أنتَ يا أحلى المواسم ..
أنـه شنهي بغيرك أنتَ

أرخص بلياك ريل ...
واكبر بـ عين الخلگ كلما تفز سچه لودادك




جواد زغير

أمناطر من ؟
چبير الثار ،
والوادم رضت تسكت

مليت أتاني الفرح
يل فرگتك تعويد

شو ما طلع بـ السما
وجهك وگالوا عيد ،؟



جواد زغير 🤍

ليلة عيد ..
ما جابت اهلال العيد روحتكم ،، صدگ كلفه
عفيه اهلال ..
وين أدري گبل لا ينولد يطفه ..؟



جواد زغير

يـ المغنيك بعيوني ..
ثگل دمعي وتمنيتك

لا تستثگل الجيه ..
أنه لو لاگي چف يگودني لـ عيناك چا جيتك


جواد زغير

انه سجني مواعيدي الـ تهت منها



جواد زغير

أنه بگلبي حچي أيبچيك

حچي أيرخصني و أيغليك


جواد زغير

شنهي ضلته الـ لا حزن يندل هواه

أو.لا بخت بالگاع يوميله بـ وطن



جواد زغير

تعثر بالمري عيونك ،
وما تلگاك ،

چا گلبك بيا ديره ؟!

وحزن منّ ؟ هذا الـ بعينك

يـ مصلوب بگفى المجفين ،
كافي أتبيع عشرينك


جواد زغير

أمس عفتك نده اعله الجام ،
ياهو الجاس طولك شمس واتبديت ؟

وياهو الباگ من عمرك ،
ومثل الجندي المصوب حزن رديت ؟


جواد زغير

يـ ما تندل ،
أمسافر وين ؟
يا غربه أشتهت روحك ؟

يـ كادود التعب ريض ،
ولك بسك أدلي الملح بـ جروحك


جواد زغير

.
.
جواد زغير ♥

الك غنيت ،

حسبالي العطش يرسمني بعيونك ،
مطر غافي بـ حضن جامه

الك طشيت عمري أنذور ،

محد طبگ شباچي بـ عذر منك ،
وگلي الدمع ما يرهم لـ خزامه

جواد زغير 💔

تلاگينا بـ هلا ودمعه ،
وتفارگنا بلايه اعذار

أموادع موت ،
محد يدري شنهي الصار

جواد زغير ♥

المتنبي يصف لوعة اللقاء بعد عناء...

‏فلم أرَ بدرًا ضاحكًا قبلَ وجهها
‏ولم تَرَ قَبلي ميّتًا يتكلمُ

أفضل اهداء قرأته للأديب السعودي صالح العييري

شنهي الدنيا تلتم ما أتصير أضماد ؟

چا هيَ الجروح أعناد ؟

جواد زغير 💔