18-oktabr — "Samarqand shahri kuni"

1996-yilning 18-oktabr kuni Sohibqiron Amir Temurning 660 yillik yubileyida Samarqand shahri «Amir Temur» ordeni bilan taqdirlangan va 18-oktabr — "Samarqand shahar kuni", deb belgilangan edi. Shundan buyon ushbu kun viloyatda keng nishonlanib kelinadi.

Olamga yuz tutgan, kelajakka bo‘y cho‘zgan Samarqand bugun ham bayram og‘ushida.

Erta tongdan bayram tadbirlari Sohibqiron Amir Temur maqbarasini ziyorat qilish bilan boshlanadi. O‘tgan buyuk ajdodlarimiz ruhiga bag‘ishlab Qur’on tilovat qilinadi.

Shundan so‘ng viloyat va shahar hokimlari, harbiylar, huquq-tartibot idoralari hamda keng jamoatchilik vakillari tomonidan Sohibqiron Amir Temur haykali poyiga gul qo‘yildi.

Sana munosabati bilan bayram tadbirlari Samarqand shahrining barcha go‘shalarida davom etmoqda.

➖➖➖➖➖➖
⏭️ @Samarkandnews_uz

SAMARQAND SHAHRI KUNI MUBORAK BO‘LSIN!

Aziz hamshaharlar va go‘zal Samarqandning mehribon mehmonlari!

Siz, azizlarni 18-oktabr – “Samarqand shahri kuni” bilan chin qalbimdan tabriklayman!

Buyuk tarix va betakror madaniyatga ega shahrimiz bugun ham yuksalish va gullab-yashnash yo‘lida izchil qadam tashlamoqda. Bu borada samarqandliklarning mehnati, fidokorligi va jonajon yurtimizga bo‘lgan muhabbati alohida e’tirofga loyiq.

Samarqand asrlar davomida ilm-fan, ma’rifat, madaniyat va hunarmandchilik markazi sifatida dunyo ahlini maftun etib kelgan. Bugun esa u – yashil va zamonaviy shahar, xalqlar do‘stligi hamda tinchlik ramzi sifatida yanada yuksak nufuzga ega bo‘lmoqda.

Qadrli do‘stlar, siz bilan birgalikda bizning aziz shahrimizni yanada obod, farovon va nurli kelajak sari yetaklash hammamizning muqaddas burchimizdir.

Shahrimiz ayyomi barchangizga muborak bo‘lsin!

Fazliddin UMAROV,
Samarqand shahar hokimi.

➖➖➖➖➖➖
⏭️ @Samarkandnews_uz

18-oktabr — "Samarqand shahri kuni" bayrami munosabati bilan Amir Temur haykali poyiga viloyat va shahar jamoatchiligi ishtirokida gul qoʻyildi.

➖➖➖➖➖➖
⏭️ @Samarkandnews_uz