انا الله وانا اليه راجعون

ناعي الزهراء ع السيد جاسم الطويرجاوي
في ذمة الله
يتلكاك ابن الزهره سيدنه

شور

يا يمه نامي اعله الورد مو ثوبج يلوحه الترب
ينزف دمه يمه الورد لو شافج بموقف صعب
والله يموت من لقهر لو خدج يمه ينضرب
باب الله باب ام الحسن تعصرج على الباب الغرب

يعصرج وره الباب اجنبي وانتي الستر يام العبي
يا يمه الله تحسبي
كومي يا في الله العصر بابج صبح كله جمر
مو بالضلع بينه الكسر
واه ويلاه يام الحسن واه ويلاه يام الحسن
__________________
يا يمه كعدي باوعي وعليه طوليه النضر
بعدج يا يمه تيتمة بيج الضهر يمه نكسر
يا يمه عينج ورمت باقي عليه جف الصطر
لو نكرو لكسر الضلع يبقه اعله خدج هم اثر

بس همج لا ما ينجلي كاسر ضهر حيدر علي
يا بعد اخوتي وكل هلي
يا يمه تكتلني لوَ أن ما يحله بس ليج الحزن
بعدج ما يغفه الي جفن
واه ويلاه يام الحسن واه ويلاه يام الحسن
__________________
بسمار البصدرج وصل لنافوخه يمه هل طفل
البسمار زارف كصته يمه الوجع ما ينحمل
ما لحكت يمه اهز ما لحكت احفض شكل
سميته محسن فاطمه ما يبقه لازم ينجتل

عايش يضل طول العمر نسمة طلوع الفجر
صعبه نشيعه للكبر
طايح صغير اعله الثره اصغر طفل بالمكبره
شكبره المصاب الي جره
واه ويلاه يام الحسن واه ويلاه يام الحسن
_________________
يا يمه مخنوك الهوه يخنك ابريتي من يطب
خمسين عام من لدمع تجري عله عيوني تصب
خمسين عام ابجي دمه بعدج يسبوني غرب
ما يحجي ويانه العده ولو يحجي لازم بالضرب

يايمه بعدج ننسبي والنار تاكل بالعبي
ويحدي بضعنه الاجنبي
يا يمه بعدج لا معين بلايه كمر بلايه الحسين
ابجي وانوح اعله ثنين
واه ويلاه يام الحسن واه ويلاه يام الحسن
_______________
✏سيف علي الفرطوسي

شور
اخ الشام ...اخ الشام

اخ الخرابه وضيم اليالي
حيرتهه حيره المعدهه والي

الما عدهه والي حيرانه بغربه تبجي وحزنانه
تناشغ كوه من تسولف من الركض فحطانه

وين اروح بلا خواني ولا ولياني
وين اروح بالخرايب محد جاني
وين اروح ومحد بيهم يتلكاني
اخ الشام اخ الشام
_______________
اخذوني كوه اني وعيالي
امشي غريبه ابلايه والي

مشوني كوه بلا خوان كلنه صفينه بلا وليان
ايكلي شامة وين حسين ويدري بينه بس نسوان

وين اروح وانه اباوع بس شمات
وين اروح واحد شايل راسك فات
وين اروح يعيرني بحسينج مات
اخ الشام اخ الشام
________________
زحمه سبيه حرمه وجبيره
صعدوني هزله فروني ديره

فروني ديره يا فشله لو ميته انه ولا عدله
وكفوني خويه باب شام وضيم الطريق وي لهزله

وين اروح دخان البعيوني خيام
وين اروح حرمه وفرونه انه الشام
وين اروح ترسو كلبي بس اسهام
اخ الشام اخ الشام
_____________
ناسيته اسمي اسمي السبيه
وهسه انه وحدي حبالي بديه

حبالي بديه وتعبانه اعله كفيلي حزنانه
انه الاميره يسموني شعدي بشام اهنانه

وين اروح وانه الاميره السموني
وين اروح وادم غربه ويشتموني
وين اروح وكله المسبيه ايصيحوني
اخ الشام اخ الشام
____________
✏سيف علي الفرطوسي

