قصائد الاربعينية


الـرايـه شـلـنـاهـه .. حُسين
والـدمـعـه معناهه .. حُسين

رايات ،، دمعات  ،، حُسين

                                          *---------------*---------------*

ايــــــام و لــــيـــالــــي 
مـــشـــايـــه يــــوالـــي
خــطــوات الــمـــوالــي .. عـقـيـده

شــيــعــتــكــم حـزيـنـه 
وي زيـنـب مَــشــيْــنـــه
لـطــمــتــنــه وبـچـيـنـه .. عـقـيـده

اتـعـنـيـنـه مشايـه .. حُسين
وتـدريـنـه وفّـايـه .. حُسين

حسرات ،، دمعات .. حُسين

                                          *---------------*---------------*

مـنـو مـثـلـك مـصـابــه
ورضا الباري اعله بـابـه
الشِــفَــا صـــار بـتـرابـه .. رســالــه

الـجـفـن فــاض بدمعته
وثـوب اســـود لـبـسـتـه
بـجـفـن دامــع گـصـدتـه .. رســالــه

خل يفهم الضَدنه .. حُسين
غيرك فـلا عـدنـه .. حُسين

صرخات .. دمعات .. حُسين

                                          *---------------*---------------*

الصـدر لجلك نـلـطـمـه
ونـزف دمـك نــفـهــمـه
نـــحْـــرك أحــيـا أُمــــه .. بـدمـائـه

يــا روح الــــرســــالـــه
وگــلــب طــه وجـمـالـه
الـخـنـصـر ديـــن شـالـه .. بـدمـائـه

اتسمينـه شيعتكم .. حُسين
فـزنـه بـولايـتـكـم .. حُسين

آهات .. دمعات .. حُسين

                                          *---------------*---------------*

يــا ســيــد زمــــانــــي
خطى اجـدامـي معاني
الـعُـمـر فـدوه لـثـوانـي .. بطريقك

و لـلـجـنــه بــســلامــه
دخـل قـبـل الـقــيـامــه
الـمـشـه بـكـل الـتـزامـه .. بطريقك

قرآنـي واسـلامـي .. حُسين
يل بالذر ايـمـامـي .. حُسين

آيات .. دمعات .. حُسين

                                          *---------------*---------------*

روحـي اسلامي روحك
الحجر يبچي لجروحك
عــرش ربــي يـنـوحـك .. يـغـالــي

شمس ايـامـي اشـوفـك
وضريح الحُـب حروفك
اجـيـت بدمعي اطـوفك .. يـغـالــي

مــا تـنـزل الـرايـه .. حُسين
بجرحك امسمايـه .. حُسين

ثورات .. دمعات .. حُسين

                                          *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#قصائد_مجلس_الامام_الحسن_ع
.
.

.         خـل يـكـتـب الزمن     ظُـلامــة الـحَــسَــن
          قَـلْ نـاصـر الـقـيـام     واتـشـيّـعـه السهـام

                           *---------------*---------------*

بعد الجـمل والـنـهـروان وصـفـيـن . واعلام امـيـة المسموم
ضاعت الرؤية الثاقبة بعين الناس . وظالم انشاف المظلوم
وولد اللي حرگوا بيت فاطم بالنار . ظهروا الحقد المضموم
ابـنـاء الـسـقـيـفـة للفتن شـبـوا نار . والـقـوم ابــنـاء الـقـوم

          الـمـا بايـعـت عـلـي     صــرخـتـهــه تعتلي
          لا بــيــعــه لـلإمــام     واتـشـيّـعـه السهـام

                           *---------------*---------------*

بالخوف عالامة بده يتظاهر . جــنــدي الـطــمــع والآثــــام
وابتده هنا ينباع حتى الموقف . وانـشــره بــديـنـار الـشـام
لحد ما صفه بيع الضماير طعنه . وخـنـجـر بـفـخـذ الايـمـام
بهالحاله ما ظل للعَجَب اي معنى . يوم انترس نعشه اسهام

          والـشـيّـعـه السـهـم     نـسـتـذكـره بــألـــم
          مسـتـشـهـد السلام     واتـشـيّـعـه السهـام

                           *---------------*---------------*

عن ابن ابو سـفـيـان گـال التاريخ . هالـشـرع لا يسلم ريت
ماحاربت عن الصلاة و عن صوم . بهاي الحرب احكم جيت
والحسن حربه حرب حق ضدالجور .وبروحي گلهم ضحيت
وحرب اسرتين الناس عن حربه تْگول.وماناصرواأهل البيت

