وبالشام جيش ابـن هند ** دگ الـطـبـل لاعياده
والله لخسفك يـا صــدر ** على حسين واولاده

                                *---------------*---------------*

 
✍️خادم الحسين ع
الشاعر سعد هادي الشمري

@saadhadi83

قصيدة(#واضيعتنا_بعدك)
#نزلة_لقمر_بني_هاشم ع


فــــگــدنــاك     يــحـارس خـيـمـة اخــتــك
نــخــيــنــاك     عِــلــه الــــراس وعــذرتــك

                                   *---------------*---------------*

    يظِل ظلي ووجــه خــدري وامــانــي
    يضي عيني الفــگــد عينه وعِـمـانــي
    يبسملة الـحُــســيــن ونــحــره قـرآن
    شــرحــت بنحرك الســبــع المــثـانــي

الايـــــــــات     تــبــدّت وي جِــــربــــتــــك
نــخــيــنــاك     عِــلــه الــــراس وعــذرتــك

                                    *---------------*---------------*

    شفت صدر الخيم بي ضاگت انفاس
    ومــن خــوفــي قريت الفلق والناس
    يخويه الساتر الله اتــأخــرت لـيــش !
    يا حيل الحسين .. إلحگ يــعــبــاس

شـنـو المـاي     الـعِـطـش كــلــه لـكـلـمـتـك
نــخــيــنــاك     عِــلــه الــــراس وعــذرتــك

                                    *---------------*---------------*

    بخدري وبالخيم وبــگــلــبــي نـيـران
    و ظماي ٱمن الچفوف الهوت خجلان
    رســالــه لجربتك كــتــبـتـهـه الدموع
    هــنــيــئــاً شَيّعَتهه اچـفـوف عطشان

السـهــم ذاك     رمــــاهــــه وفــارگــــتّــــك
نــخــيــنــاك     عِــلــه الــــراس وعــذرتــك

                                    *---------------*---------------*

    نخيتك وانته ابـو الطف والـمــهــابــه
    والــ ٱمــربــيــه علي اعــرف جــوابــه
    من گتلك حسينك .. گتلي بـالــعــيــن
    السهم صـوب اعــيــونــك خاف صابه

الـنـظـر غاب     الــدمــه تــارس نـظــرتــك
نــخــيــنــاك     عِــلــه الــــراس وعــذرتــك

                                    *---------------*---------------*

    بچيت . ومو على الخيمه جـرت عين
    شـسـوي بخيمتـي وامـسـلــب حسين
    شــفــت سـيـف الشمر مـرفوع ليفوگ
    وعــرفــتــك يـعـبـاس ٱبــلايــه چفين

صــحـت آآه     الــقــصــد بـالآآه صـحــتـك
نــخــيــنــاك     عِــلــه الــــراس وعــذرتــك

                                    *---------------*---------------*

    اعله طول الغاضريه شـلــون اجَمعك
    يالـمـوذر .. واريــد بــحــرگـه اشيعك
    اشــم الـطــف شــبــر يتبع شبر كـوُن
    مـن اريــد اطلع يبو فاضل واودعــك

بــالــدمـــوع     يــخــي عــن بُــعــد زرتــك
نــخــيــنــاك     عِــلــه الــــراس وعــذرتــك

                                    *---------------*---------------*

  ✍️خادم الحسين ع
الشاعر سعد هادي الشمري

@saadhadi83

.



