Самарқанд шаҳар “Дўстлик уйи” биносида.
Олий Мажлис ҳузуридаги фуқаролик жамияти институтларини қўллаб-қувватлаш жамоат фонди Самарқанд вилояти бўлими, Вилоят Адлия бошқармаси, ЎзННТМА вилоят ҳудудий бўлинмаси билан ҳамкорлигида ўқув семинар ўтказилди.

Ўқув семинарда ННТларига “Ҳомийлик тўғрисида”ги Қонунга киритилган ўзгартириш ва қўшимчаларни амалиётга татбиқ этиш бўйича чора-тадбирлар режаси ва Ўзбекистон Республикаси Президентининг 2024 йил 28 августдаги “Фуқаролик жамияти институтларини давлат томонидан қўллаб-қувватлаш тизимини янада такомиллаштириш чора-тадбирлари тўғрисида”ги ПФ-124-сон Фармони ижросини таъминлаш мақсадида, эълон қилинган давлат гранти ва давлат ижтимоий буюртмаси танловларида иштирок этиш учун ngo.gov.uz платформасидан фойдаланиш тартиби ва шартлари тўғрисида маълумотлар берилди.
Семинарда Вилоят Солиқ, Статистика, Прокуратура бошқармалари, Самарқанд шаҳар маъмурий суди, ННТлари вакиллари иштирок этди, якунида ННТларининг муаммолари ва мурожаатлари тингланди.

📚 “Samarqand tarixi” kitobining taqdimoti o'tkazildi

Bugun Samarqand davlat pedagogika instituti faollar zalida “18-oktabr – Samarqand shahri kuni” munosabati bilan mazkur institut jamoasi tashabbusi bilan Turkiyaning yetakchi oliy ta’lim muassasalaridan biri — Ordu universiteti dotsenti Murat Özkanning “Samarqand tarixi” nomli kitobi taqdimoti bo‘lib o‘tadi.

O'tkazilgan ma’naviy-ma’rifiy tadbirda Respublika Ma'naviyat va ma'rifat markazi viloyat bo'limi rahbari X.Kubayev, institut rektori Sh.Negmatova, Samarqand shahar Nuroniy jamg'armasi rahbari X.Nurullayev hamda talaba-yoshlar ishtirok etishdi.

Tadbirda so'z olganlar, mazkur kitob tarixi va undan joy olgan Samarqand shahri haqidagi qimmatli ma'lumotlar to'g'risida yig'ilganlarga batafsil ma'lumotlar berishdi.

@SamTvr