الروايه تقول ان الناقه التي حملة السيده زينب ع
انتحرة بعد رجوع الضعن الى كربلاء وضربة راسهه بالصخر حتى ماتت
اكول

هيه ناكه وبالوفه عدهه حساس
وعله صخره حيل ادك الراس
فشله اضلن عايشه من العباس
واخته صعدة ضهري ويفرونهه

شور .... قصيدة (( ناقل خبر ))
يا حسين ... يا حسين ... يا حسين
___________
بعيني انه شفت الشمر اعله صدره كاعد من ذبح
بعيني شفت لمن ذبح شاله كبل فوك الرمح
جابوله خيل بلا رحم كامة تدوس اعله الجرح

لا يا خيل جسم حسين مو مال دوسه
لا يا خيل قصده الحافر راد ايبوسه
لا يا خيل مو مالت ميدان وهوسه
يا حسين ... يا حسين ... يا حسين
___________
وبعيني انه شفت الشمر صدرك مسويه ملعب
الخيل تتعب بالركض والحاقد لا ما يتعب
صدرك صفه بس للرفس خلو الخيل بيه تلعب

ولكم ليش من لكوفه تشمون حساسه
ولكم ليش بنص شوكه مزروعه الياسه
ولكم ليش ابسيف اعمه كطعو راسه
يا حسين ... يا حسين ... يا حسين
___________
اسمع ونين الرمح لن فوكه صاير كافلي
فشله يمشونه بدرب وهو حامل كل هلي
ناكع دمه بالمستحه ويا عاره ابد ما ينجلي

يا الرمح وعله راسك من خلوهم
يا الرمح ومن ديره الديره فروهم
يا الرمح طابع دم بيك من شالوهم
يا حسين ... يا حسين ... يا حسين
___________
وبعيني شفته من ركض يسلب تراجي ارقيه
تنزف دمه من الاذن نترست دمه ايديه
يزمخ علينه بكل حقد ويكلي يالمسبيه

عمه ليش تكلهه عمه حيل اذاني
عمه ليش من ترجيتي حيل جراني
عمه ليش ماخذ وحده ورد عثاني
يا حسين ... يا حسين ... يا حسين
__________
بعيني انه شفت اليسر والطبه بين الاجناب
كلهه شماته وتبتسم تضحك علينه الاغراب
وراس الحسين اعله الرمح راسه ابيض ماجن شاب

راسه شاب باعو ترجيات رقيه
راسه شاب ضربوهه وسبو علويه
راسه شاب ويكلهه امشي يالمسبيه
يا حسين ... يا حسين ... يا حسين
___________
✏سيف علي الفرطوسي

الام المحسن (ع) شور

واه محسناه ... واه محسناه ... واه محسناه

ما مقسومه الي اشوف انه هلي ما شوفن علي
ولا شوف الظعن
فرحانه نولد ويا محله المهد اجه لكن بعد
بالباب اندفن

ااااه ما مقسوم اكعد وياكم
ااااه وكعد وشارك بلواكم
ااااه ويه الكافل اشيل الواكم
واه محسناه ... واه محسناه
_____________
احس انه بجرح ومن حاقد يلح صابهه برمح
حسيت بالام
يرفضهه العقل بطن امه لحمل هم سامع طفل
برفسه ينعدم

ااااه حس السوط ايطك مكفاي
ااااه والبسمار كسرلي اعضاي
ااااه وسطرة امي اعظم بلواي
واه محسناه ... واه محسناه
_____________
كلبي ينعصر منسمع بالسطر وبالباب الحصر
تخنك لنفاس
شنهو الي صار يا حامي الجار واصل بسمار
لنافوخ الراس

ااااه واصل يابويه لحد راسي
ااااه يخنك بضلوعي وانفاسي
ااااه بويه الحاقد كلش قاسي
واه محسناه ... واه محسناه
_____________
نزلوه للكبر وكلبه جن جمر ميت بالعصر
وينزله الحسن
يتمنه يجي لزينب والسبي ويحضرهه العبي
ويحمي هل ضعن

ااااه يحضر ويشوف اخته بدير
ااااه حرمه وحدي بلايه عشيره
ااااه والحاقد سماهه اسيره
واه محسناه ... واه محسناه
_____________
تمنيت احضرج وصبح كافلج وحدي محملج
ومرفوع الراس
لكن حكمته وايه النصته لزينب خلته
لكافل عباس