          وبــهــايــه يـتـضـح     كل سبب لـلـصـلـح
          شـيـگـعّـد الـنــيــام     واتـشـيّـعـه السهـام

                           *---------------*---------------*

هذا الحسن عِدِل الذكر، والايمان . واسمه كهف كل محروم
لامة حرب وكت الصلاه يلبس چان . يدري الغدر طبع الگوم
بكلمة مُذل المؤمنين ايوصفوه . وهـوّه الإمــام الـمـعـصـوم
تگعد العِزّه ابگعدته ابن الزهراء . و لـــو گــام ويـــاه اتـگـوم

          كل خصـلـه طـيّـبـه     بكـلمـة الـمـجـتـبـه
          الــحــارب الـظــلام     واتـشـيّـعـه السهـام

                           *---------------*---------------*

مـن بعد كل هـاي المحن والآلام . چـبـد الامـــام ايـسـمـوه
ابن النبي ويـم النبي دفنه يريد . واهـل الـحقـد مـا خـلّـوه
ما لفظـوا التكبير وكت التشييع . لا بـالـسـهـام ايـشـيـعـوه
وبغضاً بابوه وامه كل هذا الصار . وكـل الـيـصـيـر يسووه

          يـتـجــدد الـحــقــد     مـن مـنـحـر لـچـبـد
          مـيـوصّـفـه الـكـلام     واتـشـيّـعـه السهـام

                           *---------------*---------------*

  ✍️خادم الحسين ع
الشاعر سعد هادي الشمري

@saadhadi83

قصيدة (#تاريخ_القهر)



الأول مـن صَـفـر  ... تــاريــخ الــقــهــر
بـلا رايــه وگـمـر ...  طـبـيــنــه الـشـام

                     *---------------*---------------*

بـنـت الـمـسـتـحـه وأمـــي الـزچـيـه
الـشـمـاتـه اسـهـام نـظـرتـهـم عـلـيـه
الــقــــرآن ابـــــوي و هـــاشـــمـــيــه
الـشـام اتـصـيـحـلـي يـالـخــارجــيــه

ومـن بعـد الذبح  ..  عـشـت اكبـر جـرح
مــسـبـيــه رحــت  ... لأرض الآلام

                     *---------------*---------------*

بــرض الشام مِــنّــي الـشـوف وچّــد
الضحكه الصفره بس والگلب الاسود
عــكــس دار الــزمــان ويــاي واشتَـد
بنت القُـل هـوَ الله،  مــاٱلــهــه أحـــد

وي ممشه الـهِـزِل  ..  بكل خطـوه انكِتِل
بروحي وماطفت  ..  نــيــران اخــيـــام

                     *---------------*---------------*

الاول مــن صـفـر تــاريــخ مـــوتـــي
دخلت الشام وحـدي بـلايـه اخـوتـي
صـوت الـسـوط مـنـي بـاگ صــوتــي
وبانت حـالـتـي بـصـبـري وسـكـوتـي

مـدمـع هـامــلــه  ..  وبيـدي الـسـلـسـلـه
وللساقـي ظـعـن  ..  تــحــديـــه ظـــلّام

                    *---------------*---------------*

الاول مــن صــفــر تــاريــخ قــهــري
احترَگـت ونـظـرت الشمّات جــمــري
على العـجـفـه بـمـصـابـي الله يــدري
ومثل ضلع امـي خلف الباب، ظـهـري

بدمـوعي الحچي  .. و ممنـوع الـبـچـي
ومـن بيـتي طـلـع  .. صـــوت الاســـلام

                      *---------------*---------------*

المتـعـجبـه عـلـي يـصـلـي بـحـيـاتـه
وغـريـبـه ايصير بـالـمـسـجـد ممـاتـه
الـشـام بـطـبـل تـسـتـقـبـل بـــنــاتـــه
وعـيـد وفــرحـــه تـحـسـب نـايـبـاتـه

حـقـد ويـعـتـلـي  .. بـغـضـاً فــي عـلـي
الـحــق مـارادتـه  .. وتـتــبــع أوهــــام

                     *---------------*---------------*

امــويــه الـهــوى الـشــام بـطـبـعـهـه
وتـفـرح لَـوَن عـيـنـي ايـصـب دمعهه
شـافـت روس أهــلــي ، وبـجـمـعـهـه
اجـت اتـقـبـل اچـفـوف الــرفــعــهــه

الروس اللي عِلَت  ..  بـيـهـه اتـشـمِـتَـت
مـا يهوى الــعــدل  .. طــبــع الاجــــرام

                   *---------------*---------------*

  ✍️خادم الحسين ع
الشاعر سعد هادي الشمري

#قصائد_مجلس_الامام_الحسن_ع
.


