أنه خايف يگضي عمري أوي القصايد مو بعينك

شتيهتني ،،؟
الگاع تنزف لافتات وما لگيتك ،، گلي وينك

جواد زغير

اجيت منين ؟ " ما أدري ،
مثل جية الضباب اليحضن الجامه

وانه مسودن ،
اعوف الليل ،
واغفى بشوفة الشامه

أيا محلى العيون التنچفي بـ شامه


جواد زغير

چا هلبت سمارك يشتهيني أخيال

يعايفني ، تره المچتول
من ينسى وراه محبوب هم چتال


جواد زغير

أنه المحتام
شوگ بگلبي مدري ألمن

حچي بعيوني مدري ليا أعيون أيصيح



جواد زغير

راجع ،
بطرگ الحزن ،
خسران مدري انبعت ،
بس الجرح تذكار

راجع وطن من حرب ،
حزني أعله گد الچثث ،
ميت و ادور ثار

والهظم مثل اليرد : جرحه اعله گد عزته ،
وبوجهه ضاع العرف ،
ما ينسكت عنه

يا گلبي لا تحترگ ،
نصين شگ العشگ ،
لو شفت بيه منّه

جواد زغير ⁦⁦🎶

صافن مثل كل گبر ،
مالك خلگ روحك

أ.ولا ألك شغل بـ اليجي ،
و اليبچي و اليحترگ ،

محتار بـ جروحك


جواد زغير

لا يـ طيفي ..
شعطلك .. ؟!
ما بيه أناطر

يا مهيل ،
ماهو طبعك ،
ليش خليت الحزن يهوى الستاير ..؟!


جواد زغير

تستهضم ،
تلم روحك مثل ورگات محترگه

تضحك للمري ،
وتستغرب أرسومك ،
أثاري أمرايتك حرگه


جواد زغير

يمكن باچر تنسى أعيوني
و أعيونك ما تتذكرني

و يمكن باچر مـا نتلاگـه
أتغير دربك و أتغيرني



جواد زغير

وين أنه ..؟!
ولا صوت اليوعيني
أهيس الوادم إبلا روس

وأهيس
الحرب ،
والتابوت ،
وتراب الوطن ،
والعاذرين الموت ..
كلهم فوس


جواد زغير

الهظم مثل اليرد :جرحه اعله گد عزته ،
وبوجهه ضاع العرف ،
ما ينسكت عنه

يا گلبي لا تحترگ ،
نصين شگ العشگ ،
لو شفت بيه منّه


جواد زغير ⁦⁦

لا تطفه ..
شـ أوچد لو سكت لونك ..؟!

و شـ أتلمس ..؟
أخاف تبوگني الضلمه
وبعد ما اصادف اعيونك ؟!



جواد زغير

لا يغرك شوگهم لو طاح مزنه
أ.ولا گلبهم من يلم لـ جفاك حزنه

تالي تعطش ،
تالي تنمـل

كافي چفك ينعگد بچفوفهم وكت النفاه ،،
ومن يمرك ضيج ينحل

ثاري حضن الناس ليله ،
شما أيطر الفجر تذبل



جواد زغير

مرني يا معگود بگليبي أشيفلك ...؟!


#جواد_زغير ❤

ذابله چفوفي يـ أبو طول البريسم ..
ذابله وتنطر نداك

ذابله وتدعي لـ شكو گطرة بسماك

أنتَ يا أحلى المواسم ..
أنـه شنهي بغيرك أنتَ

أرخص بلياك ريل ..
واكبر بـ عين الخلگ كلما تفز سچه لـ ودادك

#جواد_زغير ❤

تهت گد ما بـ روحي أعذار ،،
وين انت ،؟

نشدت أوجوه ما تعطش ،،
ولا بايگ فرحها الشوگ

گالوا ماهو يم گلبك

ولك حتى سرابك ضاع من عيني ،،
تعال و صوغني لـ ذنبك


جواد زغير

ولك من دون هاي الناس اهيسك حتى بالسكته

واجيسك بالبواچي أفيش

وألمك مشتهى بگلبي وأگلك هذا طعم الطيش


جواد زغير ⁦⁦♥️⁩