ااااه ربج رايد عندج كافل
ااااه من بعدي اسمه ابو فاضل
ااااه عنده ريشه الكمر شايل
واه محسناه ... واه محسناه
______________
✏سيف علي الفرطوسي

ملاحظه وتنويه لخدمة سيد الشهداء ع
.
.
كل القصايد الي جاي تنزل بالقناة هي امحلنه وبيهه اكثر من لحن الي ايحب يتواصل وياي بخصوص الالحان هذا رقم تليفوني ويتواصل وياي علخاص 07710054952
خادمكم سيف علي الفرطوسي

شور
يا فاطمة ... يا فاطمة ... يا فاطمة


فشله يموت الورد كسرو غصن من الشجر
ميت علي هو يحس هو يحس ضهره نكسر

بعيونه ضاكت من بجه
واعله النعش حيله نتجه
شاورهه اسمعه من حجه اااانه علي

من رحتي جفنه ما غفه
يتمنه موته لو لفه
كلشي عكب عينج طفه اااايا هلي
يا فاطمة يا فاطمة
______________
يمه اشوفن والدي مكسور ما جنه علي
مهدوم حيله بفركتج وهمه ابد ما ينجلي

محد ينشفله الدمع
صبره خلص مثل شمع
كل ما ذكر كسر الضلع خله وبجه

يذكر مصيبة محسنه
للكاع محد يحضنه
وبجفوفه بيده يدفنه بس ما حجه
يا فاطمة يا فاطمة
______________
يلزم تراب المكبره ويكلهه انتي ام حجاب
حتى بوفاتج تنذكر غطت جسمهه بتراب

انتي الستر يم الستر
بعباتج ايفوح العطر
جف اليلوحج ينبتر بس يوصلج

شنهو لبدي يا فاطمه
زينب وراج ميتمه
يم الله ننصب محكمه ويشفه غليلج
يا فاطمة يا فاطمة
______________
ميت قهر لمن بجه حركوله داره وما حجه
اخ الوصيه الجتفته سيفه يموت من انتجه

لو بيده يكرفهه الزلم
خيرهم ايذب الهدم
يطشرهم وبيده يلم يخنك زلم

بس هسه كتلولي طفل
بالباب يسقطلي حمل
وي فاطمة كتلوه كتل ابني الشهم
يا فاطمة يا فاطمة
____________
✏سيف علي الفرطوسي

عليً يشكي محمد
قصيده فصيح


يا رسول الله خير الكائنات
حرقو دار تليها المحصنات
قتلُ عَمودِ زهرةَ الورودِ
__________________
انتَ بابُ اللهِ انتَ سِرُ ذاتِ
حَرقو دارٍ لِسيد المُكرماتِ
عَصروها فاطمة ماءُ الحياتِ
لولا الوصيه لم يكُن لهُم نَجاتِ

بقيَ السيفُ يَلوذُ باليدين
عَصروها قَتلو منهه الجنين
لَطمو لخُدودِ زهرةَ الورودِ
_______________
اسمعَ اصوتً لقلبي الملحه
كُل يومً حزنهِ يزدادُ صَفحه
يَغرزُ في بغيهِ الام رُمحه
انزلوها للقبر واثارِ جورحه

شيخهم في قعرهِ لا من امان
انا الفاصل بينُكم يومِ الجنان
شيخهُم حقودِ لزهرةَ الورودِ
______________
انني فالحربِ اسمي حيدريا
قالعهَ اعروشِ الطغاةِ خيبريا
يا رسولُ اللهِ هذي اعظم رزيا
يَقتلونهَ فاطمً ولدِ البغيا

اسمعَ اصوات البغايا بالاذان
حيدريٌ لم يُقاتلهُم جبان
وحقدهم يزودِ زهرةَ الورودِ
______________
فيك اهٌ تَقلبو الماءِ نارا
تحرقُ اليَحرق عليهِ بابُ دارا
قُم وانهي الضُلمِ انَ الضُلمِ جارا
انتهَ اللهِ دومً عزّ وفتِخارا