يا حــيــرة الــســجــاد ليلة دفن أهــلــه
بلا راس ابوه حــســيــن مــا داره للقبله

                    *---------------*---------------*

وســط الحصيره حسين لمن جمع جسمه
مــا غـمـضــالـه العين مــذبــوح ابو اليمه
نحره انــجــســم نصين ويـلاه صعب لمّه

ومــن چفه خنصر ضــاع مـا يگدر يسبله

                     *---------------*---------------*

بگلب الـعـلـيـل اهات يا لـيـلـة الــدفـنـه
وبلحده صدر حــســيــن صاير مهد أبنه
بدم نحر ابوه بالــمــوت عبد الله يتحنه

واتـحـنـه صــدر حسين مـن ضربة النبله

                    *---------------*---------------*

ابجسم الحسين اجــروح  الـف وتسعميه
ويا چـف علي السجاد بالحبل مــدمــيــه
يم جـســم ابوه احــتــار واختنگت الريه

يـنـلـچـمـن الـجـسـمـيـن لـو رايـد ايحمله

                     *---------------*---------------*

يـا حــيــرة الــســجــاد من نــزّلــه لـگـبـره
من الگفه بنحر حسين شاف اثنعش طبره
من ظهره گلبه انشاف بـي ساحگه العشره

ايردد الخيل الخيل جــمــرتــهــه مو سهله

                     *---------------*---------------*

اتعنه العليل الــمــاي يــمّــه ولـزم گــلــبــه
چـف نِــظَــر للـعـبــاس ظَل لازم الـجـربــه
بــوكــت الظـلام يصير لَـم الـگـمـر صـعـبـه

اتــبــده ضـوه وعــبــاس چفـه علي امقَبله

                    *---------------*---------------*

للـكــوفــه رد بالآه والــدمـــعـــه سـالـفـتـه
مـن الـگـبـر چـف اتــراب رد مــاخــذ لعمته
گلهه الگضـه عـطشـان بــدمــوعــي غسلته

ونـار المــخــيــم بيه  ليهسه مــشــتــعــلــه

                    *---------------*---------------*

بانفاسـه جــمــرة اتعيش يـا حسرة العاشر
بسيف الــحــزن والآه مــذبـوح ابـو الباقـر
جسم السبط عـالگاع شافه وصَـل صــايــر

والـمـنـحـره قـرآن، سـيـف الـعــده ايفصّلـه

                    *---------------*---------------*
 
✍️خادم الحسين ع
الشاعر سعد هادي الشمري

#أبوذية_لسيد_الشهداء ع


الحسين بـروحــي سر والسيف.. بـحّـاه
وگـطـع هـرش الگلب والصـوت.. بـحّـاه
الــبــلــوة الــ مــــا تــفــض بــآه.. بأحّاه

بــلــوة زيـــنـــب الــبــالــغــاضــــريــــه

                    *---------------*---------------*

  ✍️خادم الحسين ع
الشاعر سعد هادي الشمري

#شور
قصيدة (#عارفاً_بحقه)


مُـنـفَــرِد بالعَـــــراء     مُختَـضَـب بالدِمـاء

                     غــريــب

                                   *---------------*---------------*

الـسـلامُ عـلـى الـحـسـيـن 
الـــــذي  . من سَمَحت نـفـسـهُ بِـمُـهـجَـتـه
والــدُعـا . للـسـمـا يُــرفــع تـحـت قُـبــتــه
والـشِـفـا . جـعـل الله الـشـفـا فـي تُـربـتـه

   عمت عيني اوســاده صارتله الــرمــال
   ويسمع ٱمن الــخــيــم بس چلمة تعال
   أيّسَت من جــســمــه ما ظل بي مچان
   وگــامــت اتــطــيــح النبال اعله النبال

جسمهُ مُـســتــبــاح     أثــخـنــتــهُ الجِراح

                      تــــريـــب

                                   *---------------*---------------*

الـسـلامُ عـلـى الـحـسـيـن 
الـــــذي  . نُـكِـثـت فــي كــربــلاء ذمــتــه
عــنـــوةً . هـتـكـت تلك السيوف حُـرمـتـه
والــدمِـا . مـازجـت وجهُ الثرى في شيبته

   امــحــيّــر ايصـد ٱلمن ويــنــدار ويــن
   للخيم لو للعده اتــلــچــمــه الاثــنـيـن
   ايــذبــحــه راد وعالگفه داره الـشـمــر
   واتـراب ظـل يشهگ ابأنفاسه الحسين