.                وي عـثـرة الــنــاگــه عــثــر
                 وغــيّــر مــوازيــنــه الـدهـر
                 عـــاشــور يــوم ويــبــتــدي
                 يـالـحـره مـن سـبـعـه صَـفَـر

                             *---------------*---------------*

من بعد جرح الـمـرتـضـى . عـالـمـجـتـبـى حقد انعلن
ويا بت علي بغض بـعـلـي . دارت الدنيه اعله الحسن
اسهام الـنـعـش كبرن حقد . وارماح صـارن واعـتـلـن
والـصـوّبـن نـعـش الـحسن . بنحر الحسين اتـمـايـلـن

                 سم جعده مو حدّه الـچـبـد
                 سم جعده لـلـمـنـحـر صـعـد
                 سم جعده بخـيـامـچ مـشـه
                 سم جعده بـالـشـام اسـتـقـر

                             *---------------*---------------*

اصل الذبح سـم واتـضـح . هـالـمـوقـف بـگـبـر النبـي
لـومـا مـنـع دفن الـحـسـن . مـاعـرفـت اجدامچ سبي
شفتي الحسن لونه انخطف . صحتي يـنـاري اتلاهبي
واتـحـضـرن ويـه الـخـيـم . باچر حـرگـچـن يـالـعـبـي

                 ونـفـس الـدمـه الـمـتـخـثـره
                 بـاچــر تـسـيـل اعـلـه الـثـره
                 ويـسـيـل دم الــمــجــتــبــى
                 لــو گـطـعـوا لـجـاسـم نـحـر

                             *---------------*---------------*

اسلم ، ابن ظـاهـر ، وهب . عـابـس وسـبـعـيـن العـزم
انصـار ضـحـوا بـالـنـفـس . ثــبــتــوا ولا زلــوا جــدم
وللحسن ما صح هالـعـدد . بي غـيـره غيرت هـالـزلـم
فـكـرة الـثـوره بــلا وفــه . بـچـف الـخـيـانـه تـنـهـدم

                 لـومــا الـخــيــانــه تـتـضـح
                 مـا يـنـعـرف معنى الـصـلـح
                 چـف الـحـسـن چـف حيدره
                 ويـا فـارس الـچــفــه عُــبــر

                             *---------------*---------------*

ديـنـار ابــو سـفـيـان الـه . بگلب الطمع سطوه وطمع
والحسن چبده الـمـنـمـرد . مـا سـمـمـه غـيـر الـجـشـع
والهزّه چف سلطه وفلس . والـمـا قــنــع يـوم وشـبـع
بـخـيـمـة أُميه اللي دخـل . نـدريــه بـيـا مـوقـف طلع

                 شيعة بـنـي سـفـيـان ، أسم
                 لـكـل ناس تـسـكـت عالظلم
                 وحب علي وولده اكبر بخت
                 الداس الـبـخـت تـالـي ايعَثَر

                             *---------------*---------------*

انصاف المواقف مُتـعِـبـه . وصـاحـبـهـن يـعـاشـر ندم
(الما واضح) يعيش العمر . بنعش الحسن عايش سهم
الما بيّن بـصـوتـه الـرفض . تـنـشـاف بفعاله الـ( نـعـم )
والـمـو دوه لـسـم الـچـبـد . فـعـلـه اتـضح جمرة خيم

                 تـتـوضّـح بـهـالحـب صـفـه
                 بـيـن الــوفــه والـمــو وفـه
                 حـبـهـم صُـبـح جـنـة عــدن
                 الما عاشه عايش فـي سـقـر

                             *---------------*---------------*

  ✍️خادم الحسين ع
الشاعر سعد هادي الشمري

@saadhadi83

#قصائد_مجلس_الامام_الحسن_ع
مابين #الشام_والبقيع



امـحـيّـره الزهره    يا عزا اتـحـضـره

     بـالـخـرابـه تـبـقـه يـم زيـنـب
     لـو تـجـي يَم الحـسـن تنحب 

                                       *---------------*---------------*

حمره عين الخـدهه بالچف منصفع
والـجــروح اتـريـد الـمـواسـاه دمـع
كون لطمتهه بصـدرهـه الـتـنـفـجـع
وفاطمه شتلطم ومـكـسـورة ضـلـع