لو نهض يا ارضَ فيهم زلزلي
لا فَتى اِلا عليٌ يا علي
راعِبو الاسودِ زهرةَ الوجودِ
______________
يا رسولُ الله عليٌ يدفنُ ابنه
قتلو طفلاً مُسمى مُحسِنه
تَكثرو الامَ فيهِ عنده دفنه
يا رسولُ اللهِ يَبكي يُبدي اَنه

جالسٌ عَلقبرِ يَبكي مُنكسر
ك مريضً في فِراشه يَحتضر
كَسَرولي عودِ زهرةَ الورودِ
______________
✏سيف علي الفرطوسي

هوسه ورباط


تره الميت غريب ومات عطشان
هذا حسين ميت موش ياهو الجان
يستاهل انه الطمله لطم نسوان

ما تنقاس بخيل ... الدايس فوكه الحافر
___________
اصرخ بالبجي ولا تكول ما بيه
زينب باليسر سموهه مسبيه
بعد ماكو اسمهه ذيج علويه

زحمه نطب ديوان ... وراسك فوك رماح
__________
الطم علوجه زينب بلا وليان
مجلسهم خماره وطبت بديوان
ومن عكب الكمر تاهن تره النسوان

ويضحك حيل الشامت ... كلهه تعير بنسوان
__________
يالجثتك رميه وانته بعدك شاب
مدمريهه لحيته بدم رمل وتراب
اهو جثه رميه ايسلبه السلاب

ايكلهم هاي اهدوم حسين ... خل حسين ايضل عريان
__________
يوجعهه متنهه النذل من طكهه
ومثل لون العبايه صبح معضدهه
حرمه من ولوهه ياهو يفكدهه

حتى محمد من شافاج ... تيهه زينب بنسوان
__________
✏سيف علي الفرطوسي

سلمان يقول لعلي ع صبراً جميلً يا علي و علي يُخبر سلمان ما سبب بُكاءَ

يا علي ... يا علي ... يا علي

ابجي اعله الورد كطعوه بعتبة باب
وابجي اعله الطفل من البطن لتراب
ابجي اعله الوكت الخله نجتف بكراب

يا سلمان ... باجر كلي شنهو اعذاري
يا سلمان ... طبو بيتي وحركو داري
يا سلمان ... ربك يعلم بينه الباري
___________
حامي الجار ما يحمي اهل بيته
محمد وصه هيج وهاي اوصيته
الاسد مجتوف يسكت هاي تاليته

يا سلمان ... بحبل كرابي جتفو ايدي
يا سلمان ... سطرو محبوبي وام بيتي
يا سلمان ... ولازم اسكت هايه وصيتي
___________
كسرو خاطر الله بكسر الضلوع
وسوالفنه بنضر ترجمهه الدموع
وانه حيلي صفه مثل شمع ليموع

ياسلمان ... شمعه وهفت بيهه الوادم
ياسلمان ... تطفى وتصبح ضلمه العالم
ياسلمان ... يحرك بيتي انه الخادم
____________
مجتف بالحبل كلي شيحلهه
الحرمه تنولي الماكو رجلهه
جا شنهو العذر باجر شكلهه

يا سلمان ... حرمه وماكو بس اطفال
يا سلمان ... سطروهه وما راعو حال
يا سلمان ... ويضحك فرحان الجتال
____________
وحيد واكعد ابجي ابتالي اليل
فكدهه فاطمة هدالي كل حيل
عمر خلصته بس اهات والويل

يا سلمان ... اكضي ليلي ابين كبور
يا سلمان ... بيه حسره تحرك دور
يا سلمان ... شيعالج كلبي المكسور
____________
✏سيف علي الفرطوسي

فاطمة تُخاطب علي ع

احسك من كسر ما جنك اطيب
مثل طير بقفص كسروله جنحه
يا مرهم يصير ايداوي الجروح
وين الكه الدوه ليداوي جرحه

وين ايروح ... البيته خالي من ام بيته ... وين ايروح
ضل اينوح ... يحد بسيفه الواصل صيته ... ضل اينوح
كله جروح ... لازم يسكت يا تاليته ... كله جروح
_________
افرح يا علي وجروحي تنزاح
تروح ايامي كلهه وي حزنهه
ما همني الام كونك بالف خير
يروح الزهره انته وكل املهه