ظامياً فـي الطفوف     ذاقَ حـدَ الـسـيـوف

                     ســلـيــب

                                   *---------------*---------------*

الـسـلامُ عـلـى الـحـسـيـن 
ظـامـيــاً . سـيـدي يا إبـنَ زمـزمْ والـصـفـا
كـيـف لا . أنـدِبُ من كان مـهـتـوك الـخِـبـا
وبــكــت . لــهُ قـبـلـي كُـل أمــلاك الـسـمـا

   ابْــلا مُــنــاصــر وحــــدّه ظـل الامــام
   الــگــمــر غــاب ، ولازمه ظهره السهام
   ومـن كــثــر مــا على زيــنــب محترگ
   مو گلب چن عنده، بضلوعه الـخــيــام

  رشقوا بـالــنِــبــال     كل ذاك الـجــمــال

                     خـضـيـب

                                   *---------------*---------------*

الـسـلامُ عـلـى الـحـسـيـن 
الـــــذي  . دفنتهُ اهل القرى في الـفـلـوات
جـسـمـهُ . صـار طُـعـمـاً للذئابِ الـعـاديـات
تختـلـف . لـهُ فـي الطفِ السباع الضاريات

   بطرف مخفي يديـر عـيـنـه بهالمصاب
   للـخـيـام وگـلــبــه لـجـل ارقــيــه ذاب
   جــرح لـلــتــرچــيــه جــامــد دم عليه
   والـگـصـايـب لازگ اعليـهـه الـحـجـاب

لهُ الـبــيــت الحرام     قد بكى والـمــقــام

                      عـجـيــب

                                   *---------------*---------------*

الـسـلامُ عـلـى الـحـسـيـن 
صـــدرهُ . عُرضةً للخيل مـهـشـوم الضلوع
من بكى . لـه الـمـهـدي دمـآ لـيـس دمــوع
ولــــــــهُ . فـي مـدى الأيـام بـكّـاءاً جـزوع

   المهدي گـلـبـه خـارطـة طف كــربــلاء
   ودمّه يــفــتــر بالجسد مــوكــب عزاء
   ما درينه ٱبيا أرض مـجــلــســه يصير
   لــچــن ندري اتــنــوح وياه الـســمــاء

وســلام الحــزيــن     الــوالِــه المستكين

                     نـحــيــب

                                   *---------------*---------------*

  ✍️خادم الحسين ع
الشاعر سعد هادي الشمري


*القصيده وبعض مفرداتها مستوحاة من زيارة الإمام الحسين عليه السلام في يوم عاشوراء ( زيارة الناحيه المُقدسه) وهي من الشعر الملمّع

#الامام_السجاد_ع
قصيدة (#قصة_عليل)



.          عشت عمرك مـواجـع
           سـبـي ونـار ومـدامـع

   عليل وعـالـهـزل مـچـتـوفـه ادينك

                                    *---------------*---------------*

عُــمــر  ،  مـن الـمـديـنــه لـلـمــديـنــه
عــشــتــه وچــانـت ايـامـك حــزيـنـه
تـصـد لـحـسـيـن . جـسـمـه امسلبينـه
تـصـد لـلـخـيــم ، تـنـخـاك انـسـبـيـنـه

           شفت عبد الله باچي
           و شفت دم التراچـي

   يبو الـبـاقـر بـعـد شتشوف عيـنـك

                                    *---------------*---------------*

يـخـو الأكــبــر لـيــالــي الـغـاضــريــة
ابـرزيـــه ابـتـدن خـلـصـن بـالــرزيـــة
روس اخــوانــك اعـلــه الـسـمـهـريــه
الـحــــرم كـلـمـن بـنـاگـتـهـه وسـبـيـه