تـعـلـه حـيـرتـهـه   وتـنـعـه ضنوتهـه

     على المسبيه الدمع يـنـصَـب
     لـو تـجـي يَم الحـسـن تنحب

                                       *---------------*---------------*

هل دمـع عـيـنـاهـه لمن هل صَـفَـر
ظعن زيـنـب بيه بـالـشـام اسـتـقـر
وتوّه خاطرهه على ارقيه انـكـسـر
و رد حزنهه من الحسن جايب خبر

اتـذكـرت جَـعـده   اشـسـوت بچبده

     احتارت اتواسي البقت تلهب
     لـو تـجـي يَم الحـسـن تنحب

                                       *---------------*---------------*

احتارت الـزهـره وكُبَر بـيـهـه الألم
اتـشَـيـع ابـنـهـه لو تظل يـم الحرم
اتداوي زينب من حرگ نار الخـيـم
لو تِصِد من نعش ابنهه اشكم سهم

ابعينهه الـدمـعـه   فـاطـمـه وتـنـعـه

     تِـظَـل لـبـنـيّـتـهـه تــتــعــذّب
     لـو تـجـي يَم الحـسـن تنحب

                                       *---------------*---------------*

خـافـت ابـنـيّـتـهـه بـالـغـربـه تـظَل
وحَن گـلبـهـه على المسموم انچتل
اتعوف زينب ؟ تدري ما عدهه أهل
تبقه بالشام ؟؟  الحسن موته وصَل

لـلـغـري انــدارت   ويا علي صاحت

     اتريد حَـل .. للعالهزل تـركـب
     لـو تـجـي يَم الحـسـن تنحب

                                       *---------------*---------------*

امحيره الـزهـره وكُـبـر بيهه الحزن
الليلـه لـمـصـابـيـن مفجوعه وتـوِن
گلب عـدهه على الـمـسـبـيـه يـحـن
وروح عـدهـه انفجعت بفگـد الإبـن

الـضـلـع لازمـتـه   والبچي سـكـتـه

     تبچي لليبچي إلـهـه جَد وأب
     لـو تـجـي يَم الحـسـن تنحب

                                       *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

‏طور قصيدة امحيرة الزهره

#نعي_لسان_حال_الحوراء_زينب_ع
#دخول_السبايا_الى_الشام
.


اخــتــك يخوهه 
جابوهه وسط السوگ .. اخــتــك يخوهه

هــالــرچــبــوهـه
ابلا محمل اعله النوگ .. هــالــرچـبــوهـه

بــيـد الـسـبـوهـه
ازمــام الظعن ميلوگ .. بــيــد الـسـبـوهـه

ويـشـتّـمــوهــه
بسوط المَــتِــن محروگ .. ويـشـتّـمــوهــه

                                   *---------------*---------------*

وامـعـيـده اهـلـهـه
عـيـد وفـرح بالشام .. وامـعـيـده اهـلـهـه

وادمـوعـي اهلهـه 
وانـه احـرس بايتام .. وادمـوعـي اهـلـهـه

بـالــدنـيـه شلهه 
المحترگـه چنهه اخيام .. بـالــدنـيـه شلهه

راس الـكـفــلــهــه
وايرفـعـه چـف ظلّام .. راس الـكــفــلـهــه

                                   *---------------*---------------*

حــامـي الحميـه 
بنته، وعلي ايوصفون .. حــامـي الحـمـيـه

وبـچــفــوف اديـه
اسـتـر بـوجهي شـلـون .. بـچــفــوف اديـه

زيــنــب سـبـيـه 
وسفـه الــعــده ايمشّون .. زيــنــب سـبـيـه

الــخــارجــيــه
ايـشـتـمـونـي ويـگـولـون .. الــخــارجــيــه

                                   *---------------*---------------*

واشگف بالحجار 
بيدي الحبل يحسين .. واشـگـف بالحجار

لــو حبل لــو نــار
اتدوهنِت بين اثـنـيـن .. لــو حبل لــو نـار

بيه الـزمــن جـار
جـتـنـي الخـرابـه منين .. بيه الـزمـن جـار

وايـتـامـك ازغـــار
گلي اشـيـنـوم الـعـيـن .. وايـتـامـك ازغـار

                           *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

قصيدة عطشان حسين

الرادود ملا عمار السماوي
الشاعر سعد هادي الشمري


https://youtu.be/OQpoH-ILQq4?si=s9IhQnCuXwwf6-35

#قصائد_مجلس_الامام_الحسن_ع
قصيدة (#السبط_المظلوم)