فدوه روح... كونك سالم بعد اضلوع ...فدوه روح
لا لتنوح... فدوه اروحلك وي حملي... لا لتنوح
يالمجروح... كلبك ينزف ما يدرونه... يالمجروح
_________
يالمصبر الصبر يابو الثكيلات
الورده تندفن ويه حملهه
يسمعهه الخلك وبترس الاذان
المرته تنسطر هذا رجلهه

يسمع صوت .. بترس اذنه همه يسمعونه .. يسمع صوت
وين الموت .. ولا بالباب ناس ايعيرونه ..وين الموت
كباله ايفوت .. والجتال اكبال عيونه ..كباله ايفوت
__________
لا تبجي علي مكروه الوداع
انه شوف دمع بعيونك ايفور
امن يا علي بستانك بخير
انزل للكبر بس ضلعي مكسور

راح اموت .. عينك تبقه اعله عيالي ... راح اموت
لكبر افوت .. ودمي يبقه اباب الغالي .. لكبري افوت
يبقه الصوت.. كلمة وان تبقه بالي ... يبقه الصوت
_________
من تغسل جسد لا تمر بالضلوع
تكثرله المصايب من يحلهه
تمر ايده بضلع بيه دنيته تضيك
ومن بابه يفوت الي جتلهه

ما يرتاح ... الطكو مرته كبال عيونه ... ما يرتاح
منهم صاح ... حركو بيته ولا تخلونه .. منهم صاح
كام وطاح ... راد ايلحك ايطفي النار ..كام وطاح

__________
✏سيف علي الفرطوسي

عشك الخدم

سيد الحنان ... بحبه ذبت مثل شمع
نادم اجيت ... وقسملك بكسر الضلع
كلي ندم ... وجفوفي متروسه دمع

خادم يبجي ابابك صدك
كاعد على اعتاب العشك
هذا الكلب بسمك يدك بالحب مجنونك

خنكه نموت بلا هواك
ضلمه الحياة بلا ضواك
والله نموت احنه بلاك فدوه لعيونك
_____________
انته دواي ... اقوه جرح يمك يطيب
انته نهر ... لو حجه يطفه الهيب
وانته العلاج ... الوصفه بيك الطبيب

انته الهوه بدونك نموت
وانته الصراخ بنص سكوت
يونس قسم ابطن الحوت وذبه خي عونه

عندك نبي ابنص الحرك
صوت الكلب باسمك يدك
يصرخ الهي من صدك بحسين اعيونه
______________
كلي ذنوب ... بس انته مخيط للفتك
اتمنه كون ... خيط بخيامك وحترك
هاك دليل ... صوت الكلب بسمك يدك

كلي ذنب وين انه اروح
بس انته مرهم للجروح
بس يمك اشعر بيه روح وانته سيدهه

يالزايح اهموم وكسر
الخادم يندبك يبتشر
وبابه يطلعلي شعر وهو اليكتبهه
______________
خليني كون ... بين الخدم التحرسك
اتمنه صير ... الفضه التصير بمحبسك
خاطر اصير ... ويه الجلد اتلمسك

محبس لا ما ريد انه اصير
يبتر اصابيعه الحقير
ويسوي بيه المايصير ومنه يسلبونه

ورجع وصير بجف ذليل
الما عرف قدره الجليل
وصبح بدين الي يعيل وصبح ملعونه
_______________
ريت انه صير ... طير ويطوف بحضرتك
حلمي الجبير ... صبح ومسه يم كبتك
خلي الجناح ... يخفك صدك وي رايتك

ينكت ذنبه اباب الهيام
محله العشك لو بيه غرام
تحسده الخلك يعشك اِمام كلهه يحسدونه

تحسده الخلك حبي جنون
من عبده ماخذ هل فنون
ذاك العبد يتسمه جون الذايب بعيونه
________________
✏الشيخ سيف علي الفرطوسي

محمد ابن الحنفيه يسئل مولاتي زينب ما الذي جره فتقول له منذو وصولهم الى رجعوهم وهو يقول لها