           تصدله ودمعه بالعين
           وساده الرمل لحسين

   اعله حمل السيف حيلك ما يعينك

                                    *---------------*---------------*

شـفـت زيـنـب تِـــوِن ونّـتْ هـظـيـمـه
كـل شــويــه تـــوگــع الـهـه خــيــمــه
شـعـجـب ما صـعـدت الروح الألـيـمـه
الـمُــهــر مـن ردلـك يـنـادي الظلـيـمـه

           بوسط الخيم محتار
           وبـثـيـابــك دوت نار

   وصـوتـك يـعـلـه يا عـبـاس ويـنـك

                                    *---------------*---------------*

بصلاه ليل اهدعش درت الوجه وين
وهيه القبله منداره اعله الحــســيــن
امصلايه جبت يـا سـيــدي امــنــيــن؟!
ومحترگـه عــبــاتــك والــصــواويــن

           بنهر تتوضه مـاگــول
           وعليه عباس مچتول

   وضـوئـك صعب صار وچاتـفـيـنـك

                                    *---------------*---------------*

إمـام الـدنـيـه بـس مچتوف عالـنـوگ
بـحـز الــحـبـل إيـْـد وجِـيـد مـحـروگ
عليل ولحظه جفنك عـيـب مـطـبـوگ
الـشـام بـحـجـر تـتـلـگــاك بـالــســوگ

            دخلت لمجلس ايزيد
            وچان بشامهم عــيـد

   وبالخارجي شـلـون امـوصّـفـيـنـك

                                    *---------------*---------------*

خـطَـبْـت وحـيـدرة بـكـوفـانـه چن رد
و إلـك قــصـر الـطـغـاة بـهـاي يـشـهـد
گــلــت آنـــــه الــذكــر وآيــاتــه انـعـد
امـــــي فــاطــمــه وجــــدي مـحــمــد

           غفه ابيباني جـبـريـل
           واقاتل على الـتـأويـل

    ودين المرتضى الحق چـان ديـنـك

                                    *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#الامام_السجاد_ع
#عليل_كربلاء
.

.                  گلبه بظعن عمـاتـه    
                   يشبه جمر خيماتـه

                             *---------------*---------------*

  يــا ســلام ٱلـلَّــٰـه عَـلـه
  الـظَـل عـلـيـل بكـربـلـه
  العاش ذبح حسين واهله والنِظَر سبي الحرم

  الـغــريــب الـمـنـكـسـر
  الطافي بجدامـه الجمُر
  البَعد ذبـح حسين گلبه مـشـتـعـل چنه الخيّم

ابــو الباقر .. گلب شاجر .. مـدامـع عينـه تنصب
الجفن رتّل .. على الهـزّل .. سلام الله اعله زينب

                   يتلاهبن دمعــاتــه
                   يشبه جمر خيماته

                              *---------------*---------------*

  المسبي الـبـچـفّـه حبل
  والـعـلـيـل اعـلـه الهزل
  بـالـحـبـال ورفع چـفـه والـ سُكَينه سـوّه ظِل

  اجفونه مـا لحظه غفن
  خـاف لا طـفـلـه بظعن
  اتـضـيـع واعـيـون العقيله دمـعـة الحيره تِهِل

بدمع حاله .. حچه الحاله .. أُمَر نوگ الــوطــيــه
اذا تــگـدر .. فـــلا تـعـثـر .. يــوصـيـهــه بـرقـيـه

                   مستعره يا جمراته
                   يشبه جمر خيماتـه

                              *---------------*---------------*

  العايش اجروح السبي
  يشوف وجه ابن النبي
  ليا كتر تندار زيــنــب  دار راسه اعله الـرمــح

  ولو وگف رمحه بأرض
  يسرع بدگته الـنــبـض
  يعني طفله بضعنه ضاعت والگلب زايد جرح

دخيل الله .. وشنو الظَلّه .. وعــالـرمـاح النشامه
يـچـتـفونه .. يـشـتـمـونـه .. بــعــد هيبة عـمـامـه