. ســيــد الـــزمــن    لـلــحــزن وطــن
  دمـعـه عـالـنـبـي    الـدمعه عالحسن

                                        *---------------*---------------*

عِـلَـت سـيـد شبـاب الـجـنـه نـيـرانـه
و ٱبْسم بنت الاشعث وضْحَت احزانه
الـعـنـوانـه الكـرم والـفـضـل بـرهـانـه
صــار بـظـلـم امـيـه الـدمـع عـنـوانـه

  يـشـكـي غربـتـه    يـشـكـي وحدته
  والـحـسـن صفـه    اموسد الـمـحـن

                                       *---------------*---------------*

ظلامات الحسن وِضحَت ابـمـحـرابـه
بدرعه يصلي، يـخـشـى الغدر واذنابه
مـن الـخـذلـوا قـيـامـه وباعوا اسبابه
ومذل الشيعه تـالـي اتلقبه اصـحـابـه

  الـبـاعـت الـذمم    بـالـنـعـش سهـم
  السر دمـع صفـه    لـچـبـدتـه انعـلن

                                       *---------------*---------------*

لـلـمـؤمـن الـدنـيـه تـنـوصـف سجنـه
وسـم چبد الامامه ايـوضّـح المـعـنـه
الذمم مـن تنشري يصير السعر محنه
ووصـل بـيـع الضماير بالفخذ طـعـنـه

  وهـالـظـلـم بعـد    منـه مـاكـو اشـد
  تـالــي لـلــگــبــر    اتشيـعـه الـفـتـن

                                       *---------------*---------------*

لـومـا قـلـة الـنـاصـر صـلـح مـا صـح
وچـان الـشـام بيد الـحـسـن تـتـذبـح
اعـلـه راي الأمـه راي السيف يـترجّح
وابـطـف الحسن چـان الـگـمـر يـفـرح

  والمجتبى بفخر    حسين الـه ظهر
  ومـبـدأ الـرفـض    سُـنـه عـالسُـنـن

                                       *---------------*---------------*

الجـمـل عـالـنـاگـه اذا مـتـمـيـز الامـه
طـبـيـعـي ما تـفـرّق رحـمـه عـن نقمه
الشعب، عِدِل الـذكـر مـا راد يـلـتـزمـه
رايــد ابــن ابــو سـفـيـان الـيـحـكـمـه

  الــرايـد الـحُـكُـم    يـنـبـنــي بـظُـلـم
  الــذلـه والـطـمـع    بـروحـه يـنـقـرن

                                       *---------------*---------------*

  ✍️خادم الحسين ع
الشاعر سعد هادي الشمري

#يارقيه #عزيزة_الحسين ع #رقيه

قصيدة (#أين_طفلتي)



.          اجـت خـجـلانـه السبـيـه
           ٱويـه الظعن مـاكو رقـيـه

    اعتـذر گـالـتـلـه يـحـسـيـن .. يخويه
    لا تـگـلـي طـفـلـتــي ويــن .. يخويه

                                     *---------------*---------------*

ردّت ٱمــن الــشــام لـلـطــف ابــحــزنــهــه
هــنــا كـفـيـل ، هــنــا إمـام ، هــنــا ابـنـهـه
حـضـنـت الــتــربــان واتـفـايـض جـفـنـهـه
زيـنـب انـدلـت گــبــر ابــن امــهــه چـنـهـه

           سـاكـتـه والگلب شـاچـي
           اتـسـولَـف الملگه بواچـي

    اتگله جيت اشكيلك البين .. يخويه
    لا تـگـلـي طـفـلـتــي ويــن .. يخويه

                                     *---------------*---------------*

اتـگـلـه من ساعة ركـضـتـي ٱمن المـخـيـم
لهسه چتفي وجـدمـي خـويـه ايصبن الدم
رحـمـة الله انته وهـويـت ومـنـهـو يـرحـم
الـصــبــح مـن دونـك يـمـر بـزيـنـب اظـلـم