اااه ... يعينج الله يا ام عون
_________________

مصايبنه جثيره وكلش اهواي
مبين علوجهه ضيم المصايب
وصلنه كربلاء ودكينه الوتاد
ولمانه الحسين لمة حبايب
واحد حاضن الثاني ويشم بيه
ساعتهه عرفنه احنه غرايب

من وصلنه ... بخيمه جنه ... خويه يا محله المسيه
عباسي حاضر .. بس يباوع .. ليله كله بس عليه

ااااه ... متبسم بس تبجي عيون
ااااه ... يعينج الله يا ام عون
_________________
اجه ذاك الصبح اليقبض الروح
وحاوطنه الشمر من اربع اركان
يا رخص الفرات الجاه الحسين
يكطعونه عليه ويموت عطشان
هذا الماي كله دموع مو ماي
ضل يبجي ندم بدموعه غركان

والعطاشه .. كلهه تبجي .. عمه عمه نريد الماي
سكنه صاحت .. وينه عمنه .. تكله وينك يالوفاي

ااااه ... ايتامي تصرخ يبجون
ااااه ... يعينج الله يا ام عون
_________________
هم شايف كمر يمشي على الكاع
وانه شفت الكمر مكطوع الجفوف
كبل ليل هدعش امضوي الكوان
وره موت الشهم حسيته مخسوف
ميدنك اااااااابد ويكبر الماي
يجي يمه النهر يتعنه اله زحوف

وسفه خويه .. عباسي طايح .. عكبه ضلمه كل مسيه
بلا عيونه ... ولا جفوفه ... وهو نايم علوطيه

ااااه ... عكبه كامو يتشمتون
ااااه ... يعينج الله يا ام عون
________________
مثل سبحة صلاه طشر خرزهه
زلم وصط الحرب كامو يصلون
صلاه الوحشه كمنه نصلي اهناك
صلاة الوحشه الي مو لليموتون
ما ادري الحبل ياخذني للشام
وندور بالخلك وين اليفزعون

ماكو زلمه ... ليفزعنه ... وانه حرمه وين اروح
بس شماته .. كلهه غربه .. وانه عيني علمذبوح

ااااه ... كلهه ماتت ميفزعون
ااااه ... يعينج الله يا ام عون
________________
جبت عبد الله بيدي انطيته لحسين
يكله يا هله يمفرفح الروح
حسبالي يجيب الماي يرويه
رجع بيده الرضيع وبيده مذبوح
رجع يبجي النهر بدموعه الف شط
يكله ابني ارتوي يالدمك يفوح

خويه يبجي .. حسيني يشكي .. ربي خلص هل مسيه
سمعه يحجي .. ما احمل .. زينب تمشي سبيه

ااااه ... زينب تنطك كلي شلون
ااااه ... يعينج الله يا ام عون
________________
بده حرك الخيم وحبال بيدين
ما ادري الحبل ياخذنه للشام
نمشيهه الجزيره بلا حمه وياي
بقيت انه وحيده ويه اليتام
تلكونه بحجر وبيدينه الحبال
متى يخلص سبينه وريته ما دام

من وصلنه .. فرجه صرنه ... كله دك طبول الشام
كلهه صاحت .. زينب هايه .. خويه ما راعو ايتام

ااااه ... اهل الشام بينه يضربون
ااااه ... يعينج الله يا ام عون
________________
✏سيف علي الفرطوسي

نزل صوت السمه بارضه .. بس عباس خالسهم
متطه الشكره ونزل بيهم .. ضل يسحل شوربهم
ما حاجه الك عزريل .. لجهنم بيده شمرهم

بقه عزريل متحير تره بامره
حتى الشارد بخده اثر سطره
يشمر للسمه جثه بلايه روس
لان ماكو بشر منه سلم نحره

خاسفهه لضهور الخيل .. تعب كلش تره عزريل
بشر ما يتعب امنل روس .. ما يرضه بشر بيعيل
حي الله ابو فاضل ... حي الله ابو فاضل
________________
انه القاهر انه الحاضر ... انه الخاطف بأمر ربه
يدُ اللهِ على ايديكم ... يا ويله الذي يضربه
هو الماءُ الذي يُحي ... ربك خله بالجربه

من نوره اخذنه شويه من خده
ادم بالنسب هم يعتبر جده
معروفه البشر مخلوق من الطين
ادم من تراب الماي من عنده