                   مدمع حچه كلماته
                   يشبه جمر خيماتـه

                              *---------------*---------------*

  بـالـجــواري والــغِــنــه
  والـطـبـول الـمـاجِــنــه
  اتـلـگّـت اظـعـون الـرسـالـه آل اميـه وبالفرح

  الــشــام كلهـه عـيّـدت
  عيلـة الــزهــرة انسبت
  والمروّي الدنيه حُبّه وسفه عـطـشـان انـذبـح

وعلي بدمعه .. لـزم ضلعه .. ومشه بظعن السبايه
كــثــر هــمّـه .. ونحر عمّه .. العليل ايـرفـعـه رايه

                   صارت نحر  راياته
                   يشبه جمر خيماتـه

                              *---------------*---------------*

  عـلّـه رايــات الـنــصــر
  بخطبته ابوسط القصر
  علي الـسـجـاد ابـوگـفـتـه وخطبِته چنّه علي

  أذّن  آذان  و ســـــــــأل
  يـبـن ابـو سفيان ، هَــل
  جــدي لــو جــدك محمد؟ خَل جوابك يعتلي

الزچيه أمي .. وٱنــه دمّــي .. امـتـداد لـدم مُحمد
النِكَر فضلي .. ومقام اهلي .. تراه عـن دينه مُرتَد

                     آنـه الذِكِر وايــاتــه
                     يشبه جمر خيماتـه

                              *---------------*---------------*

  ✍️خادم الحسين ع
الشاعر سعد هادي الشمري

@saadhadi83

.



.               زيـنـب تـنـادي من عـلـى الـنـاگـه
                مـشـتـاگـه يـا عـبـاس مـشـتـاگـه

                 وحدي عفتني     يـالـدلـلــتــنـي

                           *---------------*---------------*

زيـنـب تـحـاچـي بـالـدمـع . كـافـلـهـه تشكيله الجـره
واتـگـلــه مـسـبـيـه صفت . ذيـچ الـعـفـتـهـه ٱمخدرة
گـلـبـي يـسـبـع الـگـنـطـره . لـلـمـحـن صايـر گـنـطـره
ٱمن الـكـوفـه للشام بظعن . مـسـبـيـه راحـت يا مـره

                گـالـتـلـه تـالـي لـلـسـبــي أركَــب
                عـبـاس لـو تدري شـجـره بزينب

                ريـتـك شفتني     يـالـدلـلــتــنـي

                           *---------------*---------------*

مـن عفت چـفـك عـالـثـره . يبن الـولـي تـاه الظـعـن
هـامـت ابـوادي كـربـلــه . ايتام ونسه تشكي المحن
ليا صوب اصد اسمع بچي . واسمع ثواچل مـا هدن
وبـلـسـانـهـن كلـمــه صفت . يابا الحسن يابا الحسن

                يـتـلـفِّـتَـن مـن خـيـل عــدوانـك
                ولٱرض الـغـري متوجهه نسوانك

                وٱمدمّـه متني     يـالـدلـلــتــنـي

                           *---------------*---------------*

كـلــمــا اضـيّـعـلـي طـفـل . بـيـك انـتـخي وِٱيْرِد الي
وياچف ابو فاضل صحت . كـل مــا تـمـايـل محملي
ظليت خـويـه ابـلا أهل . چنت انـه اشوفك كل هلي
مــتــحــيـره و مـتـمـرمـره . بـعـدك صـرت يابن علي

                والطلع من ظـهـرك . وحگ گلبك
                حـالـي يـبـو فاضل تره يـعـذبـك

                يلي اكـفلـتنـي     يـالـدلـلــتــنـي

                           *---------------*---------------*

شينشف ادموعي وأصد . كلشي اختلف يابو الفضل
ابحَر الشمس مطرت دمه . ودمعه على اعيون الهزل
ولمصابكم حتى الـحـجـر . صـارتـلـه عـيـن ودم تهل
هــو انــه عـالـنـاگــه الـك . كـل لحظه عـبـاس انكتل