           اشــمــا تـون اگبالي بنتك
           صيحة المذبوحه صحتك

    اعليك امشّي ابو الحسنين .. يخويه
    لا تـگـلـي طـفـلـتــي ويــن .. يخويه

                                     *---------------*---------------*

رجـعـت ٱمـن الـشـام زيــنــب لـلـبــواســل
اتزور گـبـر حـسـيـن اخـوهـه وأبو فـاضـل
يـاحـسـيـن بـصـوت نـاصـي ودمـع هـامـل
هــذا ســجــادك تــگــلــه الــروس شــايــل

           حسين بـعـدك يـا ولـيـنـه
           شفنه مــوت اللـه بسبينه

    بعد ماظن تـنـشـف العـيـن .. يخويه
    لا تـگـلـي طـفـلـتــي ويــن .. يخويه

                                     *---------------*---------------*

اتـگـلـه اخـبـرك عن رقـيـه وحـال ظـعـنـك
امـچـتـفـيـن امــحــرگّــيــن ورحـنـه مـنـك
بـگـلـب بـنـتـك عـالــهــزل مـا خـمـد ونّــك
مــرّه عـن عـبـد الله تــنــشــد مـرّه عــنــك

           ويـن ابوي اتگلي وانحب
           جـاوبـيـنـي عـمـه زيـنـب

    وللـعـزيـزه انجيبك مـنـيـن .. يخويه
    لا تـگـلـي طـفـلـتــي ويــن .. يخويه

                                     *---------------*---------------*

اتحاچي اخوهه اتگله خويه حسين وسفه
الـيـحـمـي ظـعـنـك عالنـهـر مگطوع چـفـه
ابـاب مـجـلـس لـهـو نــوگـف تـالـي كـلـفـه
واحـنـه ابـونـه الـنـاس بـاب الله تـوصـفـه

           بمجلس الـشـام لـبـنـاتـك
           اتـجـددت كــل نـايـبـاتـك

    ووينّـه وويــن الــدواويــن .. يخويه
    لا تـگـلـي طـفـلـتــي ويــن .. يخويه

                                     *---------------*---------------*

اتـگـلـه بـالـمـجـلـس يـخـويـه الـمــوّتــانـه
ثــغــرك الـطـاغـي يــضــربــه بـخـيــزرانـه
مـــن كِــسَــر ســنّــك ولا هــــوّد بــچــانـه
خـويـه هـالـمــنــظــر يـبـو الـيـمـه عـمـانـه

           وطفلِتَك مـن حـلـم فزّت
           خــايـفـه وبالملگه حلمت

    لاگـت اعله الطشت موتين .. يخويه
    لا تـگـلـي طـفـلـتــي ويــن .. يخويه

                                     *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

السلام على عزيزة الحسين #رقيه
قصيدة(#حفيدة_الزهراء)



مــثــل جـدتـهـا فــاطــمــة الــزچــيــه
اعله والــدهــه الحــزن مــوّت رقــيــه

                                       *---------------*---------------*

رقـيــه حــســيــن صــوبــهــه بمصابه
امــغــرگــه اعيونهه بــدمــعــة غيـابـه
إلـــهـــه دار الاحــــزان ، الــخـــرابــــه

وظـهـر الــنـــوگ واحـضـان الـسـبـيــه

                                       *---------------*---------------*

مثل مــا للـرســول الــزهــره نــاحــت
رقــيــه لفگد ابــوهــه بــآه صــاحــت
بنت حــســيــن فـوگ الطشت مــاتـت

حـضـنـت راس ابــوهـــه والــمــنــيــه

                                       *---------------*---------------*

مــنــعــوا فــاطـمـه اتــنــوح لـمـحـمـد
وهــذا الــحــقــد عــالــطــفــلــه تجدد
يــشــتــمــوهــه وعليهه السـوط يشتد

اذا تـــنـــدب ذبـــيــح الــغــاضـــريــــه

                                       *---------------*---------------*

اذا سمعوا الطفـلـه اتـصــيــح يحسين
ابچي وسوط . العده ايسكتوهه بثنين
مــثــل عــيــن الــزچــيــه تحمَر العيـن

رزيــــة الــشــام مـــا مــنــهــه رزيــــه

                                       *---------------*---------------*

دخــيــل اللـه رقــيـــه اشّــافــت ايــام
هــذيــچ الچانـت ابيت الــوحــي اتنام
ابلحـد تــالــي تــنــام بــغــربــة الـشـام

ومـرد كعب الــرمــح من عــدهــه ريّــه

                                       *---------------*---------------*

بنت حـسين زركـة اضــلــوع امــتــون
وأثر حرگ الخيم بـالــجِــدم مــدفــون
بمدامعهه الحُمُر مـتـقــرحـه الجــفــون

مــثــل عــيــن الغـريـب المهدي هــيّــه

                                       *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

#أبوذيات_رقية

#الرباب_تنعى_إبنتها_رقيه #طفلة_الحسين ع

..

