🗣️|| ملاحظات وملحق مهم جدًا لمادة الاحياء :

📌 || بعد مشاهدتك لخطة مراجعة الاحياء وشلون توزع المادة على اليومين ونصف وشلون تراجع مراجعة صحيحة تحافظ بيها على تعبك اريدك تنتبه لهاي الملاحظات :-

🔍|| الرسم : هو مطلب ثابت يجي متفرع بسؤالين لا يمكن تركه لذلك ركز على الرسومات خصوصا الوزارية.

✉️|| ملاحظات عن الرسم :

• الرسم مو الا مثالي المهم يكون مقبول.
• نصف الدرجة على الشكل ونصف الدرجة على التأشير.
• يكتفي الطالب ب ٤ او ٥ تأشيرات كحد اقصى في كل رسم.

⚙️|| المقارنات ( تأتي احيانًا بصيغة فروقات ) : فرع ثابت بالوزاري ومهم جدًا وهو من اسهل الاسئلة بنظري لكن الطالب ميعرف يتعامل معاه بشكل علمي ! المقارنة بالأحياء مثل اي مقارنة بالحياة هو انك تقارن مابين إثنين من حيث تفاصيلهم ( مثلا طولهم لونهم عملهم سكنهم ) بالأحياء نفس الشي تقارن بين التراكيب من حيث ( مواقعهم وظائفهم أشكالهم تركيبهم ..الخ).

وغالبًا ابو الوزاري يكتفي ب 3 او 4 نقاط مقارنة.

🎮|| من يكولك ما الفرق ؟

( يعني يريد منك الفروقات فقط مايصير تكتب اي نقطة مشتركة).

🎮|| من يكولك ما اوجه التشابه ؟

( يعني يريد منك فقط الأشياء المشتركة والمتشابهة بين التراكيب).

🥸|| التعاريف : من احب الاسئلة الي التعاريف لأنه شتكتب هو صح وتاخذ درجة عليه ف مهما جابلك تعريف ابد لا تشوفو صعب لأنه التعريف هو كانك تعرف على احد مثلا اجي أسألك عن صديق اسمو محمد واكولك عرفني عليه ؟ راح تكولي هلكد عمرو هشكل شكلو عايش بفلان منطقة يدرس كذا مرحلة او صف ابن فلان ، الخ.. نفس الحالة التعاريف . مجرد تكتب كل اللي تعرفو وعلى كل معلومة تكتبها تاخذ درجة وانت قيس !!

🤡|| التعاليل : من الثوابت طبعاً وكلتنا نعرف شنو يعني علل .. لكن انا حنطيك ملاحظات تخص بعض صيغ العاليل وكالآتي :

• من يكولك علل وجود كذا تركيب في كذا مكان : فجواب هيج صيغة يعني يريد تذكر وظيفة التركيب.

• من يكولك علل المجموعة الكروموسومية لكذا تركيب مثلا احادية المجموعة الكروموسومية : فهنا جواب هاي الصيغة هي بذكر منشأ التركيب.

📊|| الميزات : من يجي سؤال يكولك عدد ميزات او مميزات كذا تركيب فهين يريد منك تسوي تفاصيل التركيب على شكل نقاط.

✔️ || مسائل الوراثة : ضبطك للمسائل الوزارية الخاصة بالوراثة يخليك تحل اي سؤال ممكن يجيك يخص المسائل بالوزاري.

✔️ || شرحيات الوراثة : أهم شي وزارياتها اهم شي لا تدخل للوزاري وانت مو ضابطهم مثل أسمك + اكو اسئلة شرحية مهم مو وزارية هم ركز عليها كاتبها الكن على شكل اسئلة ضمنية بالملزمة بعد كل موضوع.

✔️|| الفصل الرابع : احفظ وزارياتو مثل أسمك قبل كلشي واذا تكدر تحفظ بعد احسن بس اهم شي الوزاريات.

🗣️|| #ســــالم_آل_مـــنـــــصـــور .
- مُدرس مادة الأحياء للسادس علمي .
https://www.tg-me.com/Salimalmansour98bio

⚠️|| مُرشحات وثوابت المَادة :

• اي طالب يبحث عن ثوابت او المهمات او ما تسمى بالمرشحات فخلي يدرس الأسئلة الوزارية للمادة 2013 - 2025 تمهيدي وعلى ضمانتي يجيب إذا مو درجة كاملة فـ اختها للدرجة الكاملة لأن الوزارة كُل سنة تذكر امور اول مرة تجيب بالوزاري مرات تكون قابلة للترك ف تجيب درجة كاملة مرات غير قابلة ف ممكن تنزل عن الـ100 لذلك لا تدور لا يمين ولا يسار الوزاريات هي روح مادة الاحياء وقلبها واختصارها بدون ما تخاف او تشك او تتوتر .

• علمًا ان الوزاريات مذكورة بملزمتي المنهجية + الكتاب المؤشر كذلك عندي ملزمة خاصة بالوزاريات فقط ( 2013 - 2025 تمهيدي ).

🗣️|| #ســــالم_آل_مـــنـــــصـــور .
- مُدرس مادة الأحياء للسادس علمي .
https://www.tg-me.com/Salimalmansour98bio

⚠️ركزلي على الصيغ الآتية :

س : مانوع النسيج؟
س : في اي طور او دور ؟
س : ما الطراز الوراثي؟
س : ما نوع المورثة والوراثة ؟
س : ما المجموعة الكروموسومية ؟
مسائل الأحماض النووية بالوراثة.