                وطبّت الشام اللي حِـنَـت ظـهـري
                ٱبـچـفـي اغطي وجـهـي لـو تدري

                 مـــا عـوّدتـنـي     يـالـدلـلــتــنـي

                           *---------------*---------------*

بِـثْـمَـنْ لـيـالـي بـكـربـلــه . مــا فـارگ الــروح الألــم
بس لـنّـك ٱويـايـه چـنـت . كل ساعه احنن لـلـخـيـم
ابـعـامـودهـه عـطـرك بقه . وابّـابـهـه ٱيـرفـلـك عَـلـم
عـباس يـعـيـونـي وهـلـي . شِـمْـدَلّـي بعيونك سـهـم

                يا روح إخـتـك ما هِـدت روحـي
                يـومـيـه الـك ألچمهن اجـروحـي

                لدمعك جبتني     يـالـدلـلــتــنـي

                           *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#نعي
لعزيزة أبيها #رقية_بنت_الحسين ع



.               آنـه رقـيـه وگـلـبــي جـمـره
                مذبوح ابـوي شلون انـظـره
                ولصدره ما يگدر يـضـمـنـي
                وسحگت عليه خيّاله عشره

                طفله ويرد لخيامي اريــده
                مگطوع گالوا خنصر ايــده
                فوگ الرمــح ينــزف وريده
                ومن الگُـفــه محزوز نحــره

                ضيّـع ابـفـگـد الـگـمـر دربـه
                مذبوح ظـامـي بگاع غـربـه
                سهــم المثلث صــاب گـلـبـه
                وويـلاه گـطّــع خـرز ظـهـره

                مــا يــدري ســلّابــه لـفـانـي
                حرّگ اخيــامــي وسـلّـبـانـي
                ترچيتي اخَذهه ودمّـه اذاني
                ذوّبت حيلي بروحي حـسره

                سلّابي يبچي لحالي اشـوفـه
                اتركنــي گتله .. وأبده خوفـه
                ويگلي حالــچ بــس اعــوفــه
                غيــري يجــي يسلبــچ يحـره

                تــالــي دلالــي ابّــيــن ظـــلّام
                والليــل هــذا وجفنــي ما نـام
                مِتوسـده فــوگ ارمــاد الخيام
                شلون اغفه وانه بخدري جمره

                انظـــر لعمتي وافـگـد الـحـيـل
                داس بخدرهــه حافــر الخيــل
                و لو عن جـلـوس اتصلي الليل
                ابچــي وحــزن عبــاس اذكــره


                           *---------------*---------------*

  ✍️خادم الحسين ع
الشاعر سعد هادي الشمري
‏

قصيدة (#دمعة_رقية)



.        بچّت شمس والـگـمـر .. دمعة رقيه
         فـدوه الهه ماي النـهـر .. دمعة رقيه

                   انطاهـه الگمر عـيـن
                   و مـن روح الحسين

                         دمعة رقيه

                                *---------------*---------------*

لشيب السـبـط خَضبَت    لگـلـب الـگـمـر كـسّـرت
ومن جرت فـوگ النحر    زيـنـب ويــاهــه بـچـت

شـرحـت مـواجـع سبي    وآهـــات گـلـب الـنــبـي
وامـتـون مــن الـضـرب    صـــارت بـلـون الـعـبـي

                   تجري مـن الـعـيـون 
                   من سـوط الـمـتـون

         لـفـاطـمـه كِسرت ظهر .. دمعة رقيه


                                *---------------*---------------*

عالـنـحـر سـالـت حزن    والـسـمـه ويـاهـه تـوِن 
مـن كـثـر مـا بيهه ألـم    دمّـت لـحــيــدر جـفـن 

شـافـت الراس بطشت    والـــد وتــنـعــاه بـنـت
گـالـتـهـه بـــس بـفـعـل    كـلـمـة الـبـعـدك مـتـت