يـجـرح ٱويـاه مـــا نــفــعــت.. رقـيـه
ارتقى وجــدك دِنــه الـســدره.. رقـيـه
تــراهــه ٱويــاي مــــــــا ردت.. رقـيـه

بـقـت بــالــشــام شــاهــد عـالــرزيــه


*١.. التعويذه  ٢.. ارتقى  ٣..طفلة الحسين

                                       *---------------*---------------*

الـربــاب آنــه الـمـصـايـبـهـه.. حِضَنها
وحـضـن اوداع گـلـبـي الهـه.. حضنها
حـسـيـن شـلـونـهـا الـيـفـرغ.. حضنها

بـشـهـر فـارگـت عـبـد الـلـــه ورقـيــه


*١.. لزمنهه ٢.. شبگها  ٣..  الحضن

                                       *---------------*---------------*

حـزن ارقــيـه گـلـبـي بـنـار .. ويـــلاه
وافز واغفه اعله صوت الاه.. ويـــلاه
تطلع گمت احس يحـسـيـن.. وي الاه

روحي ولـحــد مـا ظـل نــفــس بـيـه


*١.. اشتعل  ٢..  الويلاه  ٣..  ويه صوت الآه

                                       *---------------*---------------*

  ✍️خادم الحسين ع
الشاعر سعد هادي الشمري

@Saadhadi83

السلام على #كريم_آل_محمد #الحسن #المجتبى
قصيدة ( #دار_الكريم )



ابيوت هـاشـم مظلمة مـن احـزانـهـه
وبـمـضـايـفـهـه طــفــت نــيــرانــهــه

                    *---------------*---------------*

ابـيـوت هـاشـم مظلمة ويـا حـالـهـه
اعـمـامـه مـا ظلت بـروس ارجـالـهـه
امـچـفّـيـات لـهـالـمـصـيـبـه ادلالــهـه

وصيحه وحده اطفالهه ونـسـوانـهـه

                    *---------------*---------------*

ابيوت هاشم منچتل بيهه العـجـيـد
وابوسطهه حسين مكسـور ووحـيـد
ابإيد مـتـخـوصـر لفگد الحسن، وايد

بـيـده يــمــســح دمـعـتـه بـردانــهــه

                     *---------------*---------------*

ابيوت هـاشـم ويـلـي من حَل المسه
الدمع غطّه اعيونـهـه ارجـال ونِـسـه
الـچـانـت ابـوجـه الحَسن مـتـونِّـسَـه

ونّـــة الـــزهـــره مِـلَـت حـيـطـانـهــه

                     *---------------*---------------*

ابيوت هـاشم كل كـتـر يـنـسـمـع وَن
الضاويـات ومگصَد الضيف، انـطـفـن
شـلـون مـا بالـعـشـرة اخيول انطحن

انـطـحـن لابـن امـه گـلـب عطشانهـه

                    *---------------*---------------*

ابيوت هاشم بيهه شـمـسـوي الـدمع
چان اذان وهـسـه بس ون يـنـسـمـع
امفرفحه امن البچي المكسورة ضلع

ابـعـيـن حــمــره وگـفـت ابـيـبـانـهـه

                     *---------------*---------------*

ابيوت هاشم هالمسه وحشه وظلام
تـبـچـي للنعش الملت طـولـه السهام
الليله هاي، الطف بـده وإلهن اخـيـام

بـالـمـديـنـه انـشَـم هــوى دخـــانـهـه

                     *---------------*---------------*

ابيوت هاشم بيهه بـس الهَم يـجـول
روحــه راحت هالمسه روح الـبـتـول
يـنـدفـن مـنـعـوه يـم جـده الـرسـول

ابـچـف ظـلالـــه شــگــووا قــرآنـهـه

                                          *---------------*---------------*

  ✍️خادم الحسين ع
الشاعر سعد هادي الشمري

قصيدة .. شكراً
الرادود ملا رعد الياسري
الشاعر سعد هادي الشمري

https://youtu.be/jsJuq4j9jxM?si=nmaEHGv7bZGLsZf2

قصيدة / عهد الخوّة
الرادود جاسم المطيري
الشاعر سعد هادي الشمري

https://youtu.be/JAbl4ZjyCbM?si=VOEv0QZNFQCrW7iz

#قصائد_مجلس_الامام_الحسن_ع
.