وترابه يصبح طين ... لو يسكنه بالجفين
لو خلص الماي بيوم .. يترسلك بماي العين

حي الله ابو فاضل ... حي الله ابو فاضل
____________
هو الصاعق هو الراعد ... واكبر سيف ايثلمه
هو الراجف بأمر ربه ... بجنسيته نكتب زلمه
تروط الكاع من يهجم ... خيرهم نزع هدمه

نزل عباس ويدور على الصيده
تطير الروح لو مرهه عصف ايده
وكف عباس خالسهه الزلم من صاح
سابيهه الشوارب مكيده بكيده

يجيب الماي بذراعه ... يشيل الماي من كاعه
لملم جروفه حتى يشيل .. اله مهله فقط ساعه

حي الله ابو فاضل ... حي الله ابو فاضل
_____________
من نوره خلق الله ... العباس بالدنيه
هو الشايل لواء الله ... ابد ما تنحني هيه
انه القابض باذن الله ... ارواح الزلم بيه

انه لاكد مهرته وقابض الارواح
وحسين بخيامه خويه حيهم صاح
بس سمعت المهره وهيه شدت حيل
اصعدهه الجنايز قبل لا تلاح

يتكلب الوان الجاك ... تسحلهم سحل يمناك
ما لحك تره عزريل ... يسمعهه تراها الهاك

حي الله ابو فاضل ... حي الله ابو فاضل
______________
بشر شتسولف بعلمه ... حيدر هو المفهمه
جان ايدرسه بس شغله ... حسين حسين كل علمه
اليوصل لخوك حسين ... ليهمك كبل ردمه

درس عباس يحمل بالوفه الرايه
الاول بالبجي من يحضر قرايه
ودرسه الثاني بالزوار من يمشون
ييتلكاه بجفوفه اليمشي مشايه

يوزع الماي بجفوفه ... هلا باليحضر يطوفه
معزب بالنهر عباس ... يعزب بالنهر ويفرغ جروفه

حي الله ابو فاضل ... حي الله ابو فاضل
______________
الشيخ سيف الفرطوسي

قصيده حال لسان زاير زينب

يم اهلي وابجيلج دمع       يم بابج انه اليله
عن ضيمج وغدر الوكت.    يوميه انه ابجيله
اليكعد بابج بعد                ما حاجه انه انعيله


مو حلم          لا اكيد.           ابابج انه انعيلج
مو دموع.       لا دموم.         اليوم انه ابجيلج
كون اموت.    بغربه كون.      عشام من احجيلج

ابابج ايدك الكلب         وهسه نحس احنه بغرب
شلون من فتي بهزل    ومن كعدوج اعله الترب
.......................
ودعنه اهلنه وكل محب     وجينه نشيع زينب
بس انتي ما ودعتي اخو    بالهيمه عاري مسلب
بس راسه وياج برمح.       وبدم لحيته مخضب

من تجين.        بلا معين            والشامت ايصيح ام عون
ضرب السوط   والايتام             ويكلي فنكم تبجون
يم يزيد         راس اخوي          يم راسه انتو دنكون

وسفه اطب ابلا ولي.          ويكلي وينه كافلي
راسه بطشت ويعاينه          حسباله رداله علي
.....................
وبسوك اذكر من فتت           بيه المشت علويه
لمن فتت سوك الذهب          اذكر تراجي روقيه
وطفال بسوك الضهر.            ترمي بحجر مسبيه

اخ السوك.      من نفوت.    اخ العده يولوهن
زفه بسوك.     فوك النوك.   وبلا اخو يحدوهن
ماي وحار     بس حجار     من الصطح يرموهن

حتى الطفل يضربنه.       بكد ابني ما يرحمنه
طشرنه خرزات بسوك.    ما واحد الي يلمنه
.....................
بحزام انه تحزمت              بحزام راعي الرايه
بفلوس شالولج نعش.         وشلون صارت هايه
ضلت غريبه بلا اخو           بلايه جتف حمايه     


شلون ايصير.     زينب هاي.     ماكو جتف حملهه
زحمه هاي.        للكبر             ماكو احد نزلهه.
بلايه ام            ولا اخت.       محد اجه يغسلهه