                   هالـدمـعـه احسـاس 
                   لحد گطـع الانـفـاس

         گلب النبي الهه انعصر .. دمعة رقيه

                                *---------------*---------------*

مـن طفله سـالـت ألـم    اتـنـشّـفـهـه رفّــة عـلـم 
وبـگـلـب زينب صفـت    أقسه مـن نـار الـخـيـم 

نـزّلـهـه سـوط الـشـمـر    وضـربـة خـوَّلـي وزجر
تبچي الهه عين الحـمد    و الـقـارعـة و الـعـصـر

                   مـزروعــه بــالــروح 
                   ومصدرهه الجـروح

         نَــزِّلَــت دمــع الــســور .. دمعة رقيه

                                *---------------*---------------*

مـعـنـاهـه دمعة رفُـض    لمتن الـحـرم تـنـتـفُـض 
وعالگلب مـن خـيّـمَـت    وگـفّـت حـتـه الـنـبُـض 

حــزن وألـــم سـايــلــه    لـظُـلـم الــدهــر نـاقِـلـه 
صوت الهه طول الزمن    كـربــلــه  يــا  كـربــلــه 

                   هـالــدمـعـه عـنـوان 
                   بـيـهـه الأجـل حــان

         من سـالـت اعله النحر .. دمعة رقيه

                                *---------------*---------------*

دمـعـة وفـه سـاجـمـه    لهـظـم الذبـح والـظـمـه 
ترجِمَت فوگ الـجـفـن    حــزن الأرض والـسـمـه 

دمعه اعله جفن الزمن    لـلـضـاع مــنــهـه وطـن
بـعـيـون طـفـلــة نـبـي    نـزّلــهــه چـف الـمـحـن

                   جــرح الـســمــاوات 
                   حـــزن الــديــانــات

         جمره اعله خد الـدهـر .. دمعة رقيه

                                *---------------*---------------*

  ✍️خادم الحسين ع
الشاعر سعد هادي الشمري
‏

وقيل:في الروايات بعد وفاة السيدة رقية على رأس أبيها 
أحضر لها أهلُ البيت مُغَسِلَةً لتغسلها، فلما جردتها عن ثيابها
قالت: لا أغسلها، فقالت لها زينب (عليها السلام): ولم لا تغسلينها ؟!
قالت: أخشى أن يكون فيها مرض، فإني أرى أضلاعها زرق، قالت زينب (عليها السلام): والله ليس فيها مرض، ولكن هذا ضرب سياط أهل الكوفة.

*كما ينقل بعض ارباب المنابر
انه بعد مقتل الحسين السيدة زينب
وضعت عصابه على عيون رقيه على طول درب السبي حتى لا ترى راس ابيها على الرماح.

#نعي

.         زيـنـب رقــيـــه ودعــتــهــه
          وامغسِّله إلـهــه حـضـرتـهــه
          لـثـيـابـهـه مـــن جــردتــهــه
          فزعـت تـره ومـا غـسـلـتـهـه

          و باللي تـغـسـل ارقيـه حيره
          گــالــت عـلـيـلـه هـالـزغـيـره ؟!
          ازرگ جسمـهـا الطفله . خَيره ؟!
          وچـن مـاشـيـه ديـره لـديــره

          اتـجـاوبـهـه زينب بعد اخونه
          شـيـعـة أمـيــه مـــا رعــونــه
          ارقيـه جسمهه انـصـبـغ لـونـه
          بضـربـة اسـيـاط الـكـاتـبـونـه

          ازرگ جـسـمـهـه وحيل ما بيه
          ودم سوط شمر الخنه امحنيه
          جـفـنـي تـجّـرّح مـن بـواچـيـه
          مـاظل دمـع لـرقـيـه وابـچـيـه

          وهنـا تـگـلـهـه يـالـتـغـسـلـيـن
          بهداي ويـه طـفـلــة حـسـيـن
          اجـدامـهـه امـورمـات تـدريـن
          امجرحه بشوك اهواي ماشين

