چانت عيونك قبلتي ،
شسوه الموادع قبله ؟

ذبلت هلاهل زفتك ،
والرمل غطى الدهله

_ جواد زغير

ذنبنا أنموت مجبورين ،

حبينا اليصلي هواي ما حبينا اغانينا

ضعنا وما لگينه أگلوب بيها الله شيدلينا ؟



جواد زغير

حسافه
الـ ما اجو ،
و الـ وين ،
و الـ ياريت ،
و الـ مدري ،

وحزن ما تدري بيه ألمن ،
كسر گلبك وعانگته

حسافه ،
التعب ،
والحرمان ،
والتگضي ،
وحچي لمن مشوا گلته


جواد زغير

واحچيلك على الـ بيه ،
وأگلك شوف ،
هذا أنت ،

بـ شراييني ،
بـ روازيني ،

ضوه أوي الشوف ممتد ،
ياهو الـ أيفلك ،؟

دمع خاتل وره عيوني ،
تضيع و بالـ بچي اندلك


جواد زغير 💚

كل شامه مرقد ،
والعمر شفه اعله جيدك

انه دمي أيعانگ الگيعان من يزعل وريدك

لا تخليني انچفي بگيعان غربه ،
وتدري شاماتك هويتي

يا حبيبي ،
اخلاف عطرك صبخه ريتي


جواد زغير 💚

أنه أ.من أشتاگ ما أدورك أبين الناس ،
أغمض جفن عيني وبيه أشوفنك

ولك يا سولة الشباچ ،
أنه بكل طيف اجيسنك

وانه بكل سكته تجزي الروح اهيسنك



جواد زغير 💚

لا توديلي عذر يشبه جفاك ،

أعيوني مثل الموت ما ترضى بـ عذر



جواد زغير 💚

أعاشرمن ..!

شيرهملي ..!

چثيره أوجوه المهلين لاچن بالمفارگ محد أيهلي

عود الناس تشبهمن ..!

شفتهم لافتات ومحد أيدلي

ولگيت الناس لا مثلك ولا مثلي


جواد زغير 💚

مرني شوف شيحترگ و شيشتعلك
مرني يا معگود بـ گليبي شيفلك

مرني گتلك
ياهو يشبهني من احبك




جواد زغير 💚

ولچ حسبالي گلبچ ساجيه ،،
شما عطش گلبي ،،
أيفيض

شمدريني سمومه أيبيعني أعله الگيض ،،؟


جواد زغير

اثاري الحزن
من تهوى الأوجوه التهوى توديعك

ونوبات الأعيون تصح دليل و راي ..
لاچن گلبك أيضيعك



جواد زغير

هاك أچفي الأهموم الـ ما أتهدك
فوگ نهراني،

أحبك خلي أبلايه أهموم


_ جواد زغير

مسافر والسفر مرواح للملتم

شما ألتفت للعشرين ،
أشوف العمر سفرة هم



جواد زغير

عليش تلوم ،؟
هذا اليضحك لـ جرحه

هذا الـ ما فطم گلبه أعله هلهوله ،
يتيم يصير للفرحه
.
.
.
_ جواد زغير 🍁

وين ألگاك ..؟!
يـ بنادم چبيره الـ آه

اكبر من تواسيل الشمع بـ الريح
وأثگل من دمع ما يدري ليش يطيح

وأثخن من ليالينه
چبيره الـ آه يا سولة بواچينه

وين ألگاك ..؟!

جواد زغير

سكته يطفه ،
ويشتعل حزنه أوي صبحه

يثلم بروحه الگمر چي ماكو نجمه
تدواي جرحه



جواد زغير