كلش مهمة هاي الصيغ فدوة اضبطهم وركز عليهم انت وكاعد تراجع ❤️.

أمور تحتاجهَا أثناء مُراجعتَك أو دراستَك
- لمادة الأحياء للسادس علمي 🔬🦠 :

مُلخص فِي أي أطور أو دور : أضغط هُنا .
الفراغَات الوزارية لأربع أفصل : أضغط هُنا .
كُل المقارنَات ولجميع الأفصُل : أضغط هُنا .

مّا نوع النسيج - الفصل الثانِي : أضغط هُنا .
التعاريف الوزارية لأربع أفصل : أضغط هُنا .

التعاليل الوزارية لأربع أفصل : أضغط هُنا .
الرسوم الوزارية لمنهج الأحياء : أضغط هُنا .

كُل الوزاريات الخاصة بـ الوراثَة : أضغط هُنا .
كُل الوزاريات الخاصة فصل 4 : أضغط هُنا .
كُل وزاريات التنفس + إمتحان : أضغط هُنا .
كُل وزاريات الإنقسام + إمتحَان : أضغط هُنا .

🗣️|| #ســــالم_آل_مـــنـــــصـــور .
- مُدرس مادة الأحياء للسادس علمي .
https://www.tg-me.com/Salimalmansour98bio

📣 كل مايخص الأحياء خلال اليومين ونصف ...

⌛ شلون اقسم المادة على الأيام ؟
⌛ شلون اراجعها للمادة بالشكل الصحيح ؟
⌛ ملاحظات مهمة جدًا تخص المراجعة؟

💡اضغط هنا

🎮 ملحق من الملاحظات الذهبية تخص المادة مهم جدًا جدًا ( اضغط هنا)

🎮 ثوابت المادة و طريقها المختصر جدًا. ( اضغط هنا)

⚠️ صيغ اسئلة مهمة جدًا جدًا جدًا. ( أضغط هنا)

🔗 ملخصات وملفات مهمة ممكن تحتاجها أثناء المراجعة. ( أضغط هنا)

🎮 الاسرار الوزارية للاجوبة النموذجية. ( أضغط هنا )

🔥 المنهج المصغر للمادة بوقت قياسي وشامل للمنهج ( المراجعة الشاملة). ( أضغط هنا)

🖥 واي شي ممكن تحتاجو حرفيًا من نسخ وزارية او اجوبة نموذجية او امتحانات بالمنهج سواء فصلية او نصف شاملة او شاملة بنسخ متعددة ومركزة مجرد ادخل للبوت راح تلكي كل هاي التفاصيل. ( أضغط هنا)

👑 ختامًا : شلون أرتب دفتري واجاوب جواب نموذجي بالامتحان الوزاري على اسئلة الاحياء ؟ ( اضغط هنا)

📣 حسابي على إنستغرام ..

▪︎ للتأكيد هذا حساب الانستكرام ..
https://www.instagram.com/salim_almansour98?igsh=bGpiNGhzZnhnMjFn

بالتوفيق للجميع

📣 تنويه ..

💡 الوراثة شارحلك كل مسائلها وافكارها ب 4 ساعات ( اضغط هنا) وتكدر تضبطهم حتلو انت صفر بيها.

💡 شرحيات الوراثة شارحهم بالتفصيل كلهم ب 7 ساعات ( اضغط هنا).

يعني ب 11 تكدر تراجع الفصل حتلو مو زين بي اما اذا زين بي ف حتى هاي الفيديوهات ما تحتاجها والمفروض ب 5 او 6 ساعات تراجعو.

بالتوفيق

📣 #وزاريات_الوراثة ..

💡 هذا الملف يحتوي كل الاسئلة الوزارية الخاصة بالوراثة وحرفيًا الاسئلة داخل هذا الملف تعتبر هي مرشحات الوراثة بالامتحان الوزاري.

⚠️سؤال : اكدر اعتمد عليه واترك الفصل !
ج : ك مسائل وراثية تكدر لكن ك حفظيات فهو نسبة تكرار الوزاريات هي ٩٥% فصل الوراثة ف ممكن اذا تعتمد عليه تضمن الدرجة الكاملة بي او ممكن لا مو شرط.

#ســـالـــم_ال_مــنـــصـــور

📣 اسئلة الاحياء ...

⌛ اسئلة الدور الأول 2025

اللي بس دارس وزاريات يكدر يجيب 100 بالتمام والكمال ..✔️

#توزيع_الدرجة

⌛ الفصل الأول ( باللون الاخضر) = 28 درجة.
⌛ الفصل الثاني( باللون الوردي) =31 درجة.
⌛ الفصل الثالث( باللون البرتقالي ) = 34 درجة
⌛ الفصل الرابع (باللون البنفسجي) = 16 درجة.
⌛ الفصل الخامس ( الوراثة ) = 35 درجة.

المجموع الكُلي =143 درجة ترك 43.

#تحليل_الاسئلة ..

• بالنسبة لمستواها ف كل طالب يشوفها حسب دراستو وفهمو للمادة ، اكو طلع يكول سهلة واكو طلع يكول متوسطة واكو يكول صعبة ..

لذلك التقييم خليه على الطالب
لكن عامة اللي لحك يراجع المادة زين
ومطلع على الاسئلة الوزارية
ومطلع على اسئلة المتميزين ماينخاف عليه❤️