محد اجه يغسلهه.       ماكو اخو اليحملهه
عباس صارت صدك.       للكبر ما نزلهه
..................
✏سيف علي الفرطوسي

قصيده بلسان حال مولاي السجاد يُخاطب مولاتي زينب بعد موتها يقول 😭😭

عز الهواشم
___________
بس اهات ... يدمعات
تترسلك نهر منهه جريات
علخوان ... علوليان
الجبل متروس بركانه الاهات

انه بثكل الجبل ضيمي بعد ياهو اليشيله
عفت عباس علغبره ابو جفوف الثكيله
زينبكم شرف فوك الجلد مطبوعه شيله
يازينب ... يا زينب ... يا زينب
____________
وين اروح ... بيه جروح
وانه الضليت خويه بين شمات
اخت حييد ... شنو ييزيد
تره النسوان ما طخله هامات

تدنك هامت الشامة نساوينه تره بسوك
محد شافهن كله جذب بس دمعة النوك
زينب لو حجت تخلس خلس وتشك الحلوك
يا زينب ... يا زينب ... يا زينب
___________
ماكو زلام ... بيهه الشام
بس زينب تسولف بالدواوين
كلهه دوخ ... حجي شيوخ
غير اخت الكمر عباس وحسين

كلهه تخورست زينب تره من وكفت بشام
حجت حجي الثكال وطيحت من وجهه الاثام
اسود من عباتي اوجوهم تارسهه الصخام
يا زينب ... يا زينب ... يا زينب
___________
يا عباس ... يابو حساس
جذب من كال اختك جتفوهه
جذب كال ... هذا الحال
انه المرفوعه راس بزود اخوهه

جذب من كال زينب بالسبي واحد صطرهه
زلم ومجتفه بالسانهه منو الجتفهه
رادة تكلب الدنيه لون ربك رحمهه
يازينب ... يا زينب ... يا زينب
____________
✏سيف علي الفرطوسي

يا زينب ... يا زينب ... يا زينب

مره ليله من اليالي ... ضعني خالي ضعني خالي
باقي بس دمعي يالالي ... يا زماني
ذيج اليله بلايه اخوتي ... ابجي بس بجيي بسكوتي
شمحلاهه وياكم موتي ...يا زماني

لو ميته وياكم انه يا ولياني
شمحلاهه لو عندي قبر يم خواني
فشله اموتن بالغرب ورجع ثاني
_______________
ذيج اليله جنه بخيمه ... فيكم غيمه فيكم غيمه
تاليهه انضيع بهيمه ... يا زماني
ذيج اليله بيهه اميره ... مصباح اليله انه اسيره
مجتوفه نطب ديره لديره .. يا زماني

من الشمس انه استحي تلوح رداني
حتى الهوه هم يستحي من خواني
ليش الفكدته اعله النهر ما رداني
_________________
اذن اذان الضهاري ... جسمه عاري جسمه عاري
باقي نايم بالصحاري ... يا زماني
هدو الخيل اعله جسمه ... تكطع ثلمه تكطع ثلمه
بالله جسمه شلون المه ... يا زماني

اتمنه اسحبنه الجسد من الخيل
جتي بحوافر هايجه صوت صهيل
بسج بعد كافي بعد ما بي حيل
________________
حركو خيمه الجنه بيهه ... يا هو ليهه يا هو ليهه
وينه ما يفزع وليهه .... يا زماني
هو مكطوعه جفوفه ... اليسوه نهرين بجروفه
هسه شامت ضل يحوفه .. يا زماني

ميت اخوي اعله النهر ضل اهناك
كالولي مكطوعه اليسار ويمناك
هو طريح اعله الرمل مخوف اعداك
__________________
حطو احبال بادينه ... صحنه وينه صحنه وينه
وينه الي ينغر علينه .. يا زماني
طببونه هم للكوفه ... راس الكافل بلايه جفوفه
مكيف الشامت دك دفوفه .. يا زماني

يا وسفه جابونه الديره بيهه اميره
وهسه انه جابوني بحبل واسمي اسيره
الصوبك علي انه الوجهه بيدي اديره
_________________
✏الشيخ سيف علي الفرطوسي