.                وي عـثـرة الــنــاگــه عــثــر
                 وغــيّــر مــوازيــنــه الـدهـر
                 عـــاشــور يــوم ويــبــتــدي
                 يـالـحـره مـن سـبـعـه صَـفَـر

                             *---------------*---------------*

من بعد جرح الـمـرتـضـى . عـالـمـجـتـبـى حقد انعلن
ويا بت علي بغض بـعـلـي . دارت الدنيه اعله الحسن
اسهام الـنـعـش كبرن حقد . وارماح صـارن واعـتـلـن
والـصـوّبـن نـعـش الـحسن . بنحر الحسين اتـمـايـلـن

                 سم جعده مو حدّه الـچـبـد
                 سم جعده لـلـمـنـحـر صـعـد
                 سم جعده بخـيـامـچ مـشـه
                 سم جعده بـالـشـام اسـتـقـر

                             *---------------*---------------*

اصل الذبح سـم واتـضـح . هـالـمـوقـف بـگـبـر النبـي
لـومـا مـنـع دفن الـحـسـن . مـاعـرفـت اجدامچ سبي
شفتي الحسن لونه انخطف . صحتي يـنـاري اتلاهبي
واتـحـضـرن ويـه الـخـيـم . باچر حـرگـچـن يـالـعـبـي

                 ونـفـس الـدمـه الـمـتـخـثـره
                 بـاچــر تـسـيـل اعـلـه الـثـره
                 ويـسـيـل دم الــمــجــتــبــى
                 لــو گـطـعـوا لـجـاسـم نـحـر

                             *---------------*---------------*

اسلم ، ابن ظـاهـر ، وهب . عـابـس وسـبـعـيـن العـزم
انصـار ضـحـوا بـالـنـفـس . ثــبــتــوا ولا زلــوا جــدم
وللحسن ما صح هالـعـدد . بي غـيـره غيرت هـالـزلـم
فـكـرة الـثـوره بــلا وفــه . بـچـف الـخـيـانـه تـنـهـدم

                 لـومــا الـخــيــانــه تـتـضـح
                 مـا يـنـعـرف معنى الـصـلـح
                 چـف الـحـسـن چـف حيدره
                 ويـا فـارس الـچــفــه عُــبــر

                             *---------------*---------------*

ديـنـار ابــو سـفـيـان الـه . بگلب الطمع سطوه وطمع
والحسن چبده الـمـنـمـرد . مـا سـمـمـه غـيـر الـجـشـع
والهزّه چف سلطه وفلس . والـمـا قــنــع يـوم وشـبـع
بـخـيـمـة أُميه اللي دخـل . نـدريــه بـيـا مـوقـف طلع

                 شيعة بـنـي سـفـيـان ، أسم
                 لـكـل ناس تـسـكـت عالظلم
                 وحب علي وولده اكبر بخت
                 الداس الـبـخـت تـالـي ايعَثَر

                             *---------------*---------------*

انصاف المواقف مُتـعِـبـه . وصـاحـبـهـن يـعـاشـر ندم
(الما واضح) يعيش العمر . بنعش الحسن عايش سهم
الما بيّن بـصـوتـه الـرفض . تـنـشـاف بفعاله الـ( نـعـم )
والـمـو دوه لـسـم الـچـبـد . فـعـلـه اتـضح جمرة خيم

                 تـتـوضّـح بـهـالحـب صـفـه
                 بـيـن الــوفــه والـمــو وفـه
                 حـبـهـم صُـبـح جـنـة عــدن
                 الما عاشه عايش فـي سـقـر

                             *---------------*---------------*

  ✍️خادم الحسين ع
الشاعر سعد هادي الشمري

@saadhadi83

قصيدة سيف الصبر
شهادة الامام الحسن المجتبى ع

الرادود ابو محمد الموالي
الشاعر سعد هادي الشمري

https://youtu.be/LDvs3aGxYzE?si=QqQRl0s1fVFq8-no