          ويـلـي اشـيـنـزلــهــه لـلـتـراب
          وجرح التراچي بعده مـا طاب
          شلون النعش من بعد الاحباب
          يـنـشـال تـالـي بـديـرة اغـراب

          طول الـدرب بـعـصّـابـة الراس
          شـديـت عـيـن ارقـيـه يا نـاس
          للطفله خـوفـي تخـمد انـفـاس
          لمن تشوف اعلـه الـرمـح راس 

                                  *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#قصائد_الأربعينية
قصيدة (#حج_الفقراء)


.         زيــارة كـــربـــلاء  
          حـــج الــفــقــراء

عــهــدنـا   نــزورك   كـل اربـعـيـن

                                          *---------------*---------------*

مـن الـبـحـر حــد الـنـحـر وفـايـه
كـلـشـي بـالـدنـيـه قره اسمك آيه
الطير فتحَت جنحه صـارت رايـه
النـسـمـه مـرّت عـالـشـجـر مشايه

          بـثــورة الـمـشـي  
          بدمعتي انـتـشـي

عــهــدنـا   نــزورك   كـل اربـعـيـن

                                          *---------------*---------------*

الوطن خـادم والـمـواكـب عـيـنـه
واحنـه بـيـهـه ادمـوع واتـبـديـنـه
ابـدربـك امـغـمـضـيـن وانـدلـيـنـه
احنـه ( آه يحسين ) الـتـمـشـيـنـه

          بـخـطـوة الــزلـم  
          مــا يـــزل جــدم

عــهــدنـا   نــزورك   كـل اربـعـيـن

                                          *---------------*---------------*

شامخين وهـيـبـه ، تعرف نـوعنه
ويـمّـك ايبيّن فـقـط مـوجـوعـنـه
بكربله يصير البچي مـوضـوعـنـه
والـفـرات ايـغـار مـن ادمـوعــنــه

          يــمــك الـــدمـــع
          صـوتـه يـنـسـمـع

عــهــدنـا   نــزورك   كـل اربـعـيـن

                                          *---------------*---------------*

نـهـر تــمــتــد شـيـعـتـك گـدامـك
بلكي يـشـفـه واحــد ٱمـن آلامـك
لـبـسـت اســود سـيـدي خـدامـك
حـتـى ما نـنـسـه رمـاد اخـيـامـك

          اشبيهه مـن ألــم
          حـرگـة الـخــيــم

عــهــدنـا   نــزورك   كـل اربـعـيـن

                                          *---------------*---------------*

مــا تـشـم الــورد تـدري احـبـابـك
سيـدي الـشـاغـلـهـه عطر اتـرابـك
هيبه بـابـك واحنه حگنه انـهـابـك
حـگـنـه اذا الـعـبـاس صـايـر بـابك

           نــوگـف ابـفـخـر
           لـهـيـبــة الـگـمــر

عــهــدنـا   نــزورك   كـل اربـعـيـن

                                          *---------------*---------------*

لـــ ثـورة الـمشايـة ننطي اعمارنه
نرفـع الـرايـات اجـيـنـه لــ ثـارنـه
لـزيـنـبـك يـحـسـيـن تلهب نـارنـه
انـعـاهـدك جينه وكـتَـب اصرارنـه

          يــبــقــه هـالـولاء
          يـبـقـه هـالــوفـاء

عــهــدنـا   نــزورك   كـل اربـعـيـن

                                          *---------------*---------------*

كـل درب بـالـدنـيـه جـايـب زايــر
دمـعـتـه تـشـبـه لـدمــعــة جــابـر
الـشـال رايـه يـعـنـي طـالـع ثـائـر
يـنـتـخـي لـكـلـمـة ألا مــن نـاصـر

          الشيعي من يزور
          بـدمـعـتـه يـثــور

عــهــدنـا   نــزورك   كـل اربـعـيـن

                                          *---------------*---------------*

  ✍️خادم الحسين ع
الشاعر سعد هادي الشمري

@saadhadi83